小南國狀元樓 (已結業)

送茶果d菜甫好好食!食左生煎包($20/5隻)~好正!夠熱!名不虛傳~上海糯米燒賣..d糯米軟硬岩岩好~都幾油下ga蘿蔔絲酥餅~yummy!~栥飯糕~出面脆.入面軟4樣野已經好飽!想試d甜品都食唔落lu~午市仲有8折埋單岩岩好100抵食~

同事買左一盒這裡的點心來作下午茶，係呢度凡人氣點心：花生酥同合桃酥等各幾件，等大家都可以試均晒，而我就淨係試左合桃酥同花生酥。合桃酥好似金沙朱古力咁大粒，個外型真係好似一粒合桃，手工極之精美，外皮酥化，入面有糖粒及合桃粒，味道唔錯；花生酥則似一粒大碼的花生，有三吋咁長，入面有花生粒及糖粒，係幾得意的。可惜已經涼了，如果唔係趁熱食會更好吃。據講花生酥同合桃酥都係15蚊一粒，唔算平，但手工精美又幾有特色，至少香港是只此一家，未試過的可以一試。因為不喜歡中環小南國，所以對這裡亦無甚好感，但經此一試，對各式上海點心又有番興趣，都可以找個機會去試試其他上海點心如太白軟拉糕、粢飯糕、眉毛酥、狀元角、壽桃包等。

雖然話晒呢度o既賣點係兩位得獎名廚李耀雲同葛賢萼師傅，不過去o既時候其實冇乜期望，皆因之前聽得太多唔係幾好o既評語。今日見唔使等都有位，咁就即管試一試啦~~點心方面，出名o既合桃酥同花生酥就冇叫到，只係試o左籠小籠包($20/5隻)同上海糯米燒賣。小籠包都幾多汁，味道其實都okay；不過size比較大粒，唔方便成粒放入口咁食，所以冇嚮翡翠食得咁開心。上海糯米燒賣好等別，而且味道唔錯，雖然個餡係糯米同豬肉，不過唔會覺得好油膩，幾香。除點心之外，仲叫o左個一盅上o既醉雞，擔擔麵，排骨糯米飯($68)同叉子菘($78/8件)。醉雞唔係好夠酒味；至於個擔擔麵，麵身尚可，但湯底唔掂，冇味又唔辣，差！排骨糯米飯加o左D新鮮蠶豆同白果，味道幾特別幾香，可以一試。叉子菘係叉子燒餅伴以炒菘子、豬肉、粉絲等材料，味道唔錯，不過價錢略貴~~總括o黎講似乎葛師傅o既點心比較優勝，服務就一般咁啦，當晚所見都冇話等別差。埋單連加一每人大約七十幾蚊，都唔算貴；下次再o黎o既話點都要訂個合桃酥同花生酥(或五福臨門)試下先！

年廿幾訂位，話只可揀六點同八點，於是揀左八點。通知朋友時，有人己經警告話呢間舖好多人，但心諗佢接受booking，應無問題，點知真係等左九個字都無位，個receptionist仲好cool，結果走左去張生記。<br /><br />後來聽聞佢係上海好出名，於是慕名再去。訂位時講明有老人家，唔等得好耐，佢就叫訂七點，話將六點個輪張檯hold到七點俾我地，去到果然唔駛等。<br /><br />book位時係話合桃酥、花生酥冇得訂，但去到叫「五代同堂」就有得食，二百幾有十鬆d粒，講真得意多過好食。另外叫左松子黃魚、石頭鍋飯、擔擔麵、清炒蝦仁、生煎飽、糯米燒賣、圓蹄、小籠包、荳苗、蘿蔔絲酥餅、冷盤等等，(我地十幾個人) 樣樣都唔錯。尤其係雪菜炒年糕，心想咁整邊有味，點知炒出黎雖然油，但個雪菜有種特別香味，年糕又軟糯，好快清碟。<br /><br />總體黎講，種類多(尤其點心)、價錢相宜、份量足、味道唔錯，訂位唔好咁混亂，都去得過。

唔係我唔想試呀....係我去訂檯時話要book呢兩個酥,佢話俾其他人book晒啦.....我都想叫...

其實,你上到去小南國食,點解唔叫核桃酥同花生酥呢?試下都唔錯呢,一碟都唔係大,佢d酥都係細細粒,一碟十零粒.唔洗之後周圍問人好唔好食啦....其實佢0既點心賣點係精緻囉~手功做得好好,好仔細,另外,佢0既菜式賣點係傳統上海菜,可能唔係人人都岩食呢

其實有無人食過佢個核桃酥同花生酥呀? 報紙雜誌sell到咁行,但我上次去book枱佢就話o個日已經俾人地訂晒...但係最終我去食時就無見到任何一枱上有呢兩個酥播...只聞樓梯響...麻煩食過o既人話俾我知佢地係咪真係咁正丫!

昨天同朋友到小南國狀元樓食晚飯, 全場滿座我們叫了蟹粉小籠包,生煎包: 內裡是很肥的肥膏... 生煎包應該已放了一段時間, 不夠熱, 底已不脆!翡翠小籠包的蟹粉小籠包雖然一般, 但已比小南國好很多.另外我們叫了萕菜百業卷, 可能食不慣萕菜的草味, 不太喜歡.最後一味狀元餃, 餡料太小, 餃子很扁!總括:不值得大家去試, 否則會好失望!

尋晚同成班朋友及女朋友離呢度食飯, 我就第一次試, 呢度有三層, 好彩訂左位, 因為都幾多人下, 食既係傳統上海菜. 離呢度食既人應該對佢有D信心既, 估計唔會太差, 詳細唔講啦, 因為未見有驚喜, 都幾好食, 价錢合理, 不過我個人覺得大部份既菜唔夠熱, 或者呢個係個人感受....都值得去試下既, 樓面服務唔錯嫁.

年三十晚訂檯食團年飯，諗住提早訂定花生酥同合桃酥，點知佢話個日唔整無得訂，唯有下次有機會食過。依間比小南國大眾化d，點心款式d多，而且我覺得好食d tim。麻醬冷麵、燻魚、糖醋小排骨三樣冷盤到唔錯喎蟹粉小籠包-皮好薄好容易漏晒d湯，雪菜炒年榚-炒得勁多油，搖柱蛋白豆苗-略咸，砂鍋雲吞雞-至正隻雞，肉質好嫩滑；甜品係芝麻豆沙餅-新鮮熱辣，勁好食，內面係豆沙又唔太甜、出面係芝麻面好香口。

o係上海試過,只係得大菜...但係見到香港呢間多好多點心選擇,所以就試下訂�^ 都無得食合桃酥同花生酥,唯有下次再試過...叫左松子桂魚,稻草肉夾餅,蘿蔔絲酥餅,香菇素菜包,辣醬面,上湯荳苗同冬筍塌菜最鍾意食個魚,酸酸甜甜,好開胃.其他都幾好.同意個蘿蔔絲酥餅唔係好熱.但係我o係上海食時每間都係咁.我覺得只係香港翡翠改良左至咁熱辣辣(不過我自己都prefer翡翠多d)埋單500幾蚊,唔算平, 最主要係o個兩碟青菜比較貴

我18/1同屋企人去食lunch,book 咗位就真係唔使等,即刻有位.幾正!<br />我地6個人, 食咗4個前菜(好普通, 醉雞幾正),一個招牌小籠飽(翡翠好味100陪喎),一個雲吞雞(好唔得呀,淡而無味), 一個松子魚(好味),一個龍井蝦仁(唔錯, 好香龍井味), 東坡肉(太肥), 靈芝菇豆苗(ok), 酒讓丸子(正)! 不過啲餸嚟得太快,所以啲餸好快就涷唒!<br />最後HK$1200找數. 整體啲味道真係好一般,無想像中咁正, 應該無下次la!

16/1，今次係我第2次去，同上次比，簡直有天壤之別！今次差得離譜！首先入到去想搵個舒服D o既位坐(2人)，佢比o左張會頂腳o既大排檔摺台我地坐(4人圓台)，於是我就同佢地講話想轉去長台(因為o個D台唔頂腳)，點知佢地話：o個D係4人台o黎架！跟住我就話：我呢張都係4人台！佢地就話：我地坐地呢張係3人台！(但明明有4張"登"，佢地都要夾梗話係3人台)跟住我見都有2個人都坐緊o個D所謂o既4人台，跟住我就話：佢地2個人都坐o個張4人台啦！佢地就話：佢地有訂位！(跟住我都吹佢唔漲喇！難道有訂位就可以有較好o既對待？大家都一樣o黎比錢食o野o者！)咁都算喇！上次去都幾好食o既，尤其是個生煎包！於是今次都叫o左個生煎包同酸辣湯，點知個生煎包上台時o既樣已經唔係幾好(凹凹地，上次係漲卜卜)，當我咬落去時，究然係淋o既，連個底都係淋o既，好似番蒸咁(上次個面同底都係脆o既，非常新鮮)！於是我便問佢地：點解個生煎包淋o既，唔係脆，上次食都唔係咁o既？佢地答：唔係番蒸，番蒸唔係咁架…，而且我地每台都係咁上！因為真係唔好食，所以我再問第2個，睇下可唔可以換個碟/換第2樣o野！佢地又答：係咁個喎，應該唔

前天晚上我與友人兩個到此飯聚點了蘿蔔絲酥餅/雪菜粉皮/酸辣湯(大辣)/小籠飽除了蘿蔔絲酥餅冷了點其他食物都十分出色而且只是150元左右什值得推薦

今日夜晚同左個老朋友黎呢度食，兩個人，七點零鐘唔洗等位，不過都左八點左右就已經坐滿喇﹗睇個菜牌，都好多選擇，仲有好多有相睇，好好﹗花多眼亂之下，叫左個麻婆豆腐石燒飯、紅油抄手、火腿蘿蔔絲酥餅同糯米肉燒賣。其實我收工前剛食左Tea，好飽，都唔係幾食到，但係佢又真係幾好味喎，搞到我又食多左添﹗其中最好味係麻婆豆腐石燒飯同糯米肉燒賣，個鍋飯上枱時仲有"吱吱"聲，好似好正咁﹗食落好香，少少辣，正﹗仲有少少飯焦添，超正﹗而個糯米肉燒賣，好似怪怪地咁，但估唔到咁好食，大家都可以試下啊﹗相反，另外0個兩樣紅油抄手同火腿蘿蔔絲酥餅就可以唔試，紅油抄手無啦啦又有D芝麻0係面，我唔鍾意囉，而且個皮仲好硬，D餡又實…真係麻麻﹗而個火腿蘿蔔絲酥餅，味都唔錯，但係個底又厚，又係整D芝麻0係度，真係無0個樣整0個樣，仲要黎到已經唔係太熱，扣分啊﹗兩個人食四樣野都只係$140唔洗，好抵啊﹗會再食呀﹗