小曼谷泰國菜館

營業中

休息中

之前聽過好多人都推介既平價泰國菜一直都好想試，咁啱係附近做完gym就試試佢聽fd講日日排長龍😎好彩6點幾入場冇咩人入到去位就唔想闊落啱啱好坐到兩個人叫左🍲冬蔭功，蝦醬炒通菜，生菜包就已經放滿左成張枱🍲冬蔭功 味道普通，唔夠酸辣只有甜味😢蝦醬炒通菜不過不失既味道但都40幾蚊正常價，冇話特別平生菜包🥬令人好失望🫠一望落去成盤都係油冇鍋氣亦都炒得唔夠乾爽 成盤都濕凹凹埋單都唔算貴，2個人200有找可惜食物水準普通🫠

朋友極力推薦平，靚，正，小曼谷，餐廳環境略微迫夾，格同格之間距離略近，唔太舒適，而且好多人等位，要速戰速決！食物種類選擇多，而且價錢親民，好抵食泰式鳳爪泰式無骨鳳爪，酸酸甜甜夠開胃，份量仲好大份冬蔭功湯賣相好似好辣咁，但飲落完全唔辣，微酸口味岩唔食的辣既朋友印度薄餅香熱鬆脆熱鬧鬧，食落唔算太油膩泰式香葉炒硯份量不多，而且硯肉細隻，無咩肉食，下次可以食其他馬拉盞炒椰菜苗炒得夠火喉，熱辣辣，調味適中泰國象碑

食泰菜好多人會九龍城，我會選屯門小曼谷！去到屯門你想食泰國嘢問屯門人大家會介紹食小曼谷，不過要去食小曼谷嘅話就要預時間排隊啦，因為佢由夜晚6:00鐘開始就會座無虛席，門口都周不時出現人龍。你講食物味道之前，先講一講價錢先，價錢方面係非常親民，普通一個泰式豬肉炒飯都係$40，有見及此我就瘋狂地嗌嘢食！首先頭盤叫左半打串燒（豬、雞）各3串，即叫即燒，沙嗲汁好香濃；之後叫埋個豬肉生菜🥬包，好彩有生菜包住，中和返嗰個豬肉粒嘅辣味；之後嗌咗一個泰式炒通菜，呢個同飛天通菜唔同嘅係呢一個泰式炒通菜係唔辣，叫咗個青咖喱雞同埋薄餅，就無咩特別；叫左個明爐烏頭魚，個個湯真係無得頂，我飲哂啲湯咁濟！甜品就無叫，留肚食其他；飲品方面都無咩特飲好推介，不過個人認為，如果你要嗌椰汁冰嗰啲記得叫佢少冰！有樣嘢要留意嘅，佢座位就比較密質質，上菜速度勁快，所以好快就成枱都係嘢。同埋呢間冇分店只此一家。味道：8/10環境：7/10價錢：10/10服務：8/10衛生：7/10

屯門友必黎食嘅平價地道泰國菜🤩雖然份量唔多，勝在價錢抵食，價錢反映質素🤣兩個人可以叫多幾樣餸，食埋甜品芒果黑白糯米飯岩岩好😋平日6點黎先可以輕輕鬆鬆入座哈😆

好少嚟到屯門覓食 今日聽朋友介紹有間又平又抵食嘅泰國菜就試下🤣 一見餐牌對於港島人價錢真係抵到有點驚訝😱 雖然座位比較平民D唔算超舒服 但係食物質素有曼谷道地Feel🌆 如果Expect調味好Fine既就差D 但係食完好想即刻飛轉曼谷✈️⭐️ 醃去骨鳳爪 🍗鳳爪口感夠爽脆😛 酸度辣度平衡得不錯🌶⭐️ 泰式炒金邊粉 🥘鑊氣夠重醬汁偏酸🔥 炒得更乾身會更好👍🏻⭐️ 青咖喱南瓜雞飯💚咖哩椰汁味夠濃夠Creamy撈飯一流🍼 特別鍾意南瓜嘅甜味做點綴🎃 夠淋既口感配咖哩好正⭐️ 冬蔭功 🍲食到有蝦仁好足料 香料味例如香茅都好重🎋 但係酸辣度有D單調好似各種調味都差唔多🫣⭐️ 醃辣生菜包豬肉 🥬豬肉既香料調味夠濃🥩 炒得乾身但唔油 包上生菜意外地清爽🥙⭐️ 芒果糯米飯 🥭糯米真係有黏糯既口感好正🍚 加上濃濃既椰汁好邪惡🥥 芒果份量不算多但甜度合格💛⭐️ 椰汁冰 🥤椰味濃夠消暑解渴☀️ 甜度重左少少🤭

平日下午只有我自己包場內裝潢像網美店ㄧ樣很美，走進去很像來到異國，環境燈光優美，連餐點也美到很好拍照，喜歡泰國料理的朋友很適合來這裡，超適合朋友聚餐或者家人聚餐的地方☺️☺️☺️肉切的很厚，每種肉都可以吃出不同特色我蠻喜歡的椒麻酥豆腐這道椒麻酥豆腐我很喜歡豆腐熱熱的吃 表皮超酥 外酥內嫩的口感配上椒麻的調味很涮嘴

要食泰國嘢，又要抵食，就不得不提屯門置樂青善街的小曼谷！店是地道泰國人開設，價錢大眾化合理食得過！龍眼冰水：免費！甜度適當，天氣熱飲用，完全是透心涼！貼心值得一讚！海南雞飯：雞去骨容易食！雞應該是冰鮮雞，但由於醬汁是每天調配，酸味帶一點辛辣，增加食慾！臘腸油脂份量適當，一嚐！泰式牛肉炒飯：簡單一炒，配料多，牛肉多，夠鑊氣！完全冇諗過炒得這樣好！紫米糯米飯：紫糯米味道夠糯米濃郁，進食時更能帶有一點米香！芒果超甜，配合得如此理想，絕對值得一試的甜品！環境有一些泰國的裝飾，落單都是泰文撰寫，餐牌亦有泰文顯示，氣氛幾好，食完走人都是大約$100到，超抵！

都有成兩年幾冇黎小曼谷食飯，因為疫情前黎食過，勁多人，水準又幾差下。前排經過見到門口唔使等位，又想食下泰國嘢，於是就試返佢，人小左果然水準好返，最鍾意食佢嘅燒豬頸肉燒得幾脆同香。另外小曼谷最好嘅係佢價錢好商議就算兩個人嚟到食開都可以試到好多款餸，份量雖然唔多，但都算幾抵食，唔洗就住就住。另外最鍾意食佢嘅芒果糯米飯同埋芒果沙冰佢嘅芒果好新鮮而且好Frash , 絕對唔會差過出邊既飲品鋪嘅飲品仲要係20蚊一杯，糯米飯都係$20一份。真係好抵食。

有一段時間無黎食飯，疫情前黎親都排哂長龍咁，要等好耐，同埋太多人個水準又會差。前排係附近，又想食泰菜，就過左去，7點鐘即時入座，門口仲要有咪錶，等大概10分鐘就有位。佢d價錢真係好親民，40-50蚊都有一個餸或飯，就算兩個人黎食叫都唔洗就住就住，雖然字去再好大碟，但勝在可以食好多款式，如果4個人黎，通常都會放題咁叫。佢個芒果冰好高質，都係20蚊，好飲過出面d飲品鋪要成40蚊杯，夏天飲真係好爽。燒豬頸肉，芒果糯米飯都係必食！！

難得同朋友入到屯門當然要試下屯門岀名泰國餐廳🍴-小曼谷！！餐廳1745先開晚市但1730已經排緊隊慢啲過黎都冇得食呀1. 生菜包🥬本來冇expect 係辣 原來肉碎會撈埋少少🤏青辣椒係裡面 會有少少辣 不過係幾香 鐘意食辣朋友應該ok 但唔食得辣嘅 要留意返2. 香燒豬頸肉香燒=炭燒香味 食落炭燒香淡淡而岀就算點辣醬 都唔會遮蓋炭燒香 一流3. 炸蝦餅🍤蝦餅🦐都幾彈牙 配上甜酸醬 好吃😋4. 串燒（雞&豬）各3串呢間冇牛選擇 基本預設雞豬各3串不過可以同職員講全要雞or豬5. 馬拉盞炒通菜 通菜就覺得一般般啦 相對冇咁香 爭少少6. 蝦醬炒飯個飯都粒粒分明 但蝦醬略微較少 唔係好食得岀 有種變左海鮮炒飯7. 泰式炒金邊粉泰式酸味略不足 比較淡口 味道濃啲會幾好8. 芒果🥭糯米飯🍚（白/黑）兩款都幾好食 但二選一嘅話會鍾意黑糯米飲品：都比想像幾大杯下1. 龍眼水略偏甜 但龍眼超多 好吃2. 椰汁🥥三色冰椰汁極濃 飲完都幾飽四個人份量食到綽綽有餘 但平均每人$100左右 真係平（p.s 幾特別 手單係用泰文呀！！！！）

小曼谷可以話係好多屯門友嘅食堂，我同老婆就係其中兩位，每個月都總有一兩餐會幫襯小曼谷。有時有朋友過嚟，我哋都會帶佢哋去試。小曼谷可以話係平靚正之選，雖然環境唔算好舒服，但真係成個氣氛都好有泰國風味同地道。就連侍應廚師都係泰國人嚟嘅，食物當然唔使講，食嘅時候真係會覺得自己去咗泰國咁。我哋今日叫咗泰式豬頸肉、香草辣椒海鮮炒河同馬拉盞炒通菜，另加一杯龍眼冰同椰青。泰式豬頸肉肉質彈牙爽口，佢嘅醬汁係我同老婆難以忘懷嘅原因，辣得滋味可口，唔知泰國雜貨店有無得買呢，定係佢哋自己調配呢，真心好正！香草辣椒海鮮炒河，食食下有個食客問我哋係咩，佢都想叫嚟試吓，當然要即刻介紹俾佢，因為真係好惹味，辣得好香，醬汁刺激開胃🤤，我同老婆經常會叫。海鮮份量都合理，河粉炒得剛剛好，咬落有彈性。馬拉盞炒通菜係我嘅至愛，今日嘅質素都好高，通菜好嫩好新鮮，醬汁好香好醒胃，好食！

餐廳：小曼谷泰國菜館地區：屯門地址：屯門青善街康景花園日期：15/7/2022时間：21:30人數：2人 等位： 0mins 價錢： ＄118由長洲返到屯門經過舟車勞頓之後又覺得肚餓所以就去咗小曼谷好彩佢哋開到11點👍👍我哋嗌左辣椒香葉肉碎炒飯（$39）、泰式鐵板蠔仔（$59）、西瓜冰（$20），總共$118。⭐️辣椒香葉肉碎炒飯⭐️每次嚟到都差唔多必嗌呢个炒飯，非常有鑊氣又够味道👍味道会有少少辣，所以會越食越過瘾😚⭐️泰式鐵板蠔仔⭐️一嚟到堆到成座山咁🤩俾勁多蠔🤣好足料超級抵食😝加埋佢哋个醬汁好正👍👍屯門有呢間小曼谷真系屯門人嘅恩物~應該係全港最抵食嘅泰式店😆

屯門小曼谷可以話係我飯堂之一以前唔係住屯門，我都會特登揸車入來食😆依家搬左入來屯門，假期 好多時都會食呢間我必食 之選1️⃣炸蝦🍤餅，即叫即炸， 脆口 彈牙2️⃣炭燒豬頸肉，份量多，邊位燒到燶燶地，我最鐘意點埋佢既秘製辣醬必食3️⃣蝦醬炒飯，一上枱就聞到香噴噴蝦醬味， 炒飯粒粒分明， 夠乾身👍🏻4️⃣鐵板蠔仔炒蛋： 每次去都叫， 每次一上枱，鐵板都仲有（沙沙聲）夠晒鑊氣，必食呢間小曼谷真係好食過9龍區果D ，最緊要佢性價比高值得推介提提大家晚市時間超多人，要排隊！

每逢週末晚上也會跟家人去四處覓食,今日選了 這間平民化的泰國餐館，簡直給我很多驚喜。這間餐館晚市五點九開門，一開門已有八成人客，輪候的人士 需要等齊人再才可入座，六點幾已大排長龍了。環境:比較擠逼，洗手間乾淨服務:唔休做🤣上菜快，執枱都好快🤣食物:生菜包$59一點也不乾，好多肉汁， 酸酸辣辣，非常開胃。 若食不到辣，可叫微辣。餃子釀雞翼🍗$41手工之作， 雞翼脹卜卜，內裏釀了豬肉，一口咬下去，肉汁豐富。仔炒蛋$62 芽菜鋪底，上面舖上有香濃蛋香味的蛋， 加埋多隻細小的鮮蠔仔😋

今日第一次去食呢間聽講好出色既泰國菜，夜晚8:30去到門口，仲係見到人頭湧湧😫大約有10幾人等緊位，本身都有諗住打退堂鼓，但係女朋友話想食，唯有照等…佢話一定值得喎😌最後等咗唔使半個鐘就入得，比想像中快，餐廳設計比較簡樸，好有泰國小店既感覺，坐位比較窄少少，但勝在冷氣夠，太熱天時都唔會覺得辛苦。我哋等位嘅時候已經諗定咗食咩，一入到去就落單，見侍應姐姐一路聽一路寫左張泰文既單比我地。當我仲好好奇咁研究緊佢寫既泰文既時候，奇蹟發生左… 所有食物竟然喺5分鐘之內全部到齊曬！！😍我地總共叫左5個菜式兩杯野飲，出菜速度快到好唔真實，完全食正無耐性既香港人口味，值得一讚。偷偷望左入廚房，大約都有3-4位廚師開緊工，分工明確，確實專業。食評如下：1. 柚子鮮蝦沙拉 $42 沙律用左金柚、白灼蝦2隻、紅蔥頭、炸蒜，再配以泰菜必備既魚露底混合而成。金柚十分鮮甜、喺大量配料及調味料中都唔會顯得失色，同之前食過既泰菜相比，呢度既柚子沙律調味比較清淡，唔會有調味料搶過食材味道既情況，更能突出金柚既味道。真係要挑剔既就係隻蝦，份量較少以及灼得過左火，肉質唔彈牙，我個人覺得唔加好過加。2. 泰式酸辣鳳爪 $41