寿司源

營業中

休息中

點解香港人甘鍾意去日本 壽司剌身真係一個好大既因素小妹食Omakase 次數不多 十隻手指數得唒對上一次已經係年中係東京食。今次入到黎元朗區試下紅日關係 lunch分左兩輪 book 左1:45 餐廳位於內街 地方比想像中大 全sushi bar有16個位 4個師傅 裝潢簡約新淨 Lunch 有三百同五百既set今次叫左五百點好餐等左一陣就上茶碗蒸同前菜蒸蛋質地好滑 裏面有帶子粒 可惜蛋味淡 壽司剌身就唔遂件寫 寫d印象深刻架啦(其他冇介紹既其實都ok，只不過對比其他 個人覺得冇甘特別)煮物: 鮟康魚肝(右上)用味醂蘸過 小小甜一啲都唔腥，醬汁同魚肝好配合帆立貝壽司新鮮爽口 好味中拖羅切成三薄片 撘起成一舊壽司  係口中溶化牡丹蝦上面有d燒過既蝦膏 令成舊壽司更香更有層次海膽壽司反而最失望 唔鮮甜 仲食到苦澀味秋刀魚剌身係當造 好肥美 左上toro手捲用左三個部位toro剁成蓉包成手捲 唔錯 食完手卷就係尾聲甜品係雪糕 揀左士多啤梨味 食唒成個Set 都已經七八成飽值得一讚係Service師傅會簡單介紹返壽司係乜嘢 又會問你喜好,食得飽唔飽甘，而且大家香港人 更易溝通男經理都好細心

早兩日又去壽司源開飯,mark師傅真係手勢一流,每件壽司都令我忍唔住會心微笑,色香味俱全,每次黎基本都唔洗睇餐單直接上500果set,一個月食得果幾次對自己好D每月都有新餐單,保持新鮮感,仲要係當季當造食材,真係不時不食,正!!!👍不得不提既係秋刀魚真係超肥美,真係百吃不厭,入口即溶爆鮮甜同呑拿魚腩有得比👍今次煮物係燒劍魚腩,帶淡淡酒香,肉質結實魚油不足有點乾,整體還算可以海膽,野生拖羅呢D就唔洗講都知又係一絕其中梭子魚同平目真係普通左D,味道係眾多壽司中唔算突出,但都好味既,而今期推薦既關鯖,秋刀同筋子真係正到不得之了,秋刀就上面講左,關鯖魚味極濃,咬下去滿口油香,筋子同出面食到既完全係兩回事,平時出面食要吐番塊筋膜出黎因為黏糊糊一團又難咬咁呑唔落,但係呢件塊膜係薄身,連魚子咬脆脆滑滑咁好香好順口👍最後件香蔥吞拿魚手卷非常美味,脆卜卜D魚油又香非常滿足師傅仲請左件晚市先食到既長崎蛋糕玉子比我試,蛋味極香,甜得黎食到淡淡海產既鮮香,一問之下先知加左魚同蝦蓉,食起黎異常鬆軟非常出色👍每次食甜品時都會有種莫名既落寞,好似有一埸愉悅既旅程即將完結既失落同不捨,不過同時亦有一種強烈既期待,唔知

元朗愈來愈多貴價日本菜, 一直都很想試, 但又覺得真的太貴了, 所以遲遲未食~今年生日, 有幸跟男友食我們從未食過的Omakase.當時, 其實我不知道元朗又有一間新的Omakase, 所以都算幾驚喜的生日禮物呢!一入餐廳, 哇, 很高級的感覺, 又坐得舒服, 令我有點緊張....當天, 我跟男友各點了一個800元套餐及一個1200元套餐分享。雖然其實有點失禮, 但真的全部都想試試其間師傅一直望望我們再微笑, 有時更提醒我們兩個餐都有所以不用分開該碟菜了...情況又尷尬又好笑....而當日, 亦感謝男友及一眾師傅和店員給我一個生日驚喜!師傅更特製了一客卷物作為我的生日禮物呢!雖然到現在我都不知如何稱呼該卷物, 但味道, 即使到現在都超深刻!!!超好味!!!另外, 更多了兩球美味的雪糕!!!這頓生日飯真是又愉快又滿足啊

我同老公經常周圍食Omakase，見到元朗都開左幾間，一於擇一間最人氣嘅試下先，價錢都OK啊，最平800,最貴1200,我地就每個叫一個睇下有乜吾同先！個生蠔好味嘅！不過d壽司上面塊剌身就偏細，收d個價錢甘又係嘅！食日本野一定要飲返杯啦！梵地球，都幾好丫！我最愛拖羅同海膽！你睇下有三塊拖羅嫁😍，海膽都可以嘅！不過全餐最令我失望就係個呑拿魚手卷，一咬落去，好似食雪糕甘，凍到呢....d雪都未溶😒😒

元朗的鮨店越開越多，但因為位置偏遠，常常提不起決心去試。今天為了道別友人，決定一闖元朗。壽司源位於水車館街附近，店面不小，所以也不難找，從大馬路走過去亦不遠，只十分鐘腳程。壽司源只有壽司吧枱的位置，印象中是四位師傅對十六位客人，當天中午是滿席的，幸好有提早一個月訂位。友人比我先入座，師傅提醒2時Last order。當天吃的是 500元的中午套餐，包括刺身、壽司、料理等共15道，加上前菜及味噌湯算是相當飽肚。前菜及茶碗蒸沒有太特別，所以直接跳到今天的料理。壽司: 間八、縞鯵、鯵、北寄貝、毛蟹、関鯖、拖羅、海膽、筋子、蔥拖羅手卷 / 刺身: 平目、帆立貝、秋刀魚、BB鮪 / 料理: 劍魚燒北寄貝 : 不像我們平時常見的紅色熟北寄貝，生鮮的北寄貝應該是半白半灰灰紫紫的，卻沒有鳥貝黑。今天的北寄貝十分新鮮，經師傅拍打後會在板上微微郁動，沒多放調味更突顯其鮮味，口感清新爽脆。毛蟹：因菜單上所列的牡丹蝦已完售，師傅便為我們轉用毛蟹，我們當然OK！師傅即場挑出蟹肉握成壽司，輕加點鹽，蟹肉份量足而鮮甜，不錯。秋刀魚：當天的秋刀魚可以說是艷壓全場，比起拖羅及海膽有過之而無不及。8至10月是吃秋刀魚的季

初試源壽司作我的生日飯、兩星期前預訂了、因爲元朗多間類似的壽司店、最後決定試試「源」我們揀了中位價的餐單、食材相當新鮮、毎道菜師傅都有介紹過、很喜歡坐bar枱前的感覺、一面吃一面跟師傅聊聊天、旁邊的客人又一起聊、好不熱鬧！如果你問我好吃嗎、我會直接答你、一定會再惠顧

壽司源是我們在元朗試的第三家OMAKASE，是一位好朋友常常向我們推介的。這次我們選了平日來吃午餐，三百或五百的套餐，價錢相宜多了。相比起另外兩家，壽司源的整個用餐經驗的確好多了。有一次在另一家餐廳的師傳很冷漠的，向他問問題時他只短短答一句，似乎無甚興趣與我們有更深關係，作為顧客的我，感覺糟透了，也決定不會回到那家。廚師發辦的餐廳，可能是顧客一般較捨得吃，很多時候也會重覆光顧，與師傅已經相熟，所以師傅對於生客一般欠缺一點耐性。這次負責我們的是MARK師傅。師傅真的很友善，向我們介紹每一種魚和它們的特點，整餐飯我們真的吃得很開心。雖然已經吃了好多道菜，但去到師傅告訴我們只剩湯和甜品時，心裡還真有一種低落感，這美妙旅程要完了。當中最喜歡的，是忘了名字的貝類、油甘魚和穴子。師傅對魚的處理也很細心（縱使我們真的看見了好幾次刀工上的失誤）。新鮮的程度？以我不多的經驗，真的也難分辨它還可再怎樣鮮一點了。另外兩次經驗也是晚餐的。其實我們也知道，吃新鮮魚生來說，晚上的魚大部分真的會新鮮一點，但究竟是否值雙倍價錢，還是看你走到一個怎樣的人生階段，和對魚鮮味有多認識和敏感吧。這裡的質素很高，相對之下午餐價

唔知由幾時開始，已經決定左每一個月都要去唔同既餐廳食Omakase。一來，可以見到唔同壽司師父既創意料理同技術。更重要既係每個月都有唔同既魚當造，所以每一次都可以食到唔同味道同埋種類既壽司，令人期待。話說早陣子入左元朗食過壽司之神，知道元朗重有幾間出名既鮨店，所以專登收工就入左去品嚐最近比較出名既壽司源有兩個唔同價位既Set。一場黎到，當然要食$1200，品嚐最多既美味啦！第一道前菜係冰菜蕃茄，最適合夏天作為前菜。冰菜本身爽口，食落清脆又有飽滿既水份。配合甜美的蕃茄同埋沙律醋，開始開胃了。酸薑第二道前菜係八瓜魚，分別有吸盤及魚身既薄切。吸盤比較爽口，魚身就比較甜味。師父加左少許酸汁去提升佢既味道，食落更加清爽，我已經開左個胃去食壽司啦！深海池魚，肉身結實，但係味道清淡，加上少許醬油調味，唔會口味太重。一望到師父整貝類食物我就特別開心，因為勁鍾意貝類個種既鮮美味。石垣貝，岩岩呢個季節食就岩哂啦！口感非常之爽脆，而味道勁鮮甜。加上了青檸令到味道更加清新。響螺，口感更加鬆脆，甜美冇寫上一道咁重，但係因為加左少少青檸同黑椒，所以個味道更加出汁煮鮑魚配鮑魚干醬，勁腍軟，肝醬味道濃而不會搶去自身甜

唔經唔覺元朗都開左三間Omakase, 而且三間都各有特色壽司源比較上係行高檔路線, 但價錢上都係差唔多.餐牌每一個月會轉一次, 但都會加入是日限定既壽司~店裡面既裝修整齊簡潔而且全部都係bar枱, 每個位都可以清楚見到師博準備食材前菜 八爪魚魚身被切成薄片, 口感比較腍魚腳就較為爽脆, 一個前菜有兩種口感, 加上蔥花同酸汁, 好開胃汁煮鮑魚 配鮑魚肝醬鮑魚煮得好腍, 而且保持到鮮味配味道濃郁既鮑魚肝醬, 簡直係味覺既一大衝擊!將勢籽蟹肉 蟹膏 蟹籽 配 醬油 珍珠米剩係睇個樣已經十分吸引食落去每一啖都鮮味十足白燒穴子唔沾醬汁都唔會覺得乾身 但就無食鰻魚咁肥醬汁係淡淡既蘿蔔蓉, 即使沾左都唔會太影響穴子本身既味道~新鮮沙甸魚超級肥美既沙甸魚, 配薑蔥溶有入口即溶既感覺, 而且魚味超重野生吞拿魚師博話因為條吞拿魚本身好大條, 所以筋比較粗切薄片可以更感受吞拿魚既油脂同腍滑既口感縞蝦用油及醬汁醃, 感覺好似韓式醬油蝦, 但味道唔算好濃, 唔會搶左蝦本身既鮮味燒目光魚魚身比較細條, 呢到已經係一條魚既份量係屬於深海魚既一種, 所以油份都比較重而且魚皮燒得好靚, 令整體感覺都加左分!海膽軍艦食

元朗既Omakase 3寶, 一直都在考慮應該試邊間. 在openrice 看了3間所有的食評, 知道壽司源是唯一一間沒有table 枱, 只有bar 枱.  就覺得佢應該比較著重細節同注重質素, 所以決定試佢. 選了平日午餐時間去店子雖細, 但燈光柔和舒服, 裝修好新.  長木枱應該精心選擇過用上等靚木. 叫了一個$300, 一個$500 既Omakase 先來茶碗蒸同蟹肉冬瓜,蛋好熱, 入面好足料, 有帆立貝同定番的銀杏。味道尚好不過唔係驚為天人既美味. 不是重點不多提. 12件壽司由淡味至濃味一件件係你面前即切即整。聽過有些omakase 午市會將價就貨切好哂D魚先, 壽司源沒有咁做令我好放心. 閒談中師傅都話  憑佢呢句已經對壽司源加分。我會形象佢既壽司屬於 偏新派既壽司] , 例如在三文魚子軍艦上, 加上少少柚子皮和紫蘇葉, 令壽司更有層次, 更帶出食材原有鮮味。又例如帆立貝平時可能係原粒放上飯比你食, 這兒師傅是用靈巧既刀功先介好細紋, 再掃上淡淡的醬油, 令整體更入味(見到佢不同魚/食材用不同醬油, 不同既掃/樽, 好細緻) 因為專心享用壽司, 無每件相機食先. 師傅可

如果係食日本既廚師發版,我諗我都已經係第三次,今次因為女朋友生日所以簡左間新餐廳本身諗住試下既心態食既,不過總結黎講佢比起我之前食果一日更好更好食,師父更加親切魚既種類吾多講啦,最主要都係我覺得師傅主理既鯖魚、拖羅同池魚,另外蝦係新鮮係我地面前解決佢😂😂最後想講講佢既熟食,每一樣都好精緻同特別菜單都更新得幾快,不過價錢方面都吾係平,都係中上既價錢,不過我係日本果到食都冇係壽司源食得咁好味,依家大約三至四個月先食一次

食品質素高魚生新鮮師傅會為你帶來驚喜是元朗區不錯的選擇。建議可選擇$800或$500必須要訂位甜品也不錯師傅會因應不同客戶的需要提供不同的餐單。店鋪寬，坐位不多但舒服

好耐冇寫過食評(汗)以前本人對壽司這類料理沒有什麼特別喜愛但自從早前北海道之旅嚐過伊勢鮨(2012米芝蓮1星)和築地的壽司大後, 就對高級壽司念念不忘返港後就research下這方面的店舖, 咁好容易就會搵到元朗omakase三強記得之前tvg的網友推介過壽司源, 佢地的facebook專頁會在月頭預覽每月的廚師發辦內容, 睇過食材後覺得ok就打電話去訂枱店舖距離西鐵站只係5分鐘路程左右，區外前往都好方便坐低後服務員會講下menu，午市分300/500兩個價錢，300是12貫壽司而500就有刺身壽司煮物等其實價位只係貴過放題少少，比多少少就可以食高質素的和食何樂而不為呢今次serve我的是Mark師傅食物方面只是記下感想，不班門弄斧了剛蒸好的茶碗蒸，好熱，內有切件的帶子和銀杏先付 - 茄子小插曲> 我未開始食先付師傅已經作好了第一貫的帆立貝壽司可能是師傅睇漏眼?1 帆立貝 加柚子皮加左柚子味好fresh2 平目 加楤木芽3 平政好似話見到呢種魚的壽司店都唔係普通野，師傅說是類似油甘魚我問即是鰤魚？師傅答比起鰤魚細4 松葉蟹5 甜蝦 加蝦膏火炙過的蝦膏好香6 深海池魚 加萬能葱和

已經係第四次來「壽司源」！喜歡它清雅高貴的裝修，富有現代感而不俗氣。今次出奇地好彩，唔使早一個月訂位，竟然比我們訂到六個人座位，仲要找到言師傅。這件甘綢魚，魚皮焗得香脆，魚肉香嫩甘香。呢個係野生吞拿魚腩，其實係四層薄切。言師傅話呢條野生吞拿魚，條魚比較大，所以D魚筋比較粗，薄切可以切薄埋D筋，令你食唔到有筋，薄切仲可以令件吞拿魚入囗即溶牡丹蝦，最特別嘅地方是燒過的蝦膏，提升了牡丹蝦壽司的層次。朋友說他很喜歡醬油漬壽司，言師傅特別給他做了吞拿魚醬油漬，油漬時間剛好今次的前菜是微辣的明太子魷魚，不喜歡吃辣的我就覺得一般了。左口魚薄切，OK言師傅知道我們大食，特別加了燒飯糰䲞魚青湯，雪糕作結尾＄800的「Omakase 」可說是物超所值，所以才會吸引我們老遠乘車前去。另外，Dickson 的優質服務，絕對值得嘉許。我們點了sake , 他幫我們安排好飲用嘅先後次序去配合食物。

一見到壽司源開已經好想去食，今日終於同朋友去食了前菜螢烏賊酢味噌，第一次食螢光烏賊，係季節嘢嚟，加埋啲個麵豉蛋黃醬對胃九州小長井蠔，一口即溶，鮮味十足春子鯛，加咗紫蘇花賣相確係一流，味道都係平目昆布漬，平目配昆布真係第一次，鮮味更加提升牡丹海老，重點係炙咗嘅蝦膏，真係又香又好味子持鎗烏賊煮，呢個好特別呀大拖羅，呢個都唔洗介紹點好味啦，你懂的天然大拖羅，幾片薄切嘅天然大拖羅又去咗另一個層次毛蟹，毛蟹肉加蟹膏，話唔好味你都唔信啦，諗返起都好回味環境服務都非常好嘅一餐