小南國狀元樓 (已結業)

價錢唔貴，d點心幾扺食, 但我地晚飯冇叫小菜,d waiter就好似唔係幾高興> = <

野食都係好味. 價錢又唔貴. 每人一百蚊內, 已經可以食得好飽.

昨晚，三個人到這裡試試，叫了以下食物:蘿蔔海蜇絲: 麻麻地，食唔到有海蜇；勳魚: 最唔掂呢個，太乾，食到我口都損；沙窩雲吞雞: 有十二隻雲吞，半隻雞；隻雞唔算太"鞋"，雲吞皮幾薄同幾足料，個湯好入味，比我地飲鬼晒，建議如果由四個人食會好D，唔駛太飽。蟹粉小籠包: 食唔到蟹粉，一般D。擔擔麵及上海煨麵：麻麻，擔擔麵Q嘜好食D。D service 唔係好得，可能係唔夠人。

ha..今晚食飯時見到d侍應係度你追我,我追你打架,真係...hahaaa

食過好幾次晚飯, 食物都未試過失望, 價錢ok, 至於服務就不過不失啦!每次去都好像有些新菜式, 像今晚的沸騰什菌雞片, 材料還有豆腐和青瓜, 棘得來又不是太搶, 越食越想食, 真是幾好食。另外點心大部份都做得唔錯, 小籠包, 生煎包, 果仁穌... 今晚的薺菜肉絲炒年糕都唔錯...次次都叫的就有小黃魚...好嫩滑。

完全唔掂！

今天一家人去慶祝母親節，已經事先訂了位，去到要排隊（訂位時沒有人告知），那不要緊，但侍應竟說有人拿了檯，她說她曾問那人寫在登記紙上的電話號碼是否他／她的電話號碼！她不是應該叫客人說出登記的電話號碼以資識別的嗎？排隊時有很混亂，造成很多人不滿．其後，拿了入座紙上了樓上又再要等位！又是訂位時沒有說明！足足等了１５分鐘有多．等的時候聽到有人說檯只有約９０張，但接了近３００個訂座電話！如果沒有足夠座位，就不應再接訂座，這樣是不負責任的行為！入座後問侍應拿餐牌，他說今天沒有餐牌，只有十多二十款菜或特定套餐可供選擇，訂位時又沒有說明！服務差勁可見一班！最後點了數款菜，糯米排骨和蒜泥飯味道不俗，但較油膩，薺菜豆腐十分細碟，砂鍋餛飩的湯似乎是加水再煲的，小籠包十分普通，反而灌湯生煎包味道較好，甜品賣相好，味道沒有想像中好，我較喜歡豆沙軟糕，家人則較喜歡花生酥．不過那些酥有少少油膩．總括而言，食物味道中上，但服務差勁．

今次一行五人, 點了元蹄, 很多油, 怕肥膩者切勿點此菜, 如果要配小棠菜的另加五十元, 我認為元蹄的肉不太入味, 只是表面有汁, 所以味道只屬一般; 勝瓜炒菌菇, 清炒菜色是也, 大家也知道味道如何; 心太軟, 賣相吸引, 但食落發現太"漏", 不能多吃; 醉雞酒味不太濃, 我覺得蠻好; 排骨糯米, 有欺騙之嫌, 因為一大籠糯米飯, 只有一小塊排骨, 名不符實, 可能如大食Eric所言, 排骨只是"吊味"吧! 另外, 點心方面也不是太出色, 蘿蔔絲酥餅, 火腿味太重, 酥皮不夠鬆, 不太好吃; 花生酥和合桃酥也只是吃手工, 味道只屬一般. 綜觀這頓晚飯, 點心和小菜都不是太出色, 或許不合我們的口味吧, 大家可以一試給點意見. 服務方面, 中規中矩, 不是好, 但也不算差!

一心想吃頓豐富的晚餐，便選家出名的餐館，可是，卻頗叫人失望。頭盤的醉雞和海蜇是最好的，水準不俗。另外一個上海餈飯，是炸的，頗香，還可以。主菜點了- 蟹粉：不錯，但鹹了些雪菜肉絲炒年糕：太油膩排骨糯米飯：好好油膩，排骨廖廖可數元蹄(記不起甚麼名堂)：不太清楚，因為沒有食簡而言之，就是太油膩，上海食品本身已經油，她更是不用錢的一樣。吃得人一口油，甚至望見已不想放入口……最後，為了一試那些要預訂而我們卻沒有預訂的甜點，便要了一個甜點拼盤。賣相中下，味道嘛，沒有驚喜，中規中矩，可是卻蠻昂貴的，要二百多元，不太值得。只可說是名過其實了。

食過好幾次，無論係中環定銅鑼灣，比較喜歡的是蟹粉小籠飽，上次連要訂的合桃酥各花生酥都食過，不過冇乜特別。中環舖食過菜絲沙律，原本覺得上海菜食菜絲沙律古古怪怪，估唔到個沙律汁又出奇地好，但後來在銅鑼灣食，又冇咁好食。小食比較喜歡心太軟。至於服務態度，我就比較好彩，一向都幾滿意o架!

昨晚一行5 人到小南國狀元樓食飯, 其中有朋友生日. 食物水準ok la. 但服務態度非常差, 不知所謂.當坐下時, 我們問有什麼茶, 女侍應說有龍井或水仙, 因有不同口味, 決定要兩種, 女侍應驚訝地說, 吓, 要兩種? .在寫菜時, 正考慮要松子桂魚還是松子黃魚時, 女侍應說, 黃魚要件二佰元貴很多呢.其中食甜品時, 一個桂花炸湯圓有三個. 男侍應放上枱時, 什麼也不說, 但用手做出一個剪刀手勢, 示意是否要剪細份. 我們感到很奇怪. 在結賬時, 部長用手將單放在枱中, 口中喃喃地説:一共伍佰伍十元, 每人一佰一十元剛剛好. 我們簡直不可相信自己的耳朵, 堂堂一間有名的小南國, 服務比不起一些小店. 我們最後一元貼士也沒有給.我也食過中環的小南國數次, 服務很好. 所以今次很失望並永不再去.

有關小南國狀元樓的食評四月廿日, 本人在送出前忘記俾分. 現再給分.

去到真係唔可以唔食佢地個得獎名菜稻草肉荷葉餅　, 肥就真係肥膩左ｄ但襯熱食真的好美味其他菜式都十分精緻及好味而家午市重有折扣優惠添星期一至五八折星期六日都有九折折完後先至覺得好抵雖然唔算得平, 　但唔係想像中咁貴

一行七個人，叫左三個前菜(糖醋小排骨，熏魚，四喜烤夫)，雲吞雞半份，雪菜炒粉皮，糯米排骨同埋薺菜炒年糕，甜品就係花生酥及核桃酥各一客(要預訂).整體上各樣都味精偏重，較好味D反而係糖醋小排骨，其他都只係好一般。花生酥及核桃酥則有點名大於實。服務尚算唔錯，幾落力及會自動沖水(因食完好口渴，要不停飲茶)。但冷氣唔夠。埋單六百幾。基本上唔會刻意去食第二次。

I rang to 小南國狀元樓(causeway bay branch)for reservation. The lady is very rude!!! Finally, I went to the one in Central.