富山麵家

營業中

休息中

來到這間日本麵小店，感覺很溫暖，有如置身日本享受日本風情。我點了一碗札幌味噌蛋麵，湯底絕不兒戲，香濃的豬骨湯味令我想多渴幾口湯，連湯底也變成主菜! 兩大醜豚肉入口即溶，回咪再口味，日本雞蛋永沒令人失望，兩個字 - 好味!友人點了富山黑醬半熟蛋湯麵，他稱湯底夠濃郁，在別的店鋪難嘗同一味感。滿足。另外，店內以加菲貓坐鎮，筷子套，牙籤套也是加菲，加菲迷一定不可錯過。

銅鑼灣人氣拉麵店，除左味道之外，另一原因係經常同唔同卡通crossover前就同加菲貓合作，難怪咁多女仔黎黎到都要排左一陣隊先入到,因為真係好多人黎,結果等左30分鐘,好在D人有品食完就走講返拉麵，北海道牛奶半熟蛋拉麵係富山賣點，香濃湯底一上枱已經聞到，麵條雖然普通不過口感尚可，叉燒反而唔錯，肥膩適中，入口一流溏心蛋幾軟熟,味道唔錯湯底最後我都飲曬小食食左雞軟骨,雞軟骨相當香脆,炸得岩岩好,唔會太林或太硬而且唔太貴,2樣野加埋都係100多小小,幾抵食

星期二晚有去飲嘢前食個晚飯。反正去行去大坑，就周圍行下，搵好嘢食。男友超鐘意拉麵，見到富山麵家，二話不說就要去食。七點去到無乜人，富山同Garfield crossover， 周圍都有Garfield身影。等咗十分鐘，我地個拉麵到喇。我叫咗牛奶拉麵，麵質比豚王硬，我個湯ok, 好重奶油味，不過叉燒就麻麻，好厚，好鞋，無入口即溶嘅感覺。男友叫原味，湯比較咸，可能係富山口味，我地食唔慣。間餐廳service都好，又有免費橡筋提供俾長頭髮嘅人。

這是家日式拉麵店鋪，內裡裝潢有趣，放眼盡是以加通人物-加菲貓為主題的設計。這麵店的麵碗、筷子套、牙簽套全都印著加菲貓的圖案，十分有趣。在食物未上枱時，可慢慢欣賞不同的加菲貓物品呢！食物方面，這次點的是帶有辛辣口味的湯麵麵及素食沾麵。辛辣湯麵醒胃之餘不會過辣。沾麵爽口彈牙，份量不少。沾麵配上的是芝麻醬，甜甜酸西酸，即是食光整碗也不覺飽滯。這裡的拉麵款式不多，即使有選擇困難症如我一樣的，也可輕易挑選想食的款式呢。

認識w，應該是四年前的事吧。 因為claim旅遊保險認識了她，到我邀請她來到我工作的地方，我沒有想過會和她這樣熟悉。 有些人你就是會註定認識她，而且一定不是存在任何愛情有關的感覺，不是那些你以為是愛情故事的好感，只是你都會給這些人幫助一下，或者對她會多一點容忍的程度。 她經常會支持我在這裡寫的文章，如果你看到我才想到原來你離開我還沒有請你吃一餐farewell 飯，不過，之前你說喜歡這裡的拉麵，想探下加菲貓，這餐就當是送別你的晚宴啊。 對，八點多來到都要排十分鐘，原來加菲貓魔力咁大。 入到去裡面，一如之前富山麵家的裝潢，全是美侖美奐，最快樂的是原來註場在加菲貓在這裡和嘉菲迷影相。 我不特別喜歡，所以當然食麵更重要，我叫了個黑醬油半熟蛋拉麵。 大大塊的叉燒，當然不是絕頂的貨色，但大件抵食。 拉麵是粗身的，點著其濃濃的黑醬油湯是非常適合，而不過當然不是日本那種拉麵的好，充滿了港式的風味。 那個半熟蛋個樣差少少，味道不過不失罷。 湯底我想起從前的豚王，是很容易會令你吃飽那種的。 W叫的白鹽蝦半熟蛋拉麵是另一種感覺，如果那個是濃烈的豪邁香薰，這一定是淡淡的花香清新。 那個湯有

係人都知熱氣野同辣野對皮膚唔係咁好，會刺激皮膚，好可能生豆豆，但有時美食當前又真係好難忍嘅，你懂的！富山炸雞塊 $38一睇到已覺好邪惡的炸物，外皮炸得鹹香酥脆，睇到都令人流晒口水，雞肉厚身得黎都幾鮮嫩多汁，絕佳口感。激辛味噌拉麵 $95湯頭偏紅，充滿視覺同嗅覺刺激，味覺自然亦唔洗多講，湯底喝落幾好入口，之後D辣慢慢標出黎，將湯加埋有嚼勁的麵一齊食，微辣的滋味更能促進食慾。又辣又熱氣，冒住面生瘡既危險都唔理得咁多喇，食左先講！

與湯拉麵相比，我覺得沾麵更吸引，一碗湯一碗麵放到枱上，然後好似好好玩咁左溝右溝，無論湯頭定麵質都可以嘗得更真。今次黎呢度食左個赤辛味噌沾麵)，好鍾意D面條夠彈性，掛湯力高，濃厚味噌同赤辛混合埋既湯頭增加左色香味享受，加埋軟腍叉燒同糖心蛋，美味無窮！另配一個芝士蟹柳卷，芝士同蟹柳都塞得滿滿，見到即刻大啖咬落去，口感勁有層次，芝士味濃，香口YUMMY~

食拉麵通常都要配埋小食先算得上”完美”，今次就揀左日式海帶絲配黑醬油拉麵，一綠一黑。日式海帶絲係，清淡卻帶少少麻油香氣，酸酸甜甜，食起黎口感爽脆，有少少海洋味，唔腥。至於黑醬油拉麵湯底味道微甜清香，唔會太過濃厚，亦唔會太過油膩，相比豬骨湯底，呢個比較清新。麵質屬於粗拉麵，煙煙韌韌都幾彈。叉燒多又入味，加分！

好少食到以蝦做主角既拉麵，呢碗有好多蝦米仔嘅富山蝦白鹽蝦拉麵(85元)湯底屬於清澈型，清爽不油膩，味道簡單、質樸、鮮美，除左半熟蛋、紫菜、玉米、叉燒、蔥花等經典配菜之外，最特別就係加入一種特別嘅蝦米：日本富山灣嘅白蝦，入口鹹鮮味十足，有淡淡嘅蝦香，叉燒夠淋同幾大塊，粗直身拉麵煙韌彈牙，掛湯力強，紫菜同拉麵碗邊都有加菲貓嘜頭，食到尾碗底都有佢個萌樣，可愛死呢~

拉麵呢樣野可以話男女老少都鍾意食，不過如果加入左辣就唔係人人食得起喇，呢度既激辛味噌拉麵(95蚊)都好貼心，好似D米線舖咁分為4個level既辣，今日就食左個level 2，好食得辣既人可能覺得唔夠辣，我呢d新手就覺得o岩o岩好，因為太辣可能仲會搶走晒本身個味噌湯既原味，而家反而恰到好處，拉麵好彈牙下，叉燒好好味，可以多幾塊就好啦！配左個串燒雞軟骨小食(32蚊)，香脆又有嚼勁，脆卜卜，一個人食晒四串都無難度！

睇到愈黎愈多日本品牌嚟香港開拉麵店，自問係拉麵迷，每次去到唔同拉麵店開餐，就會好似食神上身咁，將成碗麵每PART解拆，然後得出一個評分，因為食拉麵真係要講成個PACKAGE，唔係話淨係D麵好食，或者淨係個湯底出色就有用。呢間拉麵店既食評好壞差半，與其聽人講，不如親身食一次便知龍與鳳。揀左碗黑醬油拉麵，結論如下：湯底 → 黑漆漆以為味道一定好濃好鹹，但原來清爽中有D複雜，葱為湯底帶黎少少清甜味，入面有雞油香，食慣豬骨湯的香港人應該都會嫌淡，醬油湯質感幾rich，未至於超濃。拉麵 → 麵屬直身，偏粗，質感煙韌，易掛湯。葱花 → 分量多，新鮮爽口。紫菜 → 幾脆，浸耐左仍脆。溏心蛋 → 半熟蛋好邪惡，流動蛋黃叫人無可抗拒，好快就會食光光。叉燒 → 可以厚D，咬落嫩滑鬆化。Overall而言都有80分啦！

呢度既拉麵配辣肉味噌，真係唔講得笑，有4款辣度可以揀，今日揀左第3級辣，香濃惹味，辣到飛起！ 果堆辣醬肉碎就係精華所在，湯頭係正宗味噌湯，成碗望得充滿辣油咁亮勁有FEEL~未將辣醬混入成碗麵之前，先飲少少試下原味，湯頭幾有黏度，入口微鹹但柔和。蔥花撒得勁多，令碗麵又增添青蔥既獨特香氣。呢碗激辛味噌拉麵真係幾”啃”，鐘意食辣既人一定要試。下次試下挑選最辣果級先~

放學行過見到舖面幾得意，咁啱又有位就入黎坐低快食碗拉麵，睇到隔離枱碗野黑媽媽好似成碗豉油咁，唔知搞咩，好奇問問店員話係黑醬油拉麵，又話攞過幾多次獎咁好把閉，一於試下啦！醬油湯頭都幾濃郁下，心諗會唔會真係好似飲豉油咁咸架？！好在飲落去同睇落去唔同，仲飲到雞湯既甜味，清清地又香，唔試過真係會嚇死以為倒潟左成支豉油落碗麵度。麵身比較粗比較直，吸到唔少湯汁，面頭撒上好多蔥花，配上叉燒瘦肉部分比肥肉多，咬落軟嫩，份量都OK夠食，話攞獎都唔奇既！

不嬲都好鍾意飲奶，對皮膚好丫嘛，唔好話特別崇日，但人地北海道律奶又堅係好飲d喎 之前試過喺天后打邊爐，竟然有得揀北海道牛奶湯底，小女子係力排眾議之下試左，發覺北海道牛奶竟然可以同唔同食物夾到，好神奇，特別係麵食類，索晒奶嘅精華，絕對係鍾意飲奶嘅人嘅must try。所以今日同同事嚟呢度lunch，都叫左碗北海道牛奶拉麵，湯底有天然牛奶香味，甜度恰當，色澤好清，我食每啖麵都要連埋湯一齊送入口，同叉燒及溏心蛋出奇地match，唔飲開奶嘅人肯定唔識欣賞。

加入左個貓迷群組，近排有人提起呢間日式餐廳，原來係因為佢crossover左加菲貓，令到唔少貓迷為此朝聖，睇到佢share出嚟d相又真係幾吸引喎，齋影相都值回票價，所以約定朋友今晚放工後嚟試。本身我哋對食物都無乜期望，所以求其叫左兩碗拉麵hea食，朋友食得辣所以揀左激辛味噌拉麵($95)，成百蚊碗都唔平架，睇到個湯頭偏紅色浸滿辣油，視覺上已經覺得好熱烘烘，未食已經覺得”火辣”，粟米粒、紫菜、流心蛋同肉碎都索晒辣，麵就更加唔洗講啦，彈牙麵質中掛滿辣汁，叉燒入味夠淋，碗邊仲有個加菲貓”嘜頭”陪食，辣得可愛。我就揀左碗清清地嘅富山蝦白鹽蝦拉麵($85)，如果去過富山呢個地方，到處都會見到以白蝦為主角嘅美食同伴手禮，加入拉麵又唔知會係點呢？碗面有好多蝦米仔浮面，食起嚟甘甜，有啲似迷你甘蝦咁，淡淡嘅蝦味隨住其他配料同湯底嘅香味撲鼻而來，清清地都唔錯既。