小王牛肉麵 (已結業)

今日入到元朗Yoho Mall，正當我同男朋友都諗唔到食咩好既時候，忽然經過小王牛肉麵，作為台灣美食愛好者，忍唔住坐低左叫左半筋半肉牛肉幼麵、滷肉鹽酥雞飯、手抓餅、珍珠奶茶，感覺還不錯，價廉物美，係有少少咸左啲，但整體尚算滿意，經濟實惠。

今日14:00嚟食，叫咗滷肉鹽酥雞飯、半筋半肉既牛肉粗麵、兩杯凍珍珠奶茶。先講個滷肉鹽酥雞飯，鹽酥雞味似台灣食既味道，夠香夠味夠滑，可惜比個炸漿破壞咗，炸漿撻粉太厚，令到咬落件雞時比塊炸漿擋住咁，好實，如果個炸漿整薄啲，口感一定好好多，唔會有咀既感覺。啲飯煮得唔夠淋，唔𡁻耐啲好易會胃痛嗰種；而個半筋半肉既牛肉麵，湯底幾香藥材味，但冇牛肉香味，牛肉夠淋，但唔夠牛肉味，牛筋完全冇牛味，只冇黏咀既感覺，碗牛肉麵完全唔合格；至於兩杯珍珠奶茶都唔合格，珍珠咬落去仲好實，係咪因為太趕時間去招呼客人，攪到唔夠時間煮淋啲飯、唔夠時間炆夠牛肉味、唔夠時間整淋啲珍珠呢？珍珠奶茶啲奶茶係冇茶香味，茶餐廳奶茶會好飲過佢，總體比較下，元朗士林會好食過小王。雖然今次啲食物唔合格，但有機會我都試下其他款食物，我鍾意食台灣嘢，期望餐廳食物質素會有進步。

早幾日去開元朗就去下新開既yoho mall,睇下有咩好食啦！好大行都行唔哂，但d野食都幾貴，比較之下就去左小王啦，叫左原味牛肉麵同鹽酥雞飯，鹽酥雞份量超大碟！當我男朋友食食下就黎食完碟飯既時候，先發覺點解d雞好似生生地咁既？仲粉紅色...同waiter講，最搞笑係佢話成日都係咁😂😂呆左！不過最後都佢都free左個飯就算啦

【Yoho Mall 商場延伸部分食記之 - 小王牛肉麵】 來自台灣高雄的過江龍 - 小王牛肉麵，分店越開越多，就連Yoho Mall 也進駐了一間。由於比同場其他的食店遲開張一步，門外又沒有貼出什麼告示，每次經過總會引來大家的好奇目光，究竟正式營業了沒？ 終於在商場的社交平台上得知開業的消息，平日的晚餐就選擇造訪一回。由於新開張，手機取位app未投入服務，雖然是採取先拿號碼後等位的制度，不過店前沒有設顯示叫號，大家都圍在店前等候，以致聚集的人潮不斷。 等候期間，乘機看看餐牌，計劃一下吃什麼。早在兩年前造訪過奧海城的分店，大概都知道有什麼內容。前後兩版紙的餐牌，牛肉麵、滷肉飯等名物是台菜的必備項目，另外還有台式涼菜、滷水小食、寶島風味的地道小菜等，當然少不了台式飲品的供應，由十數元起，最貴的都不過$70，切合台菜的大眾化價位。 一覽無遺的店面採用開放式，佔地不算大，靠走廊那邊的座位旁只有幾棵人造植物與等候的顧客遮隔，只是一樹之隔令人有點不自在呢，反而另一邊有落地窗的景觀，私隱度較高一點。裝潢不是走太濃厚的台灣風，以清新小品為主，門外擺放的黃色小型貨車，驟眼看反而帶點東南亞風情，跟其

yoho開左好多新食店，7點左右很多食店好多人，唯獨小王牛肉店內有空位，所以就選擇進去食，二人點了半筋半肉麵、排骨湯麵、滷水拼盤及蚵仔煎....半筋半肉麵:筋和肉都非常硬又無味，最終只食哂麵便算，幸好湯底不錯排骨湯麵:排骨乾到不能入口，湯底無味，食了兩啖，只能放棄滷水拼盤:豬耳及豬腸都ok，但雞翼就唔入味蚵仔煎:勝在夠熱，不過多粉少蠔其實食物唔好味都唔係最大問題，服務就真係不知所謂，我們二人食食下，大約食左45分鐘，食物還未食完，男侍應已不斷問要唔要，唔要就收，但我還食緊，問一次都算，5分鐘後，另一女侍應再一次想收我還未食完的食物，我再說我仍食用中，我心諗發生什麼事，我還未食完，為何急於收我的食物，原因得一個"趕客走"，算吧，這些沒服務沒質素嘅店鋪，不會再有下次😡！

最近發現YOHO的小王牛肉麵已開張，熱愛台灣菜的我立刻跟友人試試。餐廳面積較小，我們被安排坐4-5人圓檯，不久便有人搭檯了。首先是原汁牛肉麵，有粗麵和幼麵供選擇，我們選了粗麵。份量適中，湯底散發陣陣藥材味，還看到杞子等，感覺足料，雖然是粗麵但也挺入味的呢。釀無骨雞翼-味道咸咸的，吃不出用了什麼醃料，但肉質尚算軟滑，但下次來不會再點。蚵仔煎- 覺得比較像港式蠔餅，比起台灣吃到的蚵仔煎，這裡的粉比較多、比較脆口，但台灣的比較Q，而醬汁是淋在蚵仔煎上面，這裡的則是另外沾著吃。台南肉醬茄子 - 非常油的一道菜，份量還可以，也挺入味的，不過肉醬可以再多一點。已經點了去冰但味道還是較淡。珍珠奶茶-友人說珍珠太淋，有點失望。總結: 可能期望太大，整體感覺平平無奇，整餐最滿意是牛肉麵，其他都沒太大驚喜，飲品更是有點OVERPRICED，縱觀元朗那麼多台式餐廳，以較便宜的價錢，可以吃到更美味的食物，我想小王牛肉麵應該加把勁了，不過多一家餐廳，多個選擇，未嘗不是一件好事。

今餐食咗半肉半筋飯同麵，同飲咗一杯香芋珍珠 只係可以講啲肉同筋 完全唔入味，仲食到有雪味，飯就硬嘅， 面就冇咬口嘅， 背香芋珍珠飲唔到有奶味，又飲唔到有芋頭味，淨係飲到有甜味， 而且杯嘢飲係唔凍嘅，好似沖咗出嚟冇人要 ，放咗幾個鐘，到我再點嘅時間就加番啲冰落去再畀我，所以淡茂茂。啲位又逼逼澀澀，我要坐喺兩張，梳化中間條罅度就連坐喺我哋隔離嘅一對夫婦，都竟然異口同聲話啲嘢唔好食， 佢哋仲慘，等一碗半筋半肉牛肉麵等咗半個鐘。簡單一句，唔使錢都唔會再食佢， 真係沒有最差只有更差。