小火焰韓式咖啡廳 (觀點中心) (已結業)

見到杯紫薯沙冰,第一下反應就係覺得好大杯同好紫呀。但係飲落就覺得色素應該落左好多,因為紫薯味好淡,而且都幾多碎冰,好難啜黎飲。焗到香脆嘅農夫包裏面有五條牛肋串,仲有大量可以拉到絲嘅芝士。不過個醬與其話係韓式醬汁我反而覺得味道更加似西式嘅蕃茄醬味。牛肋肉煮得好淋好入味,一路捲着芝士食夠晒邪惡,唯一吾太好就係醬汁太多,食到最尾個包已經淋晒贖同吸收晒D醬汁所以有D咸。