小南國狀元樓 (已結業)

昨晚同由外國返0黎0既中學同學食個飯見下面(正確名稱應該好似係叫洗塵, 不過今時今日仲會唔會有人咁形容一餐飯?), 成晚0既氣氛相當愉快.食物方面, 碟頭真係超細. 我地6個人叫0左好多碟野先食得飽. 食物質素一般啦, 但係生煎飽好多汁好好味!糯米燒賣同糯米蒸排骨(我地要猛叫糯米野先飽)好入味兼軟熟.糖醋排骨都好入味, 味道亦調較得好恰宜.可惜龍井蝦仁只見茶葉響面, 食唔出龍井味, 我覺得自己食緊清炒蝦仁似d, 扣分.總體0黎講, 個別菜式唔錯, 其他一般, 而且碟頭細真係好大問題. 三兩知己食飯就ok, 人一多真係唔知點分(好似生煎飽得五個, 我地6個人就有一人無得食)

服務: 一坐底，只是放下小菜menu，唔問都唔俾埋本點心menu。其他服務都一般啦，都有點求其。食物:酸辣湯: 過咸過酸，卻不辣，怪怪的。小籠飽: 多汁，但味道一般，尚可一試。生煎飽: 唔夠熱，都無汁爆出黎既，寄望過高，失望而回。環境: 等位個度真係好細，入面d位都坐得可以，不過無乜位出入。總括而言，都係去翡翠好過。

價錢不貴, 幾抵食, 而且水準較不少同類的食肆好, 唯一要彈的是地方坐得唔舒服, 雖然舊銅鑼灣店裝修老土,但就好坐d....不過, 家下銅鑼灣只得返新店....將就下啦...仲有, 服務都要改善下...星期六夜晚九點幾到, 都仲要等位, 極旺場

同朋友食飯，2個人實在唔可以叫得太多！但我竟然叫一隻醉雞（係一大隻唔係一碟例牌）同幾碟小食（包括小籠包）！其他小食味道一般，主要想講隻醉雞…個醉雞其實我都幾欣賞！酒香，分量ok，唔太濃唔太淡，雞有雞味，亦唔"鞋"口！整體都唔錯！2個人都差唔多食晒成隻雞！(但最後竟然有D醉醉！失禮晒…)

以前試過中環店覺得唔係幾好, 過幾年唔知死又因為見到新店門口擺出來點心好似好吸引便去食lunch.打開菜牌點心好多款, 望落外型幾好就博命叫, 點知特式點心樣樣都話冇, 明明望落幾似樣的食落樣樣都唔好食(我都唔記得食過啲乜), 印象中烤夫唔好食, 炸湯丸來到發現係好大的炸煎堆上加小小桂花糖(同我係寧波會所食到的極品完全相反), 我覺得俾相片誤導....我覺得啲師傅係眼高手低.以後都唔會再來.

星期日跟加國同學唱完K，一行3人去小南國食晚飯，等位的地方好細下，差唔多1個鐘先安排入座。間餐廳好細，之間好窄，最慘被安排坐門口張，同門口等位的人只有一塊玻璃之隔，無晒privacy!言歸正傳，我們order了以下:生煎飽-飽底好脆，肉汁多，好唔錯其他如小籠包(皮太厚)，擔擔麵(麵太腍)，雲吞雞，東坡肉(ok)，酒釀丸子(d粉腍晒，好似煮好耐)和八寶飯都唔得!整體食物唔合格，唔會有下次。

8 人舊同學吹水局, d 點心好食, 唔漏, 其他小菜水準平均, 就算叫套餐都揀得過, 環境唔錯, 冷氣勁d, 要book位.

兩個人去食tea，初時諗住去峰sushi但係見要等十幾張檯所以上左去小南國食下午茶，佢地有兩款一款28蚊一款30蚊，我地各叫一款share，都有幾多選擇。要左生煎飽、酸辣湯、蟹粉小籠飽、炸湯圓。同中生煎飽最正，個皮好脆，熱lala咬落去仲有汁爆出黎添…另外炸湯圓都不錯，其他既普普通通咁啦，但係d位真係超迫lor同埋等野食都幾耐下…

許多在銅鑼灣店有的食品, 中環店冇! 張Menu有幾貢被膠紙封住, 唔俾你叫內裡棻式. 包括甜品(衰到一款都冇)!仲有, 平嘅唔賣, 貴嘅就賣. 例如: 百頁小唐棻,銅鑼灣店有小的約$22 及大的約$58. 但呢間只賣大的.又例如: 清蒸獅子頭, 銅鑼灣店有普通的約$28 (兩隻) 及蟹粉的約$68 (一樣兩隻), 但呢間只賣蟹粉的. 唔知係唔係因為處於中環的原因? 但扮中上級食店, 佢又唔得, 因為地方不大, 檯椅排酊密密麻麻, 使人坐得很擠逼. 一字記之曰: '渣'! 執到錢都咪入呢間啦.

海蜇頭: 很爽，很有咬口糖醋小排骨: 普通醉雞(半隻): 雞唔夠滑，後悔叫了半隻。蒜蓉石頭飯: 比以前差，飯唔夠香，食落亦唔夠蒜蓉味。紅燒黃魚: 黃魚炆得很入味，可惜蒜子冇味。小塘菜麵根煲: 唔錯生煎飽: 皮薄、多汁、飽底煎得好香脆，做得最出色。

生煎包:底部煎得非常鬆脆.... 而且和小籠包一樣, 肉汁又多! 真係好"正"!

呢間食店好人, 但唔夠伙計, d女伙計都係大陸人, 服務當然無水準可言食物一般, 那隻招財雞成$198 簡直不知所謂, 只不過係豉油雞一隻, 仲要d肉係霉霉地, 極唔抵!

琴日同幾個朋友去左小南國食野,叫左一客花生酥同核桃酥($36),一客生煎包($20),兩只特製蟹粉小龍包($40),一客上海秶飯糕($18),同一客上海三絲春卷($18),一碗擔擔面($28),一客招牌小龍包($20),南瓜餅($18)D 野都ok!秶飯糕炸到唔是太硬又唔是太軟好有口感..一個字"正"r...三絲春卷外面脆脆的唔是太乾餡不乾,味道唔錯,賣相都唔差擔擔面就唔是好夠辣特製蟹粉小龍包就真是好抵食一只$20 好好大只直徑差不多有7cm 好大只裹面好鬼多蟹粉但味道一般手功就一流點心皇后真是名副其實d 野好靚生煎包就是咁多野之中最好食ga!一咬下去d湯好似泉水咁噴出黎,個包底好香脆可以講一絕r花生酥同核桃酥南瓜餅都唔差食物方面可以講都過得去,每一件都好似藝術品咁有少少唔想食佢地落肚....真是一個唔錯ga..服務就真是唔多得.... d 傳菜亞姐好粗魯d waiter 唔醒目大打折扣...

記得舊年年三十晚團年食喎，水準只係一般，今次老朋友係第二度返o黎，佢指定要食小南國，冇辦法啦!叫了一個六人套餐再加一碟冷盤糖醋小排骨，全個套餐叫做最好食係糖醋桂魚，是最夠味一碟，其實唔算好好食，不過係當晚中叫做好食的一味，其次係勝瓜炒雜菌，不係三催四請等了好耐先o黎，食套餐出現漏單情況我都係第一次見。上海菜應該好濃味，但佢真係完全冇味唔夠味，連我其他朋友都認同，例如稻草肉買相以為好濃味，點知舊肉完全唔入味，連d汁都冇乜味道，煲湯豬肉加鼓油好食過佢，龍井炒蝦仁，莫講話茶香味連咸味都冇，糖醋排骨冇甜味又冇酸味、甜品酒釀丸子連我唔飲酒的人都唔覺佢有酒味。招呼服務又唔係好，傳菜D阿姐好粗魯，待應又唔得醒目，總之冇樣好，一定唔會再o黎食。

今日去食lunch, 叫左生煎飽, 心太軟同埋特價松子桂魚. 條魚個賣相好得, 不過一吹落就知係死魚, 因為魚肉係霉既! 有冇搞錯?咁大間食館用條唔新鮮既桂魚俾客人食, 總之去百佳買條游水桂魚返屋企清蒸好過!因為條魚搞到冇哂胃口, 所以其他野食都係食完就埋單走人.一定冇下次幫襯!!!