富臨漁港囍臨門酒家 (已結業)

週日到這兒飲中午茶，點了七個食物，埋單$249，四位剛好夠食，不多不少！鮮蝦荷葉飯：料多味道足，唔太油。脆皮燒腩仔：皮脆肉嫩，堅！口水雞（$28；圖示）：雞和粉皮量不少，味道很麻，辣度適中！好刺激的一道食品。蒜香炸雞翼：雞翼體積不少，炸得好好，火喉得宜，雞翼仍然juicy。蒜香惹味萬分。蛋散仔：好酥脆。泰式綠茶千層糕（細點）、泰式咖啡千層糕（細點）：味道一般。茶（$8/位）：普通野，算貴。

當日我已訂左12點45分檯食lunch,12點45分去到,要等一陣. 以為等5-10分鐘就有檯啦, 點知原來訂左位而又等緊既客重有成4-5班人, 而支客又不停即埸派飛比d walk-in 客, 而叫檯時都是混埋一齊叫的, 最後我等左35分鐘至有檯, 重要係小菜廳(唔係重要等), 4位必定叫3款小菜.佢地既做法真有問題囉, 咁不如唔好接受電話訂位....過份.. 以後都唔去呀.......

星期一有間廠請食飯, 我地一行十個人去左富臨食lunch, 呢度飲茶就飲得多, 小菜真係未食過, (仲係小菜廳)主菜唔係我叫, 名唔知..大致如下:1)蒜蓉粉絲蒸帶子: 帶子唔算大隻, 但新鮮. 佢唔單只用粉絲, 仲加埋d金姑絲蒸較少人咁整, 但係d金姑就吸晒d味, 好正~~2)咩咩大斑兩味: 一半炒, 魚頭炸香. 我覺得d魚好滑, 但魚頭就漏左d勒~3)乜乜什菌炒海參,: 呢個正, 因為d味都幾濃, 海參又滑, good~4)燒仔: d皮好脆, 唔錯5)蟹肉炒蛋白: 一句”滑”, 送飯一流!!其他: 小龍包, 冬瓜盅…….

近日生活起了變化，下班後乖乖的回家吃晚飯。多久沒有上館子吃頓正正經經的晚餐？昨晚陪國內高層入馬場，發了個小財。所以今晚跟老爸老媽到這兒吃頓晚飯。蒸咗條十四兩的石班、一隻澳洲大鮑魚、一個雲腿芥菜鍋、炒芥蘭、兩個白飯、兩隻大壽包。埋單$1038，真係「豪、豪、豪」！老爸親自到水產部交涉。選了條十三兩的紅色石班（約$260），用來清蒸。一隻澳洲大活鮑魚（約$480），以鮮露筍拌炒。老媽點了個芥菜鍋和炒芥蘭，兩個菜。小吃是潮州滷花生。最先來的是「方魚炒芥蘭」，一個簡單的炒菜，芥蘭娜粗身但鮮嫩，方魚塊幾香。再來的是「雲腿大芥菜砂鍋」，足料好味。之後，是「清蒸石班」，十三兩都要賣到成二百五蚊，近廿蚊兩，好貴！好細條，但味道超級掂，入口即溶，魚肉超嫩滑鮮甜，貴得有道理，真係‘一啖魚肉一啖$$$’。再來，就是「原隻鮮鮑魚」（圖示），以鮮露筍拌炒，近四百八十蚊的原隻活鮑魚，係物有所值。呢隻鮮鮑魚好好肉，師傅切到近三十塊薄片，算夠食。鮑魚味道唔算勁濃，但都幾夠味，吃到貝類特有的海鮮味道。（因為有食店在炒活鮑時，會加入鮑魚汁，等同飲加入雞粉的燉雞湯！）拌炒的鮮露筍超粗壯，但是相當鮮嫩，亦係靚貨。來了兩碗白飯

大約九點去到，環境幾好，坐得舒服，唔嘈！五個人食左燒賣、菜肉飽、蒸腸粉、潮洲粉果、地瓜煎軟糕、果仁煎、千層馬拉糕、咸水角。果仁煎係糯米造，外層有果仁，幾好食。咸水角好新鮮，脆脆地。菜肉飽唔係咁好食。千層馬拉糕怪怪地。地瓜糕有紅豆餡，我無食，家人話好食。總體都ｏｋ，每人$29唔貴。

老爸是這兒茶客，跟員工熟稔。有好味抵食的海產，總會「單」聲比呢位為食亞伯知。週四下午，老爸說此店返左批大瀨尿蝦和龍蠆，於是，當晚跟老爸老媽到這兒開餐。小吃是小魚花生、西芹豆干。我們點了三隻瀨尿蝦、紅燒龍蠆尾（$360/份）、白飯、壽包。埋單好似八百蚊鬆D。「瀨尿蝦」（$88/隻）：一隻椒鹽、兩隻清蒸。珍寶體積，超多肉、勁鮮甜。椒鹽的那隻（圖示）超香脆惹味，有兒時跟叔叔蹲鐵皮檔吃宵夜的味道，下酒一流！至於，清蒸的那兩隻，體積一樣大，橙黃色的膏成功地留在蝦腹部，成為固體塊狀，甘香可口。至於，經椒鹽製作那隻，膏失掉了，估計是炸的時候失掉（被猛油迫出流失）。故，椒鹽雖香口，但有利亦有弊。「紅燒龍蠆尾」（$360/份）：魚尾較翅貴$30，但多些膠質。原砂鍋盛載，上桌前在客人面前以gas 爐翻滾。內有經上粉油炸的龍蠆尾、枝竹、生根球、火腩、豆腐、冬菇…等配料。份量足十飯碗，魚肉佔六成以上，相當多。魚肉質素好好，好過點條二三百蚊的所謂游水海魚，份份鐘劏壞左，肉質霉爛，或是蒸過火…。另點白飯兩碗和兩隻中碼「壽包」（$10/個）。壽包有四分一個鹹蛋黃，蓮蓉算滑，十蚊隻都可以接受。相熟的主任送來三碗「西米

從海外回港，當晚僅十三度。家人在這兒跟我吃飯，點了一個六人餐、原條巨型象拔蚌、糯米飯、小菜、壽包。埋單雖然要成$1,549，但份量之巨，可以接受。前菜是喬頭、花生。老爸跟親自跑去水產部交涉，挑了條三斤半的象拔蚌（$8/兩），刺身用。味道濃郁，爽口新鮮，好味！份量之巨，足十二人用。餐有： 「蟹肉翅」：味精醬油生粉水。 「灼蝦」：體積細小，全碟約共八十隻細小的蝦仔！ 「碧綠珍珠蚌玉帶」：蚌僅六薄片，小家氣子！ 「瑤柱魚滑泡豆苗」：份量巨型，口感清爽。 「蒸海虎班」：都幾大條，肉質一般。 「燒鵝」：OK 啦，唔太油膩。 「紅燒圓蹄」：廣東館子而言，算係咁啦！另點： 「生炒糯米飯」（$68）：好明顯係蒸出來，再混入臘味香茜蛋絲。 「宮廷醬燒骨」（$68）：廣東館子而言，算係咁啦！ 「蓮蓉壽包」（$10/個）：味道OK，份量不少，每人半個剛剛好。奉送鮮果盤：蜜瓜、哈蜜瓜、西瓜。

以前係幸福樓，富臨漁港開張之後第一次嚟食晚飯(5/8/05)，不過只得兩個人，叫餸食有D難度，不過都幾多優惠小菜，最後叫咗:-海參北菇鵝掌–每樣有4件，D海參同鵝掌好正、肉厚又焾得啱啱好，只係$68咋!錦江蝦仁豆腐–蝦仁應該係用鮮蝦，豆腐外面炸過嘅、裡面就幾滑合桃西米露–令人失望，冇地乜合桃香味，似即食花生餬多D.雪蛤燉椰皇–唔知點解D椰皇肉紫色，仲成$28個添!不過原來有生果送!而且兩個人只叫咗一個白飯, D小菜食唔哂要打包。總括來說，小菜有水準但甜品就麻麻喇。

四個大人到這兒飲早茶，埋單$170，吃得飽飽，但舌頭因味精而受罪。點了多款特價點心：柴魚花生豬骨粥（$6.8）、鳳爪排骨飯（$6.8）、蟹籽燒賣王（$8.8）、五香鹹肉粽（$20.8），味道份量跟價錢成正比。排骨飯過油膩、燒賣勁大粒。還點了：雞包仔、豆苗餃、馬拉千層糕、叉燒腸、馬蹄糕、炒米粉（???）。炒米粉勁多蝦仔和西芹薄片，配料相當多。馬蹄糕裡的馬蹄粒偏多，感覺好抵食。馬拉千層糕時好時壞，水準不穩。整體而言，份量算多、料算足、價算平，但味精亦下得不少。

銅鑼灣富臨就食唔起, 星期五客人在長沙灣請下午茶, 就在長沙灣廣場落腳.我曾在長沙灣工作了四年, 食肆其實不少, 但多為午市而設, 晚間後就死氣沉沉. 大部份食肆都在長沙灣廣場附近.富臨的舊址是幸福樓, 去到大約是下午二時多, 都很旺場, 可見都有一定吸引力.客人點了數個中式點心, 都算不錯, 不過排骨炒麵排骨就腍了些, 有點怪怪的.因為客人付款, 所以無留意價錢. 不過提醒原來是有搭枱這回事的.

銅鑼灣富臨就食唔起, 今日客人請了去富臨漁港飲下午茶.富臨漁港位於長沙灣廣場, 舊舖是幸福樓. 我曾在荔枝角工作四年, 雖然是工廠區, 但選擇其實不少, 其中酒樓及食肆都集中在長沙灣廣場附近.今日下午茶叫了些中式點心, 一邊傾計一邊吃, 倒沒留意味道如下, 我想都算可以的話.無留心最後價錢如何, 不過下午茶時間都幾旺, 相信都可放心一試.不過聽講可以搭, 那要留心了.