富田和食亭 (已結業)

今晚去左探個朋友，去左藍田，食左嘅間又平又靚嘅放題，叫富田和亭食！可能係價錢平嘅關係，都好多人客，都要等一陣先可以入到去！呢間可以叫平民放題，才百多元就有得食，都見到吾少學生，同家庭一齊食！食物款式都算多，刺身都新鮮，嗌左2round，三文魚最基本嘅當然都吾錯，幾新鮮，厚切，大大塊，食得好滋味！另外如果加88元仲有得任食生蠔同蟹，好似幾正咁，不過我就冇加啦，因為冬天我吾習慣食咁多生冷野，食刺身就夠啦，但見人食蠔食得好爽，希望天氣暖d仲有呢個優惠啦！話明冬天，比較喜歡食暖粒粒嘅食物，佢仲有得火鍋放題，食完刺身壽司炸物等，食返條熱辣辣嘅菜，真係好舒服！咁當然仲有好多肥牛，丸等等你慢慢打！食完好舒服！