小火焰韓式咖啡廳 (觀點中心) (已結業)

近年來，紫薯成為大熱食材之一！ 喜歡紫薯美食也會留意一下哪裡嚐到紫薯出品！上個月，我在網站見到一些紫薯美食相片，查看之下，原來是 <小火焰韓式咖啡餐廳> 出品！ 一於找個週末到訪！觀點中心正是位於 APM 附近，向牛頭角方向行前些小的璃幕牆商業大廈，連接一條藍色天橋，樓下入口有好幾間財務公司賣廣告，附有扶手電梯直上一樓，上到一樓見到南洋商業銀行對面！玻璃門推入去，見到一間咖啡店 ，對面就是 <小火焰韓式咖啡餐廳>！地方闊落，設有卡位坐得鬆動舒適！玻璃透光，份外光猛醒神！ 店內多部電視梅花間竹播放 K pop MTV 及韓式美食； 韓國少男少女組合，拍攝認真，畫面很吸引！ 充滿活力！令人看到目不轉睛！打開餐牌，比預期平！而且選擇及款式都多元化！供應：沙律、刀切麵、冷麵、伴飯、炒飯、人參雞、年糕、炸雞、豬手、甜品...等！就算是星期六，都有午餐供應，那就更划算嘞！自然吸引一家大細，年輕一族來幫襯！午餐：紫薯煙肉粟米比薩 $58當男店員送上桌子，即傳來一股撲鼻的香氣！主角紫薯卻被表面口味突出的配角芝士搶去風頭， 芝士味完全掩蓋了紫薯本身的香甜，濃厚的芝士還可以

晏就黎到，見到Lunch set 12:45pm前離座可享9折優惠，所以就去試下啦呢度真係一個好適合韓迷既地方😝韓國野食 仲有得睇住韓國mv送飯🎵🎵🎶泡菜炒飯芝士份量都幾多質地比較晞身，不過都能夠拉到絲嘅🙈而豬肋骨夠腍同入味加埋芝士就真係雙重享受😍唔食得辣既朋友都唔洗怕 因為呢個係唔辣咁濟架😂只系用黎調下味～刀切麵既韓醬反而就會有啲辣😛適合無辣不歡嘅朋友麵既質地有啲似扁意粉牛肋連少少筋位 好夠腍索埋啲汁食好唔錯👍🏻份量都好充足😆柚子茶不過不失算幾大杯 幾抵飲！而紅棗茶就蜂蜜味比較重紅棗味唔太出 所以有啲似蜜糖水🤔秋天飲都算滋潤

今天我和內地公司的同事阿到附近韓式餐廳"小火焰韓色咖啡餐廳" 吃午飯。餐廳環境舒適，還有播放着我最喜愛的Kpop music 和韓片。我們 叫了一個"泡菜豬五花肉拌韓式肉醬飯"，有韓式泡菜味道的五花腩肉，雖然有少少肥猪肉，感覺不油腻，煑得夠淋，小辣，份量都算多，又可用肉酱捞飯。我們還叫了一個"紫薯煙肉粟米比薩"，脆脆的pizza，香甜的紫薯配了煙肉及粟米， 味道層次分明，份量足夠一個人吃。還包埋2杯飲品。韓國蜂蜜生薑茶都吾洗加錢，又够薑。

拉絲芝士bb豬肋骨伴泡菜炒飯 $78.又一個好溜既芝士飯🙈賣相不錯 由其芝士既份量令芝士迷瘋狂❗️不過味道我覺得普普通通.豬肋骨不夠入味 咬落有d鞋 我覺得哩間既牛肋骨好食d 不過就有蘇味😓睇你點睇啦 冇錯芝士份量係好多 不過其實芝士味係淡淡的 不算太濃😕我覺得接受到既 冇咁溜嘛😕飯雖然砌得靚不過係淋身既 口感欠奉 但係有泡菜味既❗️.總括黎講哩個價錢哩個質素算係過得去 份量都較想像中多 賣相都好吸引下 但係味道其實唔韓😂但都可以試下既 要早d排隊溶岩芝士韓醬牛肋麵包 $108.又去觀塘揾野食 今次黎到好多人都話抵食既韓式餐廳❗️然後再食埋哩個平價芝士農夫包.好邪惡既晚餐 除了芝士就係芝士 用一個烘脆左既大包去裝芝士 然後插住六條牛肋骨🙋一開波更係拎條牛肋骨出黎品嚐下 個人覺得加埋個醬味道不錯 但係點解個醬係蕃茄肉醬味而唔係甜辣醬既⁉️美中不足係有少少蘇味.然後當然要切開個包黎食 千萬不要妄想好拉芝 因為好快就凍左邊左膠膠地 所以真係要襯熱食😂可惜真係太溜又咸 所以個包我係食唔晒😂其實仲有沙律懶健康伴碟咁.總括黎講係值得一試 哩個價錢算係親民👍🏻唔係話唔好食 但食完後我有排唔想食芝士 好似係😭

一班好友聚舊！當然要搵搵新意思啦！遇上一間幾有特色嘅韓式餐廳，雖然地點係觀塘有小小吾就腳！但打開Mune，好多款式，真係吾試吾得！韓國新高梨豬手沙律$68豬手夠入味同軟,份量夠3個人Shares!抵食又好味!然後叫左杯草莓蕃石榴熱情果梳打$45酸酸甜甜幾開胃！不過其實好大杯我就覺得兩個人飲岩岩好!開始進入戲肉啦!溶岩芝士炸雞麵包第一眼最吸引$108炸雞雞肉好滑入味吾油配搭芝士無敵麵包焗得好脆最後都可以點上芝士食！不過都係一大班人shares食會比較好!另外我點左個梨花酒藍青口忌廉汁年糕拉麵！呢個忌廉汁吾夠多梨花酒味吾太突出！不過$68都值得一試！最後當然吾少得甜品啦！😍😍近期周圍都興起紫薯，呢到都有紫薯雪花冰一上枱賣相好靚!食落去紫薯味十足，好冰凍，值回票價👏呢度上菜速度夠流暢,一直播放住韓國男女團MV,而且裝修都幾靚！岩曬一班人聚會

韓風一浪接一浪，韓劇漸漸退出之際美食反而愈做愈有。今日係附近上training, 早左放lunch break跟大隊追潮流。而家最hit韓國食物多數都係無營養又肥既炸雞呀芝士部隊鍋呀，所以呢間餐廳的lunch算比較健康，唔會係粗製濫造既垃圾食物*Lunch set價錢由$58 起，用呢個價位略食韓菜蠻合理的，如果日日食就會好肉赤。Menu上的食物中英對照甚少食韓菜既人，細心睇埋英文就可以估計食物的類型。例如湯麵都係靠英文名分辨出刀切麵的意粉版、湯麵版。健康既選擇有牛骨鍋配白飯或者以上我點既醬烤豬肋骨刀切麵。雖知牛骨鍋湯底應該好正，如果可以轉麵或年糕會更合香港人口味∼金屬碗加一個深深的湯匙，賣相非常韓式呢∼對刀切麵都係第一次接觸，本來以字面理解會以為類似山西刀削麵，原來係介乎扁烏冬同扁意粉中間既質感幾得意。碗中有三大件豬肋骨，又有泡菜芝麻蔥花點綴。豬肋骨用燒烤醬醃，因為少左酸味唔會搶，個人認為比美式bbq醬好。肉好冧，近骨位有少少脂肪更惹味。吃方面少少不方便啦，最好用紙巾包住以免鬆手。麵豉湯底都好濃厚，麵條掛湯唔飲湯都夠味*最後以一杯凍綠茶拿鐵作結，用半價轉既特飲。怕綠茶苦澀既呢杯就岩啦

朋友和我都愛周圍吃吃吃。今日又組團出發去觀塘「搵野食」登登登，上台被它的嚇親。大大一個$138。起初以為整個都是蜜瓜。揭開原來只有肉眼睇到的部分是蜜瓜，即是半個而已。內裡是滿滿的牛奶冰加十數顆芝士粒。牛奶冰沒什麼味，要好用心才嘗到牛奶味。芝士粒是意大利芝士餅迷你版，外層可可粉加忌廉芝士。吃落都算香口。刀工不太好。忘了拍芝士粒。蜜瓜很甜，即使牛奶冰加了煉奶，再吃蜜瓜仍很甜。但是蜜瓜不太熟，邊邊位還是生的。蜜瓜味道不錯，但是$138的價位說貴不貴，說便不便。因為這冰沒什麼特色，也可算是普通。Ok是給蜜瓜本身的。但值得一讚，員工很友善，我出了門口找廁所，他們追出來主動遞給我鎖匙，真是讚讚。別的正餐沒機會試，因為太飽了。

韓風近年熾熱不減,除左正宗韓燒外,新派既韓國餐廳都越開越多, 大部份都好有新鮮感早幾日去apm行街前就途徑一間韓式cafe，見有Lunch set，12點9前仲有折! 就入去試下新口味既然叫得韓式cafe就當然有fusion菜式一向都幾鐘意食年糕，所以就揀左個海明蝦蕃茄汁年糕拉麵. 拉麵其實係韓式即食麵,但就用煮意粉既煮法黎泡制，蕃茄汁唔會過酸, 帶甜味岩晒我，年糕夠煙韌女胖就點左個醬烤豬肋骨刀切麵 俾左碗我試,原來呢個仲好! 泡菜湯底夠辣, 刀切麵第一次食 口感幾爽豬肋骨折左後70蚊左右 餐飲仲有green tea latte揀 抵食啦明明已經夠晒飽 但為食既女胖都受唔住誘惑要食甜品佢揀左個士多啤梨雪花冰,又幾好味. 有士多啤梨醬同cream中和返, 連怕酸既我都覺得ok 見到隔黎枱 點左類似農夫包既物體都好吸引 下次要試下

見到杯紫薯沙冰,第一下反應就係覺得好大杯同好紫呀。但係飲落就覺得色素應該落左好多,因為紫薯味好淡,而且都幾多碎冰,好難啜黎飲。焗到香脆嘅農夫包裏面有五條牛肋串,仲有大量可以拉到絲嘅芝士。不過個醬與其話係韓式醬汁我反而覺得味道更加似西式嘅蕃茄醬味。牛肋肉煮得好淋好入味,一路捲着芝士食夠晒邪惡,唯一吾太好就係醬汁太多,食到最尾個包已經淋晒贖同吸收晒D醬汁所以有D咸。

韓國既邪惡芝士麵包已經傳到黎香港 依家都多左好多地方有得食~一串一串既牛肋插左係麵包中間 韓式辣醬既味道已經非常入味 而且煮到好冧 拎起牛肋串既時候 仲可以捲埋d芝士一齊食 邪惡指數爆登；切開個脆卜卜既農夫包 可以點入面既蕃茄汁一齊食 雖然好大個 但食下食下就會食唒 因為真係好好味真露係韓國最出名既米酒 但係除左就咁飲之外 原來仲可以用黎煮湯煮青口！仲用一個酒壺裝住 同用韓國既酒杯做碗 真係玩味十足青口大概有十二隻左右 隻隻都幾大隻又連殼 ；而湯底就係真露加上甜甜既無花果 翠玉瓜 洋蔥同三色椒 蔬果既甜味同埋青口既鮮味落唒去個湯！ 反而米酒既味道經過烹煮之後只係淨番少少既酒味 淡淡既酒味同鮮甜既湯 的確係很不錯炒年糕當然係韓食既必食菜式啦 佢既辣係辣得黎偏甜既 加左翠肉瓜等等既蔬菜落去 不過年糕再煮冧d就好d 而重點既柚子蜜糖雞翼的確係冇令人失望 柚子蜜既味道唔單單只係得雞皮有 連入面既肉都非常入味 甜甜地又帶少少柚子既澀味 而且4隻雞翼都好大隻 抵食！

每次到觀塘取網購物品後，定必找個地方吃頓午餐才回公司上班。這次下車後，察覺對面大廈有韓式咖啡店進駐，儘管試一試吧。咖啡店利用開揚設計把自然光線帶進室內，非常愜意，慨歎今天怎麼不是我的假期呢。。。除了內面的雅座，開揚的位置也設置小圓桌，來進餐或歎咖啡的功能兩者兼備。紫薯Latte (升級半價，大約十多元)沈實的紙杯設計，來裝一個文青模樣吧！一組組的波浪紋除了美觀外，也能起隔熱和防手滑的作用。紫薯latte以鮮奶作基底，奶泡佔五份之一恰到好處。添加的紫薯粉應該不錯，味道自然不過甜。或者是紫薯的關係，缺點是喝到一半就滯了，或者餐廳可以給予蓋子外帶。拉絲芝士雞中翼泡菜炒飯 ($68)數到韓國的新寵兒怎不能不提芝士呢？即使焗製需時，下單後約十分鐘就有飯吃，迎合上班一族湊緊的生活節奏。以原隻大鐵獲上枱，餘溫令芝士一直保持拉絲。雞翼有四隻，包裹的是韓式酸甜醬。珍珠米的炒飯粒粒分明，建議起初不妨把芝士拌入炒飯中，把拉絲的效果發揮至極點。炒飯中的泡菜就不是太足夠，只有兩三小片未能好好品嚐。芝士旁是忌廉白汁，配粟米不錯。一點多的peak hour 近乎 full house，想慢慢歎就要提早到，早吃更有優

因為韓風實太勁停不了，我地又要去食新野，我地放左工去因為咁岩係觀糖收工，好特別的名字小火焰韓式咖啡餐廳個MENU 封面韓英中文，真係好韓國感覺，睇下食物係咪都係韓國FEEL同味道先拉絲芝士牛肋骨伴泡菜炒飯，泡菜飯好特別，D 芝士真係超濃郁，香噴噴熱辣辣撈埋D飯食加埋栗米好吃啊，三條牛肋骨大小適中梨花酒藍青口忌廉汁年糕拉麵，好清香酒味，做法幾特別年糕加拉麵，仲要有青口，忌廉汁清香淡，唔會過濃，份量剛好， 配合梨花酒唔錯唔錯飲品都好吸引，草莓蕃石榴熱情果梳打靚靚酒杯放左個塑膠製品在杯邊，係用來放支梳打倒落去，覺得自己在扮做調酒師好好飲！梳打有氣，微有果香，可惜太冰凍，飲到頭都痛紫薯雪花冰好浪漫既紫色，有雪糕，賣相好吸引紫薯味香而甜，不過加雪花冰一起食時就減輕了甜度，沙冰真係超涼爽極呢間餐廳不錯，菜式創新幾得意，真係有CAFE 既感覺，雖然唔係傳統西式餐廳，但都係另一休閒好地方

星期六係觀塘諗住早d食lunch 避開人潮 途經觀點中心發現一間新韓式甜品cafe 裝修得靚靚就去試下Cafe裝左好多部大電視 一路播住K-pop MV 一路show餐廳有咩好野食坐低發現原來lunch set 12點9前有discount果然係早起的鳥兒有虫吃唔駛怕多人等位之餘 仲有得平二話不說一人揀左一個set醬烤BB豬肋骨刀切麵 好味道 湯底有泡菜同其他配料 夠辣 岩晒我同小胖男友竟然一碗有三件豬肋骨 份量頗多真露海明蝦蕃茄汁年糕拉麵 賣相似足蕃茄意粉 但實情係韓式拉麵黎 混合年糕黎煮幾特別跟餐既Mocha食完兩個set已經夠晒飽 但見到呢間甜品cafe有好多甜品選擇 仲樣樣都好精緻吸:唔食埋甜品實在對唔住自己本身想order心太軟 但店員姐姐推介我地食雪花冰 話部機係專程由韓國買返黎 所以就試下草莓迷醉雪花冰 好好味有別於港式既棉棉冰成碗佈滿酸酸甜甜既士多啤梨 再加埋d士多啤梨醬 太幸福

終於黎呢間開左一段時間喺觀塘嘅韓式cafe!!!!位置都方便, 由apm行過黎, 只需要5分鐘.喺餐廳對面有間coffe shop, 都好似好正甘, 下次試試先!!!豬手水梨沙律, 個汁好好味呀, 似係蜂蜜芥末味。做前菜一流!!! 有4片豬手肉, 都幾大片, 食完唔會覺得好"流"!!!芝士年糕五花肉拉面唔講唔會覺得佢係拉面, 會以為係pasta。有別於一般韓式拉面食法。幾特別!!!!等緊朋友黎到, 實在太肚餓, 叫左tea set.熱辣辣, 幾好味, 第一次食韓式豬手pizza。未見過/聽過呢個食法。配埋炸薯角, 一流!!!主角終於出場!!!! 個芝士包都幾大個, 4人食都食唔哂!!!! 啲芝士熱辣辣, 配埋炸雞一齊食, 勁正呀!!!好多芝士!!!! 就甘食個包都好味! 又脆又熱!!!4個人share食都食唔哂個包呀!!! 草莓熱情果梳打酸酸甜甜, 配埋芝士包食, 一流喺觀塘有間韓式cafe真唔錯! 可以約朋友仔黎呢度一邊食下芝士包, 一邊聽住kpop!!!

觀塘工廈區愈黎愈多餐廳，但好唔好食就真係一間間。呢晚黎到係觀點中心食新式韓國野，整體黎講，食物水準normal，純粹gimmick野未到好oustanding！Caesar Salad, 菜算新鮮，麵包粒都幾脆。真露無花果米漿酒煮藍青口 ，藍青口其實唔差，冇腥或雪藏味，如果你當佢係著通煮青口係ok既，但酒味真係完全唔覺有！溶岩芝士韓醬牛肋麵包，牛串既醬汁係蕃茄洋蔥底中和番芝士既滯，牛肋肉厚但一啲都唔韌，值得一讚；但整體芝士同醬汁都太少，唔係好夠沾麵包！