小欖燒烤樂園 (已結業)

一大班人想bbq,但揀黎揀去都唔知去邊間,有人提議呢間不過上黎睇左食評又真係驚驚地......職員話呢度好,唔駛book位,我心諗,山長水遠去到,如果你冇位你死俾我睇去到見前面一大堆人排隊入都驚冇位,入到去見到差唔多full囉又講下d野食辣雞亦其實唔係好辣, 好味牛扒, 义燒好味,唔太肥,唔韌,醃得o岩o岩好丸類,腸仔一般,唔好食又唔難食, 不過硬係覺得有d臘腸味.....粟米唔好食,又唔甜,又唔俾牛油,so cheap麵包ok,不過要自己買牛油搽左先好味再講下d蜜糖,我覺得佢地係用好cheap的蜜糖加糖膠再加水開出黎既,有咩理由搽左上條腸仔度,再係咁易o係火上面"辣一辣",就會黐牙黐得咁犀利,連呢d都慳,不如唔好俾啦,收咁多錢,唔係咁呀?好彩自己另外帶左大蝦同烏頭去燒, really good~~d人話呢度d service超差,我就唔知,因為我地有男仔,攞野飲野食梗係叫佢地去所以我就冇受過氣囉至於廁所,我都盡量唔去,因為聞到出面好臭,但忍唔住都焗住要去,但入到去又反而冇咁臭, 好得意

今日同一大班人去到小欖燒烤樂園之前睇過openrice一d食評，本來都以為d服務會唔多好....點知都完全不是個回事，d職員d服務態度唔錯wo，都幾有禮貌wod食物好ok wo，沒有什麼雪味...我想可能只是燒唔熟....都幾好味不過今日就真係熱左d....就死la.....有冷氣就perfect la 整體都唔錯a

食好唔好唔緊要態度好不好緊要我只想給大家意見, 有車駕往的小心,車隨時被人畫花. 去了全港咁多燒烤場也不出事只有這個停車場要小心出事塔搭的士平過自己駕.

已經係第二次去燒野食, 但唔會有第三次.個日同男友去燒野食, 中途突然落雨, 眼見台台都有太陽遮唯獨我地個台無, 咪即刻出去搵個開爐職員問, 可唔可以同我地開把遮, 距好似愛理不理咁話, "一台一遮定左架啦, 唔會再俾" 我咪話:" 我個台無喎." 距好似唔信咁, 我即刻話, 麻煩你跟黎睇下. 返到去距竟然話, 咁你問隔離台借把囉, 跟住轉身走人! 眼見d雨越落越大, 我地於是自己將d食物搬入鐵棚區, 當時個區仲有成半吉位. 再叫另一個開爐職員同我地搬爐, 個個人又話,唔可以私自搬位, 我地咁樣唔會搬, 男友於是駁距, 又無遮又落雨, 你叫我地點燒呀?! 距先死死氣同我地搬爐. 距咁講擺明俾人串啦分野食d妹妹仔塊面又抹左炭咁黑口黑面. 問多兩句一係當聽唔到, 唔答, 一係就呼喝你......感覺上自己好似難民等分野食.

知道將會來"小欖燒烤樂園"前,我也有來openrice看看食評. 看見有很多食家也說,服務禮貌欠佳,今次我來到,特別留意這一點,是否真的那麼差. 答案-是全對的.記得我之前去過某西貢燒烤場,職員態度也不錯的,也有同我地有講有笑. 可能我之前去的,是比較小型的,比較warn一點.今次的場地比較大,總覺得職員也覺得每一個客人,多一個唔多,少一個唔少.在準備入場之前,職員也很大聲截住我向我說,"每位78,這邊比錢". 她的態度,真的覺得我好似唔比錢咁.(這一點,已經在我心目中扣了分)每位78元,任食及一罐飲品的.我和朋友們一起到達食物處取食物.但可惜食物不是自己任取的,是有職員分配的.但每一位職員都很像一個機械人,你要什麼就給你什麼,完全沒有笑容的面孔.食物也是普通化.最好味都是雞翼,好入味. 各種扒類也是不錯的,起碼不會韌.但其他丸類就真的細粒了.總括來說,食物是合格的,但職員的態度,就真的不合格了.

地方雖然大但食物質數唔掂呀!粟米無味都算，雞肉腸都竟然無味食物款色少，只有雞翼OK，其他都麻麻地。沙灘細，個VIEW好一般。

前幾日同朋友門黎欖燒野食$78 一個, $20 開爐費租有麻雀, $50, 不過環觀其他台既麻雀, 我地最早黎租, 但副牌最烏糟, 而且仲濕架添, 都未抹乾野食款式都ok 啦. 點都冇自己買料咁多款.但最正係煙肉, 估唔到可以咁好食d 雞扒個size 幾易叉, 我平時唔燒扒都燒左兩三塊其他料都冇咩特別, 好普通, 咁其實個個燒烤場都係咁, 魚蛋牛丸墨丸架啦, 都唔期望有其他當然如果有包心丸o個d 我會另眼相看, 可惜應該冇啦服務的確幾差下. d 男人坐o係門口冇著衫咁傾計, 勁奔放地講粗口, 不過都預左同埋都幾似坐監, 出去沙灘玩要o係隻手度給個印仔. 不過都無可厚非夜晚開始多人, 有個人嗌咪叫一台人"你訓醒未呀, 唔好再倒蜜糖落去啦"一方面我都覺得幾搞笑既, 但另一方面我覺得冇乜必要問人訓醒未就算冇粗口, 但聽落去都覺得好唔禮貌. 人地係唔岩, 但關人地訓醒未咩事呢.哩d 咁粗豪既工作人員, 同佢講多都晒氣, 亦都唔會變得友善.哩間好就好在冇時限, 由早燒到晚都得, 但未必會再黎下次試下元朗o個架有糖水架先.

今日(22-3-2009)慶祝小兒一歲生日, 一行15人去呢個燒烤樂園慶祝,幾年前去過都覺得幾好,但係今次真係印象難忘.下晝三點鐘在入口集合, 齊人就一齊入場.15個人當中有2個長者及1個小朋友, 入場時果位姐姐問要開幾多個爐,由於有15人, 所要選擇開兩個, 12個大人 即 $78 x 12，三個長者及小朋友 即 $50 x 3 ，再加每個爐 $20 即 $20 x 2，總數俾 $1126。收左飲品券及單據，睇過單上面寫既人數同爐數無錯就行入去，有個哥哥仔帶住個爐指定我地坐邊度，我地坐低左後，發現只得一個爐，就即刻話俾果個哥哥知我地訂左兩個爐，仲俾埋張收據佢睇，個哥哥話我地只係訂得一個爐，我地梗係話唔係，仲拿住張單上指住個2字俾佢睇，佢都話唔係，仲好大聲咁呼喝我地，完全好似監獄風雲D阿sir大聲喝罵犯人做呢樣果樣咁，佢叫我自己返去入口問清楚，我問佢係唔係要呼喝我，張單都寫著2個爐，點解要我去問清楚，點解唔係你自己去攪清楚，佢即刻以大大聲鬧我: "癡X線 ，我叫你去入口問o下阿!"，我即時問佢做乜要講粗口，做乜要用粗口鬧我，佢即時再回多一句: "癡X線 "，我地所有人都俾佢激到暈，我無

21/Feb(六), 下午入場時好攪笑.入場收費幾底星期一至五成人$78, 小童$50 另加開爐費$20但星期六/日/假期 成人$78, 小童$50 另加開爐費$20 (沒另加收費,幾好)入場己準備好D炭給客人,自己撰張台,跟著去食物部取野食,但一張台只比一個鐵盆,另要再取食物時一定要取頭先個盆去先得,否則佢地唔會比野你地食(我地局住要倒晒D食淨食物, 佢地可否改善下)有個食品都好多元化:牛排,豬排,雞柳,茄子,青椒,牛肉粒,雞全亦,雞中亦(但燒完後,縮水 ~.~),煙肉,獅子卷,香腸,貢丸,魚旦,豆卜,多春魚,紅腸,咖哩尤魚,芝士腸.如你地覺得唔夠, 佢地好歡迎你地自備食物入場(因唔駛佢地供應食物,梗好la)但係唔比你帶飲品入場 (但我同D frd各人帶支1L茶偷運入去,~~~~ 大成功~~~~)

班會旅行一行十多人去BBQ起初找車進去有點麻煩..約三點到步入場我們霸了四張桌兩個爐;D食物方面確實沒甚麼特別 中規中矩 唯燒賣特別奇怪不試也罷叉燒是最喜歡的!雞翼大小相差頗大 小得真的可如芝士腸一般要拿新一輪食物先要清掉盤內的食物 有少許不方便;P不過我覺得BBQ的食物都非重點場內有麻將租用五十元 另按金一百 至十一時才要歸還另場外有小沙灘一個 景色頗為優美 看日落最佳!;DD不過要出沙灘需由正門蓋印出外 再行五分鐘路程 沿途經過好臭的一條"河"~.~其實兜了個大圈 但捱過這段路就好了:>夜晚沙灘沒有任何照明 只能靠BBQ場的光線照過來不過一大班人在黯黑的海邊玩都幾正喎xd服務方面 不算好但亦不至於很差吧 至少我遇不到我們某幾個朋友去沙灘時爬圍欄過 沒蓋手印結果再入場是都只是問了幾句 也沒惡言相向...八十塊換一整天玩樂 算便宜啦!順帶一提 這個BBQ場交通算便利才兩三分鐘的路程就是巴士站 出荃灣很方便:>

成20人BBQ,又唔想搞,最好都係去燒烤樂園.我地今次選了小欖燒烤樂園,樂園serve的係大路食物,大部份係肉,唯一的菜有粟米,茄子,青椒,唯一的海產係多春魚,魷魚.e度無得加錢食豪d,亦無熟食醫住肚先.唔夠喉唯有帶食物入去.78伩任食包一支水同一罐野飲,但唔可以帶飲品入內.食物:所有肉都醃得入味,牛扒,豬扒,叉燒都ok.肉薄身幾好燒.金沙骨細細條,易燒易食,唔好食的有雞翼雪味太勁,芝士腸太羶,燒賣係食唔到,燒燒下d肉會"蓉"(碎),跳入火爐.菜雪過之後胗胗地,粟米唔係咁甜.成晚食物不斷refill,食極都有.服務:有n個唔方便同唔掂.例如食物同飲品分開放,食物要服務員分,服務員態度麻麻.個厠所濕漉漉,唔衛生等等.玩:同其他bbq場無大分別,都係有麻雀打,有海灘.環境: 成個場好大,比起附近另一個場有海灘當然好d,e度光線超不足,晚上打雀同bbq都有難度.總括上述各點,燒烤場d野唔係幾好食,服務唔係幾好,但勝在夠平夠方便,唔想搞一大餐都係會照去...

D Service 可以有口號， 唔聽，唔做，唔理，唔睬，淨係識開盧倒炭.做工頭一模一樣唔聽，唔做，唔理，唔睬，有投訴當無到.2008 12/31 除夕去, D Staff 個個包公上身.. 一係唔問，再問就串你 但好無point, 俾我地反串反就發恢氣玩收盧.. 不過仲好退錢唔洗燒，去左大欖好好多食物見到都想嘔，太多人污糟到爆。

同成班同學同班主任來BBQ~呢度雖則野食係okay...但員工態度真係好唔掂...佢d態度咁好令人難受我地來食野又一定要接觸到佢地d員工,但佢地就黑面...我地係下午1點去...如果話做到累就可以理解,剛剛開鋪只係......希望有待改善

我地因為人多又想比小朋友有得玩, 就決定去這裡試試. 其實食物款式都算多.但很可惜食物真係很難食.牛扒更加有"梅"味.可以放得太耐了.己經開始變壞的味道呢.比我唔會再去呢間.因為覺得真係唔掂.可能你地會話咁既價錢係咁架啦. 但應該唔會差成咁囉.

前幾日去幫襯，覺得呢度除左環境唔錯之外，食物同服務都強差人意。呢度價錢唔算特別平，要成$88一位，仲要收$30開爐費，但係食物質素只係一般，除左d雞扒好d之外，其他食物都只係麻麻地，特別係d雞中翼，真係細得好緊要呢！而且d款式又唔多，都係一般嘢。更加有問題嘅係佢d服務員的服務態度，對客人的禮貌欠佳，愛理不理的。此外，個廁所又黑又污糟，衛生都唔係咁好呢！總括而言，全港的自助燒烤場多的是，如果要搵價廉物美的，仲有大把選擇更加好呢！