富山麵家

營業中

休息中

之前同朋友去到銅鑼灣見到呢間好有日本傳統佈置嘅舖頭已經覺得好吸引，嗰排仲成間舖貼滿小新嗰衰樣，令到我默默將呢間拉麵店加入必食list。🤔作為新界人，好少過海，琴日難得過海去銅鑼灣，梗係趁lunch去試下。雖然依家冇咗小新，不過呢期就出現左嗰隻無口嘅80歲老貓。🐱本身已經係沾麵迷嘅我，梗係點個沾麵試下啦，於是揀左個魚介黑醬油沾麵，然後點左個去日本餐廳必叫嘅雞翼，同埋因為想開下胃加上「為食」嘅原故，就叫左個小朋友年代摯愛嘅芝麻小章魚。🐙舖頭內部嘅裝修同出面一樣好有傳統味道，仿木製傢私一向係我所鍾情嘅，師傅係傳統日本人，的確有信心保證，而侍應都好親切，感覺就好似一秒去左日本咁。🇯🇵

食之前係網上拜讀過一篇有關呢間麵店既報道，話佢地喺「東京拉麵秀」贏過5年冠軍，講到咁勁，一於拉埋出名咀刁既朋友黎試下先！首先點左個富山餃子share，外皮煎得香脆金黃，咬落去個皮都幾煙韌，入面有椰菜豬肉做餡，夠juicy，點埋餃子汁感覺無咁油膩，size都好fit，一口一件。拉麵方面，我揀左富山蝦白鹽蝦拉麵，湯色較清，濃度偏淡，唔會太鹹，有陣陣新鮮海產香氣。叉燒有口感同入味，溏心蛋軟滑，拉麵麵質軟硬適中，唔錯！朋友叫左碗激辛味噌拉麵，湯底辛辣開胃，香濃惹味，有4款辣度選擇，都幾貼心。朋友讚D叉燒肥瘦比例好，肉質唔會太韌。總括黎講間都算有質素！

香港拉麵店好多，要搵一間好食既真係唔易，朋友就介紹我黎呢間富山麵家，真係冇介紹錯首先嗌左呢個香煎魚餅($28)魚餅大大塊，仲有d香料一齊煎，好有香味。同埋個魚餅好彈呀，$28真係超值呢個招牌既富山餃子$38，睇落同普通餃子差唔多，但咬落去超級多肉汁，完全唔dry點埋個汁食就一流最後緊係主角，赤辛味噌沾麵($95) 沾麵即係湯同麵分開，湯熱麵冷，食落好有層次，而且辣到適中,唔洗怕太辣食唔到加上隻唐心蛋流心真係好正

人地係一個真‧拉麵迷，住係香港係真‧有口福，事關香港D拉麵店多到好似便利店咁，梗有一間係左近，想食就食無難度，今日就同朋友黎左呢間頗有人氣既拉麵店開餐。入到去見個裝修都幾好，大玩東瀛風。先揀左兩款前菜share，包括胡麻溫室蕃茄($25)同香煎魚餅($28)。日本溫室番茄口感爽脆、味道清甜，size仲勁大個添~再淋左滿滿既胡麻醬，未食都聞到好香juicy到爆；而魚餅就兩面煎到金黃色，入口非常香脆，柔韌軟滑彈牙，唔會油淋淋。食左兩款小食後，開始對呢度既拉麵好有期待。一人揀左一款拉麵，其中北海道牛奶拉麵(＄85)加入左北海道特產既牛奶，一上枱已傳來陣陣奶香，濃厚啱啱好，係會令人唔覺唔覺飲晒既湯頭。另一碗冠軍黑醬油拉麵(＄85)，味道濃郁，質感幾rich，有強烈既醬油味，甘醇不死鹹，麵身較粗，咬落特別爽滑彈牙。配料方面，略為厚身嘅叉燒都幾嫩滑香口，溏心蛋都做到幾流質效果，成碗麵食落幾夾。呢度既拉麵選擇都唔少，下次經過會再試其他野。

8月30日, 之前嚟食過一個幾好味嘅牛奶拉麵, 今日經過附近又試拉麵癮起, 見佢入面又無乜人, 而且又有BB凳比B豬坐, 所以我地就入咗去開餐喇! 不過無其他拉麵店咁可以自己剔麵身粗幼配料份量, 就等廚師話事啦~::: 富山Black半熟蛋 ::: $85叫咗呢個算係富山招牌黑醬油拉麵試試, 嚟到個湯底真係幾黑, 拉麵屬幼身爽口, 唔太索湯嗰種, 不過本身個湯底都係稀稀地, 味道亦唔太鹹, 對於鍾情重口味豬骨湯底嘅呀菲嚟講唔太對味... 叉燒都幾好, 肥瘦均勻肉質都算嫩, 半熟蛋亦做到溏心效果味道微甜有醬油香~ 可惜塊哈佬吉蒂紫菜就韌咗少少... 整體都係一般.::: 激辛味噌半熟蛋 ::: $95叫咗激辛湯底, 但係個味道就唔算太辣, 只係多咗一層辣油喺面, 個味道反而覆蓋咗湯底本身應有嘅味道... 紫菜確係韌, 完全唔脆, 麵條唔算出色可以接受~ 唯一可取係溏心蛋, 味道入味之餘效果都幾流心~呢間拉麵店久唔久就會改頭換面同d品牌cross over下d特別野,除咗有時會有d新口味拉麵出場, 有時仲會有d特別企劃拉麵碗比你買走, 好似我地食緊呢期就有Hello Kitty碗~ 賣噱頭

今日係星期六，接完男人去銅鑼灣行街食飯，由於訂好今日係我諗，接佢之前已經諗好去55食，點知去到多人到呢，冇緣唯有下次，附近咁多野食都唔怕啦，是但食間，富山之前行過都有同卡通人物crossover但都冇機會試，今次試下啦。去到冇人排隊，店鋪唔算大，都乾淨企理，揀左坐門口位，都唔迫，算幾好。第一次黎唔知乜野好食，大大張海報話連續5年拎到獎（2014年之後就冇拎）既黑醬油拉麵，試下囉。拉麵有2個size,1個係普通130g,另一種係大滿足190g，價錢相差$10，一開始驚食唔晒叫左130g,之後睇到差$10不如叫大碗，因為男人想加麵（半個$25，1個$30），食唔晒有佢包底😂等左一陣就黎勒，成間鋪都充斥住瑞士雞翼味，應該就係呢個黑醬油湯味😋麵條係屬硬身，熱辣辣上菜時食好彈牙好好味😋絕對係本人喜歡既硬度，蛋就一般，唔係特別好食，叉燒加埋d黑椒又夠冧夠入味幾好，湯頭就真係幾醬油，偏咸，佢有原味同淡味揀，下次有機會試下啖味可能好d 價錢就正常啦，都可以再幫襯

店名：富山麵家地址： 銅鑼灣希雲街7號地下好味指數：8.2／10價錢：$58札幌味噌拉麵 （下午茶）包北海道焦糖芝士蛋糕及汽水札幌味噌拉麵是迷你版的，味道濃郁，味噌味濃。麵質是粗身的，好像油麵的size，口感爽滑彈牙。配料有豬肉，溏心蛋，栗米，竹筍，紫菜和蔥花。溏心蛋味道一流，蛋黃是掌握得恰到好處，好味！芝士蛋糕選用了硬身芝士，芝士味濃，香滑可口。汽水是樽裝的，現在外面地方很少是樽裝的，非常難得。個人覺得樽裝比罐裝好喝，比較多汽。店名：富山麵家地址： 銅鑼灣希雲街7號地下好味指數：8.5／10價錢：$58黑醬油拉麵 （下午茶）包新鮮手製餃子及汽水黑醬油拉麵是迷你版的，味道濃郁，有強烈的醬油味道。麵質是粗身的，好像油麵的size，口感爽滑彈牙。配料有豬肉，溏心蛋，竹筍，紫菜和蔥花。溏心蛋味道一流，蛋黃是掌握得恰到好處，好味！餃子一客有三隻，外皮煙韌，內裡肉質鮮味，配上便餃子汁味道更佳。

望穿秋水，娜娜跟男友闊別幾日，終於等到他回來了！特地請了半日假約會一下，順便帶他去到訪這間富山麵家，因它近期變身為男友最愛的小新25週年拉麵限定店！店內外全是充滿著小新colourful 的裝潢，美觀呢！左－黑醬油半熟蛋拉麵195g($95)右－激辛味噌半熟蛋拉麵130g($95)對比早幾日在山頭火吃的拉面，這裡的味道較重口味，但也是較對我倆的胃口，配料足夠（不夠也可再另加），而且人家的湯底起碼是熱辣辣的！好肉又愛香口野的娜娜當然不放過這個烤雞塊！味道OK，但油太多，可稍為再「瓊」多一陣子才端出來喔！

朋友為左蠟筆小新去食, 我覺得幾得意又去試下, 因為唔係鐘意蠟筆小新, 所以都唔係幾感受到個氣氛, 朋友食完幾開心, 但係我以淨先食麵既角度黎講, 係有少少失望。食左個黑醬油拉麵, 首先我覺得太貴啦, 而且麵條太硬,份量又唔多夠, 湯又太鹼, 同日本拉麵差太遠, 太唔抵食。唯一可讚既係個裝修幾好, 好有日本風味!!

愛麗絲發現到小新既至愛小新居然成為富山既特色，小新一見到就真係0左嘴，係咁影相，而且真係有好多好得意既小新係附近，睇到都滿足，多謝愛麗陪我黎食小新拉麵星期日就唔太排隊好耐就有得入去食lu，鋪頭唔大，不過所有既鋪面設計都有小新既身形因為小新同愛麗絲都唔係話特別肚餓，所以食個麵就算咁就選擇左佢既黑醬油拉麵啦，佢既湯略鹹，要飲番好幾杯水先掂;麵身就略硬，不過小新就幾鍾意個質感，食落去都幾好味 叉燒就冇咩特別，中規中距咁啦; 紫菜就硬到不行，係唔會咬得開既，雖然有上新係上面係幾吸引，但都係冇可能架ma ps. thank you for 愛麗絲

早前聽人講話唔好食所以都冇抱太大希望無論內外都係蠟筆小新和小白好得意 可以同朋友仔黎食雖然我唔係佢忠實粉絲其實個拉麵冇咩特別 只有一隻蠟筆小新一隻半熟蛋，兩塊叉燒，少少筍和蔥花湯底味道濃 令叉燒都好鹹 太多味精食到好口喝 要不斷飲水拉麵比較硬 唔夠彈牙如果可以選擇軟硬程度就好飲哂d湯就係為左影呢隻蠟筆小新都見到有人買個湯碗但就要$130

因早前我經過銅鑼灣見到「富山麵屋」嘅舖貼滿晒超可愛嘅蠟筆小新！當時我已經想即刻去食，但大排長龍，我無等到！所以我們今日下午特意去品嚐一下！入到去舖內見到每個角落都有超得意嘅小新公仔！令到我非常興奮！我們叫咗黑醬油半熟蛋拉麵、白鹽蝦半熟蛋拉麵同札幌味噌半熟蛋拉麵！黑醬油、白鹽蝦同札幌味噌三款唔同湯底，本人比較鍾意白鹽蝦湯底！因湯底較清！拉麵嘅麵質非常爽口同彈牙，湯底亦相當濃郁，叉燒整得好腍，肉質嫩滑，唔會好韌同黐牙！半熟蛋非常流心同非常軟滑！同埋最有心思嘅係塊紫菜印有小新嘅圖樣，真係好得意呀！溫馨提示：他們有印咗小新圖樣嘅拉麵碗賣！買兩隻碗送一個印咗小新圖樣嘅環保袋！同埋他們只收現金！

見到以蠟筆小新為主題，所以去試下。見黑醬油拉麵係依間店既第一位人氣之選，於是就揀左黑醬油半熟蛋拉麵。個湯底味道尚算可以，味道唔會太濃味，但湯底偏油。拉麵係粗麵，拉麵唔得煙韌，淋淋地無彈性。拉麵配有筍，蔥花，叉燒，一隻半熟蛋同一塊印有小新圖案既紫菜。半熟蛋味道不錯，夠入味，流心蛋黃好正！朋友叫左個白鹽蝦半熟蛋拉麵，湯底味道偏鹹，好重味精。但叉燒味道不錯，肥瘦適中。這間店的拉麵一般般不是特別好吃，但店鋪怖置不錯，枱面、筷子套、牆紙、掛畫同收銀台等等都是以小新為主題。

真係不得不寫食評 免得你班傻瓜中伏 有朋友生日 佢好喜歡蠟筆小新 所以特登陪佢去食 如果唔係...銅鑼灣既拉麵店 幾時會到佢？？佢有4款麵你揀 我梗係揀最出名架啦！黑醬油拉麵～～～～一來到 好似自己係超市買一包包煮果d 再加d點綴裝飾.....一食 好濃既麵使味....再來是好濃既萬字醬油味.....即係即食拉麵啦？！失敗！再食隻蛋 咸到呢 都唔知係個湯浸到佢咁咸定佢本身浸果兜汁咸 失敗！我食完係果到飲左2杯水.....離開左1個鐘 我再飲晒1枝cc lemon....成肚水 但我個口仲好乾好kwok 大家 唔好去食 基本上呢碗係10幾蚊買到既即食麵！！

因為蠟筆小新關係去試一試。但有些失望。門面，店舖入面都整得幾靚。但拉真係幾差，叫左2個麵 1。黑醬油拉麵，有好啖既鼓油味，同日本食既黑醬油差好遠。2。辣既味噌面，一啲味噌味都無，得啲普通街邊辣椒油味。麵質硬而不彈。