富田和食亭 (已結業)

一行8人大擦一餐，整體算OK~~I 食物方面1. 刺身: 叫足4 round先夠皮; 魚生厚薄及味道正常，但稱不上鮮甜2. 火焰壽司: 叫足3 round一大碟先夠皮; size比出面外帶壽司偏細; 火焰三文魚壽司唔錯3. 串燒: 雞軟骨好食，但灑在串燒上的類似味粉/椒鹽好重手，個個食完都話好鹹，即刻要飲汽水，但送酒就唔錯 4. 天婦羅: 都係叫蝦為主，蝦嘅size中等啦，唔算係大蝦; 蝦肉都嫩滑，炸漿較薄，唔算好脆，但食落好熱口5. 火鍋: size係一人爐，主要都係食青口及肥牛，起碼叫了3-4round6. 任飲酒類: 清酒/梅酒就一小樽，附小杯仔上; 啤酒就自己出去拎II 服務方面1.樓面有4-5位侍應輪流好快手接單及收碟2.結帳後都冇即時趕我地走，感覺會好D，因為清埋枱面嘅食物，我地差唔多坐到8:45pm先離席3. 甩單: 等到成枱D嘢都食得8899仲未見新一盤刺身及天婦羅時上，問問侍應之後話甩單，叫我地再入紙4.  自行減數: 特別係order刺身及蝦天婦羅時，都係被自行減數，如刺身30片得20片、蝦天婦羅16件得10件，8個人點夠食，落單又甩單5. 環境好迫: 就算已經有卡

姑姑生日, 想食放題, 但又唔想去到咁遠. 所以就揀咗係屋企附近嘅富田和食亭. 任飲任食放題. 我地預先book咗位, 係6:30, 所以唔洗等. 但去到大概7:00左右已經座無虛席. 食物有好多選擇, 刺身/壽司/天婦羅/炸物/串燒/火鍋/泰國生蝦/雪糕/大腳八/豆腐花/泡芵/啤酒/烏龍茶/汽水......刺身好新鮮. 不過就切得比較細. 口感唔夠. 天婦羅的蝦/蕃薯/芋頭炸得鬆化可口. 串燒的迷你蕃薯淨係我自己都食咗6串. 每串有2粒. 真係好好味呀. 仲有就係菠蘿. 兩個夾埋食咗20件. 因為好甜好香. 食完encore又encore. 最後還叫咗火鍋, 可以食一些菜. 中和吓其他食物. 到甜品時間了. 大腳八2支/雪糕2杯/豆腐花...其實仲想食. 但真係好飽, 食唔落. 只好留返下一次再去過. 其實今餐好抵. 任飲任食都係每人$174. 下次要再嚟過. 

----------刺身 壽司 手卷 款式選擇多 厚切刺身夠新鮮 有口感！串燒 燒物 燒得好惹味 調味都夠🍢天婦羅 炸物 炸粉唔厚 好鬆脆🔥-食完生冷炸物 想暖下胃可以叫個火鍋 🍲仲有任飲清酒 梅酒 不過港🐷冇飲 唔知好唔好飲🍶最後甜品 有雀巢雪糕、豆腐花、蛋糕、奶凍、泡芙等😆-港🐷早入座都唔太多人 整體黎講 份量多 每樣少少地咁叫都會上足 速度都算快 性價比高😂-價錢:星期一至五1️⃣5:30-7pm入座: 成人$158 小童$1182️⃣7-8:30pm入座: 成人$178 小童$1283️⃣8:30pm後入座: 成人$148 小童$128(長者價錢為小童加$10, 星期六、日及公眾假期加$10)仲有其他優惠: 👉🏻生日月份全單88折 👉🏻早一日訂座9折(7pm-830pm時段)( 需另收加一 )

突然想吃放題，但又怕旺角鬧市擠迫，於是約同家住觀塘的好友，再一次到來這店，位於啟田的放題。曾來此店，雖是屋村商場內，或許不及鬧市，食物質素也不失美味，再次來臨，希望能保持水準。坐下後，仍是有頭單的又設立，仍是自選飲品，也選了喜愛的烏龍茶。放題，自然是刺身先上場。吞拿魚及三文魚，依然保持水準，新鮮，入口魚肉味濃郁，其他刺身也是新鮮美味，屋村中放題，並沒有影響質素。是次新加了冬蔭公湯，喜愛湯的我，自然不會錯過。入口香辣香濃，辣味剛好，當中欠蝦的鮮味，比泰國菜的店舖遜色，還算不錯。清酒煮蜆，個人是放題必食之選，是晚的清酒味感覺稍濃，去除蜆的腥味，令蜆肉天然鮮甜更突出。金菇肥牛卷，肥牛滑滑，油脂正好配著無味的金菇，令金菇沾滿油脂香味，兩者一起吃，沒有肥膩感，不過口中卻滿滿油脂。黑松露三文魚，火炙和牛，赤貝等，美味依然，和牛壽司入口依然香軟，肉味香，黑松露菌香剛好，並不濃，配三文魚剛好。黃金焗蠔，蒜香焗蠔，蠔味依然，雖不是什麼著名蠔，也沒濃郁海水味，細小的蠔，依然有蠔味，並不是連基本蠔香也沒有的下等貨，只是調味份量稍少，令香味比曾吃過稍遜。燒豬頸肉、羊架，新增豬柳漢堡，是助酒之選，配合梅酒或清酒

上網找到這間日式放題餐廳，主要是看到價錢非常抵，而且食物種類好像幾多選擇。這天剛好要到藍田，便想來這裡試試，來之前已經打了電話book檯。這裡交通尚算方便，地鐵站出口走入商場幾分鐘就到，來到的時候門口已是滿滿的人在排隊，幸好有book定檯，如果walk-in的話應該要等很久。坐低第一時間便點刺身，很快送到上來，賣相好像很豪華，刺身拼盤用了乾冰美化視覺效果，刺身亦很新鮮，特別甜蝦很鮮味。還有一些比較特別的壽司款，有海膽壽司、黑松露三文魚腩壽司、香蒜和牛壽司，味道都不錯。熟食方面也有很多選擇，串燒、燒肉、牛排、羊排、雞翼、秋刀魚、天婦羅、焗蠔等等，其中黃金燒蠔和蒜香焗蠔很值得一試，非常香口。還有火鍋可以吃，一個鍋份量不少，我和朋友兩人叫了一個，兩個都吃到很飽。另外，飲品、甜品亦有很多種類，全部放在雪櫃可以自己拿。以這個價錢吃到多款美食，真是十分超值，我和朋友都一定會再次光顧。

妹妹婚後住藍田，到她家維修後，竟請我食放題。做哥哥的可說是老懷安慰。想不到藍田小小的商場內竟有日本餐廳，還是豐富的放題。食物選擇算是不少，基本的都齊備，就是沒有推介或主打美食。先來了一盤刺物拼盤，以冰盤上，份量十分足。魚類大都新鮮，放題來說算是不錯。再來幾款燒肉，很好吃。肉類相當嫩滑，火候調味皆到家。豬頸肉最為美味，肉質爽口，肉味香濃。串燒當中以小甜薯最為驚喜，小小的表面有燒焦的香味，內裡熱辣辣甜甜的。焗蠔調味亦不錯，如大隻一點更佳。天婦羅炸得很好，沒有過重油澺味。炸粉薄薄的，很香脆。沾上天婦羅醬汁，美味卻不膩，做得不錯。炸物中的雞翼最值得表揚，外表香脆內裡嫩滑，雞肉有雞味，而調味亦是剛剛好。沒有點壽司，只點了兩件手卷過過口癮，算是合格。其他食物都試了一點。整體而言，食物沒有太大驚喜，但質素還算是有保證。但價格卻是驚喜，每人二百有找，是旺角等地區的7折左右，性價比高。

Have lived here for a while and know there is a Japanese restaurant in this mall. Tonight finally has a chance to try this place. The restaurant is located the 2/F in the mall which is not hard to locate. The price is listed at the entrance and we are surprised how cheap it is. Cannot wait to try the food quality as well!Drink and desserts are out there to pick. There are all sorts of drink to pick, include beer and tea too! While I am busy at choosing the drink, my friend already picked the foo

估唔到咁難食，158十1比多佢，頭一次刺身就O K，之後D刺身咬落去有水，冇麥刺身味，手卷太大舊，好彩寫一舊，所有炸野油多個麥，蟹粥冇一蟹味，因為佢寫蟹粥，呢度係蟹柳粥😈，成日黎錯野，未訓醒咁，下次唔使💲都唔尼😈

我係一個美食迷, 同時我對食物係好尊重既, 我之前重沒寫下如此難聽的標題, 今次因為我係藍田街坊, 唔想藍田友中招先會寫,本來200蚊唔洗, 唔太差到有危險都唔會講D乜, 平野冇好有定心理準備服務差, 迫到座都好辛苦, 飲既係會爆炸既地方出品都算,(我地全晚只飲水)先係魚生, 冇一款係新鮮, 魚方面梅既肉質, (最後用小火鍋6過先食, 只因唔想哂野)甜蝦一樣, 其他都係入唔到口, 到熱食, 肥牛只有好多白色, 紅色得小小, 全晚最正既係百福豆腐花果晚係我人生食得最差既一晚, 最後全家人見吉吉島未close, 啦啦聲入去買牛扒返屋企食, 藍田已經冇野好食, 但藍田既人係洗得起錢既, 點解你唔做好d, 收貴d, 比垃圾人食, 唔會有回頭客大陸果d放題都好食過你, 如果你講安全, 我真係唔覺得藍田呢間好得過大陸果d幾多, 可能人地比你更安全, 梅左就唔好比人食, 換左一次一樣係梅, 正明你地d貨係好大問題

聖誕又到，朋友出發北海道前約食飯，朋友喜歡食生野，今天腸胃麻麻地想食熟野，選了這間富田和食亭，中西生熟都有的食，價錢又便宜。地方唔算細，不過桌位之間都幾逼，環境裝飾也就好普通。看到食野紙，有刺身，壽司，火鍋，小食，沙律，串燒，拉麵，揚物，天婦羅，扒類 ，一品料理 ………  真的好多款式。飲品都有好多款，另外還有清酒和梅酒，自己隨便拿。要了個烏冬火鍋，加了肥牛片，芝士腸，青口，蘿蔔，反正隨意加配料都可以，味道都幾鮮甜，熱辣辣打個底.天婦羅：（大蝦，南瓜，番薯，松葉蟹棒）大蝦好新鮮，外脆裏邊濕潤，蝦味鮮甜，松葉蟹棒比較幹身，口感明顯，南瓜，番薯甜甜的，厚度適中，香口之餘又保持到食物原本的味道。蓮藕天婦羅：相當爽脆的蓮藕，炸的比較幹身，藕味濃，口感好。天婦羅的炸粉都幾薄，整體一點都沒有油膩感，放題食物來講算相當唔錯。西冷牛排：切到細細片，煎到剛剛好，又香又嫩。串燒鹽燒海蝦，蝦唔算大只但都幾飽滿，鹽燒之外還灑了點其他辣味調料，辣辣的好惹味。鹽燒秋刀魚都幾大條，燒到比較幹身卻唔鞋口，非常香口又有嚼口，魚香味又幾濃，值得一試。每一次食放題都唔會放過燒菠蘿，菠蘿好新鮮，酸酸甜甜，汁又多，相當清口。中

聖誕節就快到了，朋友聚餐特別多，要滿足唔同人的要求食放題最好。上綱搵到這間日式放題有魚生、串燒、火鍋食，價錢又大眾化。鋪面唔大，座得較逼，由於有時間限制所以座落就好快叫野食。刺身（甜蝦、帶子、三文魚、鮑魚片、油甘魚）甜蝦十分新鮮雖然細細只都爽口鮮甜。帶子真的好細只，但都有質感。油甘魚同三文魚都好新鮮，唔鯹味。鮑魚片的味較鮮甜。串燒串燒的款式都幾多鹽燒海蝦、鹽燒秋刀魚、燒冬菇串、紫心蕃薯、燒菠蘿等。鹽燒秋刀魚一定要食，一睇就知師傅好俾心機去燒，外面燒到少少燶，裡面的魚肉十分香又唔干。鹽燒海蝦，蝦唔大只但都好新鮮，外面落左的胡椒粉調味，少少辣都幾好味。紫心蕃薯細細只，十分甜好好食。菠蘿多汁，清甜。沙律魚生和風沙律，都有好多魚生，雖然是的普通野但十分新鮮。甜品最開心的是甜品時間，這里的甜品有好多款，豆腐花、泡芙、雪糕、布丁。平民化的價錢享受到更多款的美食，是朋友同家人聚餐的好去處。

一分錢一分貨，158一位晚市放題二家泥講係個幾抵幾平民化既價錢~雖然不至於食過番尋味 不過都算抵食有蠔有蝦有肥牛有刺身 食呢d都幾夠回本種類都多， 有串燒 火鍋 刺身 壽司 拉麵 天婦羅等...味道唔算好都要讚 但以呢個價錢既放題算唔錯都值得試既~

今晚去左探個朋友，去左藍田，食左嘅間又平又靚嘅放題，叫富田和亭食！可能係價錢平嘅關係，都好多人客，都要等一陣先可以入到去！呢間可以叫平民放題，才百多元就有得食，都見到吾少學生，同家庭一齊食！食物款式都算多，刺身都新鮮，嗌左2round，三文魚最基本嘅當然都吾錯，幾新鮮，厚切，大大塊，食得好滋味！另外如果加88元仲有得任食生蠔同蟹，好似幾正咁，不過我就冇加啦，因為冬天我吾習慣食咁多生冷野，食刺身就夠啦，但見人食蠔食得好爽，希望天氣暖d仲有呢個優惠啦！話明冬天，比較喜歡食暖粒粒嘅食物，佢仲有得火鍋放題，食完刺身壽司炸物等，食返條熱辣辣嘅菜，真係好舒服！咁當然仲有好多肥牛，丸等等你慢慢打！食完好舒服！

香港人鍾意食日本野就梗架啦, 尤其係日式放題, 一個價錢任你食, 食放題食到去藍田區就因為食過番尋味! 一大個宣傳板夠晒吸睛, 星期一至五成人價錢由($178-$148), 比較起旺角及銅鑼灣區仲親民價D!枱面放置一系列食物落單紙, 分好晒食物種類, 一目了然, 包括刺身, 壽司, 炸物, 串燒, 天婦羅, 西日扒類等.........落好單後, 侍應話出面可以有飲品任飲, 咁當然要去望下啦, 有我至LIKE既烏龍飲..........HEE...HEE.....無需等好耐食物已陸續送上, 先黎緊係刺身類, 可選擇種類差唔多成十款, 賣相幾靚仔, 每款食落口都算新鮮無雪味, 我估應該係呢度客流夠多, 食物去貨速度快, 係咁多款刺身中, 個人推介甜蝦(夠大隻, 鮮甜又夠口感)及爽脆既馬刀貝, 不禁要追加再追加! 回本必食................哈!跟住到清新爽口既蟹籽沙律及醒胃可口既和風刺身沙律, 每款岩岩好一人份量, 食D蔬菜均衡下!壽司細細件好得意, 叫左幾款試下, 飯量唔太大舊唔怕食得太飽, 唯有D鬆散, 個人推介火燒松葉蟹棒, 面頭加左沙律醬, 食落滋味!炸天婦羅分別點

兩個人1330去食午飯。咖哩汁似漿糊。有幾個樓面好似掙佢錢一樣。叫佢攞杯水答好呀。然後企喺度睇電話講笑。叫多次阿姐唔該比杯水即黑面中風咁嘅面口。奶茶咖啡煲到似涼茶。朋友埋單同類似經理物體講。佢滿不在乎話下次有乜問題同樓面講嘛。貼錢受氣。