富山麵家

營業中

休息中

今日和女朋友往富山拉面食札幌味噌半熟蛋拉面, 札幌鹽蝦半熟蛋拉面、中華海草、餃子、串燒雞軟骨、炸雞、十六茶和波子汽水。札幌味噌半熟蛋拉面湯底比較濃, 流心蛋好香、叉燒入口即溶、面條爽口；札幌鹽蝦半熟蛋拉面, 鹽蝦咸咸地好開胃, 筍絲和流心蛋好夾, 叉燒切得薄薄好美味, 面條食落好爽口；中華海味味道剛剛好, 好食的冷盆小食；餃子煎得好香, 肉質鮮甜、皮煎得香脆；串燒雞軟骨燒得香脆, 鹽味剛剛好, 脆卜卜好好食；炸雞煎得香口, 雞肉肉質鮮嫩好有層次和口感；最後飲品十六茶茶味濃郁, 波子汽水甜度適中, 好飲, 餐廳食物好美味, 環境配上加菲貓主題, 坐位好闊落好舒服。

知道富山麵家7-9月有加菲貓限定，所以襯happy friday試下～ 原來咁多人鍾意加菲貓，隔離位個伯伯好認真影碗拉麵，好開心見到佢保持到童心，食完仲買咗兩個碗一個袋，加菲貓嘅產品依家又真係幾難搵～ 對面個pair情侶又係好認真拎咗個加菲貓figure同d食物影相，佢地仲著埋加菲貓t-shirt黎食，好開心見到大家都食得咁認真咁開心～胡麻溫室蕃茄＄25，新鮮爽甜～黑醬油半熟蛋拉麵加大＄95，個紫菜印咗加菲貓個樣，個碗都有加菲貓個樣，見到就開心～ 黑醬油好香，拉麵好彈牙，食拉麵點少得糖沁蛋，好好味～ 再加埋新鮮手製餃子＄38，正～另外自己好鍾意嗰個雞軟骨＄32，又係新鮮即整，所以好爽脆又唔油，配埋碟d鹽好好味！！之後再配埋甜品北海道焦糖芝士蛋糕＄15，個芝士蛋糕有啲似雪糕蛋糕，焦糖唔算太甜唔溜，食埋呢個甜品成餐非常滿足～另外一提服務非常好！！因為我留低左一袋嘢係個餐廳地下，食完唔記得拎，戴眼鏡cashier嘅男仔好好人跑出黎拎返俾我，非常感激佢嘅熱心同好人！！

潮流興復古，經典的卡通人物不時出現在商場或餐廳，今次就輪到較少見的加菲貓出場了~~曝露了我的年齡XD....小時候覺得加菲貓很幽默有趣，時常作弄身邊的同伴亞的。一步步走進食店內，已覺得裝潢很討人歡心。連檯及牆身也是加菲貓主題。連餐具盒、筷子套、牙籤套也是加菲貓，相當一絲不苟。分別點了黑醬油及白鹽蝦半熟蛋拉麵，兩款同樣是 $85端上檯已聞到陣陣胡椒香味湯底味道偏淡，以蝦乾、蔥來提升味道，拉麵較粗身，質地較硬、半熟蛋剛好。叉燒半肥瘦剛好，如果肉質再腍身更好。而朋友的黑醬油拉麵則覺得湯底未夠濃郁。餃子 $38都算幾大隻，而且煎的外表金黃。餃子沾一沾醋，咬開餡料豐富夠juicy，而且醋的酸度剛好，令人十分開胃~~主題限定好似是去30/9，裝潢確是滿分，而拉麵湯底味道偏淡，希望食店看到能作出改善，吸引更多客人光顧。

本來是想食某M CAFÉ, 因為太晚,人家過了LAST ORDER, 看見門口很多咖菲, 於是就滿懷希望一試Rei點的是激辛味嘈半熟蛋拉面一上菜, 說好的加菲呢? 原來只是在紫菜上….老實講, 我有點失望不過面質地彈牙, 湯底香濃, 一食就知有誠意, 是日本的味道也點了士多啤梨布丁, 也是只有樽子有加菲, 味道比較清淡所以如果是為了食好面, 富山很不錯, 不過如果是為了加菲, 那你可能會失望了就此, 多謝收看(鞠躬)

呢排大家捉精靈捉到極瘋狂，我就捉精靈捉到黎呢度變左捉貓！呢度既主題成日轉，上次因為Kitty貓而黎，今次就因為加菲貓而黎，d兒時回憶完完全全返晒黎~成間餐廳都貼滿晒加菲，真係數唔到有幾多隻咁多，連個拉麵碗同塊紫菜都搵到佢既蹤影，可以話係無所不在勁可愛~lol~係咁開心既情緒下叫左碗北海道牛奶拉麵，85蚊，本人覺得北海道牛奶係真係比其他地區既牛奶特別滑同香，半肥瘦叉燒有少少入口即溶feel，流心蛋好軟，麵質就屬於彈牙爽口果隻，只要平日鍾意飲北海道牛乳既人，一定會鍾意呢碗拉麵，無飲開既人可能就唔識欣賞luuuu~

唔係特別因為加菲貓而黎，不過入到去都會被呢隻貓融化‧‧‧我都係講返食物啦‧‧‧上次食過呢碗黑醬油拉麵，今次決定encore，睇下keep唔keep到水準‧‧‧最like隻半熟蛋，好軟滑、糖心‧‧‧叉燒無得輸，肥瘦適中好入味‧‧‧至於黑醬油湯‧‧‧湯底黑漆漆，上次食有少少偏咸，今次相對無咁濃，清爽d好似比較suit香港人口味‧‧‧小食叫左餃子，外脆內軟，餡料都幾豐富‧‧‧

號外！喵星人突擊！繼蠟筆小新主題，富山麵家最近聯乘經典卡通人物加菲貓，香港及上海各分店，整個店面由拉麵碗至筷子套都有加菲貓嘜頭，吸引一眾貓奴、餓底們前來朝聖！北海道牛奶半熟蛋拉麵:選用北海道3.6牛乳製成嘅甜品就食得多，做拉麵湯底有意想不到嘅驚喜，香濃幼滑嘅牛乳，大大減低拉麵嘅油膩感，夏日開胃必點！身為3.6牛乳控嘅港女，直頭成個湯底隊哂！

富山拉麵定期都會同唔同拉麵店玩cross over，今次仲同加菲貓添，簡直係童年回憶呀！點了黑醬油半熟蛋拉麵（$95），拉麵分標準130g ，大滿足195g，岩曬細食嘅女士們。拉麵採用獨家研製的魚醬以長時間烹調精煉而成的秘傳黑醬油。濃厚新鮮素材風味集日本拉麵的頂點於一身的特殊風味。 湯底濃厚入味，拉麵煙韌彈牙，溏心蛋軟滑綿香，還有印有加菲貓的紫菜，非常吸睛。另外點了北海道牛奶半熟蛋拉麵（$95）。特選北海道3.6牛奶，濃濃香滑的滋味，一試難忘。湯底奶香味濃，香滑可口的味道與拉麵非常配合。 富山餃子（$38）是店內新鮮手製的，皮薄餡鮮，好吃！ 吃完主食別忘了吃甜品，點了北海道焦糖芝士蛋糕（$15）、Oreo抹茶布甸（$18）和士多啤梨布甸（$18）。北海道焦糖芝士蛋糕輕輕燒過，芝士濃厚美味。 Oreo抹茶布甸茶味清香，口感軟滑。士多啤梨布甸果味淡香，軟滑可口。 由7月1至9月30日，泥富山麵家就食到期間限定嘅加菲貓拉麵啦！無論店面、桌子、筷子套、牙簽、紫菜、拉麵碗，都有加菲貓

呢排富山拉麵人氣高企，全因為有我愛的加菲貓當然唔少得佢o地高水準的拉麵吧。今晚2丁友order左好多野，樣樣打孖，每人一碗北海道牛奶拉麵、2客雞軟骨串燒、2客餃子、2個布丁。簡直大滿足！碗拉麵湯底好正，一啖3.6牛奶配一住麵，令本身有質感既麵條滑落食道，嗰種感覺非筆墨可形容！我一向都係愛湯底之人，無湯不歡，所以試下將個餃子浸響個牛奶湯底黎食，又真係幾好食喎！雖然食法似上湯餃子，但佢餃子肉加上湯底，入口更加juicy，又冇咁熱氣! 老公都話咁食好得! Orea綠茶布甸唔太甜，都幾好食。份量適中, 好滑好香！不過今次黎有少少油煙味，可能太好生意，冇時間做清潔了

加菲貓黎左富山拉麵店啊！上年富山同蠟筆小新crossover，我好飲恨自己無食過無得同小新打卡，今次有香港好少見既加菲貓，身為貓奴，係貓既野都岩！今晚即刻去左朝聖我食左呢個北海道3.6牛奶湯底，老老柒柒我好驚牛奶，如果齋飲奶我係頂唔順的，但奶加入豬骨湯係好滑好好飲的塊紫菜係日本訂造架，印左加菲貓，好可愛啊~

而家周圍都見倒用唔同動漫卡通的主題餐廳，不過講真，除左貼左poster之外，真係唔多覺得有咩大分別。晏畫的銅鑼灣，著住老西，大汗滴細汗，如果唔係同事推介而且即刻有位，真係唔會入去，因為今次玩的主題係好似bobby的加菲貓，加菲crossover拉面，除左卓頭之外，擺明唔會同一般面店差唔多。入坐時候係1點左右，人數有4 個，坐低就用相機食飯先，周圍都係加菲poster, 連快子套都有加菲圖案，都算有d心機餐牌其實選擇都唔少，價錢分開2 種，主要係分量唔同，有85蚊有95蚊今次食左北海道牛乳味，友好就係黑蒜油味晏畫雖然好餓，不過都覺得85 蚊份量已經足夠。黑蒜味試左2 啖，如果你喜愛出前一丁黑蒜味，你應該會幾滿足，隻温泉旦好似縮左水咁，定係佢發育未健全。牛乳味反而幾好。食落有陣豆付味道，而且冇黑蒜咁濃味， 有3 塊差燒， 食完就係果種啱啱夠飽的感覺。題外話，加菲主題做到月尾，要試就要親早.…

白鹽蝦半熟蛋拉麵 White Salted Shrimp Ramen with Half Boiled Egg🍤🍜$85; 8/10🍴由今日開始至到30/9，銅鑼灣嘅富山麵家都變咗嘉菲貓嘅限定店🐱🐱成間餐廳無論係裝飾、拉麵碗、筷子套都有嘉菲貓係上面架😝😻我嗌左嘅呢碗係人氣第二位嘅拉麵🎉湯底清甜而不膩，味道幾特別，唔會成碗湯都係油嘅感覺，適合唔鍾意咁重口味嘅女仔食😽半熟蛋做得不錯，不過如果流心程度高返少少會好d🍳豬肉都唔會好靭，算入味🐷唯獨係拉麵較重麵粉味，有進步空間🙈🍜芝士蟹柳卷$48; 7/10🍴呢個炸嘅芝士蟹柳卷其實係有啲紫菜包住蟹柳卷然後蟹柳卷入面有少少熱熔芝士🧀味道唔算好特別😝

咦？係加菲貓呀！誰都喜歡你~一進內便被可愛的加菲貓包圍，無論是紫菜，拉麵碗，牆紙，到處都是加菲貓！未食已經很開心!北海道牛奶半熟蛋拉麵 $85端上來香噴噴的，加入了北海道3.6牛奶，令湯底更香濃，清甜新鮮的粟米粒與牛奶湯底很配，吃光光。拉麵的麵質偏粗且較硬，不會一夾即散，喜歡！掛湯也不錯。可是叉燒失色，沒甚味道，肉質不夠腍， 不會入口即融，半熟蛋偏鹹，而且對我來說過熟了。雖說麵是主角，但配料也需做得更好。芝士蟹柳卷 $48員工有禮貼心，看我不停拍照，便提我趁熱吃，一吃，果然炸得很脆！芝士半融夾在蟹柳中，咬下去芝味湧出來，唯芝士濃香蓋過蟹柳的味道。加菲貓主題由7月1至9月30, 店家更推出加菲貓拉麵碗和帆布袋等精品，$198 便可換購，我覺得帆布袋的設計實用又好看呢！

黑醬油半熟蛋拉麵$85北海道牛奶半熟蛋拉麵 $85-加菲貓主題限定店開始了❤️🐱 至到30/9！今次點了招牌的黑醬油(後)，以及今次新加入的牛奶湯(前)🍼。🍜麵質恰好，個人喜歡韌勁更強更硬身的，但也沒有過腍發脹的情況，也算爽口。不過最驚喜的是牛奶湯底，加入適量胡椒調味，椒味不會很重但能吊出湯頭本身的鹹鮮，也保留了奶滑帶稠的質感，十分出色！吃完麵把湯都喝光光，推薦。黑醬油就我個人而言比較重口味，男士可能會更喜歡。現在來吃的話，還可以$198套裝價購買加菲貓拉麵碗+環保袋，加菲迷不能錯過😉

隔了一個月再黎富山食拉麵。店內已由紅黑色調變為橙黑加菲🐱主題。感覺好美日系！今次叫左碗白鹽蝦拉麵、北海道焦糖芝士蛋糕。碗白鹽蝦拉麵湯底非常清爽，湯底比醬油味清，有陣鹹香的蝦味。d櫻花蝦都幾香口，又有哨口。睇住佢由$85加到$95碗。加幅仲多個通漲，不過佢地又真係貨真價實既。件焦糖芝士蛋糕好好食，岩我呢d上左年紀既auntie食，唔太甜，蛋糕底又綿身。奶味同芝士兩種味好分明，唯獨是美中不足的是件cake唔夠凍，因為我鐘意雪到件cake有嗰種少少實的的既口感。不過整體都好滿意！