小曼谷海鮮燒烤屋

營業中

休息中

上週末泰國潑水節，無暇飛一轉泰國，唯有去小泰國九龍城感受一下氣氛，順道食泰菜。燒安格斯西冷牛排 - 牛排份量不少，燒至剛好，不會過熟，入口嫩滑不韌，肉味香濃，配上燒翠玉瓜和蕃茄，彷如小型燒烤。泰式粉絲焗虎蝦 - 四隻虎蝦大隻，並切邊去腸，夠貼心。加入了洋蔥，八角，少許豬頸肉和莞茜來煮，蝦及粉絲都十分入味。泰皇咖喱炒海鮮 - 勁大碟的咖喱海鮮，內有數隻虎蝦，青口，大蜆，魷魚，都很鮮味，咖喱很香但只是微辣，配麵包薄餅一流。椰青 - 食了不少惹味泰菜，飲返啖天然清甜的椰青最合適不過。有時想感受下泰國風情，可來小曼谷走一轉。

成日聽日講九龍城好多出名泰國菜餐廳，成條街都係泰菜餐廳，所以可以慢慢揀，岩睇先入去。尼間環境大，燈光足。我地5點半左右入座冇book位，太早，得我地一枱。叫左牛油蒜蓉燒青口($10X)，芥蘭炒豬頸肉($7X)，泰式燒牛仔骨($68)，油飯($18)，椰青($37)。青口有半打，全部都肥美大隻，冇燒到變乾。每隻青口上面，都有大量牛油蒜蓉，炸香過既魚乾仔，脆卜卜。而且牛油味好重，食得辣既朋友，可以加d甜辣醬一齊食。食海鮮預左貴，不過餐廳加埋其他配料一齊燒，就冇咁單調。除左芥蘭，仲有其他菜可以揀，亦都可以只係炒菜唔加餸，不過加豬頸肉都係貴幾蚊。芥蘭嫩身，而豬頸肉厚切入味，好過叫炭燒豬頸肉，因為尼碟又有菜又有肉。帶有少少辣。牛仔骨一碟有3件，燒完一d都唔乾身，仲好多肉汁，而且加左蜜糖燒，所以甜甜地。而且肉唔"鞋"口唔韌，難得。原本諗住叫椰青海鮮焗飯，點知侍應話冇，唯有點個油飯食。有白飯/油飯揀，油飯貴幾蚊。油飯粒粒分明，不過碗既外邊有d油，差d冼手。食開泰國菜都鍾意叫椰青飲，除左有椰子水可以飲，仲可以挖d椰子肉黎食，玩得又食得，亦可以解辣。整體，其他特色既泰國料理冇食到，所以唔可以講正唔正宗。

話說昨天已經喺九龍城吃咗一餐泰餐，但離開時又畀我哋發現咗呢間『小曼谷海鮮燒烤屋』。而泰餐，海鮮都係我鍾意的東西，因此，今日我和朋友再次來到九龍城。淨係睇menu，見D餸多到不得了，樣樣都吸引，都好想吃叫咗個牛油蒜蓉燒虎蝦，每份158蚊，有3大隻，如圖所見同個叉差不多咁長，師傳好有水準，一般燒嘅嘢會比較乾，但係今日吃到嘅蝦蝦味十足，仲好juice添，而勁多的蒜蓉同埋少少牛油令蝦更加滋味。而原隻鮮魷筒釀糯米飯就188蚊一份，真品同餐牌好相似，個叉又做咗主角啦，魷魚係瘦長型嘅，差不多两個叉嘅長度，真係吃得滿足又飽肚跟住出場嘅係明爐香檸汁蒸桂花魚，師傅用個爐『興』住，保持啲湯嘅熱力。而青檸片+辣椒片+蒜蓉嘅湯汁酸酸哋勁惹味開胃，桂花魚就好鮮，吃落滑瀝瀝，好正宗的泰式明爐魚。椰青波波好得意，拿出來時已小小穿窿，唔見波狀，反而似水牛芝士樣，但並不影響佢嘅口感，依然好清甜。芒果沙冰就好creamy

九龍城的泰國餐廳愈開愈多，競爭激烈，要突圍而出就要有吸引人之處。今日來到［小曼谷海鮮燒烤屋］餐廳環境夠大，而且當晚有駐場歌手表演氣氛幾好 因為太多人客，無影到室內相。招牌海南雞 $188 全隻 估唔到份量咁多，最後食唔哂要打包，建議大家叫半隻好喇雞本身大隻結實，雞皮薄脂肪少，肉質仍然保持嫩滑，加多碗油飯就剛剛好。明爐香檸汁蒸桂花魚 $248桂花魚用火爐保持溫度，令魚唔會凍左變腥。再加上大量薑蔥、青檸、肉碎，酸酸甜甜確實係幾開胃魚肉鮮甜滑溜，不過因為辣椒有些少辣，唔食辣既朋友記得要留意，可以叫另一款唔辣既！秘制豬手飯 $78去骨豬手煮得軟腍易咬，滷水汁入味但咸左少少，撈埋白飯食就好點。豬皮同肉份量平均，感覺唔會太油膩。另外叫左龍眼水&椰青，消暑又滋潤！

今晚同男朋友去咗九龍城嘅小曼谷食晚餐，相信好多人都唔陌生，但係今次去嘅系小曼谷海鮮燒烤店。入面同一般之前去過嘅小曼谷好唔同，佢嘅感覺會再年輕少少，因為佢入面有一個位係可以比一啲樂隊去表演。入正題講嘢食啦，叫咗個豬手，其實係純粹因為佢都講到話好脆，咁就即管試吓，估唔到真係非常香脆，就算擺咗好耐，食咗其他嘢先，再食佢，都仲係好脆， 好似食緊厚切嘅薯片咁，不過我哋兩個人食真係太大份啦，結果都唔係好食得晒。我哋仲叫咗一個青檸蒸桂花魚， 因為平時成日食烏頭，今次想試吓呢個桂花魚，個青檸汁真係非常開胃，條魚好嫩好滑，真係好值得試吓！最後我哋仲叫咗一個安格斯牛小排，但係估唔到一個咁西式嘅菜式，佢可以煮到咁有泰國風味，我覺得完全係因為個醬汁， 因為佢個醬汁係酸酸甜甜又有少少辣辣地，令到成個牛小排都好有泰國嘅感覺！非常值得推介！整體來講服務態度都好好，我哋買單嘅時候嗰個人仲問我地覺得啲嘢好唔好食，有冇咩要改善都可以講，其實我真係覺得好好食，同埋位置都坐得好舒服唔會逼，只要佢哋保持而家咁樣我覺得已經好美好啦！

每次坐車經過都會見到佢個橙色嘅特大公仔不停在招手，仿佛就是話：嚟啦嚟啦嚟啦！！今日終於就到時間來這間位於九龍城的〈小曼谷海鮮燒烤屋〉一嚐泰式風味。店內人氣非常，幸好剛有客人離坐我們才可以進內開飯現場還有band既live stage，相信假日的時候應該會有表演。餐牌仲有教大家簡單幾句泰文，學定下次去泰國一定用得著。有非常多招牌菜推介，樣樣都好吸引，真係眼花繚亂。〈小曼谷五星燒雞（半隻）〉最後點了小曼谷的招牌菜~五星燒雞！！燒得好乾爽，連同秘製嘅泰式酸辣汁一起登場，真係叫人口水直流。雖然只得半隻，但雞件非常厚肉，肉質嫩滑而不肥膩，而且醃得非常入味，外層又燒得乾爽夠香脆，怪不得是招牌的五星燒雞〈泰式鹹魚炒椰菜苗〉其實每次叫泰式鹹魚炒嘅菜式都會膽戰心驚，因為通常都會整到好鹹又好油。但幸好小曼谷把新鮮爽脆的椰菜苗處理得非常好，炒好後鹹度適中而且不會過油，只是略略的重口味，非常鹹香惹味。〈鮮芒蟹肉炒飯〉炒飯夠乾身清爽不油膩，配上清甜嘅芒果和絲絲嘅蟹肉，清新不飽滯。〈榴槤沙冰〉老公看見這個榴槤沙冰就已經即刻雙眼發光。滿滿嘅榴槤香非常奶滑香甜，隱隱透出椰青水的清甜，所以即使喝完一整杯也不會覺得飽滯。

九龍城泰國菜實在太多😂都五知食邊間好，所以見到門口有個公仔好得意吸引到我試吓🤣一入座已經見到好多人食，建議book咗位先😆種類好多，仲會教咪你泰文好搞笑😂極上燒安格斯西冷牛小排🌟肉質非常嫩滑多汁加上秘製汁酸酸甜甜好夾😋推介👍蒜爆胡椒炒虎蝦🌟虎蝦大隻食落彈牙爽口好夠鑊氣炒得好惹味😋牛油蒜蓉燒蟶孑🌟蟶子大隻又新鮮加埋個酸辣汁好開胃，榴槤沙冰🌟呢個真係好有驚喜🤩榴槤味好香超濃郁，就算啲冰融晒都五會淡,推介👍椰青🌟好清甜解渴，記得食埋椰青肉😋環境幾好，食物質素好高質👍下次會再嚟😄

作為一個由細到大都喺大西北長大既人，成日聽到自己一個住喺九龍城既朋友講，夜晚搵去邊道食飯真係好困難，係因為多餐廳到唔知點揀好，一落街就有好多好野食，特別係勁多泰國菜可以揀，其實我就真係好羨慕😔，我要搵間似樣d既餐廳都難。今晚我一於大鄉里出城，我朋友今晚帶左我一間好出名既泰國菜，真係好出色，食完直頭想搬黎九龍城住添。喺呢間小曼谷海鮮燒烤屋食飯感覺舒服自在，氣氛一流，仲有live show，勁有喺曼谷既感覺，好正。講番正題d野食先，首先一定要重點介紹既係呢碟安格斯燒西冷牛小排。喺泰國菜餐廳叫西餐既菜其實都幾特別，因為泰國菜多數都係食辣野，咖哩之類，但呢碟牛小排真係非常出色，燒得好香時間啱啱好，外脆內軟，肉汁香濃好重牛味，份量又算多，呢個我俾滿分！呢一碟係明爐香檸汁蒸桂花魚，呢個又係無得頂，桂花魚勁滑又彈牙，淡淡既清香帶有少少檸檬既香味最係去得泰國菜鋪，又點少得咖喱，叫左個泰皇咖喱法包軟殼蟹，軟殼蟹好香脆，咖喱香辣惹味，用黎送飯真係一種享受。另外仲兩兩杯椰皇沙冰同青檸沙冰，椰皇沙冰好香甜又透心涼，都好好味！

九龍城內有大大小小的泰國菜館，其中以這間小曼谷是我經常光顧的，因為食物味道好，款式又創新。今晚約七時到達，差不多爆滿，之後還要等位。秘製滷水豬手煲$148，這個豬手是吃泰國菜必點的其中一道菜。豬皮炆煮很軟腍，豬肉入味，再加上泰國辣椒🌶️魚露，就更加滋味。泰式咖喱炒虎蝦$238，虎蝦大大隻，肉質彈牙，而最好味就泰式咖喱，因為咖哩味道不會太濃，內𥚃還有青椒、雞蛋、紅椒、香芹等，原來泰式咖喱除了炒蟹，炒虎蝦也是非常突出。鹽燒馬友魚$198，馬友肉質鮮嫩，魚肚內的香料提鮮效果一流，配合泰式辣汁，三扒兩撥，就把全部魚肉吃完。泰式青檸梳打$36，青檸味道濃郁，最喜歡以這個飲料佐膳。青檸菠蘿沙冰$36，味道酸中帶少甜，吃泰國必備。

男朋友呢日帶我食泰國菜☺️呢間《小曼谷海鮮燒烤屋》係我成日撘車經過九龍城都會見到👀就係有個吹氣人形公仔不停向你招手嗰間💁🏻‍♂️餐廳環境原來好闊落，有室內室外座位，有駐場泰國歌手唱live，仲唱得幾好聽！氣氛舒適好relax🙆🏻Menu選擇多！樣樣睇落都好吸引😍⭐️椰青波波 HKD$45全個椰青完整起肉去皮去殼，插枝飲管就飲得，椰青水好清甜！滋潤解渴仲可以清熱，啱哂一陣準備食熱氣嘢嘅我地😂飲完仲可以直接食埋個椰肉👍🏻⭐️榴槤沙冰 HKD$45沙冰打得好幼細順滑，唔會飲到有冰粒，好creamy😋榴槤味好香濃，仲有啲榴槤肉喺面🤤⭐️極上燒安格斯西冷牛小排 HKD$228一上枱已經聞到好香嘅燒牛肉味，燒嘅火喉掌握得好，肉質保持嫩滑有彈性，入口油脂味甘香。⭐️泰王咖喱法包軟殼蟹 HKD$198咖哩味濃香，聞到都流哂口水，食落只有少少辣，怕辣嘅人都啱食。軟殼蟹份量唔少，炸得外脆內軟。法包鬆軟綿身，沾滿咖哩好惹味🤤⭐️蟹肉雞絲魚肚羹 HKD$112好足料嘅魚肚羹！味道有啲似碗仔翅👍🏻入面有大量肉絲，魚肚同蟹肉，落埋紅醋，更加鮮味！

由細到大都係九龍城讀書，同朋友聚會都好鍾意揀返呢度，因為好多嘢食，其中泰國菜當然係首選啦！小曼谷嘅本店都去過好多次，今次就試吓去新開嘅小曼谷海鮮燒烤屋，當日係星期日七點半入座，等左一陣就有位啦，我哋三個人買咗五樣嘢。原隻燒魷筒釀糯米飯，首先魷魚嘅size已經有返咁上下大隻，燒得好靚、乾身，釀喺入邊嘅糯米飯炒得夠香又夠棉，點埋佢比嘅酸辣汁真係好好食！另外一樣係安格斯燒西冷牛小排，去泰國菜地方就好少食牛扒，但佢都整得一樣出色，牛扒五成熟，肉質夠鮮嫩，仲有燒配菜鮮蕃茄同埋翠玉瓜。最後一樣係我嘅最愛秘製滷水豬手煲，佢隻豬手炆得好淋又夠入味，個滷水底非常之香，我嗌左個油飯再配埋啲菜，食差唔多食咗半煲。整體餐飯相當滿意，水準好穩定，場地方面座位坐得舒服過本店，而當晚咁啱有歌手駐場唱歌，氣氛好好，一定會再嚟！

餐廳位於九龍城， 係屬於九龍城區老字號的一間泰國餐廳， 附近也有分店。 但是我最愛還是太子道西這一家， 除了因為有落地大玻璃外， 逢週末也有駐場歌手即席表演， 一邊吃泰國菜一邊欣賞音樂， 絕對係週末最好的節目。泰脆炸豬手豬手製作需時因為即叫即炸，豬手皮脆肉嫩 .外皮炸焗得咸香酥脆，最重要係肥膏已經溶掉，外皮入口鬆化，骨膠源滿滿的；而且入面的豬手肉已全部起骨，啖啖肉完全合乎懶人原則。豬手肉肉質軟嫩，味道鹹香卻不膩，再加上特製的泰式醬汁，與及醃青瓜及蘿蔔等一齊食，可以提味之餘，仲可以減少豬手肥膩的感覺。泰式粉絲焗蝦煲上檯時以熱鍋上菜，夠晒熱辣辣 。粉絲與泰式香料同炒，加埋芹菜 芫茜 等，釋出惹味的香氣， 粉絲吸盡醬汁精華，惹味而不會熱氣。 翻一翻煲底，原來有四隻大蝦等緊我。大蝦已挑蝦腸，這點要讚！大蝦口感厚實，肉質具有彈性，營養和蛋白質豐富，一流!-原隻鮮魷筒釀糯米飯原隻鮮魷桶塞滿了糯米飯，再係魷筒搽上了泰式烤醬調味燒熟， 鮮魷筒燒得微焦香身 ，軟香彈牙，點上酸香的微信辣醬汁，更覺惹味。-原隻榴槤冰棒原隻由泰國直接入口， 貨真價實。榴槤冰棒食落有濃郁榴槤味， 如果唔講係冰棒，我仲以為係食緊

收工同男朋友去食好啲去九龍城食泰國嘢❤️去朝聖一下嚟到小曼谷食燒烤類泰菜👍👍👍兩個人唔算餓叫幾樣嘢食就算😎叫咗燒馬友魚🐟皮燒得好脆口！！咸咸地好入味魚肉好嫩口好滑👍👍👍點醬食酸酸甜甜好夾👯‍♀️叫咗一碟生蝦刺身蝦嘅肉質好彈牙好爽👍👍👍有辣椒同蒜擺喺上面加添味道但係男朋友唔識得辣食到流淚😂😂😂叫咗個菠蘿海鮮炒飯👍個飯真係炒得好靚粒粒分明😎😎😎好夠鑊氣一啖飯一啖食材海鮮都絕對唔hea🌸夾埋肉鬆好好食！！飲品有椰青波波勁得意🌸成隻椰子咁食🥥啲椰肉好甜入面全部都係鮮甜嘅椰子水👍👍👍好解渴另外叫咗正常椰青都係好鮮甜超解渴👍👍👍😊小結家人聚會係一個好選擇👍😍好食😊多選擇絕對唔失禮

小曼谷這個品牌，我已經光顧了很久，而這間分店是經常路過的，今晚終於訂了枱，來吃晚飯。差不多七點鐘，就已經人山人海，幸好訂了座位，不用等便可以入內。芒果沙冰$36，這個是每次光顧小曼谷都會點的飲品，因為沒有溝水，只用芒果和冰打碎。芒果味味道清甜，沒有一點酸味。👍青檸菠蘿沙冰$36，兩款帶酸味的水果混合在一起，產生了化學變化，令到我在吃泰國菜時，不自覺地一口一口地喝，是一個值得一試的飲品。小曼谷五星燒雞(一隻)$248，雞皮帶點焦香味而又不會燒焦，煙煙靱靭，極富有雞皮的香味。雞肉嫩滑，點些醬汁，更加好味。燒安格斯西冷牛小排$228，牛小排用炭火燒香後，牛肉味道更濃郁，如果可以㨂生熟成度更佳。明爐香檸汁蒸桂花魚$248，這個桂花魚是全晚驚喜所在，因為平常吃慣了明爐烏頭，都已經覺得不錯，今晚特意點了比較少地方，可以吃到的桂花魚。廚師用了我最喜愛的泰式青檸、蒜蓉和辣椒汁，來煮這個桂花魚，酸辣的汁滲進魚肉內，令到魚肉的鮮味更突出，結果三扒兩撥，就打這條有斤幾重的挂花魚秒殺了。

小曼谷係我每次想食泰菜時都會諗到的，食過幾次但都冇打食評，今次試左新野 決定紀錄下！泰式柚子沙律每次我都會點的， 因為蝦份量幾多， 而且蝦腸處理得很乾淨，蝦肉爽口。而柚子又不會有苦澀味，酸酸甜甜很開胃泰皇咖哩法包軟殻蟹平時我都習慣用烤餅配咖哩，但呢個法包很大 已經足夠吃了， 面包更好吸收咖哩汁，我同朋友整個食完個人很喜歡小曼谷的咖哩，不是只有辣味/椰奶味，而係有層次的！！每樣味道都有，但又平衡得好好。 而軟殻蟹份量都十足，好多蟹肉今次第一次食燒安格斯西冷牛扒，真係第一次在泰國餐廳食牛扒，這次被相片吸引而試了真的有驚喜！！牛扒燒得剛好，肉質嫩口又沒有被調味蓋過牛肉本身的味道，油脂平均。而且醬汁還是有點泰味的。好食！芒果沙冰 是一如既往 好有芒果味道 很綿密榴槤沙冰有好濃郁的榴槤味！而且真係有果肉的，唔係味粉。很適合榴槤控。飲完已經好飽了，唯有下次再食甜品啦