小曼谷海鮮燒烤屋

營業中

休息中

今日黎到九龍城 筆者以前都係係距離喱到不遠既新蒲崗返工 所以都幾熟路架 係新蒲崗行下 行過黎食飯 又平又多選擇 九龍城最出名就係夠泰國菜食。今次就簡左喱間小曼谷dinner 啦～出面係好大個吹氣公仔 都幾顯眼 6點幾入到去以為會冇人 原來都已經坐左起碼5枱人客~ 平時食泰國菜次次都叫金邊粉豬頸肉。今次同朋友講好要試新野 叫左個咖哩軟殼蟹焗包 蟶子同埋半隻燒雞-餐牌上寫住係推介菜式架咖喱軟殻蟹超足料，一上到我同朋友都嘩嘩聲，超大份呀，淨係睇個包都覺得飽haha, 但係絕對唔係淨係得包，入面一筆落去已經有好多料，最難得係軟殻蟹脆得黎唔硬，點埋咖喱汁係超好吃～蟶子都冇令我地失望，雖然海鮮份量一定唔多，但喱碟蟶子啖啖肉，好鮮甜呀～上面既配料都好配合味道～不過，雖然平時一D都唔鐘意食雞，但今次最好吃的我覺得係燒雞，食燒雞最怕就係雞肉太乾，但喱到既燒雞，皮燒得剛剛好，有香味得來肉質保持嫩滑，醬汁酸酸甜甜，好開胃架，難怪係喱到既推介菜式，半隻雞兩個人食其實都有D太多～最好就係有多幾個朋友黎，可以試多幾樣菜啦

響九龍城絕對人人都聽過小曼谷，因為佢分店有好多間，今日終於的起心肝去試試。只是六點有多，鋪頭已經開始要搭枱，雖然座位係有啲迫，但見大家仍然食得咁開心一定有原因。牛油蟶子、燒烤雞翼、豬肉和粟米係我哋今晚要試嘅燒烤食品，牛油蟶子好食到不得了，濃濃的蒜蓉牛油味加上新鮮出爐的烤蟶子，最後灑上銀魚乾，絕對值得試。其餘幾樣只要你喜歡燒烤食物，無論味道同燒烤嘅真心程度絕對冇得輸，平日好多泰式餐廳嘅串燒扮烤但只係油炸，但小曼谷嘅燒烤食品你會食到一陣炭燒味，的確有誠意。

食咁多間泰國菜，呢間係少數食完想再食既餐廳，佢唔單止上菜速度快，仲要好好食。唔怪得佢門口咁多人排隊。食親泰國野，點生蝦係基本野啦，佢啲生蝦好大隻，好似厚切咁，肉質好結實，點辣醬食真心一流，我一口氣食曬我份量既3隻。🙃個燒雞有分全隻同半隻，兩個人既關係叫左半隻，原本都擔心會「鞋」，因為我地都鍾意食滑雞。黎到之後，唔可以話好滑，但佢烤乾左啲雞油，雞肉都仲keep到好嫩，點埋佢個辣汁，啲醬汁即刻比雞肉吸曬，無誇張，好好味🤤明爐魚只要蒸既時間岩岩好，魚夠新鮮，都好難整得難食，呢間佢兩樣都有🤤，加左青檸，成碟魚好清新，兩個人都清得曬🥰聽朋友講過，只有新鮮椰子既果肉先會易畢，呢間既椰子好易畢，係咪啫係好新鮮既意思🙃兩個女仔加一個白飯，食完唔會太飽，岩岩好，好滿足😋

好少會出九龍城食飯今日咁岩黎到就搵左呢間野食 一入到去就已經好有泰國風情裝修得唔錯 佢有分室內同埋室外座位 室外都有冷氣餐牌有好多選擇 兩個人黎食叫唔到好多野食所以多啲人黎食會好啲魷魚筒糯米飯好特別，我原本就鐘意食魷魚，佢將魷魚烤得好香，入面配埋糯米飯，口感唔錯，不過味道就可能唔夠，可以配埋佢既醬料一齊食呢個炒金邊粉一定要食，好正宗有泰國風味，份量夠多，入面有鮮蝦，豆腐等等既配菜，好豐富又好食因為見呢到既咖哩好出名，所以我地都叫左一碟咖哩炒虎蝦，佢仲有青咖哩可以選擇。咖哩味道真係唔錯，唔會好辣但又夠惹味。可以配埋薄餅或者蒜蓉包黎食啊，唔洗浪費左呢杯芒果沙冰有好濃芒果汁同埋芒果粒係入面，好滿足既味道泰式奶茶唔會好甜，不過咁岩去果時冇晒珍珠，如果唔係可以飲珍珠泰奶最黎兩個人食左$600幾，真係好飽好滿足

其實我地兩個都好長時間無專登搵泰國野食，今日係因為有野做要去九龍城，先會食泰國野。呢間小曼谷似曾相識，咁又係，好多泰國野都係咁嘅名，但我覺得呢間係最正嘅。一般泰國菜嘅裝修，都唔會話好逼狹，而且我地好早入座，當時都未係好多人。不過過左7點零，開始人多，始終係星期六，最好訂訂位就穩陣呢度嘅menu夠哂多選擇，小食好似蝦餅、春卷呢D都好好食；另外仲有沙律、串燒類，我地就多數點咖喱或者海鮮煲，兩個人食啱啱好。粉絲蝦煲好豐富，賣相吸引，餐牌寫到明4隻大蝦，蝦肉夠大隻，肉質食落都仲幾爽添，朋友都大讚夠入味。下面有好多粉絲，加少少蔥、香料炒，唔會好鹹，果然唔錯多數我朋友就點明爐魚，但佢今日話想食香辣汁筍殼魚，其實我第一次食咋，感覺唔錯喎。條魚炸過，所以外層好香脆，我地淋少少泰式酸辣汁上去，更加惹味。始終唔係蒸魚，魚肉會實淨D，送飯或者單食都唔錯，唔會太重口味。最後點左個炒菜，鐵板上熱辣辣，值得一讚係原本店員落錯單，上左另一款菜，佢地發現之後都立即幫我地改番同埋重新上。椰菜苗又嫩又爽口，加埋豬頸肉，一份餸有兩款野食，抵至於我食泰國野就一定會飲芒果沙冰，呢度算數一數二，因為芒果味好濃，完全唔假，勁香甜。

評語:今日一行14人去食泰國菜，我地訂左枱本來係講明要圓枱，但去到只係俾張長長的枱我們，真係討厭，傾偈都唔方便！但都冇辦法，冇理由依家轉地點，所以就有得佢了。等齊人後就睇睇餐牌有咩好食，見餐牌的食物好多花款，真係睇到人地眼花撩亂呀！但因為我地有十幾個人，睇隔離枱的碟頭唔係太大碟，所以每一款都要打雙份叫。等我講一講先！泰式生蝦刺身好新鮮，爽口，配埋個醬一流！👍串燒叫了牛，豬，雞，他切成一片片，口感唔夠，味道一般，冇乜特別！菠蘿炒飯飯夠乾身，面頭有幾片雞肉，旁邊有肉鬆伴碟，味道尚算好味！泰式拼盤有蝦餅，魚餅，春卷，味道可以，似是在外內賣回來，不是自已店內做的，所以冇乜特別。芝士蝦球芝士雖然唔多，但好似咬橡膠的感覺，如果冇芝士應該會好食好多！咖喱軟殼蟹啖啖肉，配有大大個麵包，咖喱汁香濃，送麵包一流！　值得推介！👍泰式無骨鳳爪，酸辣適中，好有泰國風味！咖喱青口，青口新鮮，大大隻，咖喱一樣香濃，都幾好食！炒雜菜，面頭好多菇，好足料，食落幾香，唔錯！泰式馬拉盞炒通菜，馬拉盞好夠味，通菜爽口！泰式馬拉盞炒椰菜苗，椰菜苗好嫰，爽口！泰式鹹魚炒椰菜苗，鹹魚好惹味，椰菜苗爽嫰！椰汁西米糕拼泰式千層糕，西米

▪️海鮮孖寶(牛油蒜蓉燒大蟶子+鹽燒鮑魚) ▪️$288蟶子上面鋪咗d蒜蓉，用牛油燒香，最後撒上脆嘅魚乾，但係味道係有d奇怪。牛油同d調味其實同蟶子唔太夾，估計係牛油唔係我地平時普遍市面嘅牛油，味道有d怪，恕我地唔太識欣賞啦。而#鮑魚 就調味燒完，再撒上脆魚乾，味道口感中規中矩。▫️泰式生蝦刺身▫️ $118黎到最好奇嘅#生蝦刺身 ，生蝦剝殻切開鋪係冰粒上面，每隻蝦上放咗一粒蒜頭同一粒辣椒，充滿挑戰精神嘅我地梗係試下食哂落肚😤食完個下以為冇事，但係吞咗過多幾秒，陣辣味爆出黎，哈哈😆生蝦嘅口感係處於唔算爽口又唔淋嘅程度，係幾得意嘅😬▪️泰式飛天炒通菜▪️ $79普通有咸有辣嘅炒通菜。▫️椰青波波▫️ $45椰青波波就係椰子去殼，成隻椰子嘅果肉可以全部食哂，椰汁冇雪藏味，清清甜甜。不過好似椰青波波係現成品，見到staff將包裝拆開，再拎黎俾我地🤭▪️原隻榴槤冰棒▪️ $28都係現成品，不過原粒榴連去核再整成雪條，真係幾好食，一次完成兩個願望🤩

自從搬屋之後都好耐無黎九龍城食泰國野喇！！超掛住今次揀左男朋友同同事食開既小曼谷～唔知weekend係咪會有駐唱呢？可惜今晚無～食泰國野點少得飲椰青同椰汁沙冰椰青好解渴，再清甜啲就perfect!沙冰打得夠幼細，椰香十足又唔會過甜Pad thai $88不嬲都鍾意食pad thai ，甜甜地，好開胃，乾濕度適中蝦都幾爽口彈牙，再多一兩隻就更加好。泰式豬頸肉沙律味道方面正常，值得讚既係佢既豬頸肉燒得啱啱好，推薦！泰皇咖哩炒海鮮超推薦  有蜆、大蝦、魷魚同青口，全部都大大隻，無煮過龍，口感極佳，食起黎除左有咖哩味之外仲有海鮮本身既鮮甜味，好正而且價錢又合理！咖哩唔辣，大人細路都啱食～食咖哩又點少得蒜蓉包上菜快，店員又會主動換碟，服務唔錯：）

好耐冇食泰國野，今日專登落九龍城食，揀左呢間都幾多人食嘅小曼谷，我地坐低時都未夠6點，都已經好多人，仲不停見到有客walk in，幾好生意。枱櫈都唔會太密，一般泰國菜館都差唔多。menu選擇非常多，由小食、沙律、前菜啊、串燒、海鮮、咖喱、飯等等果D都有。價錢唔算好平，但人多都ok嘅，唔會話好貴首先點左個粉絲蝦煲，非常豐富，見餐牌寫4隻，以為少左，原來大蝦藏左喺粉絲下面架，唔洗擔心蝦肉大隻，唔算好結實，勝在幾入味。底層嘅粉絲唔會好鹹，但個人鐘意D乾身嘅粉絲。另外點左個鐵板豬頸肉啫椰菜苗，食泰國野我地最鐘意椰菜苗，試左個鐵板，上枱熱辣辣，油份略多。椰菜苗幾嫩，而且索哂啲味，好濃。豬頸肉係有嘅，但份量唔多。平時多數食明爐魚，今日試下D唔同嘅野，揀左香辣汁筍殼魚，賣相都唔錯，面頭淋上泰式酸辣醬魚皮炸到好脆口，魚肉就稱唔上滑，不過唔會散收收，撈少少酸辣汁，都唔錯，但個人會比較鐘意明爐魚。呢度嘅飲品日正，我最鐘意芒果沙冰，好大杯，而且足料，芒果味濃郁，唔會甜椰椰，面頭仲放幾粒芒果肉，正

星期日的小曼谷坐無虛席，人氣依舊爆燈，最好預先訂位！芒果沙冰 ＄36來到小曼谷必點的芒果沙冰！賣相好靚呀！上面有新鮮芒果粒，下面的沙冰打得非常細滑。最重要係芒果味超級香濃！飲完透心涼，超級好飲！十分推介！青檸菠蘿沙冰 ＄36清新的青檸和菠蘿味，酸酸甜甜夠醒胃，味道充滿著泰式的感覺，正！明爐香檸汁蒸桂花魚＄248上碟時好震撼，因為條桂花魚真的好大條！下面用酒精膏Heat住，慢慢食都可以Keep住熱辣辣！桂花魚食得出係新鮮貨，肉質嫩滑，魚湯夠酸夠辣夠鮮之餘，又唔會搶去魚味，令人食指大動！配搭蒜蓉、香茅、南薑、辣椒、芫荽及青檸等材料煮成的酸辣魚湯，湯底香濃惹味，淨飲都覺得好正！大滿足呀！鐵板豬頸肉馬拉盞通菜 $89泰式通菜炒得夠獲氣！有辣椒，蒜粒等作調味，鹹香中帶少少辣，十分惹味！豬頸肉燒至外層微微焦脆，內裏充滿肉汁香，油香四溢！鐵板上菜可以令菜保持溫度！泰王咖喱炒海鮮 $238有兩隻巨型虎蝦、青口、鮮魷和大蜆，鮮甜美味！而且咖哩非常出色，椰漿和咖喱的比例調得剛好，更能夠提升海鮮鮮味，真的一流！

人人都知道九龍城係泰國餐廳嘅聚集地，想食泰國菜自自然然都會搵到黎呢度。小曼谷已經食過幾次，二對上一次已經係接近一年前，所以有少少掛住呢度嘅味道，經過呢間新舖見到有位，就入去喇🙂首先嗌左個《蟹肉雞絲魚肚羹》$112雖然就咁睇份量不大，但係好足料，勁多魚肚同雞絲，魚肚軟腍又入味，又帶點爽口。每啖都飲到蟹肉，蟹味都幾濃，唔會過咸，整體唔錯。《泰王咖喱炒海鮮》$238入面有大大隻虎蝦、大大隻青口、爽滑鮮魷，質素唔錯幾新鮮。而呢度既咖哩真係好出色，椰漿同咖喱嘅比例調得好好，唔會搶左咖哩既香味，結結地點蒜蓉包或者送飯真係一流，整體海鮮份量較少，性價比一般人。《明爐香檸汁蒸烏頭》$208呢條烏頭應該係食過之中最好味。酸辣味好夠，同時唔會嗆喉，以往食過好多都係酸味好弱，只食到辣味。烏頭好新鮮，肉質緊實，愈食愈開胃，好滿足啊！最後野飲方面嗌左個椰青$38，好清甜🥰好滿足！

小曼谷係九龍城食開泰菜，味道好，大碟又好食，裝修泰國特色，性價比高餐廳裝修有泰國風味，待應亦主動不停加水泰式安格斯牛扒安格斯牛扒燒到半熟，裏面帶鮮紅有油花而且脂肪同肉平均，入口牛味香濃軟屬，沾泰式醬好惹味，更添幾分泰國風味！旁邊有燒蕃茄仔，食完牛肉，再食一粒蕃茄特別fresh泰式豬手 豬手皮十分香脆而不是死鹹，外層香脆，皮下脂肪薄，內裏肉質嫩滑，加上泰式醬好惹味！旁邊蝦片好香脆泰式小食拼盤小食拼盤有炸蝦餅、炸魚餅、炸春卷和雞翼。特別喜歡蝦餅和魚餅。蝦餅鮮嫩彈牙魚餅帶有香草味好惹味泰式飲品好多款椰汁涼粉冰（左）青檸菠籮冰（右）

係泰國野, 去九龍城一定冇錯我估原因係因為九龍城泰國人多, 競爭又大所以一定要做得自己更好, 咁先有人去食今次同FD去就試下佢心水係太子道西既轉角位, 好易認D隻公仔幾正, 好似叫緊我地入去環境都幾乾淨, 又唔會太逼, 幾岩傾計椰青波波-$45成個椰青做成一個波波, 好考功夫, 岩晒我呢D懶人, 又想食椰肉, 又懶得去挖出黎, 椰肉好嫩, 椰汁清甜, 好飲榴槤沙冰-$45D個又係另一個必飲, 榴槤控一定好鐘意, 因為榴槤味超濃超香!泰皇咖哩炒海鮮-$238D個咖哩係超香, 係我最鐘意, 應該加左蛋去煮果隻咖哩, 而入面既海鮮係超多, 有墨魚, 大蝦, 青口, 蜆等等, 而大蝦一定係當中我的最愛, 又大又彈牙, 索左D咖哩汁係超好味的說極上燒安格斯西冷小排-$228原本我唔想叫D個, 覺得食泰國野叫牛有D奇怪, 但朋友極力介紹下我就試下, 食落係超正, 口感一流, 牛味濃, 而沾泰式汁只增添泰國味, 而且好夾, 令我完全改觀, 必食呀!明爐香檸汁蒸桂花-$248桂花魚少骨而嫩滑, 幾好, 而配個汁酸酸甜甜少少辣, 令你更開胃, 有越食越想食既感覺總結每道菜, 每樣飲品都令人喜出望外, 實

午餐同事推薦去呢度，人多有兩張好大張嘅卡位枱，有泰國裝飾，午餐選擇好多，落單食物好快到！去骨海南雞飯（$58）等咗好耐都到，最後追店員先到，轉了白飯，指定雞胸唔使加錢，白飯鬆軟，雞肉比較少，好在幾滑，點嘅醬偏甜唔辣，欠了點風味，整體好味熱咖啡（跟餐）明明講咗走糖走奶，來到都係加咗奶，仲同我講無加，飲落夠熱幾滑，其他朋友：泰式叉燒乾撈麵（$48）香葉肉碎燴飯（$48）泰式海鮮炒飯（$58）雞絲札肉湯金邊粉（$48）小曼谷炒米粉（$50）椰汁芒果糯米飯：龍眼冰：珍多冰：凍咖啡：店員有禮，追食物都即刻跟進！勤快有禮！午餐抵食

小曼谷愈做愈大，睇住佢由一間，到開分店，到重新裝修。。。(開始想當年)再開分店，可以係充滿泰菜館既地方站得住腳，就知佢幾受歡迎啦。Book左日平日同媽媽黎小曼谷海鮮燒烤屋，我覺得係九龍城幾間小曼谷最靚既。七點半，幾乎滿座。見到佢飲品list 有榴蓮沙冰，對眼已經發光。媽媽就叫左椰青波波。榴蓮沙冰真係太太太好味。冰凍綿滑，濃郁既榴蓮又唔會過甜，好似返左泰國咁🤪🤪🤪椰青波波我就玩過幾次啦(吹個波，吹呀大個波，吹大個波波玩波波) , 叫比媽媽試下，好清甜~兩個女人仔，今次冇叫咩澱粉質，我地決定食餸食飽佢。叫左個飛天通菜，燒羊架，蒜爆胡椒炒虎蝦，鹽燒馬友。落單個陣，因為媽媽唔太食得辣，問下個飛天通菜少辣得唔得，落單姐姐話走辣少辣咩到得，認真sweet 。個虎蝦一上枱真係wow 出黎，好似唔使錢既香矛同炸蒜，訓左四隻巨大既虎蝦，啖啖肉又彈牙。個羊架燒得好靚，又香又無騷味，表面醬料甜甜地，好食~最後既鹽燒馬友！揭開層皮，下面係香滑既魚肉~個肚塞滿香滿，配埋個泰式酸辣醬，食到乾乾淨淨🤤🤤🤤食咁多野，就算成餐飯都no carbs，都要捧住個肚走呀xd 臨走出面仲有人等位，真係好旺場，呢到個環境比一般泰