小曼谷海鮮燒烤屋

營業中

休息中

又黎到九龍城食地道既泰國菜喇~今次選左間地點非常方便係正大馬路旁既小曼谷海鮮燒烤屋!餐廳門口有隻大大既吹氣公仔手舞足蹈咁歡迎光臨~餐廳內裏設計特別~有大大既畫同結他擺設內裏座位都唔算少, 不過想食都係訂位穩陣D!餐牌好多菜式選擇~~好多都好吸引鍾意榴槤既朋友有福喇~事關呢道既榴槤沙冰超正喔!!用新鮮榴槤炮製, 味道香濃, 而且仲有食到果肉新鮮椰青大大個椰青, 椰汁清甜!燒安格斯西冷牛扒燒牛扒冇得頂喔!!陣陣既炭香更能帶出肉既鮮味!!牛扒鮮嫩多汁, 份量仲好多, 必食推介泰式粉絲虎蝦煲4大隻虎蝦~ 每隻都滿滿蝦膏!!虎蝦肉質新鮮, 爽口彈牙粉絲索晒D蝦汁, 非常滋味!!鐵板豬頸肉啫通菜(馬拉盞)黎食泰國野點少得叫馬拉盞通菜呢!!!鐵板上熱辣辣仲好香丫!炒得非常之咁惹味! 堅正

好耐都未食泰國菜了😋今日約左男朋友放工後一齊去專食泰國菜嘅九龍城食泰國菜！最後，我地簡左一間較出名的小曼谷海鮮燒烤屋到食晚餐👍🏻餐廳都坐得幾舒服，好有泰國feel，裝修都較新淨！睇下餐牌，食物款式都幾多！椰青～天氣炎熱，最岩飲個椰青清清熱，椰青好甜，椰青肉都好嫩豬肉碎生菜包～豬肉碎好夠味，味道剛剛好，包埋生菜食一流沙嗲串燒～我地叫左一串豬，一串牛，味道唔錯，肉質有口感，配埋特制沙嗲醬汁，好好食泰式燒盲鰽～呢條燒盲鰽肉質厚又嫩滑，仲有特別醃製的魚，好有口感鮮蝦炒金邊粉～蝦好大隻，又爽口，金邊粉味道酸酸甜甜好開胃，配料多黃咖哩雞肉～咖哩味濃，雞件肉好嫩滑，好入味泰式原味烤酥餅～酥餅又香又脆，配埋咖哩食一流整體來說，餐廳食物款式多，味道都唔錯，下次會再黎食👍🏻

一想去食泰國菜，一定會去小曼谷泰國菜館，食物款式多又新鮮，煮得好有泰國風味，所以喜歡來這裏食👍👍👍冬陰公湯-酸酸地辣辣地非常開胃，材料十足，特別是鮮蝦非常大隻又爽口。泰式炸蝦餅-見到每台都會必點的菜色，外皮炸得脆卜卜，蝦肉新鮮爽口彈牙，配埋甜酸醬味道一流。泰式馬拉盞炒椰菜苗-椰菜苗平時在家裏好難煮得好好食，但呢度嘅椰菜苗炒得好入味，顏色嫩嫩綠綠，非常惹味，食唔停口😋泰皇咖喱炒大蜆-蜆肉非常大隻，啖啖肉，咖喱汁煮得非常出色，甜甜地微辣，醬汁就咁食都已經好好味，配埋蒜蓉包，絕配！泰式生蝦刺身-食太多菜必點的菜色之一，食刺身最重要蝦肉新鮮大隻，配埋泰式辣醬，正！泰式鮮蝦炒金邊粉-金邊粉炒得不會太油，好乾爽，味道甜甜地，好開胃，混合埋花生碎味道不錯小曼谷原隻芒果糯米飯-店員上枱的時候仲熱辣辣，再配埋特色椰漿，香味撲鼻，再加上原隻泰國芒果，芒果超甜，呢個亦都係必點的甜品，食到舔舔脷😋😋😋

上星期同家人一起到小曼谷食飯，這裏的咖喱很出名，所以今次我們又點了咖喱 依然有水準！泰皇咖喱炒海鮮一大盤份量很多，海鮮也有不少，大蝦、魷魚、蟶子、蜆等等，好欣賞這裡的蝦處理得很乾淨！咖啡味道很有層次，椰奶味剛好，咖啡不辣但很香，配飯真的很滿足！！烤餅是另一選擇， 餅邊脆脆的，幾香口！食得出烤餅的分層，鎖住了咖哩汁。泰式柚子蝦沙律花生加炸香蔥很惹味！！柚子不澀不苦，算甜！ 大蝦很新鮮爽彈食完咖哩再食沙律 可以解膩第一次吃泰菜點燒安格斯西冷牛扒，新嘗試！！5成熟牛扒依然很嫩，有點咬口， 牛味很出。配上特調的醬汁，帶點酸味，令牛肉沒那些油膩榴槤沙冰真的是必試！ 榴槤味很濃郁，味道不是假假的那種，而且有榴槤肉椰皇沙冰椰奶味都很香濃，口感細膩 又帶點沙沙感覺，喝下去很清涼

今日經過九龍城，當然搵正中泰國菜，見到餐廳內有好多人，Openrice 食評都唔錯，午餐非常抵食，包飲品同冬陰公肉碎湯。泰式黃咖喱燒雞扒飯（$48）三大件雞扒，肉夠諗，黃咖喱汁配飯一流泰式叉燒乾撈麵（$48）叉燒有點偏鹹，勝在配有菜心龍眼水與龍眼冰有好多龍眼肉，非常清甜午餐免加一，真係非常抵食

今日成31度，熱到完全唔想煮晚飯，所以同老公直接去樓下搵野食呢間老公想食左好耐，不過每次都見入面好爆場，又唔想拎飛等，所以我地今次預早book定位，去到就即刻入去食首先叫左d串燒食下先頂級牛柳粒沙嗲串燒，呢個好食，燒到剛好而且油脂味好香，番茄仔酸酸地，好開胃燒牛舌好淋身，老公最愛，好惹味！燒雞翼，店員預先幫我地剪開左先俾我地，好細心，值得一讚！小曼谷炒飯，好大碟，2個人絕對夠食！入面好足料，有成4，5款料有入面，好有誠意，最緊要係好味泰王咖喱法包軟殼蟹，呢個好大份！法包外脆內軟，加埋咖哩汁落去食真係食到停唔到口，個包入面有香芹，洋蔥，青椒，葱等。軟殼蟹有成隻最後叫左杯西瓜汁沙冰解暑下次我地再來試下其他野食

星期六下午3點半左右嚟呢間OPENRICE評分不錯嘅泰國餐廳完全係包場。食物種類好多，由最基本PAD THAI到魚蝦蟹都有，不過普遍價錢唔平。泰皇咖哩法包軟殼蟹一個十分重口味嘅菜，法包真係焗到外脆內軟，咖哩質地算係流動性強，口味非常濃郁，無論係點面包定係蟹都好惹味。軟殼蟹唔算外邊炸得脆，但我覺得岩岩好，而且大小適中易入口。香葉辣椒豬肉碎炒飯蛋煎到半生熟，整爛佢同飯混埋一齊食，再加上炒得十分夠味嘅豬肉粒一啖食落肚，風味不俗。不過作為一個完全唔食肥肉嘅人嚟講肥肉嘅部分我仲係略嫌多，體積亦都切得唔夠細粒，同埋炒得唔夠乾身，所以係口感上係會扣D分。芒果沙冰椰汁冰幾好飲，唔會過甜，好香椰子味，沙冰好綿，夠凍，夏天飲一杯夠晒消暑。食物味道唔錯，不過價錢略貴，九龍城泰國餐廳極多，佢未令到我有想即刻返兜佢嘅感覺。一試無妨。

每次搭巴士經過都會俾門口個充氣公仔吸引到 今次終於趁準時放工帶埋媽媽一齊去覓食😈無錯！佢就係九龍城好出名既小曼谷 - 海鮮燒烤屋！記住唔好去錯😂我地六點半去到唔算多人 啲菜都好快送到！😚講到泰菜 我每次必叫泰式沙律 酸酸地甜甜地好開胃😆 今次我就叫左平時少見既泰式雞絲海蜇沙律😈一上菜 我同媽媽都係”😱😱😱😱😱” 好大碟好夠份量😂 仲要賣相都真係幾吸引！🤭除左大量雞絲海蜇 仲配上紅白蘿蔔絲 酸酸的辣辣的 亦十分清爽 cp值極高💰話明海鮮燒烤屋 又點可以唔試試佢既燒烤😝我地直接叫左原隻大大隻既燒魷魚😍雖然係燒烤 但只有面層燒到有少少脆脆既感覺 入面仍然係岩岩好唔會乾身🧐 怕熱氣既我都忍唔住要食多幾舊😂 可以一戰！輪到主食 我地毫不猶豫揀左鮮蝦炒金邊粉😆 泰式粉面最好既地方就係酸酸既味道可以掩蓋到粉面油膩既感覺 兩個人岩岩好ko到一大碟✌🏻最鐘意佢既地方就係青檸同花生粒！青檸增加清新既酸味 而花生粒就增加口感💋同埋不得不提既係配料極多 一定值回票價👅馬拉盞炒通菜表現正常 適合唔太食到辣既你😚 但份量一定冇得輸😂 我覺得應該唔止兩人份🤭🧐

是晚收工後想食泰國野，有朋友介紹呢間餐廳，一直都知道九龍城出名食泰國菜，但未試過呢間。去到門口大排長龍就知道好出名。泰國菜必叫既冬陰公湯，好足料，蝦夠大隻同鮮！其次泰國菜都係必叫既咖喱，炒大蜆，夠入味夠鮮，咖喱汁一定要配埋薄餅一齊食。生蝦夠凍夠新鮮！仲有我自己最愛既豬肉碎生菜包同泰式燒盲鰽。豬肉碎夠哂味夠辣連生菜食，我本身好中意食魚，燒盲鰽一流，又唔多細骨，夠滑！總結黎講，呢間泰國餐廳係九龍城入面算得上係好高質，價錢又唔算貴，環境好，唔會坐得好迫，食物又高水準，真係好值得encore！

同朋友一行六人想搵間泰國野食，咁岩成日坐車經九龍城，見到門口有個人仔郁郁下，好似呼喚緊我入去食咁，所以今晚就入去試，果然食泰國野真係特別開心，特別惹味。間野特別在有室外室內，室外佈置得幾靚既竹棚咁，好有泰國地道小食感覺。我地叫左七八樣野左右，其中個泰式蠔餅真係好好食，唔粉之餘，仲加左些泰式香料，出面係食唔到既。呢味雞翼有避風塘風味得來又小小辣，唔似出面淨係食越式牛油雞翼。叫左個炒飯同炒河，炒飯就大路野啦，個炒河就幾有驚喜，好鬼香，食完仲開胃左，唔係係咪放左罌粟。個豬頸肉燒得好香好好味！仲要大大片！啲肉汁鎖到係每片肉度，連炒飯食，個炒飯都多埋豬油，香左頸多！食泰國野循例都要叫我最中意食既生菜包，辣肉碎加埋新鮮既生菜一齊食，清新得黎又有辣既惹味，真係好正呀！椰汁冰大大杯又幾好飲

平日工作忙得喘不過氣來，就連周末假日既早上都要工作，今日便睡到自然醒以是黃昏了，決定寫意地吃個晚飯吧！這間九龍城【小曼谷海鮮燒烤屋】好像是經營了好多年，算係九龍城區泰菜餐廳中既老店呢。畢竟九龍城區泰式食肆競爭都幾激烈。但仲保持有水準又有客源既相信是實屬不錯吧。.在遠處已經見到門口有個吹氣公仔...隻手會一路擺下擺下，Welcome for coming...令人印像深刻都覺得幾溫暖的。一踏進【小曼谷海鮮燒烤屋】，感覺到有點新式既泰式裝演風格加濃烈的泰式烹調味味道，店內的裝飾及擺設都有泰國特色，配合木製的牆壁及枱凳都是令你感到身處泰國一樣。氣氛舒適...店舖座位不多，由小方檯組成，吧檯那邊可以坐兩三個人，室外還有幾個座位，相信帶了狗隻可以坐出面吧。睇睇餐牌，款式比想像中多...一般泰菜外仲有唔少海鮮BBQ類。仲要圖文並荗，款款望落都好吸引...太正了，例如該店的冬蔭功湯、酥炸豬手泰式烤全魚、原隻鮮魷筒釀糯米飯都好吸引..好似大飽口福呢！🔹芒果沙冰 ＄36搭配夏季的時令水果﹣芒果！見到有好多人都有飲到呢款芒果沙冰！都算係小曼谷必點既其中一款飲品，賣相不錯，上面有新鮮芒果粒浮係面頭，下面既沙

自從去完泰國🇹🇭之後，一直對泰國菜念念不忘🥺講起香港邊到有又正宗又好食既泰國菜就一定非九龍城莫熟！而小曼谷海鮮燒烤屋永遠都係我既首選💯泰式生蝦刺身每次去襯泰國餐廳都一定要叫既！蝦🦐好大隻、食落爽口。食得辣既一定要連椒連蒜沾醬食！唔食得辣既可以就咁醬食，都好好味🤤泰皇咖哩法包軟殻蟹一睇 Menu 就俾呢個咖哩法包吸引🤩個法包真係大過我塊面！入面就係滿滿既咖哩汁 ，個汁一啲都唔辣，送包送飯食一流！軟殻蟹既分量都唔少又大隻，沾埋咖哩汁食，簡直絕配。因為太好食，唔覺意越食越多，兩個人只係食淨半個包。泰式炸芝士蝦丸芝士流心乜乜乜又係點都無法抗拒既。呢個芝士蝦丸趁熱食佢仲係流心架！一次過滿足左食炸蝦丸同芝士既味覺享受🤤椰青基本上椰青都會係我每次都會叫既飲品。因為椰青水比較清甜，仲可以幫助解辣添！有得飲椰青水之餘仲可以食埋佢啲肉。正！串燒唔好以為我地飽左，我地仲encore 左4串串燒！串燒就不過不失啦。食到最後我地先發覺個沙嗲醬原封不動.... 先發覺我地完全無沾過，難怪會覺得有啲乾同無乜味啦😂😂😂整體黎講食物都不錯，但唯一唔好既就係無甜品供應。我想食芒果糯米飯呀！😭😭😭

黎九龍城當然要食泰國野，第一次黎呢間小曼谷海鮮燒烤屋，野食方面選擇好多，好多好吸引，點左泰皇咖喱大蜆，烤酥餅，芝士流心蝦丸同青檸汁明爐桂花。呢個咖哩勁大碟，有多隻大蜆，重點係個汁好香，推介唔食得辣既朋友試呢個泰皇咖喱，唔太辣但咖哩味好香，仲加左蛋絲，用黎送薄餅一流，蜆肉大大隻。烤酥餅好鬆化，點咖哩正。而流心蝦丸十分巨型，入面有芝士餡，幾彈牙，亦唔錯既~一人食一粒已經好夠。青檸汁明爐桂花都相當唔錯，桂花魚肉好滑，加左豬肉可以去腥味，魚肉食落有酸酸地既青檸味，幾開胃，同埋好大條，幾抵食。野飲點左椰青同芒果椰汁沙冰。整體呢到各樣野食都唔錯，而且環境舒適，適合大班人聚會。

每次同某位朋友諗起泰國菜都即刻會諗起九龍城 地點都方便我哋兩個而且仲有好多間泰國菜館俾我哋揀今次揀左去開依一間 — 小曼谷泰海鮮燒烤屋明爐香檸汁蒸桂花魚湯底淡淡鹹檸味味 酸酸辣辣一整條桂花魚 魚肉嫩滑 最緊要唔多細骨等湯底淆夠 用匙羹兜d湯汁 放入魚肉加上肉碎等伴料一啖食 好味道小酸湯汁令魚唔會腥 充滿泰國風味 極上燒安格斯西冷牛小排牛小排七成熟 裡面見到紅紅地入口牛味香濃 肉質嫩滑 唔錯唔錯伴碟仲有燒蕃茄用翠玉瓜配上既泰式醬汁 酸酸辣辣好過癮泰式鹹魚炒椰菜苗椰菜苗新鮮爽口 見到有鹹魚絲帶點點鹹香味 好香好味道 伴飯一流椰青食泰國菜當然要點返個椰青原隻椰青上 清甜解渴 食埋椰肉好滿足

今日同friend去九龍城食泰國野，黎左呢間小曼谷。一坐低店員就比左幾個餐牌我地，原來有分所有菜式嘅餐牌同埋推介菜式餐牌。首先我地叫左兩杯野飲，一杯係椰青波波，一杯係椰皇沙冰。椰青波波係同椰青一樣味，不過就係起左出黎嘅椰青，都有少少酸酸地咁。椰皇沙冰就比較重椰子味，同埋冇椰青嘅酸味，都幾特別，很好飲。主食方面，我地全部都係叫推介menu入面嘅菜式。首先叫左一個泰式炒金邊粉，金邊粉好香好惹味，亦有酸酸甜甜嘅味，好開胃，入面仲有幾隻蝦，雖然望落唔係好特別，但係好好味。我地仲叫左原隻燒魷筒釀糯米飯。呢個菜式好特別，仲配有酸酸地嘅醬汁，可以點少少一齊食。不過魷魚比較煙韌，口感都幾特別。最後我地叫左一個極上燒安格斯西冷牛小排。牛燒得好好，賣相非常吸引，牛唔會全熟，香得黎肉汁都好夠，十分滋味，而且份量都唔少。兩個人食咁嘅分量已經好足夠喇，呢到店員態度都好好。