寧記麻辣火鍋海鮮酒家 (已搬遷) 新店位置

琴晚北上返嚟,約咗D舊同學喺度打邊爐,BOOK咗7點半,坐落都幾舒服,人唔多,侍應都OK,可能就係人唔多,所以就無限定要食2個小時,由得你食夠為止,見唔到下面食評既情況,其實任點任食,都係果D大路嘢,唔會話有咩驚喜,但諗吓自己身處尖沙咀旺區,所以覺得價錢都算係咁,如果朋友們食飯,想坐得耐又唔想貴,呢度都係一個唔錯選擇.人頭費:78蚊茶錢: 8蚊醬油錢: 6蚊

星期六的中午，又想喝茶了，想起寧記好像不貴，就和男友去了金馬倫道，發現寧記不見了!!原來遷址了。終於到達，時已為下午茶時間，很好!店員安排我倆在一張僭建木台就座，換著平時的我定不會就範，當天不想等而且又肚餓就將就一次好了。點心選擇不多，都想了好一會才點好。因為我想清淡一些，就點了齋腸、灼菜心、流沙奶皇包、排骨和燒鴨瀨。灼菜芯:菜芯頗老，可能不是時候。但我卻蠻喜歡這味，十分健康!齋腸:想不到還蠻滑的!而且又大碟，只是看就飽了一半了喔!流沙奶皇包:最吸引我的不是奶皇，而是在包包底下有鴨子的紙!排骨和燒鴨瀨不過不失，排骨很大塊，食起來不方便!環境比一般酒樓整潔，而且食品賣相又不錯，假日下午茶大、中、小點只是$8.8，很便宜。只是安排給我倆的座位就真的太不濟了。

食之前望望呢度o既食評,就已經好唔想去,但朋友一早約o左o個度食,無計!我對任食火鍋一直都無咩好敢,唔係平好多但又難食好多!其實寧記以前都幾ok,今次食過之後我係同意之前幾位食家所講,o的料真係普通過普通!唔係勁難食o既,但係真係一般街市買o既丸啦,好普通一包十幾蚊o個d肥牛,而選擇方面其實唔算少,但都唔特別,同一般屋村酒樓差唔多!不過衰極都係做火鍋起家, 個麻辣湯底仲係好好,而醬料都好唔錯, 地方都好好!而服務方面唔知係咪睇到呢度,可能係改善o左, 又可能係炒o左d 人,招呼我地o既阿叔幾好人,而且食物都o黎得算係齊, 當然任食o既就唔好期望會叫乜都o黎哂!開o左支紅酒,開瓶費三十蚊,唔會話黑面同埋好快手俾埋d 紅酒杯我地!但個場真係好少人, 埋單之後仲俾o左d 現金卷我地,其實都算係抵食, 屋村酒樓價食返屋村酒樓o野囉,水準就高少少o既, 初初以為會食完一肚氣,去完之後覺得服務都唔錯!

平價之選第一次幫襯,任食點麻辣湯底及清湯底都係一個鍋$38每人$78 + 茶介每人$16漏單唔算嚴重食物一般不過未試過麻辣就值得試試一次半次都冇妨.

對, 不喜歡打邊爐的, 但身邊的朋友不知怎地總愛火鍋, 就唯有陪陪他們吧.寧記的話, 一直都吃開銅鑼灣那家. 本來都不準備吃火鍋的, 但尖沙咀通處都是人, 想起了寧記搬到百利不久, 就去嘗嘗吧.入店, 門堪羅雀. 星期六的晚市, 竟也不用等位. 心也覺不妙. 問是否任吃, 侍應態度惡劣的指指餐牌, 扣分.吃的是普通邊爐貨式, 肥牛, 丸類, 沒大特式, 它的麻辣鍋, 味道也只是平平, 枉稱為麻辣專門店.$120, 吃到這樣的態度, 味道, 不值. 然而裝修也算新, 環境都不錯.

首先講裝修同服務呢度算幾好,有卡位雅座,我地食7點果段貴d,9點後就爆哂人,不過都要限時任食2個鐘,不過未爆既話都唔會摧你走既,梨呢度梗係食麻辣湯底,不過真係一d都唔辣,仲要叫佢梨加辣,但係果湯底真係一d都唔特別,食物方做真好普通過普通,冇一樣好食,最好已經係脆肉鯇夠脆,最差係墨魚丸,,真係超唔得,成舊粉咁去BBQ食果隻,仲有羊肉好鬼羶,我不嬲都食羊,都覺得好難食,其他野都係唔掂,最抵咪12蚊3枝藍冰啤,不過咁既價錢去富臨食任食或者食新星9點後好好多啦,唔會再去..除非剩番呢間有邊爐打....

14 January 2007 (Sun) - 飲茶接完新娘之後，一班兄弟姊妹黎呢度飲茶，呢度既裝修比起銅鑼灣同旺角都好，食物質素都唔錯，不過奶王包就一啲都唔流沙，令一眾姊妹有感失望，唉！大家都好鍾意食流沙奶王包架嘛！其他既點心都唔錯既，我哋乜叫得太多，我都唔記得食咗啲乜！我從來都未試過喺寧記唔係食打邊爐而係飲茶，感覺好古怪！不過個厠所就麻麻乾淨，有待改進！

我和一班朋友一行十二人開開心心諗住提早慶祝其中兩位朋友的牛一同聖誕,點知好鬼唔開心...我地八點左右開始食,叫左唔算好多野食,上得幾快, 不過好細份,得好少, 唔係好新鮮,特別係d魚,生蠔都唔係好得,個湯無味,我地係叫豬骨煲,因為慶祝生日,蛋糕點會少呢,點知可能因為人多,有幾個帶左, 有三個咁多,到差唔多夠鐘我地就叫伙計攞蛋糕,點知佢地只攞一個,我地比完錢後都未攞, 到十點過少少,有一個好無禮貌的伙計話我地食左好耐, 如果仲唔走就位位加三十,佢真係好惡,好乞人僧,其中一位人就同佢講我地有三個蛋糕,你地只係攞左一個,佢仲大聲,話你地唔可以因為咁而唔走,唔係理由, ?咁你唔攞齊野又點走,係唔係你好想食蛋糕所以唔攞比我地呢?又唔清理桌面,咁點食呢?佢好嬲咁收野,黑起塊面,好粗暴咁整d碗,差點整到我d朋友,太過份,出來食飯都係想開開心心姐,唔係求氣喎!點解唔可以好聲氣d呢?況且我地都無遲,十點己比左錢,只不過你地又唔收野又唔攞蛋糕姐!仲有收野收得咁唔服氣就唔好做囉!是次經歷真係怕怕!!以後都唔會來!!

昨天一行十人BOOK左7:00,環境都OK好過旺角及銅鑼灣個間,服務員都可以啦。食物方面: 全部都可以啦, 食物推介: 魚旦,八爪魚餅,牛肉,鮮栢葉,金姑,生蠔等等。本來應該兩小時,但我地食到9:30都沒有服務員收我地埋單,好開心,好飽,不過昨天都好多人呀

由於友人喜歡吃火，所以約了一行十人到新寧記試試。上星期一已book 左位，每位$58而且八送一(八位就有一位免費)，諗落都幾抵....但星期六去到，仕應突然同我地講每位$88....(嘩....你唔好去搶....)接著叫經理出o黎同佢講，過了5-10分鐘經理才出o黎，只講了兩三句「我知你地唔知...但呢d 係公司決定，星期四先定咋，我都係知咁多咋.....」我們問：「你地加左價後，點解又唔通知我地...我地星期一一早book左位...」經理：「係囉....星期一都未加價，所以你地咪唔知...我都係星期四加價當日先知.....」「o下!!..咁大間公司，唔通話加就加，一d通知都冇!!!到時你到100蚊位都得啦.....」經理：「我都係星期四加價當日先知...我都無法o架....」「o下...咁....醒d庶汁都有掛」於是佢叫人拎左一咋庶汁，我們一行十人，每人都分唔到半杯...真係火呀....不過友人未到齊，而且真的想試試，所以只好屈服.....食物真的一般，但地方乾淨，上菜速度尚可。

新開張時幫襯過一次(金馬倫道分店),今次是第二次幫襯原來改了任食同行的友人不太吃辣,所以無得點麻辣湯底沙爹湯底一般點菜很混亂,漏單嚴重食物一般唔推介的有雲吞-煮好耐,都覺得收口位唔係好熟麻辣豆腐-凍左,唔麻又唔辣服務快手快腳但溝通唔到,問了幾次要炸蒜,都答”係唔係要酸梅湯?”

禽晚去食。位置當然無以前在金馬倫道時方便。不過裝潢係靚o左好多，尤其係側邊卡位，好闊落，正!今次係中學老死同暖暖補祝生日，一行八人。唔食辣o既人有幾個，本來我覺得可以揀其他地方。今次要麻辣魚頭窩湯底。唔會係勁辣，都適合大部份人食。服務都算有禮及做o野快手。點的食物款色算好多，連海帶都有，不過始終火窩吃這個是有點奇怪的。一班人嬉笑下，由九點食到十二點幾，無停過，不停encore，我覺得自己都算好厲害。開心真係會不知不覺食多好多o架。食的是不錯，但飲品要改善，無論啤酒或果汁，都係唔凍。到今日中午前無咩食過o野，仍好飽，連我最愛的一日至少一杯的咖啡也沒有胃口了。