富田和食亭 (已結業)

今日去咗將軍澳探朋友，之後佢帶咗我去食放題，可能時間仲係好早，$158已經可以食放題。入到餐廳二話不說即刻叫咗幾碟刺身食，佢啲三文魚切到好大舊而且好肥美。佢啲羊扒唔太羶，而且肉質稔滑。而呢間放題我覺得最值得推介嘅就係呢度嘅蟹粥，佢碗蟹粥非常之足料，除咗有蟹腳之外，仲有蛋花同埋粟米，而且佢個粥底好綿，有陣薑味。我總共食咗兩大碗蟹粥。佢呢度啲飲品可以自己隨便拎，仲有啤酒添，但係因為要揸車嘅關係，所以就唔可以飲酒lu而且佢呢度嘅甜品亦都好多選擇。臨走前我仲攞咗兩大條雪條添啊。