1
2
3
港鐵元朗站 H 出口, 步行約8分鐘 繼續閱讀
所有分店 (8)
電話號碼
26569388
營業時間
今日營業
11:30-22:30
星期一至日
11:30-22:30
付款方式
現金
其他資料
自帶酒水
外賣服務
加一服務費
室外座位
食評 (8)
等級5 2017-09-01
712 瀏覽
【Yoho Mall 商場延伸部分食記之 - 小王牛肉麵】 來自台灣高雄的過江龍 - 小王牛肉麵,分店越開越多,就連Yoho Mall 也進駐了一間。由於比同場其他的食店遲開張一步,門外又沒有貼出什麼告示,每次經過總會引來大家的好奇目光,究竟正式營業了沒? 終於在商場的社交平台上得知開業的消息,平日的晚餐就選擇造訪一回。由於新開張,手機取位app未投入服務,雖然是採取先拿號碼後等位的制度,不過店前沒有設顯示叫號,大家都圍在店前等候,以致聚集的人潮不斷。 等候期間,乘機看看餐牌,計劃一下吃什麼。早在兩年前造訪過奧海城的分店,大概都知道有什麼內容。前後兩版紙的餐牌,牛肉麵、滷肉飯等名物是台菜的必備項目,另外還有台式涼菜、滷水小食、寶島風味的地道小菜等,當然少不了台式飲品的供應,由十數元起,最貴的都不過$70,切合台菜的大眾化價位。 一覽無遺的店面採用開放式,佔地不算大,靠走廊那邊的座位旁只有幾棵人造植物與等候的顧客遮隔,只是一樹之隔令人有點不自在呢,反而另一邊有落地窗的景觀,私隱度較高一點。裝潢不是走太濃厚的台灣風,以清新小品為主,門外擺放的黃色小型貨車,驟眼看反而帶點東南亞風情,跟其他分店的風格截然不同。 層架上的壺底油、豆醬等調味都是用上台灣品牌呢! 大概等了15分鐘就可入座,落單後5分鐘食物便陸續送到,到來的速度也挺快。半筋半肉麵 $58牛肉麵恍如跟台灣劃上等號般。牛肉麵一般用上牛筋、牛腩、牛展等位置,而半筋半肉麵是不錯的雙拼選擇。牛筋牛肉加起來有4、5條之多,份量看上不錯,也足夠二人分享。 半筋即是牛筋,口感爽滑彈牙而非軟腍,入口帶嚼勁,滿口的膠質感。 半肉是牛腩位,小王主要取牛胸骨內側的肉,聽說每隻牛只有約一公斤這位置,而這位置紋路分明,煮過後肉質嫩滑,和半筋配合,而且連帶少許脂肪筋膜,也挺入味不錯。 除牛肉外,麵條跟湯底都很重要,台式牛肉麵分紅燒及清燉兩種,這兒的是接近紅燒,加入八角、甘草、桂子、川芎、當歸等十幾種藥材香料熬製。湯底味道甘甜,帶濃濃的藥味,雖然不嗆,但酸菜加得甚為多,令酸感上升,變得鹹重,失掉平衡,吃到一半已感口渴了。 麵條方面可選擇粗麵、幼麵,選擇了幼麵,麵質帶點軟糯,不至糊狀的爛,不過掛湯力倒是不錯。雖然不及於台灣吃到的牛肉麵那麼美味,不過小王這碗也算不過不失吧。 台式肉燥鹽酥雞扒飯 $65鹽酥雞是繼牛肉麵後必點的台式地道主食。 肉燥是肉碎狀,適中的肥瘦比例,恰如其分的調味,鹹香帶蒜味,偏甜的台南風,跟飯粒伴勻後,肉燥的香氣入口相融黏合。飯的份量挺多,反而滷汁顯得不夠,未能令飯粒均勻染色,單靠肉燥的濃郁味來伴飯,有點乾身。 鹽酥雞雖然沒有金黃的效果,但也炸得很香脆,一點也不油膩,相當惹味香口,夾起皮肉不易散開,雞肉未算有很多肉汁,不過也挺入味,只是雞皮上的椒鹽加得頗重手,令每口吃下味精的感覺。 滷蛋 $20吃肉燥飯不少得要來隻滷水蛋相伴,不過肉燥飯中沒有這項預設,需要另行點上。 單從價錢上看,比日式拉麵店的糖心蛋定價還要貴,其實一碟有兩隻開邊蛋,$10一隻也算合理。從蛋白的色水上看,就知道滷得透徹入味,蛋香不錯,伴上滷汁不多的米飯吃,可大口大口地扒下。 吃台灣美食自不然很想喝一口珍珠奶茶,可惜跟奶茶和凍飲要絕緣了!新開張期間結帳只接受現金,緊記帶備足夠銀両啊! 古早味的正宗程度可能不及兩小時機程外的台灣本土店出產,不過當元朗同區另一家以台食為主打的名店水準有每況愈下的情況,當想吃台式風味晚飯的時候,在望梅止渴下,小王這過江龍還是值得一試,可是商場內有太多選擇,再來也許非短期內的事,除非不用等位又另作考慮吧! 繼續閱讀
(以上食評乃用戶個人意見 , 並不代表OpenRice之觀點。)
今日早左少少番到元朗,7點前番到又喺形點嘅站落車,無理由唔入商場繼續試新野嘅!今日心血來潮想食台式野,於是去左小王牛肉麵。平日嘅7點前到當然係唔洗等位直入。呢間台式餐廳都幾多款式,睇到我眼都花,選擇困難症又發作喇!最後兩個人每人叫左三樣野食,肉鬆皮蛋豆腐、半筋半肉牛肉麵以及台式肉燥鹽酥雞扒飯。肉鬆皮蛋豆腐有大量嘅肉鬆,遮住晒皮蛋同埋豆腐。呢一味一定要撈埋一齊食先好食,要將佢變成一pat野咁先為之正,每一啖都要有齊皮蛋、肉鬆同埋豆腐先得。呢味簡單野當然輕鬆過關,味道亦都唔錯。再嚟半筋半肉牛肉麵都算係幾多餸,唔洗搵嚟搵去先見到。湯底都幾濃不過又唔會過鹹,麵唔會太淋,係台式野嘅味道,牛腩同埋牛筋都好淋,唔錯。至於台式肉燥鹽酥雞扒飯都幾台式bor。通常台式野嘅雞扒都幾大塊,而且佢擺得幾整齊,望落賣相都唔錯啊。雞扒唔會炸得好乾,又唔會太鹹配埋肉燥飯好台式。呢度上菜都算快,比起元朗另一間出名嘅台式麵亦都坐得舒服d,得閒轉下口味試下新野都幾奶,有競爭先有進步嘛! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-27
69 瀏覽
今日入到元朗Yoho Mall,正當我同男朋友都諗唔到食咩好既時候,忽然經過小王牛肉麵,作為台灣美食愛好者,忍唔住坐低左叫左半筋半肉牛肉幼麵、滷肉鹽酥雞飯、手抓餅、珍珠奶茶,感覺還不錯,價廉物美,係有少少咸左啲,但整體尚算滿意,經濟實惠。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-10
130 瀏覽
今日14:00嚟食,叫咗滷肉鹽酥雞飯、半筋半肉既牛肉粗麵、兩杯凍珍珠奶茶。先講個滷肉鹽酥雞飯,鹽酥雞味似台灣食既味道,夠香夠味夠滑,可惜比個炸漿破壞咗,炸漿撻粉太厚,令到咬落件雞時比塊炸漿擋住咁,好實,如果個炸漿整薄啲,口感一定好好多,唔會有咀既感覺。啲飯煮得唔夠淋,唔𡁻耐啲好易會胃痛嗰種;而個半筋半肉既牛肉麵,湯底幾香藥材味,但冇牛肉香味,牛肉夠淋,但唔夠牛肉味,牛筋完全冇牛味,只冇黏咀既感覺,碗牛肉麵完全唔合格;至於兩杯珍珠奶茶都唔合格,珍珠咬落去仲好實,係咪因為太趕時間去招呼客人,攪到唔夠時間煮淋啲飯、唔夠時間炆夠牛肉味、唔夠時間整淋啲珍珠呢?珍珠奶茶啲奶茶係冇茶香味,茶餐廳奶茶會好飲過佢,總體比較下,元朗士林會好食過小王。雖然今次啲食物唔合格,但有機會我都試下其他款食物,我鍾意食台灣嘢,期望餐廳食物質素會有進步。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-30
154 瀏覽
早幾日去開元朗就去下新開既yoho mall,睇下有咩好食啦!好大行都行唔哂,但d野食都幾貴,比較之下就去左小王啦,叫左原味牛肉麵同鹽酥雞飯,鹽酥雞份量超大碟!當我男朋友食食下就黎食完碟飯既時候,先發覺點解d雞好似生生地咁既?仲粉紅色...同waiter講,最搞笑係佢話成日都係咁😂😂呆左!不過最後都佢都free左個飯就算啦 繼續閱讀
(以上食評乃用戶個人意見 , 並不代表OpenRice之觀點。)