富山麵家

營業中

休息中

睇完個節目之後有人話好想食拉麵🍜🍜 今日特登出銅鑼灣配合😀撞正下午茶時間係抵啲既，一個下午茶餐配三個餃子🥟 $85 我叫左個牛奶拉麵好好食，湯底好香不過啲麵有啲硬老公叫既個碗還可以，相反雞翼就一半半好似炸完啲雞翼在架上啲耗油醬咁有啲失望😫

雞軟骨串：上枱嘅樣都似模似樣，唯一係唔係好夠味，濃味返啲會好啲。手工餃子五件：餃子就中規中矩，正正常常。白鹽蝦半熟蛋湯拉麵：拉麵湯底不見得有咩特別，好彩麵嘅份量都足夠。結論係唔係非常出色,但亦都冇特別差嘅地方。總共係中評。

夜晚收工黎銅鑼灣食個沾麵。加大左個麵份量唔錯，半熟蛋入味，麵質有咬口完全夠食整體黎講性價比唔錯，沾汁以醬油為主相對清淡，比較難掛湯響麵度係主要敗筆。如果香港人一般食開豬骨底既可能唔習慣，因為基本上唔加湯都已經可以就咁飲。沾汁夠熱食到尾都唔會變左凍水。另外叫左個小食芝士蟹柳新鮮炸起，外脆內軟，唔錯！入面有溶左既芝士，兩條蟹柳再用紫菜包，呢個組合第一次食但係出乎預料地幾夾，下次黎會再叫。夜晚黎講因為位置較偏，加上平日夜晚去，唔需要等位就入得。

係日本士富山試過呢個黑拉麵之後，知道呢間鋪係香港都有，當然好想睇下香港同日本有咩分別，所以就去試下啦黑拉麵真係完全同日本一樣，湯底濃，麵厚，勁掛湯，所以每啖口感超豐富期間限定有個沾麵，個湯有埋檸檬，成個麵食落好fresh,無油膩感好多時日本越洋過黎嘅餐廳都會變質，但呢間keep到，甚至有驚喜！

星期二難得放假.就去左希雲街試下依一間拉面鋪.其實一直想試好耐.但無乜時間真係去試😅.去到又五算多人！兩大人兩細路叫左3碗拉面加小食.送到黎又幾大碗.最後都係食得兩碗多d.味道不過不失.湯都幾入味.小朋友好鐘意.本人就喜歡牛奶拉面.但係拉面就比較硬身.可以再煮耐d.埋單差五多400大元.會再黎支持😄

呢日放工同男朋友食拉麵雖然銅鑼灣拉麵店林立但被某網站嘅半價優惠吸引毫不猶豫就揀咗位於希雲街嘅富山麵家冠軍黑醬油拉麵 （原味）傳說中嘅「富山ブラック」（富山black)富山縣富山市中心嘅特色拉麵湯頭最大特色係加入咗比較高濃度嘅醬油所以湯頭係非一般嘅黑男朋友話個湯太淡但我就覺得味道啱啱好同埋有好重胡椒味黃金膏蟹牛奶沾麵 見到有期間限定就想試不過有得再揀肯定係「富山ブラック」原因係個牛奶湯味道淡而且太稀飲落去似開稀咗嘅白湯掛麵程度係0唯一可取之處係蟹膏同牛奶湯都幾夾但完全掛唔到麵就真係有啲令人無言炸雞軟骨以為咁basic一定好食？錯！ 冇味又乾過柴放題果啲都仲好食兩個人用$103喺銅鑼灣食晚餐唔想食快餐嘅話呢個都係好選擇起碼「富山ブラック」真係唔錯

銅鑼灣食店林立，拉麵店都唔少。今次同友人到呢間拉麵店試試。一見到有二人餐，通常略略掃視完覺得抵食就會點。今次都唔例外，叫咗變形金剛雙人套餐。沙律：煙熏三文魚沙律相對其他餐廳，呢間嘅沙律真係幾大份下。煙熏三文魚唔會過鹹，不過煙熏味唔重。三文魚唔會太薄切，件數亦唔算太少。沙律醬酸酸甜甜幾開胃，沙律菜感覺都新鮮。主菜：北海道牛奶拉麵、冠軍黑醬油拉麵圖中係朋友叫嘅北海道牛奶拉麵，我都有試咗少少佢嘅湯底，但牛奶味唔明顯，同普通湯底無咩分別。而我叫嘅冠軍黑醬油拉麵都有同樣問題，上枱時會聞到啲豉油味，但食落係無味，超級淡味，亦無想像中嘅鹹味。拉麵而言的確係有啲遜色。小食：芥末椒鹽薯條薯條係偏粗，多薯蓉成份個種。炸得都算金黃香脆，有芥末味，但唔會過份攻鼻或者辣。不過食多幾條都係會出現口乾嘅問題，我地嘗試問店員拎茄醬，好彩都有，食落無咁單調。甜品：Oreo抹茶布甸抹茶布甸水份唔太夠，導致入口滑嫩感不足。抹茶味亦唔突出，只有好淡嘅茶味。Oreo碎鋪係面層，無咩特別。

拉麵咁普通嘅嘢都可以做得咁差！冇嘢講！從未食過咁渣嘅叉燒，溫泉蛋變熟蛋。寫過得去已經好厚道。最慘冇睇食評就走入去食，做咗傻仔。记住以后要先做功课唔系俾咗钱又晒咗胃部寶貴嘅空間，完全唔值得。

白鹽蝦拉麵-拉麵冇鹼水味，有咬口，有啲似上海麵嘅口感，湯冇特別，唔係吾好味，亦唔係難食，就係好一般嘅水準， 佢嘅蝦就係櫻花蝦乾黑醬油拉麵-湯亦冇特別個人之處麵嘅配料叉燒、蛋，亦都交到功課，但唔係好突出，亦唔係最差，仲有食完成碗麵係唔飽， 要搵其他地方再食

聖誕節到到食都貴，想平平地又食得開心少少，見到有App訂位有6折，就黎試試。可能我地太夜九點先食，所以一入到店舖得一枱人食緊，不過都好，可以靜靜地食。叫左一碗拉麵一碗沾麵同雞翼，6折後只需$140，非常抵食，仲要味道唔差。 北海道牛奶風味拉麵 $85 湯底好香好滑，牛奶味濃郁，唔會好咸，正。拉麵偏硬身，有兩塊叉燒，正常味道，肉質算係淋身，仲有隻糖心蛋。 黃金蟹膏牛奶沾麵 $88 試左拉麵想試埋沾麵，見期間限定又係最平，就叫左呢個試。麵就同拉麵一樣，但就更加彈牙，而蟹膏就比左好，我估應該係之前四圍賣到好出名嘅韓國蟹膏黎，每啖都拎少少蟹膏放係麵到再點落熱辣辣牛奶湯咁食，令到甜中帶咸香，超正，除左叉燒同糖心蛋，仲有蟹柳，呢個更加抵食。 富山手羽 $48原本雞翼味道都好夠，加埋面頭嘅醬，個人覺得咸左少少，不過整體黎講係好味。。

有次同c 喺銅鑼灣食雪糕，見到角落頭有間拉麵店，終於有次做完yoga 就一齊去食。坐低後先見到有張poster 話佢連續幾年攞醬油拉麵冠軍 (唔知堅唔堅)，所以想試下佢。除咗醬油拉麵，仲有個牛奶拉麵都好吸引，所以每樣叫左一碗。個份量我就梗係叫個大滿足喇(後來發現呢個決定真係好啱)。先講下個牛奶湯底。我超鐘意。佢有少少似忌廉湯底 (注：我唔係講緊金寶湯)，不過唔會好膩。個湯我差唔多飲晒。兩塊肉都算可口，肥瘦平均，不錯。個糖心蛋同平時有啲唔同，加左啲唔知咩調味粉出去，味道上多左點層次。個面就較為普通。到醬油拉麵。個湯底唔會太咸(有啲拉麵鋪會做得太咸)，都有醬油香味。不過我較鐘意個牛奶湯。c 明顯都係，佢食左我大半碗牛奶湯拉麵。

見有app可以即刻訂座有9折，又喺附近，於是黎左哩度試下。點知平日嘅晚飯時間黎到，真心一個人都無，就知中中地伏，不過見黎到，諗住試下無妨嘅。哩度主要食麵，定價okay 啦，唔係特別貴又唔係話好平。沾麵控嘅我，就嗌左佢地話招牌嘅赤辛味噌沾麵試下。佢先黎沾麵底，沾麵湯後上，不過原來佢麵底都係一樣，一般size嘅麵底唔係話特別多，叉燒都唔嫩口，有啲乾，溏心蛋亦都唔係煮得太流心，有啲失望一式一樣嘅麵底，但啲配料又唔見得用心製作。佢地啲湯底黎到，見到咁稀身，真係唔係咁想食落去我叫嗰個赤辛味噌湯底，真係一啲都唔係話辣，唔辣都唔緊要，就連味噌味都無，唔係太明點解係推介。話晒食沾麵，最講究個湯底，個湯底又唔係咁重味，沾落啲麵度嘅時候，自然又乜味都無魚介黑醬油湯底只有個咸字，但好稀身，真心唔覺有用魚介煮過嗰一種”傑”身嘅口感。而且沾麵湯一啲都唔夠熱，食到一半已經凍晒，真心唔值得一試

晚餐時間在銅鑼灣覓食，排隊等位是等閒事，更動輒等半小時甚至一小時。富山麵家位處小巷內，並不起眼，平日經過都沒有特別留意，今天想吃點粉麵，見不用等候，而且價錢一點都不算貴，於是入內一試。店內有很多特色海報及餐具。看過簡單的餐牌，點了一份黑醬油拉麵，一份沾麵及小食海菭肉鬆小年(糕？)。蛋雖不是糖心但尚算入味，拉麵有咬口，不會過軟，沾麵亦不過不失。小食海菭肉鬆小年糕算是驚喜之作，外脆內煙軟，加上海菭及肉鬆，味道更出色，果然是必食之選！每人一碗麵，還有小食，以這個份量每人$100左右，值得一試

經網上訂座見到有折扣優惠於是就黎試一下。大約五點黎到一個客人都冇亦唔意外點左推介既黑醬油拉麵同肉鬆年糕...拉麵係粗身既麵質同好彈牙感覺少少似自家製的。黑醬油湯即冇咩特別肉鬆年糕係第一次見既菜色。入口係脆卜卜但唔會油脷既感覺。口感好特別。好有驚喜值得推介

星期六嘅下午，熊貓約咗朋友食Tea，諗住去希雲街睇吓有咩好食，朋友經過見到呢間做緊Transformer主題嘅拉麵店，覺得幾得意，就入去啦！拉麵店有好多唔同款式嘅拉麵，有唔同湯底，仲有沾麵。見佢有個北海道牛奶湯底，好特別，鍾意飲牛奶嘅我，當然要試吓啦。牛奶湯底係用好濃嘅牛奶黎做嘅，好香好滑，一啲都唔漏，值得一題係佢嘅半熟蛋做得好好，但係塊叉燒就一般般啦。不過佢個湯底都加分嘅，因為外面好少見丫嘛。$85