富田和食亭 (已結業)

今日同朋友去左藍田呢間富田和食亭食放題，朋友話呢間放題唔錯，價錢平，食物有質素，咁啱去開附近，就黎試一下，價錢真係幾平，晚市就算加一都唔過二百。都幾多人等位，好在我地黎得早，唔係等左多耐就有位。餐廳環境都唔錯，地方寬敞，裝修簡潔明亮。呢度食物種類都幾多，有刺身、壽司、手卷、串燒、拉麵、小食、天婦羅、西式日式扒類等。先黎叫刺身，因爲朋友唔食生野，所以唔敢叫太多，叫左d三文魚、八爪魚刺身，都幾新鮮，八爪魚爽口，三文魚肥美鮮甜。叫左少少壽司，花之戀壽司，包住嘅三文魚都係好新鮮；火焰鰻魚壽司，上面淋左醬汁，味道比較濃，冇腥味。沖繩牛柳粒味道都唔錯，肉質幾嫩，有牛肉味。燒汁金菇牛肉卷，牛肉卷肥瘦適中，包住金針菇，加燒汁煮，都幾香口惹味。日式蟹籽沙律，賣相唔錯，蟹籽、粟米加青瓜絲同沙律醬，口感清爽開胃。日式雙皮奶，原來係左邊呢個樣有d似春卷，幾有奶味，口感香脆；右邊嘅紫心香芋丸亦都唔錯，幾香口。雪櫃都幾多飲品，除左汽水，仲有啤酒，當然都係任攞。甜品有雪糕，仲有我最鍾意食嘅大腳板雪條，好耐冇食，好懷念。芒果布甸都幾好食，幾香滑，細細杯，食多幾杯都唔怕。最後叫左火鍋，湯底味道都唔錯，食左咁多肉，食番d

I recommend their chicken wings, fried bread with milk stuffing, enoki mushroom beef wrap, and its courteous and respectful attitude of the young student waiters who are now working temporarily during summer holidays.Situated at Kai Tin Shopping Mall, we needed to take a few escalators from Lam Tin MTR exit A, passing through another shopping mall to get there. The foods there were in general okay or average at their price, 174HKD per head during the 6pm early session.

之前食過呢間富田和食亭放題，一直想黎食多次，今日終於有機會同朋友黎食，呢間日式放題真係非常抵食。黎到5:15pm，放題仲未開始，已經見有人排隊等位。今次四個人食，店員安排我地坐卡位，坐位餐桌都夠闊落，坐得都幾舒服。點野食紙一系列唔同種類、顏色順住咁排好，都幾方便，可以即刻攞到。依照一向慣例，我地當然首先叫刺身食啦。三文魚、希靈魚、北極貝、蟹棒、油甘魚、鮑魚片、吞拿魚、八爪魚、甜蝦，基本上有嘅我地都叫黎試下，刺身都幾新鮮，味道幾鮮甜，特別係三文魚，紋理清晰，色澤鮮明。鹽燒海蝦、雞軟骨串海蝦灑左椒鹽去燒，食落咸咸地好惹味；雞軟骨串燒得香脆唔乾身，幾好食。羊架灑上黑胡椒嘅羊架燒得好靚，咬落肉質軟嫩，冇羊羶味，脂肪比例均衡。可以叫火鍋，火鍋配料都幾多選擇，叫左肥牛片、唐生菜、鮮冬菇、秀珍菇等等，材料都幾新鮮，蕃茄湯底味道唔錯。自助飲品櫃，都有唔少選擇，啤酒、汽水、果汁都有。自助甜品櫃，甜品有雪糕、雪條、布甸、泡芙、豆腐花。呢隻牌子嘅豆腐花幾好食。假日5:30至7:00pm入座，成人都係$168，加埋一，二百蚊都唔駛，非常抵食。

這天我和朋友在籃田逛街，到了晚飯的時間，我們經過這間日式放題，看見食物的種類十分多，店內環境非常寬敞和清潔衛生，座位非常多，店內的顧客亦很多，我們便決定入去試一試日式吉列蠔清鮮甜美，日式雙皮奶稠密緻滑，一口芝士炸雞香稔軟嫩，紫心香芋丸軟彈煙韌，炸帶子爽彈鮮美黃金燒蠔，濃郁的芝士蓋過了蠔的海水味，令人更容易接受，蠔十分新鮮煉奶印度薄餅，薄餅非常鬆軟綿密，加上甜不膩的煉奶，這樣的配撘恰到好處軟彈煙韌的肥牛，爽彈鮮美的鮮冬菇，爽口微彈的秀珍菇，配上酸中帶點辣的韓風豬骨湯，非常開胃黏口的三文魚剌身，軟彈煙韌的吞拿魚刺身，清鮮甜美的甜蝦刺身，爽彈鮮美的赤蝦刺身，彈牙的北寄貝刺身，爽口微彈的希靈魚刺身，用大量細碎的冰鋪低，刺身維持係一個很低的温度，保持刺身的質素鮮帶子壽司，帶子清鮮甜美，火焰蟹棒壽司，蟹棒十分鮮甜加上濃郁的芝士，火焰醬燒和牛壽司，和牛軟彈煙韌芝士鰻魚反卷鰻魚十分軟彈煙韌加上小許柔滑的芝士，軟殼蟹黃金卷爽口微彈，黃金炸蝦卷爽彈鮮美日式蟹籽沙律，細碎鮮甜的蟹籽，甜中帶點酸的沙律醬，爽口微彈的菜，感覺十分健康又清淡整體來說，食物的選擇非常多，食物的質素非常不錯，上菜的速度延快，價錢相對合

好少去呢頭，諗住睇下附近有咩好野食，見呢間啲評語唔錯，又唔洗等位，所以試下。其實入去之前都有心理準備，食物質素唔會有驚喜，不過價錢比其他放題平啲，而且又近港鐵站，所以選擇一試。整體野食好一般，晚市連加一每人$184。蟹粥完全無蟹味，得粟米味～牛柳粒淋到好似啫喱咁，味道好一般～火鍋啲肥牛好似平時炒肉片果種咁厚，又唔知點解加左黑椒～咩松葉蟹腳，同普通蟹柳無分別～唯一係刺身比較好，三文魚同吞拿魚都ok, 甜蝦就唔得喇～食物都算上得快同無漏單

今日食左一餐好豐富既晚餐！冇錯！就係呢間富田和食亭，雖然我地係食9點！但都爆灑場！睇泥好受歡迎。最後結果都超滿意。   先講下D生食先，壽司種類好多，唔會得四五樣，而且仲有唔少火焰既選擇，岩灑有一家人裡面既小朋友或者唔中意食凍野既人。當然，唔燒既都有好多種，當然最基本既帶子，花之戀，八爪魚唔會少得啦。至於刺身，好開心竟然會有. 北寄貝，味道鮮甜，唔太厚，岩岩好，另外個人幾中意佢個三文魚刺身，最中意佢唔腥，而且佢個個爪爪魚同個螺肉真係好大粒，味道一流。到個熟食啦，雖然放題食腸仔好似唔多關事，不過呢到既腸仔我真係好中意食，好正，有蜜糖味，. 好推介。個雞腎好好咬口，我朋友食左3串，哈。另外個雞翼我覺得超入味，加咪D芝麻，個人食在5隻，仲有個一口牛柳，好野味，可以兩個人share ，size岩岩好。  最後當然叫我最中意既餃子同埋烏冬啦，個湯絕對唔會話太濃，唔會食到口乾乾，可能大食同太好食，我一食食左3碗。哈哈！雖然佢呢到裝修唔太高級，而且地方唔大，但都放左好多甜品同飲品，臨走都食在3個豆腐花同雪糕。除左食物，我好中意呢到既服務員態度，當我同朋友岩岩入到去，已經放好灑天婦羅汁，唔會話要問先比

黎開藍田區 想食日本野、見到呢間有卡位，入面又好似幾多人幫襯　就試下啦～入到去，職員果然比卡位我地，兩個人坐卡位，幾大好闊落阿～佢係兩小時任食放題黎既。一般日本放題，好小有酒可以任飲。但呢間竟然有清酒同梅酒可以任飲～我地就叫左梅酒。佢好易入口，酒精味唔算太重，有淡淡既香甜味道，好岩唔太識飲酒既女仔飲！鍾意飲酒既朋友可以飲一大餐阿！到重頭戲：刺身啦！佢有好多款簡。油甘魚、希靈魚、北寄貝、立魚、甜蝦、赤蝦一應俱全！佢個油甘魚油香好重，食落成個口都係油香味！三文魚都好肥美，唔會比Ｄ邊位我地！其他刺身都好新鮮，特別係希靈魚，好鮮甜！唔知大家識唔識分甜蝦同赤蝦既分別呢？朋友就問我甜蝦係唔係甜架ｗｏｒ。。。咁其實下面無頭個隻就係甜蝦，有頭個隻係赤蝦。甜蝦會有一種鮮甜既味道，而赤蝦相對無咁重鮮甜味。佢兩種同好新鮮，算唔錯阿！之後叫左個黃金燒蠔。佢用芝士一齊去燒蠔，食到蠔既鮮味之餘仲食到芝士既香味，兩樣野好ｍａｔｃｈ，唔會搶左對方既味道！到炸物啦！下面中間圓形既紫薯球值得推介～佢炸到岩岩好，唔會太油，入面全部都係紫薯，好香！燒紫著都好好食，好香甜。而飲品同甜品佢就有個櫃任拎既。我地比較欣賞佢個牛奶雪條

看見食評讚不絕口，估唔到親身品嚐咁差，想收錢又唔想比人食，每人要3件三文魚，最後總數比4件，連一人一件都冇; 蟹粥更難食不堪，唔知典解食評会有人讚;總括食物質數也未如理想

今日同朋友去佢屋企附近食日式放題，該放題位於藍田啟田商場𥚃1樓。是日我們大約晚上7點到達，客人大約一半，不用等位。order紙種類頗多！大部分熱門刺身都在紙上。壽司種類都不少。而且火鍋都有！滿足不同需要！刺身很新鮮！甜蝦同三文魚既肥美又鮮壽司是一口壽司份量剛好，不會因吃太多吃不下其他。焗蠔較細隻，但蠔味搭夠味付螺肉同蟹籽沙律我最愛 encore左好多次！熟食方面都有好多款式，滷水雞翼同串燒都很不錯！串燒鹽燒海蝦最好食清酒煮蜆味道較淡，但蜆肉無沙而且夠大隻。天婦羅則是蝦跟芋頭球最好食！我跟友人一共吃了10粒以上喜愛飲酒既朋友亦可以點梅酒跟清酒，我們試了梅酒，又甜又易入口，不像平價酒！是日晚餐放題$348，一個人不到$180 兩小時食很飽飽簡直超值！住藍田既街坊一定要試試！

朋友生日 ，諗住食放題 ，點知官塘果d又唔岩時間 ，咁又住藍田 ，就試下呢間啦。環境果d 冇咩問題 ，服務亦都ok，咁最主要緊係食物啦，我雖然唔係食家，不過食過既放題唔會少 ，甚至日本築地市場我都排幾粒鐘食過， 講真，刺身麻麻地，果d 焗蠔腥既，羊架好硬，好難咬，金菇肥牛d 味直頭唔係果樣野黎， 雞軟骨串冇味又硬，最尾叫個煲打下邊爐頂下肚算，至於其他冇咩特別，可樂唔係普通果d ，飲落淡好多，可能藍田真係得一間放題，所以咁多人食 ，係咁

為左提早慶祝父親節，於是早一個星期日出外食飯。即使星期日食放題，係7點前入座都係$168。放題菜單有唔少選擇，刺食，壽司，小食，火鍋等等。今次的刺身幾新鮮，厚切得黎冇乜雪味，叫左三文魚，甜蝦，鮑片，味道都唔錯。小食方面，有牛柳粒，牛油炒粟米，清酒煮蜆，勝在夠多選擇。壽司就叫左唔同款試，鰻魚，花之戀，三文魚，帶子，味道都ok, 不過較細件，其實幾岩放題，唔洗食咁飽。放題都可以健康的，就叫左火鍋整d 菜食，仲係蕃茄湯tim，幾鮮甜。仲有日式既小食，中華沙律，枝豆，芝麻八爪魚,調味唔錯,不過配SUSHI飯會夾D。波羅要ENCORE!夠甜夠冰!最後飲品甜品可以自己拎,有茶,汽水,果汁;PUFF,豆腐花,雪糕等等。埋單兩個人食到飽，都係400有找，都幾抵呀!

自從搬咗去將軍澳之後，已經好少再出旺角食放題，有時真係好想食返夠本，可惜山長水遠，懶得出門。最近上網發現藍田都有一間富田和食亭放題，評價唔差，而且價錢非常抵食。富田放題嘅內容，同旺角嘅不相伯仲，今晚決定黎試吓。呢一區嘅放題日式料理比較少，所以今晚full booking 甘滯。分左時節，七點前入座比較抵，所以我哋6:45已經急不及待咁入咗餐廳。枱面上就已經準備好各種顏色嘅點菜紙，果然種類好多，見到都興奮。Wasabi 同醬油都準備埋，服務唔錯，等食客可以一坐低就即刻點菜。先黎個雜錦刺身先！三文魚、北海道蟹柳、吞拿魚、希靈魚、赤貝、甜大蝦、𩶘魚、八爪魚、北寄貝。。。全部都要！唔使5分鐘，佢哋已經將我地既刺身送過嚟，上菜速度快得驚人，完全冇浪費到我哋嘅時間。抵讚！三文魚、北海道蟹柳同希靈魚係我最中意既刺身。應該係流量快所以夠新鮮、百吃不厭。食完刺身，當然唔會錯過佢哋嘅壽司。花之戀、帶子、赤貝、火焰三文魚、火焰左口魚邊，全部唔夠10分鐘上枱，真係令到食嘅節奏非常暢順，中間冇空餘時間，快靚正！ 帶子、赤貝同花之戀，份量都大大舊！小食方面，我都食咗佢哋嘅枝豆、螺肉同蟹子沙律。呢度非常人性化，所有

團購價$128加服務費$46，總數每位$174任食3個鐘，價錢親民。食物方面，款式比較少，有啲唔錯，有啲真係麻麻，服務方面，職員有禮，收單收碟都算勤力，冇漏單，上菜算快。刺身質素唔錯，新鮮。前菜有以下幾款，無骨鳳爪個味幾好，唔會太辣。壽司麻麻，飯比較實，赤貝太薄，火焰左口邊壽司完全無味，亦都無入口嘅肥美感。手卷好大件，紫菜亦唔脆。炸物嘅芝士年糕同一般嘅唔同，無咩芝士味，夾嗰陣外皮已經變咗漿，炸芋丸赤變晒型，外面唔脆。比較特別嘅係炸雙皮奶，用麵包夾住嚟炸。西式扒類好味，牛扒唔韌，羊架亦夠肥同嫩，兩款燒蠔嘅蠔肉真係好細粒，同蠔豉差唔多。黃金燒蠔味唔錯，蒜香燒蠔真係無味，得蒜茸味。沖繩牛柳粒唔錯，夠惹味。青酒煮蜆無沙，份量亦大份，不過無咩酒味。三文魚頭同秋刀魚燒得唔錯，紫心甜薯好似烚完再燒唔乾身。小火鍋。各式雪糕甜品。

今日去咗將軍澳探朋友，之後佢帶咗我去食放題，可能時間仲係好早，$158已經可以食放題。入到餐廳二話不說即刻叫咗幾碟刺身食，佢啲三文魚切到好大舊而且好肥美。佢啲羊扒唔太羶，而且肉質稔滑。而呢間放題我覺得最值得推介嘅就係呢度嘅蟹粥，佢碗蟹粥非常之足料，除咗有蟹腳之外，仲有蛋花同埋粟米，而且佢個粥底好綿，有陣薑味。我總共食咗兩大碗蟹粥。佢呢度啲飲品可以自己隨便拎，仲有啤酒添，但係因為要揸車嘅關係，所以就唔可以飲酒lu而且佢呢度嘅甜品亦都好多選擇。臨走前我仲攞咗兩大條雪條添啊。

有時候心情就像天氣，忽然晴天、忽然下雨。吃飯的興趣也一樣，心情好的時候，就想吃一頓精緻的晚餐。心情一般般又無聊時，就想大開殺界，亂吃一通。今天就是碰到心情無無聊聊的星期天，想讓腸胃一點刺激，是就想到富田和食亭這日式放題專門店，來瘋狂吃一番。可能香港人像我這樣，偶有想透過食，來發洩心情的人也不少，因此富田和食亭的客人挺多的，大家都投入在放題大吃的世界內。看到枱面這一排點餐紙，興奮的食慾來了！首先當然要吃刺身作頭盤。放題常見的刺身，他們這裡都有。三文魚、吞拿魚、希靈魚、赤貝、甜大蝦、𩶘魚、八爪魚。。。我最欣賞是他們的三文魚和甜蝦，兩者都很新鮮，肉質鮮美。甜蝦的蝦頭充滿蝦膏，很甜美！象拔蚌也很爽脆，可以一路 encore !由於三文魚刺身非常新鮮，我也叫了三文魚手卷。手卷的三文魚份量很多，紫菜香脆，吃起上來很滿足。壽司方面我也試了他們很多不同的款式。包括火焰三文魚、左口魚邊、帶子、赤貝、鰻魚等等。質素還可以，一壽司、一口飯，不會吃得過飽。清酒和梅酒也是放題任飲。只提供凍飲沒有熱的清酒。喜歡清甜的朋友，這個梅酒一定適合你。酒精濃度不高，像果汁的千杯不醉 ( 因為杯子特別小，一口一杯豪氣也！)不