小時光 (已結業)

餐廳位於工廠大廈有點難找，因朋友介紹所以來試下。餐廳裝修有懷舊的感覺，都幾特別。食物的種類都好多，台式食品為主。今次左台式紅燒牛肉便當，味道都可以，但有的太油的感覺，因為飯有太多汁，唔夠乾身。飲品叫左美祿恐龍，唔太特別，只係普通的美祿，用燒杯裝飲品都幾得意。

第一次寫評論，因為真心覺得很差成為想寫的原因，也不想別人去到差的餐廳雖然賣點是像校園的布置，但太污糟感覺太差，完全不想碰那裡所有東西，所以校園布置也沒興趣作背景去影一下相。枱凳都是木制，全是痴笠笠，潮濕般的感覺，加上燈光是不是很光猛的風格，一進去就很不想坐在那椅子跟碰那桌子及掂餐牌。也如其他評論說餐牌痴笠笠，髒髒的感覺，跟茶餐廳的差不多。若需要額外餐具要自助取，但也是十分污糟。。有污漬或笠笠的，自助倒水洗一下。其中點了甜不辣的小食。。。盛載甜不辣的是用一架超市迷利手推車上面墊著一張食物紙盛載著甜不辣，但最令人厭惡是那個手推車容器積滿黑色的污垢，整架車油笠笠。。只有一張小小我食物紙隔著食物跟那些污垢，食物紙面積不大，所以一上菜就會發現到，所以很容易沾污食物。。因為要吃所以視線就沒多看那些下去。。。3人晚餐點了牛肉面，甜不辣，鹽酥雞飯餐，麻辣撈麵，食物味道十分十分普通，跟普通台灣菜小店差不多。。價錢卻不是小店價，飲品用杯中有長頸鹿公仔的杯子。。十分不方便，跟朋友叫咖啡之類飲品，最後朱古力跟焦糖都沉在底，因長頸鹿公仔都阻著攪拌或是把沉了底的焦糖要用匙羹筆起來也不放便。這樣的環境跟衛生程度要給

之前睇過食評介紹呢間台灣野食，裝修以舊式學樣為藍本，好似幾特別！難得今日有事要去觀塘，就記起呢間餐廳想去試下。見到book位app仲有5折，就去食個Tea先。可能係星期日既關係，工廠大廈正門唔開，搵咗好耐，原來要改經另一邊既停車場入口，再經停車場入大廈，有點唔方便之餘，仲有些少危險！入到大廈，就好容易搵到個門口啦！打開門入去，都幾期待！點知入到去見到周圍既裝飾同枱凳都好舊，同埋間野好似有陣噏味咁，即刻有點失望！搵左張枱坐低，著住校服既職員就攞餐牌過黎，並講解要自己出去收銀叫野食攞餐，同埋食完自己交番碗筷去收集位置。餐牌係用Clipboard夾住幾張好似霉霉地既紙，摸住張紙感覺麻麻！睇完一輪，決定叫個古早味滷排骨便當，再加杯凍cappuccino. 便當有5折，加埋杯飲品就收＄64. 原價要$93架！等左5分鐘，便當同咖啡就準備好啦！雖然餐牌介紹係現炸大豬排，但係我就相信係預先整好啦！豬排唔太硬，但肉質只係一般。至於淋上面既特製醬汁亦無咩特別，同响台灣食既就真係無得比！杯咖啡味道可以啦！不過最驚嚇既係隻杯，飲飲下發現隻杯都爛得幾厲害，令到我唔係好想飲落去！其實咁樣好容易藏細菌架！整體黎講

位於官塘工廈既#小時光，聽咗好耐，仲拎埋openrice既優秀開飯熱點大獎2017！終於的起心肝去試試。我地係午市過後先上去，避開人潮，餐廳以自助形式，水自己浸，野自己叫、自己拎，食完都係自己拎去清潔架，我以為自己去咗大家樂。😅叫咗 鹽酥雞便當🐔 同 牛肉麵餐🐮， 另加滷水拼盤， 盛惠$185。 老實講價位唔貴唔平，但質素有待改善。 鹽酥雞炸得有點過火，就咁乾哽都幾難受。牛肉麵既牛肉不錯，好入味，筋肉分明，可惜個麵硬到食唔落。總括黎講，係香港食台菜，真係未搵到一間合標準既！請keep住留意 食玩焗煮遊世界 *㩒埋like&follow,可以即時收到新post通知。#食玩焗煮遊世界 #台菜vs台菜

幾年前呢間鋪頭好出名，當時台灣野啱啱喺香港興起，個個沖去食牛肉麵呀鹽酥雞嗰啲。而家台灣嘢食當道，返返去呢間鋪頭試吓到底佢值唔值得一個好評呢？環境裝修好特別，地方好大，容納到好多張枱。牆壁掛滿懷舊畫作，門口亦不失為一個打卡位。枱頭會有一盞七、八十年代嘅枱燈，用木製嘅嘢食盤同木匙羹嚟進食大大香酥雞湯麵食完覺得好失望，香酥雞啲肉好韌，個皮係脆，不過係好厚嘅炸粉。個湯麵好腍，而且個湯底好淡唔夠味。成個餐好普通，好似淨係食個裝修咁。。。

睇相見到呢間鋪好似好有feel就決定黎試下 一入到去 店員著台灣校服真係好有feel😆不過 唔知係裝修故意扮到咁殘舊定係點 間鋪有陣up味 同埋啲桌椅 地下感覺都唔太乾淨😶食物方面 嗌左台灣便當 滷排骨便當 黑豆茶同香酥雞塊🍱 個滷肉飯好好味！滷肉同飯比例岩岩好！個滷水拼盆就不過不失 但個滷排骨就有啲硬 黑豆茶都好飲！不過個香酥雞塊就好失望 可能我expect係鹽酥雞咁 但其實佢都寫明唔係鹽酥雞而係香酥雞塊 我唔應該有錯誤既期望😂但雞塊好‘鞋’ 炸但唔脆 覺得好乾～整體感覺麻麻地 同埋有樣唔明既係 明明見到好多店員 但都係自助形式 啲店員就企係到傾計 有啲不解😂

因為用某apps bk左830pm位，所以食正餐有半價。但我同朋友都遲左，9點先到，佢都肯計返半價比我地。我覺得服務態度幾好，由帶位到點餐都好好笑容個d.模式似大快活，點完餐響枱等，有舊嘢響呢，就去拎餐。4個人叫ge餐除左個"老"水牛腱，其他菜就係普通茶餐廳ge水準，又未講到好難食。但個碟牛腱ge敗筆唔係d牛，係d蘿蔔，有蘿蔔ge菜式請唔好叫，因為個蘿蔔好苦，仲要舊舊都好苦。我朋友好似叫左杯有黑糖果凍ge奶茶，幾特別，類似珍珠奶茶，但咬ge係黑糖粒。最後每人用左大約50蚊(有3個正餐係半價),;所以我覺得都幾抵，始終呢度係食環境。

- 當初見食評不俗，就打算試一試，結果中了大伏。。。。。。1) 餐廳環境：可以用"污糟"形容。。。餐牌，餐具都是油油地，d椅子又矮又唔舒服，我地成晚都坐得好唔自在2)食物：價格較貴，份量一般，但最激心係 好 難 食！我地叫了3份餐，1份小食，同2杯野飲- 牛肉面：味道一般，偏鹹- 三杯食便當：以為買相OK，但d雞係冇味吧，佢哋連少少seasoning都懶做 ＝＝雞肉好鞋口，同埋配搭亂黎咁- 肉燥便當：得個鹹字，一點老水味都冇。。。上次係呀源來了食，人地做得好入味，呢間真係好差- chocolate latte：$35 買杯自己沖到的 milo 。。。失望- 檸檬茶：最好味係佢，豈碼跟維他檸檬茶差唔多味。。。但賣成$28員工態度：西面，問野都hea答。。。總之呢間野太差太伏，沒有下次。

在工廈林立的觀塘中，有間以台灣懷舊校園風格做主題的餐廳，店舖在裝修上花了不少心思，光是門口的磚牆及木門已充滿懷舊的味道，而店內亦有很多充滿特色的擺設及玩具，例如：漫畫書做的間牆、舊式的黑白電視機等。今次我們分別點了夜市香酥雞便當、台式鹽水雞套餐、西柚蘇打及水果荼。先說那個夜市香酥雞便當，雞肉香脆嫩滑，白飯軟硬適中，美中不足的是鹽水雞的味道較咸及水果茶甜度不足。值得一提的是筷子，筷子的外型像小時候用來填色的木顏色筆 ，很有特色。飲品方面用了量杯和燒杯代替平常用茶壺及杯子作盛器，令西柚蘇打和水果荼格外有風味。整體來說，食物及飲料雖然還有進步的空間，但光是環境及下午茶的七折優惠已值回票價。

今晚同左個女仔frd兩個人去食小時光過左0830個入口都幾難搵入到門口發現都仲帶幾多人係入面經過一大輪選擇之後,佢要左個滷肉便當分量比我想像中多好多首先講下d 滷肉佢個汁未算好咸但係香味都齊我嫌佢唔夠熱有台灣本土既味道有海帶 豆干 豬耳 蛋 同 牛展連最難入味既牛展 豬耳 佢都煮得好好至於個滷肉飯比起傳統既佢d 肉粒比較大粒但係味道都ok 唔會太乾身呢個係第二個點左既main紅燒牛肉麵其實我拎到返去個位到既時候都有d 落差覺得麻麻地咁儘管試下啦個麵係粗麵黎唔算好淋 仲好有咬口配合埋d 牛肉d 牛肉都算大舊同多既味道唔會癡牙 又入味反而個配菜有驚喜幾好食呢個甜品我見佢個名幾靚即管嗌黎試下點知佢黎到 個蛋糕就溶溶地大家無睇錯個 蛋 糕 溶 溶 地 ! 問返店員 佢話咁係正常因為佢話個質地係似雪糕蛋糕咁要靜待佢係溶溶地既狀態再食但佢好奇怪出面係溶入面係硬一匙cut 落去撈又撈唔到 ...但佢個環境幾文青幾靚打卡傾計hea 真係一流

見到佢有喺某apps做半價優惠，又見相入面裝飾幾懷舊，就訂咗枱。的確入面有古舊海報和數原本漫畫，不過冇一般cafe會提供的broad game，而且係自助型式要去櫃臺order，然後有一個機器會咇咇聲提示你去拎食物，但如果你叫了數樣食物，餐廳係不會一次過上菜，所以你要聽到幾次咇咇聲，再行幾次去拎食物。呢個出餐服務簡直係弱智到不行。麻辣雞絲冷麵，首先雞絲極度乾，完全沒有雞味，而重點的麻辣醬也是十分奇怪，有陣像變壞了的酸味，完全吃不下去。台式三杯雞便當🍱，放在面的九層香根本是多餘，而三杯雞的雞肉亦非常不新鮮，有雪藏味道，調味不足夠，比7仔叮飯更難吃最後手工水餃，就是普通烚餃，但起碼有一樣可以放入口。難怪呢間餐廳咁多劣評，食物認真要大大改善！

今天來到觀塘APM附近飲茶，與友人道別後想去一間cafe坐一下，友人推介去一家叫小時光的台式餐廳。由B出口行大概7分鐘就到了餐廳，打開門就感受滿是校園氣息，連員工都是穿著台灣校服，猶如置身於台灣的中學中。餐牌都多選擇，由於飲茶食飽飽，所以就點杯紫薯拿鐵來試一下，味道好香紫薯味，奶泡都打得好香滑，是我喜歡的味道呢！在這裡看一本漫畫來消磨時間都是個不錯的選擇，下次會再帶朋友來試下其他餐，平日下午茶時段還有7折優惠呢，認真抵食。

之前聽過呢間野，一路都想去試下。但真係好失望，價錢與食物不成正比。感覺所有野都係packing 貨，我叫左個醉雞餐，但啲雞好苦，個麵個口感係好食但味道唔夠。而另外個肉骨茶餐就普普通通。另外，啲配菜都無特色亦唔好食。所以嚟呢到係食個環境影下相，食物就比較失望。

無無聊聊上網搵下有咩食，見到觀塘有一間好似sell懷舊嘅餐廳，睇食評好似唔錯咁，於是去試一試。 舖頭位於工業區入面，位置非常偏僻，要搵到都唔係咁易。入到去見到個地方又真係幾懷舊嘅，乜嘢都係殘殘舊舊咁囉。 一睇個餐牌，其實好污糟，上面有好多污漬， 張紙又殘殘舊舊，又爛，啲字又淡曬色咁。叫完嘢食諗住去自助裝水，點知一見到啲杯，又係好殘，好似隻隻都有漬咁，真係唔敢飲囉！其實懷舊還懷舊，環境質素同懷舊其實冇咩關係，污糟就係污糟！野食方便叫咗個紅燒牛肉麵，面嘅味道唔錯，牛肉湯汁都好濃，麵條亦都好煙韌。另外叫咗藥膳排骨飯。藥膳排骨飯得三嚿骨，湯嘅份量都好少，唔係點夠餸飯。 雖然湯嘅味道都還可以，但係以70蚊嘅價錢嚟講非常之唔值。就算食物味道ok，但係環境咁污糟，真係食乜都冇味，一定唔會再去！

小時光我並唔係第一次食，之前數次幫襯嘅經驗都幾好，價錢合宜之餘食物又唔錯，性價比幾高。今次就諗住叫下啲之前未食過嘅野，就叫左個 鹵豬扒便當。便當賣相都幾吸引，分量亦相當足夠，五十幾蚊黎講算係幾抵食。但係食落就發現有少少中伏，豬排非常硬，又非常乾，有少少難以入口。個汁都仲ok食落咸度適中，但就因為豬排太硬令呢個便當扣左唔少分。小時光一向係我幾鍾意嘅台式餐廳，今次揀錯餐味道麻麻.，但下次應該都仲會幫襯，會試番嘅保守啲嘅便當😆