小王牛肉麵 (已結業)

平安夜嘅lunch time，成個yoho都好多人，得呢間有位，其實之前食過其他分店都已經中過伏，但諗住求其食，所以都入咗嚟。叫咗個蚵仔大腸麵線午餐。嚟到係呢個樣👇🏻個盤非常污糟，仲有條葱隻蛋好乾，仲好似俾人咬咗啖個麵線無味，落好多胡椒粉同醋先食得落啲薑絲多到嚇死人，成碗嘢都唔係台式麵線個味唔知自己食緊咩如果大家有期望嘅話，千祈唔好嚟仲有杯無影相嘅珍珠奶茶，甜到不得了一次又一次，呢間小王都係無進步過

前陣子同朋友到呢間台式麵店食飯～雖然價格都有點點貴⋯但已是呢間商場來說是算是平點的餐廳呢～（都60幾70蚊嫁！）不過點都好～呢間店的雞排麵很不錯啊，雞排炸得剛剛好！外面超脆！入面肉質很嫩又多汁！而且應該是即叫即炸吧，當時都等了一會兒⋯～但真的很呢那份雞排！而且份量都不少啊～～～～～～～麵的口感都不錯，不太淋也不太硬，也是剛剛好的，而清湯味道都唔會太過濃，幾岩我地香港人的口味～而且坐的位置空間都不錯～唔會好迫～～

今日難得day off就同媽咪去左yoho行下，然後食返個下午茶😋小王牛肉麵我係九龍灣分店食過一次，印象中味道唔錯，但係座位比較狹窄，坐得唔太舒服。而yoho店係環境方面就好好多，座位寬闊舒適，完全冇壓迫感👍🏻令人可以坐耐d慢慢享受食物我地兩個都叫左半筋半肉麵，麵質有咬口，湯底濃郁有藥材味，牛筋夠淋！飲品方面，叫左凍蜂蜜冰茶同凍山楂冰茶蜂蜜冰茶味道ok，唔會太甜；但山渣冰茶就唔建議，試飲左一啖實在太酸😖總括黎講下午茶$47都算抵食！

一向嘅我都對食無要求，但係呢間嘢實在令我忍不住。首先，叫咗個牛肉麵，本身重口味嘅我，都覺得個湯底勁鹹，啲面又硬，牛又唔好食，完全唔入味。嘢飲方面，叫咗蜂蜜冰茶，一飲入口，實在令我太驚喜了！ 有一股濃烈的洗潔精味，真係寧願飲水。然後，講下個手抓餅，完全係一嚿嘢嚟，乜形狀都無，賣相極度差，而味道，似係啲焗住嘅濕毛巾味。最後，紅油炒手，得醋味，成嚿嘢勁林，肉唔似肉。朋友叫咗個滷肉鹵水豬手飯，豬手普普通通，飯有小小硬。不過有個鹽焗蚵仔係幾好食。

源自高雄嘅小王，在台灣頗有名氣，香港亦已有9間分店，聽講牛肉麵唔錯，當然要黎踩踩場啦半筋半肉麵 - 男友選了牛骨湯底，清湯黎講湯底算幾濃郁。半筋半肉入口有嚼勁，比較淡身嘅牛味，份量亦唔算多，呢個價錢我覺得係可以接受嘅。而湯底可自選粗或幼面身及湯底（白胡椒/牛骨）。🍴鹽酥雞扒飯 - 外皮炸得香脆不肥膩，保留到肉汁但非常咁熱氣。肉燥飯只用少量肥肉，所以導致入口不夠順及欠油香，但相對黎講屬比較健康之選。食物質素就合格啦🌟另外值得一讚嘅係，留意到店會請聾啞人士做侍應，都算係半個良心企業，可以支持一下嘅

半筋半肉牛肉麵、我每次來都必叫的菜，食過一次後，真的愛上了，價錢雖然比另外的牛肉麵館高，但有水準，其他菜式方面都非常好味，所以我都做了回頭客，這一次是因爲同事gathering 而來，多人吃可以多叫多款菜

牛頸珍味面$128今次試了比普通牛肉麵貴一倍的牛頸珍味麵，湯一如以往帶順口的藥材味，牛頸肉則以燉盅另上，相比起燜至嫩滑的牛𦟌肉，四大塊字典般厚的牛頸肉會讓人覺得有一點點鞋口(但可以咬得開），牛味極濃，燉盅裡基本已不是牛肉湯，而是牛肉汁了，基本上以汁送麵已感受到牛肉精華所在，貴得有道理。一口鹽酥雞$30很怕吃調味過於重手的鹽酥雞，呢個炸得鬆脆而鹹香適中，吃得過癮😋😋而且唔貴，性價比十分高的一個小食。

環境：⭐️⭐️⭐️店舖環境整潔，但坐位甚逼，沒有空間可言，因太嘈吵，很難與朋友邊食邊傾談，如果想慢食享受，不是一個好選擇！食物：⭐️⭐️⭐️⭐️手工牛肉麵有不同的粗幼及靭度選擇，湯底亦有糊椒白湯同原味牛肉湯麵底選擇，有辣有唔辣，適合不同人的口味，配菜方面亦有芫茜、酸菜、香蔥同時菜，而且多少亦可預先選定，非常貼心！整體來說，牛肉不靭麵有口感，湯底亦很濃！小食方面，釀雞翼味道不錯，皮很香脆！至於飲品菠籮冰是非常值得推介，單看賣相已經贏晒，超值回本之選！服務：⭐️⭐️⭐️待應工作態度有點慢，最攪笑是埋單簽卡時待應俾支鉛筆我簽單，問佢仍然不覺有問題！可能是第一天返工吧！😅😅😅註：⭐️⭐️⭐️⭐️⭐️五星為最高分，⭐️一星為最低分

很久之前曾在屯門VCity 食過一次，今日路過形點1期商場想搵簡單d嘅1人食，選擇真係唔太多😅就在二樓見到小王牛肉麵，旁邊食肆全部要等位，而它不用，那就在這裏食。喜歡食牛嘅我當然揀牛肉麵啦🤣🔸原汁牛肉麵(原味牛骨湯) $55台灣手工麵條可揀粗幼度及軟硬程度(4級選擇)，配菜4款及湯底2款任君選擇，👏🏻👏🏻麵條有咬牙，初頭食的三塊牛肉非常腍，用筷子🥢夾可輕鬆分開，但最後兩塊就沒有那麼軟，要用點力咬開。總括來説，不過不失😅

點了半筋半腩麵，湯味濃郁不會太咸，牛肉有肥瘦適中，但筋就有點兒硬，可以改善一吓。跟餐點了杯山渣冰茶，很有山楂味但味道偏淡，愛清淡人仕應該會幾鍾意。最有驚喜係個紅油抄手，足料之如又不會太辣，適合我呢啲怕辣既人

放假當然要瞓到自然醒啦，出門打算搵啲嘢食再出去行街。我跟男友就打算近近地喺YOHO搵啲嘢食先，見到小王無乜人又有下午茶餐就進店食了。其實這家分店早半年前食過一次，感覺不過不失才決定再食。怎料到，質素差了很多。我跟男友都點了蚵仔麵線，另外點多一份肉鬆皮蛋豆腐。蚵仔麵線先上，豆腐即無落單，要重點🤦🏽‍♀️先講味道，比半年前差了很多，味道跟之前不同了。豆腐的賣相，可以說是無美感可言；但味道不過不失，始終都係簡單菜餚吧。希望食物質素有待改善，因為試過其他分店都還好的。

真心難食嘅一餐 除左餐廳嗰部牆嘅design幾靚外 其他野係完全唔掂❌❌❌我食呢碗半筋半肉幼麵 $58首先個「原汁牛肉湯底」太咸 食完口乾到不得了。然後佢個menu比人揀啲酸菜、芫茜、蔥要「多」、「少」、「正常」定「走」，但根本唔會理你揀乜 碗碗配料份量都一樣。我點左少酸菜同我同行友人嘅多酸菜係一樣份量。呢個涼拌茄子先經典賣相差 而且味道奇酸 好似變壞左咁 我食左一舊就算 好難食！！！😡😡😡除左野食難食 計錢又要經本人提醒先計啱 問野又唔識答 應該唔會有下次

約左個舊同事見面傾計，想搵個方便就腳，靜靜地，又唔趕人走嘅餐廳，再加上我地唔想食西餐，真係有d難度🤔終於搵左呢間小王牛肉麵，喺yoho mall入面，落電梯下幾分鐘就到西鐵站，非常就腳，Good👍餐廳幾光猛乾淨，座位有d迫,但有d暗角位匿埋傾計都幾好，門口有架黃色單車放醬料，幾吸睛👀服務態度都唔錯，有笑容，又會講解下點落單，麵嘅選擇等等👍只可惜，食物好差🙄我地2個分別叫左半筋半肉麵，牛腩麵，麻醬拌黃瓜， 鹽酥骰子豆腐， 川椒皮蛋，手抓餅，玫瑰柚子茶，柑桔鮮檸檬綠茶。先黎麻醬拌黃瓜，d瓜係角切，大到不得了，面上淋上胡麻醬，咬落青瓜香甜爽脆，配上麻醬好滋味，不過相信返屋企自己整都好好食。牛腩麵黎到，同事問左豬究竟點左乜野食?舊牛腩好似未煮過?唔係order左多芫荽咩？得2條嘅......面對呢d科學都解釋唔到嘅問題，豬只好將d舊貌似未煮嘅牛腩深深咁插入熱湯入面，好讓熱湯嘅餘溫慢慢煮熟牛腩......試下d湯，唔可以話冇味，但真係得d醬油味，但又唔係鹹😑再試返d牛腩，成塊冇味肉乾咁，韌到不得了，嚼到咬骹都軟。到同事嘅半筋半腩，冇豬咁中伏，佢要多酸菜真係有多嘅，筋相對黎講叫好，但個湯都一樣咁淡

Yoho 小王 差到🤬🤬麵線 水還水 麵還麵個小食 魷魚鬚 微微暖都算連出名的雞扒麵😡😩張相果一塊 已經係第二個塊第一塊一上枱呆左完全係下午買唔哂炸完又炸 黑到呢⋯⋯條邊都炸到乾乾脆脆柴皮咁仲好似張一塊雞扒開兩塊咁食左一口完全接受唔到 叫佢換過已經好聲好氣同佢地講 唔該炸一塊，呢塊硬到食唔到唔駛1分鐘即刻出個一塊俾我就係圖中果塊😑一睇就知又係炸完又炸唔知炸左幾多次㗎啦啱啱炸出嚟嗰啲雞扒邊係咁㗎平時食開沙田同屯門嗰間係即刻炸即刻切入邊嗰D肉唔會係黑色咖囉！食過冇數次小王 呢間真係差到呢！仲有見到門口 水吧位沖野飲果條友沖個杯奶蓋綠茶淋完d奶蓋上杯野飲面有啲奶蓋出咗界係杯邊，佢用隻手指抹走都算仲要將抹咗係手嘅奶蓋選手指舔返佢🙄杯野仲要係出比客人飲好核突😫墊雞扒果舊木黑得滯 你地自己睇下嘢好差又唔衛生絕對唔會再食

個店舖名叫牛肉麵，當然對佢嘅牛肉同麵有一定期望，就試吓佢所謂半斤半肉粗麵，個牛肉完全無味😨 d麵並唔係彈牙，係用硬嚟形容，衰過我自已整嘅麵條 ( 我自己間中都會整比自己及屋企人食 ) , 個湯係有肉骨茶味嘅湯，但又唔係令你覺得沾上麵度係會有好效果，整體呢個半斤肉麵我唔會再食，但隔離枱見有人叫炸朱扒麵，個麵嘅湯都唔係我呢隻湯，好似幾靚，有機會會試。另外叫咗個酸菜豬腸，都過得去，手抓餅都無乜好講，同我喺超市買星加坡出嘅無乜分別