富山麵家

營業中

休息中

想當年，呢間拉麵館的人龍長得很誇張，整個店裡都係蠟筆小新、Hello咪咪。攪到我呢個Hello咪咪粉絲瘋狂了！古語有云：人非草木，孰能無情。今日再次搭叮叮來幫襯一下，食返個Black拉麵。店入面既環境依舊企理、乾淨。個主打Black拉麵認真冇得輸，個湯底好正，味道濃郁又唔咸。一啖流心蛋配一啖湯，暖落個胃，雖然夏日炎炎來食碗熱騰騰的麵並不太相配，但大汗滴細汗地一邊食碗富山Black, 一邊上網睇running man都幾過癮！你話我次次黎食呢個麵都係咁話喇⋯今次叫多碟串燒雞軟骨試下，都底食既，平均8蚊串，大大粒又唔太乾身，係就係熱氣d, 不過唔食唔知身體好，哈哈哈！

放工一支公響CWB搵地方食飯，行經銅鑼灣希雲街決定試下富山麵家!之前女友話要食，因為有Hello Kitty搞gimmick, 但我地錯過左~門口大大個"富山麵家"，望落裝潢唔錯 點左個富山黑醬油拉麵 $85   上檯賣相都幾吸引，雖然當時好肚餓，都要手機食先 !黑醬油拉麵湯底真係好黑, 烏卒卒既湯底除左鹹味，仲有一陣鮮味。湯底味道俾個讚 ! 充滿好香濃醬油鮮味 !拉麵屬幼身款，食起來都幾爽口，感覺麵質唔錯 !2件大叉燒肥瘦均勻，肉質嫩，可惜分量唔夠喉 半熟蛋果然做到溏心，味道有醬油香，好味!紫菜冇乜特別~overall, 會encore ! 拉麵控必吃富山黑醬油拉麵 

之前聽朋友介紹黎呢間富山麵家，初頭聽落仲以為食雲吞麵果d,一坐低見到個餐牌，淨係小食已經吸引到爆炸，又多選擇!價錢仲好合理我叫左個雞軟骨黎試，$32有好4串平過街邊檔 仲要幾唔錯!!!有肉汁爆出黎!!!! 但就咸左小小之後叫左個白鹽蝦拉麵，好特別 又唔係好咸，d蝦仲好彈牙但身為食肉獸既我就覺得dry 左小小 呢間野真係唔錯既選擇，幾高質又唔太貴

剛剛係日本旅行完返黎，心情仍然好亢奮，所以要繼續食日本野延續果份快樂……拉麵以外，今日同朋友share左三款小食，第一款係胡麻溫室蕃茄，好適合而家呢d咁熱既天氣食，又健康，番茄已經砌成一份份，好方便食，麻醬開胃，溫室番茄味道特別清甜，成個dish感覺好清新。第二款係富山手羽，將雞翼輕輕放係咀唇邊，已經感受到果種即叫即煎既熱度，香脆外皮充滿芝麻香，入面肉嫩juicy，我食得快，所以食左三隻，哈哈哈。仲有一款係餃子，好鍾意食金黃脆底既日式煎餃，餡料主要係椰菜、豬肉同韭菜，口感特別香脆同豐富，點埋餃子汁更加好食。

噚日同朋友行銅鑼灣，行行下見少少肚餓唔想周圍搵，就行咗入去依間拉麵店。店舖位唔算多，望落細細間但係估唔到有驚喜！就係好多野飲揀！我就嗌咗個富山蝦白鹽蝦拉麵，啲 “蝦仔”雖然細，但係有吊味之用，可以用畫龍點精黎形容！連麵食令口感冇咁單調。其他配料方面，叉燒嫩滑嘅！而開邊半熟蛋竟然有足足一隻！拉麵黎講都足料囉！入去之前都諗住嗌杯茶算嫁啦，不過見到有波子汽水就忍唔住嗌啦哈哈，始終出面少見！拉麵配波子汽水，正！

北海道3.6牛乳有幾出名都唔洗多講喇，咁作為拉麵湯底又夾唔夾先？之前係另外兩間拉麵店都有食過北海道牛奶拉麵，計埋今次係第三次食，算半個專家卦?!?!哈哈~~之前係北角食過一間，個湯底隻色奶到真係好似花奶咁，唔係認真大愛牛奶既人可能會有少少反感~之後係屯門又食過，勝在抵食，不過叉燒得一塊，同埋麵質素一般~今次呢間湯底望落去無乜奶色，所以一日未食都唔知佢係北海道牛奶湯底，可能因為有奶，所以口感特別柔滑creamy，奶味適中，飲到但唔算好濃，兩大塊叉燒好肥美，麵質比較爽，麵條都索到奶味，覺得充滿營養。

Kris had a business trip in these days, I had a lonely lunch time today. Hope she can access OR and read my food review in China. LOL!This is my second time to dine at this ramen restaurant, the Crayon Xiaoxin cartoon was marked onto the seaweed before. The quality of ramen is good as before, its signature black ramen was still delicious. The half boiled egg was a key, the beaten egg yolk was amazing mixing with the ramen soup.The atmosphere was very nice, although the air-conditioner was cool e

最近工作壓力真的很大，於是今天放工後去了銅鑼灣一带shopping, 血拼完畢後， 便到附近的拉麵店晚飯一下。平常的拉麵店不是很多都有沾麵點， 在日本食過一次後， 便覺的很特别， 而且我漸漸覺的沾麵比拉麵更好食。我點了魚介黑醬油沾麵和最近很喜歡食的中華沙律(綠色的海草)。沾麵是醬油配麵和配料。一般都是把麵沾上醬油食的，食法和一般的拉麵不同， 而且醬油和拉麵的湯底不同，比較入味。店家調的醬汁很配拉面， 很入味。再加上紫菜及栗米一起送進口中， 十分好吃。麵和配料的份量充足， 晚餐的話這個份量剛好可以填飽肚子。如只食拉麵有一點不夠喉的話，除了沙律也可以另配其他小食，炸雞及日式餃子也是不錯的選擇。這家的沾麵真的好有水準! 大滿足

自己一個銅鑼灣上完training, 老豆媽子去左旅行無人煮飯，唯有食自己啦，漫無目的行行下見到呢間拉麵店，一個人食野拉麵岩晒啦~一個人唔駛等位，坐低叫左個激辛味噌拉麵拉麵上枱，麵質粗身彈牙，溏心蛋夠溏心有蛋味，叉燒睇落無乜色，但係意想唔到整得幾入味，辣味肉碎無咩肥肉之餘但係又唔會嚡，抵讚食下食下真係幾辣下，難得黎到，叫支未試過既常陸野啤酒飲下，價錢唔平，但係一分錢一分貨，小麥味好香，帶清新果香，好滑好順口值得推介

上星期去銅鑼灣拎信用卡禮品，排隊其間聽到前面個女仔約人去富山食拉麵，無聊gei我即刻OR一下~見到D食評同價位OK，又有少少肚餓，一於去試試~去到12點鬆d，應該岩岩開門無耐，無咩客唔駛等位，打開餐牌見到有沾麵食，平時我比較鍾意食湯麵，不過個日實在太熱，而且興左幾年未試過，既然比我預到就試下啦揀左魚介黑醬油沾麵($90)溏心蛋整得好靚，入味又軟熟，叉燒就普通啦~可能我唔慣凍食叉燒…lee度d拉麵比較粗身，所以特別彈牙同有咬口，我都算係一個麵控，但係lee幾年市面上gei公仔麵、米粉、米線、河粉質素真係越黎越差，一係就硬到索唔到湯汁，一係就越食越糊…所以我非常欣賞佢個拉麵，掛汁彈牙無”壓”味，見個湯黑蚊蚊以為會好咸，點知又唔會wor，同個拉麵prefect~到我食完走gei時候都見唔到頭先個女仔，之後再SEARCH OR先發現完來附近有間富士山拉麵~哈哈~唔知係聽錯呢? 不過總算錯有錯著~

想黎呢度食好耐，但幾次經過見到有條隊就唔想等，難得今晚OT完見唔算等得好甘，所以決定一個人入黎食。本身打算一支公叫碗拉麵食完就快閃，不過做完野咁辛苦都想對自己個胃好少少，所以叫多個串燒雞軟骨，食落脆卜卜，軟骨有咬口唔會過硬，份量唔少，一個人KO晒好滿足！揀咗白鹽蝦拉麵，湯頭味道鮮甜甘香，拉麵幾彈，叉燒嫩滑，我一直低頭食到「雪雪聲」無停過，做完野應該比自己放縱下既！

炸雞啤酒似乎已經成為左韓國既代表，估唔到今日黎到呢間日式拉麵店，一樣食到喎，仲唔同風味添。炸雞塊係嫩滑嘅雞髀肉，金黃酥脆，入面肉嫩JUICY，仲食到陣陣蒜蓉香添！配左支日本常陸野貓頭鷹啤酒，聞到類似咖啡味，第一啖飲落去無乜氣泡感，之後先慢慢刺激喉嚨，混合左咖啡酸澀感同黑啤嘅苦酸味，同炸雞係perfect match!邊個仲敢話炸雞啤酒係韓國專利？！原來日式都OK架~

I had an enjoyable lunch with my little princess 👧🏻 after finishing her trial playgroup lesson in CWB yesterday. A Japanese ramen restaurant was just opened when we passed through the Haven street. The restaurant looks nice and and my daughter 👧🏻 was attracted by the lanterns decorated onto the front window, we decided to have a lunch in there! The black soy sauce ramen 🍜 with leek & flavored half-boiled egg was very delicious! The black soy sauce didn't taste sticky and too much oil, I believe

喺CWB上完日文堂，決定同個同學仔揀間日本餐廳食晚飯，順便睇下大家睇唔睇得明店內既日文lol~翻翻menu，我揀左魚介黑醬油沾麵，上枱時見到個沾汁好濃郁，飲落微鹹回甘，麵條彈牙幼細，口感滑溜，再食埋肥美叉燒同糖心蛋，一碗沾麵就有幾種享受。同學仔叫左札幌味噌拉麵，佢比我試左幾啖，湯底同樣口感濃郁，充滿豬油同蒜味，麵條脹卜卜咁，有埋木耳、粟米同蔥絲，又油又鹹又香又甜。原來我地既日文已經有返咁上下水準，唔少日文字都睇得明，YO~

平常都很喜歡到日本餐廳和居酒屋用餐，今次選的是位於銅鑼灣的拉麵店! 首先是被它的店面吸引了，掛了个布簾，還加上日式燈籠，滿有日本街頭拉麵店的風味。我點了黑沾麵和炸雞。沾麵是店家調好醬油後，把麵沾上這醬油食的，和一般的拉麵不同。醬油比一般的拉麵湯不同，較濃味。但吃完麵後，可要店家加湯後喝這個。我店的是黑醬油沾麵， 醬汁濃厚，配上拉面，咸蛋，筍梯條及紫菜，十分配搭。麵看上去份量小， 但吃落也很飽肚。另外的小吃是炸雞配上日式蛋黄醬，也很有日式風味。這一餐食得很飽很滿足，還可以一治思日之情!