小甜谷 (已結業)

今晚係天后食完飯，諗住買甜品返屋企食，咪走去大坑入面嘅小甜谷囉! 去到見到無乜人，左諗右諗，叫左一個咖啡三重奏同埋一個凍北海道牛乳薑汁燉蛋。跟住，有一個瘦瘦哋紥馬尾嘅阿姐，响雪櫃攞左一碗燉蛋出嚟，跟住倒落個外賣碗度，點知一倒散晒! 咁阿姐就將碗燉蛋倒左佢，然後阿姐佢竟然用水喉水清返乾淨個膠碗就咁放一個新嘅燉蛋落去一個濕嘅膠碗度.....但係我見已經倒了一個燉蛋，如果唔要又好似好浪費! 咁我就帶左呢個燉蛋返屋企啦.....點知返到屋企，打開碗燉蛋，一樣散晒。算啦! 好味就得啦....點知一羮"畢"落去....原來係蛋水唔緊要! 我再照食吓啦.....真係唔得....我怕聽日返唔到工....算....我倒左佢.....呢個故事話左比我知，如果你請左一個拿西阿姐....你啲嘢食幾好食都無用啦!

吃過「民聲」之後，太座想起了附近著名的「小甜谷」，奈何肚子容量有限，想食嘅嘢又咁多，「以有涯隨無涯，殆矣」。所以都係打包回家，稍作休息之後再吃。此店以選用北海道牛乳、十五年陳皮作招徠，於是筆者叫了一客牛乳燉蛋白($23)，太座則選了楊枝甘露，另加一客芒果糯米滋。燉蛋白入口不是十分滑，不過蛋味及牛乳味都幾濃郁。口感不滑，非戰之罪，可能與外賣而非堂食有關，燉蛋攤凍之後蛋白變老，故有鞋口感；楊枝甘露除了一般材料如西柚、芒果外，還加入楊桃，所以有黃有綠，有心思。但同樣入口感覺普通，材料略嫌少咗啲；芒果糯米滋則是普通貨色，難言有什麼出眾之處。這次試食只算係輕嚐淺嚼而已，日後當必認真試一試。

尋晚食完飯之後, 坐朋友車落大坑, 為既係去試試谷祖林開既甜品屋, 小甜谷食間甜品屋只係一間百多尺既小店, 坐位廿幾個左右, 餐牌比較簡單, 只有字, 無相, 我地三個人食咗楊枝甘露, 宮廷桂花糕同特濃牛乳燉蛋白我自己係食牛乳燉蛋白, 用一個小圓杯裝住香滑的燉蛋白, 好好味呢, 牛奶的味道好特別, 很甜, 甜得嚟幾香, 唔係一般牛奶公司的牛奶味, 食完皮膚都滑啲, 哈哈!試咗一啖桂花糕, 有紅早的香味, 之前喺糖朝都食過, 味道同佢差唔多, 都係幾清新既口味! 甜品幾有特色, 份量都唔係大大碗, 而係注重精至既感覺, 啱我地呢類女仔食

夜晚十點幾, 店舖卻坐滿人, 相信食物同名氣有很大關係!北海道紅豆豆腐花$20 (紅豆未夠軟, 豆腐花選擇左凍,可能因此比較鞋)熱杏仁茶豆腐花就好味喎! 兩樣+埋是又香又滑。:荔枝奶凍,賣晒特濃牛乳燉蛋白, 好濃奶味少少蘇!芒果糯米糍唔掂, 發記貴但就好好味!都幾抵食既...份量大大碗味道幾啦! 相比發記平d但就發記好味d

一心揸車去食mango奶凍, 去到全場 full晒, 要等, 無問題, 我同一個粉紅色製服的阿姐講 2位, 佢望都唔望我, keep on 入單, 跟住話: 阻你一陣...3分鐘後明明有張2人枱, 我再同佢講我地 2位, 佢再一次望都唔望我, keep on 入單, 再話: 阻你一陣...跟住行開。跟住有一pair情侶到左, 橙色製服(係樓下張相嗰個) 啱啱行到門口, 情侶同佢講2位, 就咁比佢地 入左張2人枱, 我同橙色製服講我地到先, 佢話: 係呀? 就走左去, 完全無唔好意思or arrange 過另一張枱比我地的意思, 我再問粉紅色製服的阿姐why比佢地入先, 佢同我講: 你地9個, 我點比枱你? 我話:我地2個呀! 佢先話: 哦, 咁你坐嗰張. 大佬, 我同你講我2位, 你望都唔望我, 基本禮貌都無; 你地入座arrangement 錯左, 一d唔好意思都無講真, 個mango奶凍真係唔錯, 食到奶的香味, 唔似其他鋪頭得個甜字, 但mango 唔係好夠味, 可能因為唔"當做", 但食得出有心思。但dessert 唔係necessity, 我食dessert 係想開開心心啫

頭先一心去小甜谷食下個(鄧)奶，之前食過一次也算好味，到達果到約12:25分，果時先知佢地收一點，咪唸住看看menu想下有嘜好食，一野叫晒，食完就走啦，ng通(左)住人地收工呀？但坐低NG夠二秒，以下呢個無禮貌的肥妹，就只是好黑口黑面+串話: 其它人都埋晒單，快D叫啦！嘩~~自已心想算啦算啦~~~不過點到點左個(鄧)奶，點知~~個奶黎到勁失望！可能佢地太想收工啦，唉~~不是(鄧)奶！是杯熱奶水呀!!總之好失望！

聽說谷德昭個姪谷祖琳在大坑開了甜品店, 專程去了試試夜晚十二點, 店舖所在地都比較靜, 位置不是在大街, 唔易搵, 不過雖然係咁, 店內卻坐滿人, 相信同名氣有很大關係!楊枝甘露做得別緻, 喜歡爽口的清心丸加上綠色的不知名生果, 像楊桃, 味道不會太甜, 有一點優雅感覺吃罷再駛車到銅鑼灣消遣去

因為是明星開及好多宣傳便來這裡一試。特濃牛乳燉蛋白($23)：好香濃的牛奶及很滑的蛋白，這個甜品在冬天食會很好，但一定要在店來坐，不可以坐店外。蕃薯糖水($16)：等了十多分鐘才送到，一到便有很香的薑味，但一食就好辣呀，一d蕃薯味都沒有呀，食到一半我們都是要放棄了。在這裡開業，只有明星開才會有這麼多人來食的。

如果唔係佢既名氣, 可能我都唔會去食, 因為最近實在太多人提小甜谷了, 谷祖琳開的一間甜品店子...睇完餐牌, 覺得個名" 特濃牛乳燉旦白" 幾特別, 於是叫左一客嚟試吓..$23, 唔平, 味道係... 好濃既牛奶味, 有少少蘇, 其實係幾香既味, 唔知係唔係d牛奶成本好貴, 廿三蚊好似貴左少少..如果同無名氣既甜品舖比較, 其實佢俾到我既感覺係.. 有d唔抵..

幾個人叫左芝麻糊, 豆腐花, 荔枝奶凍, 燉蛋白, 桂花酒瓖丸子荔枝奶凍同燉蛋白都ok既...好濃奶味, 食完之後勁耐都仲feel到陣味留係咀度芝麻糊好水...講唔上係"糊"豆腐花唔滑桂花酒瓖丸子好淡都幾抵食既...份量幾多下...但係我寧願好味但份量少d見到谷祖琳同倪震!!呢個就係明星效應...

來到大坑，怎會不來試試近來大熱的糖水店？即使肚子仍舊很飽，我們逛了一圈就來了。著男友點特濃牛乳燉蛋白($23)，我就選了北海道紅豆豆腐花($20)。店子很旺，不過我們也不需等很久就可以吃了。北海道紅豆豆腐花︰是比較大的一碗，紅豆大粒飽滿，但我嫌太甜了。豆腐花沒有驚喜，不太滑也不難吃。特濃牛乳燉蛋白︰由於我不好這味，於是就由男友來試味。他的評價是不甚特別，也不覺得這裡選用了牛奶特別香濃。我倆吃完都覺得不過不失，可能是期望太高？

吃完車仔麵,當然要朝派一下谷祖琳的甜品店小甜谷,因為一早已經想試一下細JOE的奶......料理。吃飯前來打探過,兩點前仍然是"準備中",吃完飯再來已經是"營業中"。店的坐位不多,很容易就滿座,牆上掛了很多明星的照片,跟本就是做宣傳,不過我就是很愛看,反正食物要時間準備一下,跟男友一起討論一下照片食物就到了。特濃北海道牛奶燉蛋白($20)很滑也很有奶味。北海道紅豆豆腐花($23)紅豆得做很有水準,綿綿的甜甜的,浪漫一點說就是很初戀的感覺。豆腐花不知是有心還是無意,味道比較淡,紅豆鋪在豆腐花上就已經很好吃。

說真的, 是因為明星開, 我才會咁隔蹝都來試一試牆上面放了很多明星的相,有的扮侍應, 有的擺post, 充分利用了明星的宣傳價值, 未食之前, 已經有一種期待的感覺了味道才是最重要, 吃了一啖楊枝甘露, 放心了, 不會只是似住係明星而任意妄為, 味道是可以的, 最大的分別是加了像布林肉的生果, 口感比滿記等店清新可人一些..環境不會嘈吵, 是吃甜品的一種享受, 矛盾地希望生意不要過份好, 讓我吃得更放鬆

食完越南野,其實已經好飽,但想同朋友傾下計,未黎過哩間人氣店,黎試一試,未到9點,唔算多人,由於我唔鍾意食奶類的製品,咁就叫左2個杏仁茶豆腐花,杏仁汁淋上豆腐花上,杏仁味濃同香,唔太甜,好味!(睇雜誌話用龍王杏黎磨汁!!),餐牌仲有其他凍品,下次再試!

由山頂的仙境回到現實, 在金鍾, 大家要決一決定去向. 朋友建議下, 介紹下, 就決定利用此難得機會, 去大坑尋訪這名星甜品屋.其實甜品的選擇不是太過特別, 看來亦不是過份突出. 點下的牛奶燉蛋, 燉蛋白. 好處是用了北海道牛奶. 所以出來的奶凍, 燉蛋都幾滑下.我叫了一碗椰汁雪蛤西米露. 雪蛤都幾多下. 椰汁就烯了少少, 甜品, 比較喜歡熱食, 所以感覺良好.另外朋友叫了一份杏仁蛋茶. 可笑的貌似麥皮........普通啦!