小南國狀元樓 (已結業)

朋友想食上海野, 於是上星期有日黎食. 訂左位, 叫左數樣食物, 有幾款食物真係好好食:-(1)灌湯生煎包: 熱騰騰, 個底煎得好脆, 裡面好多肉汁, 熱騰騰, 加埋d醋一齊食, 好好味啊~~! 一碟有5個, 20元, 好抵食. 朋友仲要飢餓到食左4個….!(2)桂花酒釀丸子:　雖然最尾既時候已經食得好飽, 不過見人人都讚，於是就叫左一碗（$18）同朋友share. 侍應姐姐仲好細心咁自動俾多個碗仔我地．　望落去，有好多桂花同丸子，足料．而且有好香好清既桂花味，超好味～～個texture杰杰地，半liquid咁，小丸子細細粒，煙煙un un.　仲食左其他野：(3)小籠包：我地order最普通個款，我覺得ok, 不過個皮厚左d. 朋友就覺得佢無灌湯，比外面其他既遜色．(4)酸辣湯：叫左個例牌，有成5碗．我鐘意佢既辣味係胡椒味，而唔係一般港式酸辣湯咁，比較似正宗既上海菜．(5)雪菜炒年糕：朋友話呢個無味，咁又係既，因為呢個菜除左雪菜之外就咩都無．(6)薺菜百頁卷：綠色同白色既配搭，好鮮明，不過薺菜既味怪怪地，而且冷盤一向都唔係我地既favourite，所以下次都應該唔會叫.

朋友想食上海野, 記得以前朋友話呢度好食, 於是訂埋位黎食又真係好好味喎, 個人的心水推介有1)灌湯生煎包: 包熱騰騰, 個底煎得好脆, 裡面好有肉汁, 點埋d醋一齊食, 真係好好食~~一碟有5個, 都只不過係$20, 抵食. 朋友話肚餓, 5個包, 佢食左4個!!!(2)桂花酒醸丸子: 最後叫既, 雖然已食到好飽, 但知道呢度好出名, 於是叫左一碗share. 侍應小姐仲好細心咁自動俾多個碗仔我地. 先飲一啖, 好清香既桂花味, 好味啊~~成碗都有好多桂花同丸子, 個texture杰杰地, 好好味~~另外都食左以下幾樣3)酸辣湯: 要左個例牌既, 有5碗. 覺得個味道同上海飲既差唔多, 個辣味都係以胡椒味表達, 同一般港式酸辣湯唔同.(4)雪菜炒年糕: 朋友嫌唔夠味, 因為佢真係只有雪菜, 跟住就咩都無.(5)薺菜百頁卷: 綠色同白色既配搭, 好鮮明. 不過食落去就麻麻, 薺菜有陣幾奇怪既味, 而且冷盤一向都唔係我地既favourite.加埋茶錢, 二百五十多元兩個人, ok.

最愛吃上海菜，更加是小南國的上海點心。小妹認為小南國最好吃的是點心，而不是菜。所以每次均愛點不同的點心品嚐~最喜愛吃的是：生煎包-- 肉質鮮美，皮煎得剛剛好，是脆身金黃色的，另外，吃的時候，總是熱烘烘，湯汁溢出，美味!小籠包-- 皮薄, 肉質鮮美，一口吃下，有種熱呼呼的幸福感覺。(當心燙口，因為皮確是薄得讓湯也很易流出來!)三絲粉皮-- 沒有記錯的話，小南國的粉皮是叫作捧捧雞，醬料有所不同，但是另一番風味，是夏天凍食首選。酒釀湯丸-- 雖然小妹對於湯丸之類的甜品沒大興趣，但是，小南國實在把湯丸做得太美味了，最適合冬天品嚐，吃罷暖的。至於小南國眾多分店之中，我獨愛銅鑼灣這一間，因為那邊的點心才造得出水準來。小妹曾多次光顧尖沙咀那間，但食物的質數確有偏差。所以, 要吃正宗的，還是去銅鑼灣那一間吧!

平時食開上海嘢一係會去南翔或者去翡翠。今日試一試呢間好唔好味。Order左义子餅，醬鴨，糟溜魚片，小籠包及生煎包。首先义子餅啲肉比較乾，加埋塊芝麻夾餅直情乾上加乾。要飲荼來送先掂。見醬鴨個顏色咁深色，以為會好salty。但係又唔係wor。反而味道ok,好香滷水味同唔肥。糟溜魚片味道一般，如果啲鱼片唔係咁淋口感會幾好。小籠包就唔係好得，質素比翡翠同南翔差很多。細粒及冇乜汁。反而值得一讚係生煎包！的確幾好味。外軟，底脆，豬肉唔乾同有汁。所以order左兩客。Overall食物有好有唔好，會揾日afternoon去淨係試佢地D點心。

伙計真係幾懶散,間野都唔多客,佢地個個企晒向度都唔多想做...推介菜:生煎包,砂鍋雲吞雞,糯米燒賣倒胃菜:百頁卷普通貨式:鎮江小排骨,蟹粉小籠包,皮蛋豆腐茶錢$12一位都幾貴佢一黎只會開一壺茶比你,記住開多壺唔好蝕,橫掂茶錢都咁貴連埋加一貼士每人$78都好飽如果兩個人就唔試得幾多了~

12月30日, 和家人到銅鑼灣小南國晚飯, 一行16人, 兩星期前訂, 話要消費$4000先可以要獨立房間, 因沒有預計吃那麼貴, 所以訂了大廳的, 當日去到, 我們叫侍應拿menu, 他們就說因為除夕, 不能點menu上的菜式, 只可叫一個$3380的15人套餐(但當日只是30日不是除夕), 我們問他為什麼訂時不說明只可叫$3380的套餐, 要不我們都可以食夠$4000而訂獨立房間, 他說:我們一般訂時都不會說明(這樣說就等如話"我們一般都是這樣騙人的"!!!!!!)接著又說:訂獨立房間要早兩星期. 我們即反駁他:我們兩星期前訂的! 他聴罷沒有回應, 只繼續游說我們叫套餐, 因為我們有老有嫩, 不好再爭恃下去, 只好叫了那個套餐. 完全覺得係黑店, 呢次係我第一次去小南國食飯, 亦都會係最後一次.

My first time there but also my last time there, too. It's because the services are very bad, the waitors are very impolite. We have ordered some dishes but not yet delivered after 45 minutes, so we had to chase for them. Meanwhile, the consumers sitting next to us, whom arrived 30 miniutes later than us, have already got the same dishes, so we talked to the waitors but they responsed rudely & denied that they have missed our orders & claimed that it's not their mistake, it takes time to prep

喺上海小南國食過,見香港有分店便去試下,難得生日有人請哩!^o^ 叫了一個二人餐,有:1.油豆腐粉絲湯(每人一碗,有三舊唔同型態豆腐,特點係地都係釀左肉饀,幾好味)2.四喜烤夫拼雪菜百葉(冇咩特別,不過雪菜切得很幼細,好容易黐住啲牙)3.清炒河蝦仁(ok,見到有啲龍井茶葉,但食唔出龍井味)4.千層肉(唔多記得個真名,像東坡肉,係個汁唔同,有少少南乳味,我覺得不錯,但怕肥的朋友就最好唔好食了)5.蟹粉小籠包(比一般size大,熱騰騰時食簡直好食到不得了,極力推介!)6.雪梨糖水(只可說是幾特別) 因為太肚餓,所以加多咗個麻婆豆腐石頭飯,味道唔錯,有驚喜,上枱後先拌勻,仲有飯焦哩! 另外,餐前小食菜甫辣辣地都幾好食! 整體黎講都唔錯,係上菜速度略快,食物好快就涼了!服務都算ok. 最後衷心多謝幫我慶祝生日!

上星期六中午去食晏，叫了生煎包、蟹粉小籠包、蝦蛋炒飯同椒鹽小黃魚，之前去過尖沙咀海港城間翡翠拉麵小籠包食過小黃魚($48兩條)，呢度好食好多同抵食好多，每條$18(兩條起)，另外蟹粉小籠包都幾好味同幾抵食，$38有5隻，將軍澳金滬庭$38得4隻，仲冇黎味度，好似冇蟹粉咁，至於生煎包係招牌菜，有一定水準，炒飯用個鍋仔上，份量都算多，味道不錯，今餐幾滿意，埋單188蚊，抵食過金滬庭好多，下次再食過。

已經過了重陽，算是深秋時分，但店內的冷氣仍然勁吹，剛上檯熱騰騰的食物，擺放一會兒己經變涼轉硬，失去了原來的風味，有點可惜。慕名而來的食客由二樓一直排到地下，長長的人龍盤踞著狹長的樓梯，實在蠻有趣。所以食友們想幫襯的話，記緊要預先訂位，尤其以星期五六日為甚。每次必食的蟹粉小籠包，水準依舊，美味依然，但其他的菜色卻有點退步跡象，以蟹粉蒸蛋白為例，蛋白雖滑，但蟹粉卻帶腥臊味，兼夾雜沙粒，實在不得不彈。可能人多等位，所以我們六時入座時，侍應已說明只可以食到八時半。食友們記住入座時要問清楚，避免不必要的誤會。整體上，招待和食物各方面均稱得上滿意，但水準好像有點向下的趨勢，希望店主能夠多加留意，否則我們又少了一個食上海菜的好地方。

酸辣湯:味道其實幾好, 一飲落去既時候會覺得吳夠味, 但愈飲就愈有一份辛辣既感覺上海冷面:幼面底, 個人覺得係担担面既冇湯版, 有少少燈籠椒, 一客夠四個人分小籠包:汁始終吳多, 吳係咁飽滿, 有少少失望生煎包:個包皮整得幾好, 吳會好厚好粘, 肉質都好好, 而且個底雖然脆, 但就吳會話一舊粉咁鍋貼:個樣似蒸餃多d, 完全未見過d咁吳濃既窩貼, 但係食落又帶有香脆既感覺wor服務態度幾好, waiter主動問我地好吳好幫我地分左d湯同面佢. 見倒人地食外婆肉好似幾好咁

星期六同朋友去食, 都等了好耐位, 叫了4個菜:小籠包- 唔掂, 皮很厚, 肉汁不太多!醬鴨- ok, 都幾腍, 而且頗入味!皮蛋豆腐- 幾好, 同我在北京食的差不多, 好味!炒年糕- ok, 但不是出色, 不太特別!總括來說ok的, 不過如果要掛隊的話就免了!

Actually, the service is not really bad. But the witers and waitress always stand near the entrance so they can't see us when we need to order. I have 小籠包, 桂花拉糕and wonton chicken. 小籠包is very juicy.wonton chicken is really good and they can order a a small bowl of it.It is cheaper and smaller. At last, I have 桂花拉糕...mmm...it is ok when u have one but it 's too sweet if you have too much.

當日我和家人都在小南國食下午茶，那枱和經理爭吵的客人，簡直係發神經，我見到初時那枱客人叫埋單，開頭只見那枱客人不滿張單太貴，於是和侍應爭理，後來那枱客中有一個男人去到cashier那處和經理議論，後來經理再拿着張單去埋單，誰知那枱客中有一個女人就係度大吵大鬧，發晒癲咁，那經理都越來越大聲，擾嚷一番後，卒之埋單，不過不是那位食評人所講俾cash，而係碌卡，接近半個鈡的爭捌由那女人很大力的推門而結束，諗住好好地食歺下午荼都唔得，嘈住晒！

對上一次去小南國，已經係兩三年前的事，因為對佢的侍應的服務非常不滿意，其實食物的水準都不太差的。咁上星期朋友叫到，話去近Sogo個間小南國食晚飯，我諗住咁耐無去，試無妨啦。其實食物的水準仍然OK，但仍然都是個句，比佢地的侍應的態度嚇親，今時今日的服務態度都有~~事關佢地無乜禮貌，同埋唔係好識點樣SERVE客，我地食緊甜品時，有位仁兄已在我地周圍掃地，好像就打烊咁。到差不多10點左右，佢地話LAST ORDER，我地話唔再ORDER後，就叫我地埋單啦，咁當時其實仍然有三四客的，我地並不是最後一，我地諗住埋完單後再傾多一陣啦，因為其實時間尚早，只係10點左右。點知那位仁兄(即是剛才掃地個位)，就同我地講，我要SET一張14人的呀，同你地換位呀。，有無搞錯，分明在趕客走啦，你SET定明天的位，是你慳時間唔想等客人走後才做，咁樣做野都有???真係激死人，點解今時今日小南國的服務態度都係咁差架!!!