小曼谷海鮮燒烤屋

營業中

休息中

朋友回港要食泰菜，當然去九龍城，之前同家人去過小曼谷海鲜燒烤屋慶祝食生日飯，家人都非常满意。要—早book 訂，一到晚市勁多人。大概六點就入去，時間尚早都有三四枱客。地方都寛敞環境坐位舒適。食物多元化多款色。小曼谷五星燒雞。皮脆肉嫩加上店家自家製醬汁酸酸甜甜—齊食，增添味道層次。虎蝦好大隻泰式粉絲焗虎蝦。虎蝦大大隻，啖啖肉好鮮味又彈牙，配角粉絲吸收所有汁料精華。泰式飛天炒通菜。少少辣好野味小曼谷炒米粉。第一次食泰菜叫炒米粉，料多米粉炒得夠乾身。蒜蓉包。熱腾腾焗到金黄色勁多蒜。香噴噴又夠脆。青檸菠蘿沙冰，香濃菠蘿味，最啱現在好清涼夠消暑。

無論係咪住係九龍城既人都一定認識呢間小曼谷🍍😊九龍城小曼谷有兩間，今次我地就黎到小曼谷海鮮燒烤屋。每次經過都會見到有個廚師充氣公仔對住街招手，好似邀請我地入去咁😂餐牌有非常多嘅選擇， 咖哩，海鮮，炒菜，串燒全部都有。好多都想食，為左肚腩仔健康成長，一於食得豐富啲啦😜泰式炸芝士蝦丸第一個必食推介 芝士蝦丸💓💓三粒乒乓球咁大既蝦丸見到都已經垂涎欲滴🦐炸得熱騰騰，香脆可口。切開一半，仲見到芝士流出黎，好滿足呀😋點埋甜酸醬食，好正呀👍雞腎，雞軟骨，墨魚咀串燒方面叫左呢三款。雞腎爽口，雞軟骨同墨魚咀都好嚼口。主角就梗係沙嗲醬啦，香濃美味。蟹肉雞絲魚肚羹第二名我覺得一定要試既菜式😂 胃唔係好舒服所以唔想飲冬陰功湯， 椰子雞湯又比較常見， 所以於是試下呢個魚肚羹，估唔到有驚喜喎👍魚肚非常足料😍😍幾乎成碗羹都係爽軟既魚肚😜不過廚房落得太多胡椒粉，味道比較濃同鹹。豬頸肉炒芥蘭食咁多炸野叫個菜食下先。爽口既豬頸肉炒芥蘭呢個配搭無得輸。仲有其他調味，例如 蝦米仔，令到味道更加香。椰汁西米糕拼泰式千層糕最後點都要叫返個甜品既🍰咁多款泰式甜品入面我嘅最愛，就係泰式千層糕😍 甜甜地煙煙韌韌嘅口感好正😋 至於西米糕

工作繁重沒空外遊，唯有週末到九龍城按摩品嚐泰菜，當作小出走。之前乘車經過見此店的招牌公仔，是夜見到高朋滿座，決定一試。天氣炎熱來個椰青消暑，清甜肉多。飛天通菜夠鑊氣，加入辣椒豆豉同炒，非常惹味。青木瓜沙律十分爽脆，醬汁酸甜微辣，十分開胃。Pad Thai 大大碟，微酸熱辣，蝦肉鮮味濃，尚算不錯。沙嗲雞肉串燒表面脆口，雞肉香嫩，醬汁微辣充滿花生香，風味十足。牛油蒜蓉燒蜆，肉厚無砂，加入小魚乾增添爽脆口感，香氣濃郁。咖哩炒青口，肉厚味鮮，一碟有十多隻，份量毫不吝嗇。咖哩微辣充滿椰香，洋蔥青椒保持爽脆，伴咖哩吃十分惹味。飲後還有Live Music 助慶，生色不少，值得再訪。

九龍城大把泰國野好多人都知！今次又過黎食正野喇！小曼谷海鮮燒烤屋有兩間分店，今次去左大鋪！鋪面大啲，坐得冇咁逼！一黎到必點生蝦同埋冬陰公，生蝦好鮮甜好爽口，配埋辣椒同埋蒜食真係極品！細冬陰公個size都好多！偏酸唔算辣，岩曬啲怕辣嘅人士！又有兩大隻蝦，好爽口好好味！好足料呀！豬肉生菜包味道唔辣，生菜份量都好夠兩個人食！而飛天炒通菜就有啲辣喇！平時成日食馬拉盞炒通菜，今次要試下新口味！唔錯唔錯！岩曬我呢啲小辣椒！牛柳粒串燒就比較普通，可能其他實在太出色喇！最最最impressive係榴蓮沙味！平時已經好少泰國菜有榴蓮沙冰飲，呢度啲榴蓮沙冰真係超好飲！好夠榴蓮味，奶味又香，又有果肉！超正！椰青夠大個，又多椰汁飲，夠消暑！下次再黎一定會再飲榴蓮沙冰！一試難忘！

如果你問我大熱天時食甚麼菜式最適合，我一定答你是泰國菜，原因係清新菜式有，開胃菜式亦有，所以今晚我揀左去小曼谷這間餐廳座落九龍城已很多年，在競爭激烈的地方能屹立不倒，當然食物質素有保証餐牌有齊各式各樣泰式食物串燒珍寶帶子厚切帶子串即叫即燒，帶子夠鮮味，表皮有很燒烤味鮮虎蝦球串蝦球燒得甘香，蝦味經過燒烤後更突出泰式雞絲海蜇沙律泰式沙律絕對係最開胃的一種，泰式酸甜汁配上海蜇及多款什菜，味道極為清新泰式蒜茸包一客四件，即叫即焗，蒜蓉味道完全滲透整件法包，外皮超級香脆，點上咖喱汁味道更佳咖喱牛腩泰式紅咖喱汁超香濃，應該用上了不少泰式香料，牛腩不算太大，入口軟身 ，完全吸收了咖喱香味泰式炸蝦餅四件圓形蝦餅極之龐大，表皮炸得香口，蝦膠彈牙夠蝦味，超美味椰皇沙冰及菠蘿沙冰小暴谷泰式沙冰絕對係推介，新鮮生果打成，椰皇整杯充滿椰青味道，椰味香到不得了，菠蘿沙冰亦然，菠蘿味純天然甜味，真係差點想多叫一杯泰式椰汁糕及千層糕千層糕樣子有點怪，花形狀，但味道絕不差，質地煙靭，椰味芬香，椰汁糕香滑，入邊有粟米和西米粒，亦相當可口九龍城泰菜絕對是正宗，小曼谷更加是表表者，下次想吃泰菜，此處是不二之選

九龍城一向都係出名食泰菜嘅地方區內住埋咁多泰國人想食正宗泰國菜一定冇難度！而呢間小曼谷同佢門口fing晒手嘅公仔直情係地標黎但原來佢喺九龍城有唔止一間分店架如果book位要留意喇～講返d食物先我地兩個人嗌左個細冬陰公湯（基本上食泰菜必點），一個Pad Thai一個青咖哩豬配一客原味烤酥餅同埋一個馬拉盞炒椰菜苗基本上每一樣嘅份量都好大我地嗌嘅野夠四個人食冬陰公湯夠辣而且夠晒足料有兩隻大蝦喺入面啱晒嗜辣人士！青咖哩豬上枱嘅時候仲有個爐仔熱住夠晒細心未食已經聞到好大浸椰香味配埋個烤餅食簡直一流睇menu見到話烤餅一份得兩塊仲驚唔夠喉但食落原來啱啱好因為一塊烤餅都幾大塊！作為一個澱粉控一定要叫返個Pad Thai!佢嘅Pad Thai唔會太酸唔太重味配埋個椰菜苗食就啱啱好勒！

好味的不妨一吃再吃，前排家人生日，相約親朋戚友去九龍城小曼谷一齊慶祝。冬蔭公湯家人最愛冬蔭公湯，味道濃中帶一點酸帶一點辣，非常開胃，海蝦非常大隻，口感爽彈。沙嗲串燒點了豬肉、牛肉、雞肉，個人比較喜歡雞肉串燒，肉質較嫰配上沙嗲汁更為美味。泰皇咖哩炒羔蟹主角出場了，羔蟹啖啖肉十分新鮮，肉質鮮嫰，不要忘記碟上有另一主角，咖哩汁，我們為了這個汁點一份泰式原味烤薄餅，每吃一口都沾汁，簡單的食材都會變成美食。菠蘿海解炒飯炒得夠乾身，份量也滿多，見到有飯就自然再將咖哩蟹的汁再加進去，明明點了一個炒飯，但可以有兩種味道，物有所值。泰式炒馬拉盞椰菜苗風味十足，不會過鹹，吃點蔬菜減減油膩感。象啤來這裡不能不點象啤，喝一啖聊聊天、消消暑，為生日聚會劃上完美句號。

家人一年一度生日飯一家人就去了九龍城食泰國菜當晚家人吃得開懷，泰開心了菠蘿炒飯以鮮菠蘿及洋蔥炒成，飯粒炒得乾身，大量肉鬆增其香每口也帶著酸酸果香，不錯以豐富食材熬製的冬蔭功鮮蝦帶豐厚蝦膏，讓湯底更添濃香鮮味與酸味皆強咖哩炒膏蟹 份量十足的膏解，極多鮮味蟹膏掛著既香且滑的椰香咖哩醬汁，少辣微甜，非常滋味伴飯一流！馬拉盞炒椰菜苗 味道不會過咸，滿滿咸鮮醬汁盡掛椰菜苗上沙嗲串燒，豬，牛，雞(各兩串)惹味香料，肉質入口嫩滑沙嗲漿汁調得非常惹味內里更混上了粗粒花生最後當然要來杯透心涼象啤 九龍城太子道西398號御太子地下1-3號舖

今次嚟到比較遠嘅九龍城覓食，朋友介紹落呢間泰菜唔錯，所以遠少少都黎試吓啦呢度嘅環境氣氛唔錯，有啲藝術氣質環境地方都舒服，而且餐具嗰啲都好整齊乾淨一般普通出面食到嘅泰菜呢度都有，款式選擇都多一黎就叫一個開胃小菜先，叫咗一個泰式酸辣鳳爪， 鳳爪係無骨架，啱晒我呢啲懶人啦，酸酸辣辣咁樣好開胃，仲有啲唔同既配菜。之後就叫左一個鐵板豬頸肉馬拉盞通菜，唔會剩係得菜咁齋，加咗少少肉去炒之後，有少少提鮮既作品， 個菜都唔會太鹹，拎嚟送飯都啱啱好，一上枱嗰時仲係熱辣辣㗎。再嚟就係我最愛嘅海鮮菠蘿炒飯，每次食泰國嘢都會嗌，個炒飯鑊氣都夠，加上啲海鮮全部都好大件，肉鬆有少少甜甜地嘅味道，撈落個飯度成個口感好豐富最後點少得甜品啦，叫咗一個椰汁西米糕拼泰式千層糕。個千層糕做得好煙韌，啱啱整起無耐仲有啲暖暖地嘅感覺，而且又唔會太甜。佢呢度嘅西米糕特別嘅係個底有粒粒嘅芋頭喺度㗎，令到成個好有咬感

朋友喜歡泰國菜, 當然要來九龍城啦! 這間餐廳在大街, 門面又大, 望下D價錢又好抵, 於是入去試試!花多眼亂, 我地又只有兩個人, 好多樣野都想試, 花咗好幾分鐘, 最後揀咗呢D青咖喱雜菜, 佢地嘅青咖哩好濃身, 唔會感覺好稀, 裡面嘅菜亦好爽口鹽燒虎蝦大大隻, 肉亦新鮮蒜蓉蟶子略嫌不夠蒜蓉, 但餐廳加了細細粒魚碎, 第一次吃這感覺, 好脆口!燒鱔$112/2串, 很實惠, 仲啖啖肉, 不過骨有點多, 要小心吃!要贊一下兩杯飲品, 好夠味, 有D餐廳嘅龍眼冰龍眼味極其弱, 很喜歡呢杯飲料最後仲全院滿座, 果然受歡迎, 會再來呀!

今日帶個澳門既朋友嚟到九龍城食泰菜之前都係食開另一間分店試下呢間大大隻野係門口既先一行兩人only6點黎到都爆爆地場 好在有訂枱叫左個泰皇咖喱炒蜆呢個真係極推介 勁大份呀 d蜆又隻隻都好大粒原來朋友未食過泰皇咖喱有少少蛋花撈係中間 用黎撈飯/ 點包/ 薄餅都一流如果筆直ok或者好多人食 我一定會叫炒膏蟹/軟殻蟹今次兩個女仔就叫蜆 冇咁貴同埋飽但又有汁可以食叫埋個白飯/菠羅炒飯黎配咖喱 就perfect了仲叫左份串燒 豬+ 雞+ 牛 +牛舌每樣一串share黎食都夠有沙嗲醬比你點即叫即燒好夠火喉 好香雞肉好滑 豬肉 牛肉都燒得岩岩好 呢幾樣串燒真係必叫牛舌就好厚好足料仲有仲有！食小曼谷點少得炸蝦餅叫左細size有三大個佢好貼心幫你切開左成6舊咁方便你咬熱辣辣新鮮炸好 炸粉唔厚亦都唔會甩出黎一舊舊蝦🦐肉好彈牙點泰式辣醬一流朋友叫左芒果沙冰 佢話酸酸甜甜好開胃好清新我叫左椰青 好多果肉 刮哂黎食唔好浪費好清甜同埋好多椰青水呀 飲完簡直係透心涼兩個人食左咁多野食到勁飽埋單最後一人都係二百幾真心超抵澳門朋友都話會黎再食 值得encore

去到九龍城梗係要食泰國嘢啦，有咁多選擇都唔知點揀好，小曼谷的分店咁多，一定好食嘅於是就食佢啦！飲品方面我哋叫咗椰青波波，之前去曼谷飲過好好飲，嚟到香港果然係可以飲返泰國嘅味道！甜而不腻，而且仲有椰肉食，一次過滿足晒兩個願望。另外我哋仲叫左黃咖喱海鮮、pad Thai, 馬拉盞炒通菜同埋蝦餅，全部都好似係泰國食嘅一模一樣。我哋叫咗海鮮黃咖喱非常足料，食落去淡淡海鮮，黃咖喱唔會太辣，啱晒香港人口味，用嚟送飯一流。蝦餅方面佢都炸得非常鬆脆，食到停唔到口。馬拉盞炒通菜都好香口，而且唔會太油膩，食落都幾健康。本身想叫埋甜品，但係實在太飽啦，都係留返下次啦

一行四人，晚上7時到達。看見只有兩三張枱有客人，心想以為這晚沒有什麼客人，誰知過了15分鐘就坐滿了。朋友話這個是九龍城區出名的餐廳🍴。食物質素好好，價錢公道，點了10多串燒烤，泰式蝦，雜菜等等，也喝了啤酒。飛快地過了兩小時。上菜的速度非常快。朋友話串焼有特色，如果可以燒得多一點時間，可以熱辣辣上菜就完美了。值得一讚是冬陰公湯，味道好好，兩隻大蝦🍤如果可以多一點蝦膏就可以將個湯做得更出色。本來仲想要一些豬手及咖喱蟹，但是串燒點多了，唯有留返下次光臨才點。

同一大班朋友黎九龍城食泰國菜第一次試呢間餐廳 , 座位有少少逼 , 但都坐得舒服 餐牌有好多選擇 , 我地試左以下 ge 食物 : 泰式生蝦刺身 ($118)一客有 6 隻 , 蝦都幾大隻同新鮮 ! 一黎就引唔住食曬 , 唔記得影相 🤣 泰式馬拉盞炒通菜 ($79)夠鑊氣 好香 好食 !泰式柚子沙律 ($98)柚子酸甜適中 , 個人覺得有 d 偏貴明爐蒸烏頭 ($208)魚肉肉質正常, 湯微酸, 魚鱗清唔乾淨....👎 泰式炸芝士蝦丸 (L) ($134)1 客有 5 粒 ! 好好食 ! 幾彈牙 ! 炸得岩岩好 ! 👍入面 ge 芝士係流心 ! 芝士味又香又濃 ! 一大粒好滿足 !配埋泰式酸辣醬 , 好開胃 , 食曬成粒都唔會覺得膩 ! 大人細路都會鍾意 !燒安格斯西冷牛扒 ($228)好味 ! 有肉汁 ! 肉質都幾腍 ! 個醬汁微辣 , 同牛扒好夾 !原隻鮮魷筒釀糯米飯 ($188)魷魚好咸 😶 糯米釀得唔夠實 , 食個陣 d 糯米會跌曬 , 醬汁偏辣泰式鮮蝦炒金邊粉 ($88)無咩味 ... 一般般 ...小曼谷原隻芒果糯米飯 ($78)芒果唔算好甜, d 糯米飯熱辣辣椰青 ($3

前幾日同約左朋友去九龍城食晚飯～去到九龍城當然要食泰國菜啦！我同朋友試嘅呢間泰國餐廳食物種類多元化，而且價錢相宜～我地分別叫左黃咖哩海鮮、馬拉盞炒通菜、炸蝦餅同炒金邊粉。黃咖哩海鮮唔算太辣，但咖哩味香濃，海鮮種類豐富，有帶子、蝦、青口等，肉質爽口，味道鮮甜。☺️馬拉盞炒通菜辣辣地好惹味，菜炒完都keep到爽脆。炸蝦餅味道鮮甜，外皮炸得香脆，蝦肉爽口。炒金邊粉酸酸甜甜，配料豐富，金邊粉軟硬適中～☺️飲品方面我地order左粒粒椰皇，非常清甜！下次一於再黎呢度試下其他嘢先！