寧記麻辣火鍋海鮮酒家 (已搬遷) 新店位置

聖誕酒店自座歺，約500-600元位，人又多，於是轉戰火鍋。當天五時才訂位，大把位，於是7:30pm啦！全場3-4成客左右。一行八人大人加小孩，放題火鍋，當然麻辣拼蕃茄薯仔湯底，再加一個清湯底。今次當然是第一次在寧記吃麻辣火鍋，連母親都去是第一次，真是上至七＋六，下至＋三，都可以吃麻辣火鍋。麻辣湯底已有豆腐、鴨血，一滚就有野食，能提鴨血，有口感，並是豬紅，豆腐就一般，可能家人並太喜歡這樣的豆腐。蕃茄薯仔湯底....當然有蕃茄和薯仔，一樣是...未滾都可以吃。清湯...有"黃牙白"...要等滾淋才可吃。必吃有牛骨髓 - 必定是麻辣，其本是沒有味道，所以滾耐D，連不吃辣的大嫂也吃。豬大腸 - 也是麻辣較好味，但有少少"壓"味，有咬口，也是三宝之一。午歺肉 - 痲辣配搭一流，要注意時間，要過淋。海帶 - 女兒和太太必吃，於甚麼湯都OK，本身是清甜的。冬瓜 - 不麻辣較好味，最好早D放，有排先有得食...必需全透明才好吃。其餘則例牌雪花肥牛 - 即雪藏肥牛，牛味欠奉，只是快熟...快快有得食。本地滑牛 - 知是否加粉醃過，否則可能"滑滑"而太重牛味。牛舌 - 切得太細塊，但

7點到底唔洗等，間日。味道有驚喜，痳辣火鍋湯底一流 好有四川風味， 唔係得辣既仲可以𢵧mix tim。服務態度出奇地好，食物新鮮。多原化，鮮牛，生蠔，肥牛，鴨血。以$148 任食每位晚餐黎講算唔錯。未為體貼既係叫可樂之類既飲料未有跟冰。同埋都有啲食物無黎到 但係尖咀呢間都係值一得一試。

當日同左成班姊妹過XMAS有一個話想食呢間~我無過問~就比佢地話事~點知就出事~到左攞場既時候~個CAPTAIN話由6:30食到8:30夠鐘就要走~下?????????????2個鐘?????????????我即刻望住BOOK檯個frd佢自己都話無問詔人地有無限時間就係咁我地就要快快快咁食啦~唔................佢個湯底都唔錯~食物都ok~服務都ok~係限時唔ok law~仲有勁貴~無下次~

好耐未食過寧記，見今日咁凍，咪約埋d朋友去打邊爐囉﹗d野食差咗唔在講，價錢又貴咗好多好多。最黑人憎係一夠鐘，就連你個煲都收埋。我明白佢有限時兩個鐘，但係夠鐘，成煲都仲係野o既同埋個個都仲拎住筷子o既時候，都唔駛咁絕收咗人哋個煲呀？呢d真係乜態度呀？如果你真係想受氣同喺未食完的情況下連個煲都無埋，誠意邀請你去請。

一向愛辣, 由光顧舊店開始愛食麻辣, 今日第一次來新店打麻辣火鍋.失望而回, 麻辣火鍋不再麻辣了, 食左十五分鐘請小二哥再加點辣汁到湯底, 辣左少少但始終做唔番以前的麻辣味道. 火鍋食材可以喇, 但係呢, 個麻辣火鍋真係跟普通酒樓打火鍋一樣囉 !!有樣要讚就係佢地冷氣抽風超勁 .. 打完個火鍋都無一身同一頭打邊爐味, good

同朋友1行6人黎打邊爐鴛鴦湯底:::芫茜皮蛋&四川麻辣其實席中只有2人嗜速魚滑蝦滑好夠味道！叫完一次又一次XDDDD肥牛滑牛亦是..不停encore食物都好新鮮～～～！！沒出現難吃的！但最要讚的還是這裡的服務！！！我地有張chair擺左d袋...唔洗我地叫就有staff主動用布幫我地冚住..以免濺污另外唔知係咪我見識少la~~~第1次打邊爐係有人幫我地換碟加茶水加湯水都唔洗3催4請的..即叫即加奉上食物又擺得妥妥當當..唔會亂疊求其擺低就算服務質素真的很好～～好少可打邊爐會咁好服務食得都開心好多

因為上班悶氣鬱結，落班便相約友人到了尖沙咀。原本想先找一間越南菜館，找不到，聽見友人說附近寧記也不錯，便到來一嘗滋味。以前只到過銅鑼灣寧記吃過火碢，今次試下晚市小菜，見到餐牌有八十多元三小菜的套餐，未來得及開心便發現是午市套餐，可惜。先來是招牌菜大隻佬叉燒，物如其名，重量級切得大塊頭的，$55一碟等於一塊巨型西冷扒的份量，洋溢著燒烤過的肉香，但只有部份較為腍身，其餘則較爽口。後來的分別是薑蔥生蠔煲及紅燒石班煲，前者雖無腥味(出過水)，但鮮味亦流失了許多；後者是以支竹加火腩炆的，班腩帶皮卻有點腥味，並非魚肉不新鮮而是選擇部位的問題。完場還送上凍糕及糖水，加上侍應殷勤的西式餐後提問餸菜如何如何，足見今時今日須有的服務態度。連兩白飯茶介加一埋單$240，收費中上。

今次係第2次o黎e間寧記打邊爐，係因為比佢個鴨血深深吸引著...以客人o黎講，其實間間打邊爐都差唔多~ 酒樓要突圍而出，湯底好同有特別o既食材係好重要!今次叫o左鴛鴦湯底，蕃茄湯底同台灣麻辣，以我同朋友仔唔係好食得辣，而又膽粗粗叫辣，e個麻辣湯底係岩岩好o既~ 蕃茄就ok~ 唔太勁味~ 唔會搶到味...鴨血 - 一流，好味在佢用"老"水整過，一d都唔腥，我唔食豬紅都連食幾碗，我亦都相信e個應該係佢鎮店食材~牛肉 - 唔太肥，又新鮮，good~牛舌 - 第一次用牛舌打邊爐，e個食材比打牛肉更考功夫，因為一定要岩岩好先唔會血淋淋同硬。但係落去麻辣湯底係好好味~魚餃 - 好新鮮~ 不過因為人又少又易飽，所以冇encore貢丸 - 有d失望，因為寜記都叫扮台灣o野，但係貢丸竟然一d都唔好食~ 一d菇味都冇~其他 - 樣樣都好新鮮，唯獨唐萵洗唔太乾淨，朋友仔食到有沙~服務一流，侍應又勤力，我本來book9點，個振電話姐姐仲提議叫我9:30先o黎~ 因為平d!已經值得俾good佢~

睇天氣報告話天氣轉涼 一早約好男友星期五放工去hotpot兩個人去hotpot當然去all you can eat啦每碟size唔大 可以叫多d款試多d如果出去街食 叫得兩三碟都飽曬anyway, here's the detail:around 7pm去到 坐到一半人啦 帶位部長話唔好意思 無得揀枱 因為俾人book曬唔緊要 照入座叫左combo湯底 - satay & 胡椒豬肚湯我地兩個都鐘意satay多d 好香濃但係點都要一邊係清湯 用黎煮菜嘛男友勁鐘意炸魚皮 話索曬satay汁好好食鴕鳥肉 - 好食 夠lean 煮好耐都唔會話overcooked羊肉 - ok魚皮餃 - 好食oyster - 都好食粉絲 - 好唔得 煮得耐少少就散曬 未"不"上黎都碎曬 (竟然粉絲都可以唔得)芋絲 - 同粉絲一樣 散曬 個結甩曬牛筯 - 一般... 好多毛 質素好參差 有d好淋 有d好似食膠條咁無叫extra配料 但叫左2支生力啤酒 $18/each漿油 (每枱有蒜蓉, 辣椒, 蔥) 茶介每位另計total埋單$340(有10% off! 因為部長話太多人等位 好有禮咁問我地可唔可以食埋呢轉就埋

是晚為了慶祝不用剝牙…又適逢是曼徹斯特市的打吡戰…不如就是打一個麻辣火鍋…可以吃麻辣又有球賽看的…寧記好像是一個不二之選….我已經有好幾年沒有來過了…都記不起味道如何…是夜每位108另加湯底…不算貴…八點來到幾乎九成滿.... 檯與檯之間不會太擠迫…不錯~來到寧記當然要點麻辣湯底…不過麻辣也有分四川和台式的…既然兩併不用加錢…就要了一個四川台式麻辣鴛鴦鍋..~四川湯底比台式的辣...可能是多了點花辣吧...四川的吃起上來也帶點麻...而台式的就有點甜...台式的那邊還付有豆腐和雞紅...雞紅很好吃...跟潮洲的韮菜豬紅那像口感上有點不同...這一樣是比較軟身滑溜的...任食的火鍋料款式都不少…而且竟然有生蠔呢…令愛吃生蠔的我大為興奮….~主要是點了金菇…餐肉…蠔…牛肉…木耳…魚片…蝦滑…墨魚滑…粟米等等…~以任食來說質素是很不錯的了…蠔不大隻但至少不是腥的…而且煮過火也不會縮得很小…店員的侍應都算勤快...收碟加水都有效率...埋單每人一百五十...價錢合理...而且還有大電視可以看到球賽呢...如果下一次要邊吃火鍋邊看電視的話...這裡一個好地方啊~

難得今天休息, 同媽媽, 哥哥去尖沙咀寧記飲茶.我們以前週末好多時都一家大細來這裡飲茶, 因為容易搵位, 食物都不錯, 價錢亦合理.我們三人行只是點了五款食物.1. 香煎蓮藕餅 - 有蝦, 豬肉, 幾有"趙" 頭. 又唔係太油.2. 鳳爪排骨飯 - 媽媽是飯桶, 飲茶一定要有盅飯. 味道如何我唔知, 不過媽媽食到一粒飯都無剩.3. 脆皮麻沙糍 - 一上枱已經聞到芝麻香, 口感像食煎堆仔, 內裡是黑芝麻. 食落仲香.4. 香麻叉燒酥 - 哥哥的至愛, 食的時候仲好熱騰騰.5. 奶皇馬拉卷 - 好軟, 好香奶皇味. 不過, 果四件咁細舊的馬拉卷, 係大點來的, 好彩大中小點同價, 否則就唔底食.

咁0岩屋企冇飯食, 女友提議打邊爐揀黎揀去, 結果去左尖沙咀寧記麻辣火鍋, 坐底叫左鴛鴦鍋, 一邊四川麻辣, 一邊豬骨, 之後點左牛肉, 魚腐, 生菜, 蟹子包心丸, 豆卜, 豬潤, 金菇, 雞脾菇, 墨魚滑, 腐竹, 有一喳送0既酸梅湯寧記0既麻辣, 又唔係好辣, 個豬骨湯底就冇咩特別基本上冇咩特別野, 同其他酒樓打邊爐差唔多, 種類都唔特別多, 個酸梅湯幾濃幾好飲

家姐加拿大返來,提議去寧記任食火鍋叫了個鴛鴦鍋, 麻辣同胡椒豬肚湯底麻辣 - 湯底辣得來唔夠香豬肚湯 - 唔夠味, 冇嘜胡椒好的: 肥牛肉 九肚魚 豬頸肉 魚皮餃 侍應有禮貌 環境夠寬闊要改善的 菜, 份量小同選擇小 電磁爐壞, 後來嘈個高級先肯換, 開頭15分鐘煲極都唔滾 唔夠特式的火鍋, 雖然抵食, 但依家好多人另願貴Ｄ都唔食Ｄ太普通的食物 付近泊車較難, 車位比Ｄ人控制哂食完只覺飽, 味道只是一般, 有改進空間!

去寧記打宵夜邊爐, 又係睇波要左個鴛鴦鍋, 麻辣同胡椒豬肚湯底麻辣係無咩麻同辣油多到......我好易撈左一碗辣油豬肚湯就無咩味, d胡椒沉晒底得個底辣讚的: 有麻辣三寶好入味,鴨血甜甜地好正,牛肉都新鮮. 中肯的: 宵夜時段算抵食, 環境幾寬敞.有大電視,不過第一台就播好大聲, 而我地另一邊足球台係無聲的...彈的: 店員成日走黎加水同開大個火...成日加水會令湯底淡一而且加到好滿,滾滾下2個湯底會溝左...

星期四啊妹牛一..因為佢鍾意食台灣麻辣火鍋.所以就梨呢間.如果唔係會有更好既選擇..因為呢度既食物水準麻麻..我地訂左7點半已經好多人..湯底梗係叫台灣麻辣拚蕃茄薯仔..另外必叫就係鴨血..不過鴨血好似唔多夠..每次都梨好少..其他野食就唔駛提啦..不過服務就改左好好多..侍應都好勤力好有禮貌..我地帶左兩枝紅酒梨佢地仲主動幫我開..唔駛收錢..跟住我地都叫左一渣酸梅湯.一枝氣水同埋一枝啤酒..不過要限時兩個鐘好似唔係幾夠喉.