富山麵家

營業中

休息中

今日同老公睇完七人欖球賽，即刻在附近搵嘢食。之前黎呢條街食過飯，都有好多嘢食，咁肚餓，見到有間拉麵店，剛剛有人客走有位，就即刻入左去。餐廳日式風格，木枱木櫈，同鄉下拉麵店裝修同一格局，裡面已經full晒。見到牆上掛上海報，係東京拉麵show五年冠軍，咁當然要食個冠軍黑醬油拉麵，然後老公叫左個札幌味噌拉麵，兩個小食同兩罐飲品。冠軍黑醬油拉麵：拉麵比較粗，煮得軟硬適中。黑醬油味道極濃，好香，叉燒都切得較厚，有口感，流心蛋整到剛剛好，話佢係冠軍絕對認同。札幌味噌拉麵 (大胃王)：老公話normal份量唔夠，要叫大胃王。除左拉麵份量多左，叉燒都多幾塊。佢話湯底幾好，味噌味道濃，真係同之前去北海道食嘅味道一樣，整體唔錯。除左冠軍黑醬油拉麵之外，連呢個都咁正宗，有水準。串燒雞軟骨：剛炸起熱辣辣，灑滿椒鹽，夠晒味道。肉汁滿滿餃子：外面煎到夠焦香，裡面係椰菜同豬肉，口感濕潤帶肉汁，點埋旁邊餃子好食D。Sangaria梳打：日本製梳打，巨蜂及蜜瓜味道，飲開幾好。

見openrice評價幾好，所以試下星期日around 2點去食，等咗幾個字就有位，店員服務都唔錯，冇咩特别環境比較窄少少，不過唔會話迫，或者會撞到人，—見有另一位客人需要籃放嘢，佢位置附近有，見店員主動提議可以放入去，之後客人話要多一個，店員都有拎多個比佢—食物：一個係牛奶，一個係黑醬油，都係正常份 130g，但食落好似比其他舖頭細份&少，麵好硬，夾嗰陣發現麵都冇分開，痴住哂咁，完全唔入味，有啲生麵味牛奶湯幾好食，淡淡地係清新，但黑醬油都好淡，飲埋都唔太有味，同埋都油所以又唔想飲湯都叫咗份餃子(冇影)，一份5舊，係幾好食，幾juice，不過偏細，夾落去偏軟，底係煎得脆嘅，唔會太燶，料偏少，咁嘅價真係唔抵，冇咩特别價錢喺銅鑼灣嗰邊可以話平啲啲，但唔抵食，想後悔點解，唔貴返幾十蚊食其他

今日同女女喺Times Square驗完眼，甘岩到下午茶時間，諗住去希雲街嗰邊搵食，見到一間日式拉麵店，裝修都好日系，有啲紅燈籠，仲有好可愛嘅肉桂狗裝飾😍就沖左入去試吓。因為下午茶嘅關係唔係太肚餓，就試咗佢個：特製雙拼蟹膏沾面-佢有三款湯底可以揀，今次我就揀咗熟牛乳湯，岩返小朋友食。 面底都幾煙靭，配上佢個蟹膏提鮮，豬軟骨同叉燒都炆得好淋😋估唔到佢牛奶湯都好香濃，雖然唔係傳統嘅味噌湯，但係食落又唔錯。雞翼小食- 香炸雞翼上面加左啲芝麻配上甜甜嘅醬汁小朋友一口氣食咗三隻士多啤梨布甸-食下午茶，梗係要食返個甜品啦，滑嘟嘟又係比小朋友鯨吞左店舖有仲啲日式汽水可以order , 而且仲有啲肉桂狗嘅裝飾，筷子套都係肉桂狗包裝😍

同朋友午餐嚟富山麵家食飯，都幾多人排隊，等咗10分鐘左右先有位。第一次見有輕食套餐，唔怪得咁多女士嚟幫襯。記得之前成間餐廳都係藍色一片cinnamoroll，雖然活動已經完咗，但仲有好多cinnamoroll嘅行跡。我地都係叫番正常套餐食，拉麵整體不過不失，不過就附送埋小丸子同野飲，比起一般拉麵店抵食！野飲仲有個好哥愛嘅士多啤梨樽裝住，好可愛XD 只能說呢餐廳好識做生意，知道點樣吸引唔同客人嚟，難怪咁多人排隊嚟食~

🔸富山灣白鹽蝦拉麵 $95 我哋叫咗大滿足195g 湯質地比較稀，有少少鹽味但食落唔會好鹹拉麵煮得剛剛好，唔會過淋叉燒肉質略嫌瘦咗啲不過有溏心蛋搭救🤣份量都算多，配料仲有紫菜同筍等 味道：6/10性價比：6/10🔸特製雙拼蟹糕沾麵 $98 我哋揀咗熟牛乳湯沾麵選用沖繩豬軟骨，日式叉燒牛乳湯重奶油味，有少少忌廉味適合好鍾意牛油嘅人沾麵黎講呢種濃度算清淡中間有帶有少少海鮮味嘅味噌可以撈少少落麵，會好食好多因為牛奶湯質地比較稀，所以拉麵唔係好掛湯日式叉燒同豬軟骨味道正常發揮整體來講幾創新😂味道：6/10性價比：5/10🔸肉汁滿滿餃子 $42 / 5隻日式餃子黎講算幾多餡，幾飽滿皮夠薄，有豬肉香煎得夠燶邊，趁熱食咬落會爆汁😂味道：7/10性價比：6/10🔸富山雞翼 $48 / 5隻算大隻，不過醃得比較清淡唔太入味皮脆裏面都多汁，雞肉都唔會好乾面頭淋上燒汁，味道甜甜鹹鹹味道：6/10性價比：6/10▪️波子汽水 $25🔹環境：座位唔算多，但係拉麵舖來講都唔算迫 旁邊仲有個籃俾客人放袋👍🏻🗣不須加一服務費-人均消費：～$140-整體味道：6/10性價比：6/10-#富山麵家📍銅鑼灣希雲街7號地下

兩個人叫咗兩碗麵、兩款小食、兩罐飲品😎一個係特製雙拼蟹膏沾麵，另一個係大胃王北海道牛奶拉麵🍜沾麵揀咗辣味憎湯，麵條夠粗，做到掛湯嘅效果；至於拉麵嘅北海道牛奶湯底非常之特別，我喺其他地方未嘗試過，濃郁得來又唔會過分油膩，令我一啖接一啖至於小食叫咗串燒雞軟骨同富山雞翼，兩樣都即叫即整， 十分出色至於嘢飲提供八款選擇，我揀咗波子汽水😎以銅鑼灣地段來講，依餐好抵食，值得一試

見暫時還未有時間返鄉下，又超掛住日本食物，簡單地吃碗拉麵頂吓引。富山麵家聽講是得獎拉麵店，我對佢嘅期望一定高一點。咁大個女都未吃過沾麵，所以特別點左其中兩款招牌拉麵。特製雙拼蟹糕沾麵 熱牛乳湯$98雙拼是指蟹糕加蟹柳，應該會令味道變得 double up 。但事實鮮味就一般；熱牛奶湯太稀，麵不掛湯；粗身麵質有彈性，口感加返少少分。冠軍黑醬油拉麵 $85相對較為出色的湯拉麵，稱得上是濃湯級數，濃而不過咸，麵同湯好Match ; 叉燒入味夠稔，另加的兩件厚身沖繩豬軟骨入口軟稔，同時有軟骨的咬口，好吃。串燒雞軟骨 $42加上少許海鹽調味，有咬口，正常發揮。熟芥末章魚 $38出乎意料之外煮過的章魚不會變得靱，反而是煙靱有口感，加上芥末的惹味，又幾吾錯 👍🏻

《 🍜 富山麵家📍》—————————————————💦銅鑼灣拉麵店之選😹食埋餐廳最後幾碗拉麵👀餐廳算早收，好彩有book定—————————————————🖤冠軍黑醬油拉麵：---本身諗住叫大胃王大滿足version😈，點知餐廳已經唔夠麵🤣，唯有叫返normal size XD—————————————————另外亦都叫左碗沾麵🥢整體黎講，拉麵口感彈牙有嚼勁😚，份量都足料抵食幾推介👍🏻—————————————————♐️ 餐廳地點：———————#富山麵家 #銅鑼灣

去完花展，就去附近醫肚。行過希雲街，見到店面好日式，就決定試下。試完覺得非常唔錯👍🏻🐮黃金蟹糕牛奶沾麵$95蟹糕香濃，配埋香濃幼滑牛奶濃湯，配搭好新奇😍食落口都好夾。仲有好入味嘅叉燒👍🏻👍🏻最欣賞啲拉麵夠晒爽口彈牙，好有𡁻口👍🏻👍🏻👍🏻溏心蛋超靚😍😍😍🌶️🌶️激辛味噌拉麵$95朋友試左激辛味噌拉麵，可以自選辣度，揀左中辣，都可以接受，有濃郁豬骨味，好開胃👍🏻朋友食到見碗底👍🏻👍🏻🥟肉汁滿滿餃子$42肉汁滿滿餃子，名符其實，真係好多汁👍🏻👍🏻皮脆肉香👍🏻👍🏻食完一啖又一啖😋🐓富山雞翼$48好欣賞啲雞翼皮脆肉嫩，配埋燒汁，超正👍🏻啱晒鍾意香口嘢嘅我😋飲埋罐密瓜梳打真係好滿足😊😊

未出發去日本 先係香港食碗拉麵頂下癮😆 今次就揀左呢間位於銅鑼灣嘅富山麵家🍜 小店位置唔算好多 木枱嘅裝修都幾有日式風格🥳打開Menu上見到有特色沾麵 於是決定是一款先會同一款拉麵🍜 分別揀左特製雙拼蟹糕沾麵同札幌味噌大胃王拉麵👅 沾麵有3款湯底可以選擇 我就揀咗出邊未見過嘅熟牛乳湯🥛 湯底冇平時沾麵湯咁濃稠 但係牛乳味道的確好香濃👍🏻 呢款係唯一一款有齊豬軟骨同叉燒嘅拉麵 豬軟骨好入味好腍 湯底加埋蟹膏幾好食😋 札幌味噌大胃王拉麵成碗都係叉燒😆 味噌湯底夠濃又唔會好鹹 拉麵口感岩岩好🤩見個個都會揀小食 我哋都試左串燒雞軟骨同埋富山雞翼😋 串燒雞軟骨燒到好香口 加上椒鹹非常邪惡👍🏻 雞翼有5隻 夠味又juicy🤩飲品都好多選擇 我哋揀左罐裝波子汽水同埋日本橙味汽水 平時比較少飲好爽🌟

富山麵家💚優惠定食餐 x2冠軍黑醬油拉麵 $78富山灣白鹽蝦拉麵 $78配凍鮮泡蜂蜜綠茶+三文魚野菜沙律 配熱白桃綠茶+海鹽芝士薯條半價甜品：士多啤梨布甸 +$9人均消費: $82.5 (2人)-冠軍黑醬油拉麵🫘麵條粗幼度適中😚而質感唔會話特別有彈性亦都唔會話太淋🤤入邊有蔥 紫菜 2片叉燒 竹筍同蛋醬油味拉麵好有醬油味🤣啲醬油又會吸咗落個拉麵度 令麵條變色·富山灣白鹽蝦拉麵🦐麵條粗幼度適中😚而質感唔會話特別有彈性亦都唔會話太淋🤤入邊有蔥 紫菜 2片叉燒 竹筍同蛋同埋比醬油多咗 粟米同櫻花蝦🌸🦐有蝦 有胡椒味 感覺上個湯幾清🤣個蛋幾好食 未去到好流心 但係未熟🥚紫菜浸淋咗 都幾好食👻·三文魚野菜沙律🥗個沙律一般般啦有4片煙三文魚·海鹽芝士薯條🍟薯條係波浪紋 粗身嘅〰️佢有啲淋身 唔係好脆脆地嗰種係真係用真薯仔 唔係好實嘅薯條🥔所以就冇咁脆 啲芝士粉建議可以落多啲同平均啲🧀·飲品ss🍹：凍鮮泡蜂蜜綠茶🍯熱白桃綠茶🍑士多啤梨個杯嘢飲係甜啲另外一杯就淡啲·士多啤梨布甸🍓🍮布甸係士多啤梨味🤤介乎布甸 啫喱同Mousse之間都幾好味嘅😋布甸都重士多啤梨味同牛奶味加配價係幾抵🤩 可以當係飯後甜品🍮🫶🏽

富山麵家地址: 銅鑼灣希雲街7號地下有日經過呢問間拉面店勁多人排隊等，今次兩點行過見冇咩人排緊就去試下，鋪頭入面都幾full下，佢仲有做promotion，二人同行就會一人一客沖繩入口豬軟骨🍖or士多啤梨🍓/抹茶味布甸，四人同行就肉同甜品都一人一客。🍜🍜特製雙併蟹糕沾麵 熱牛乳湯 $98個沾麵汁好厚牛奶味，有啲似西餐白汁，但係香勁多同埋冇咁杰，拉麵粗身食落好有咬口。個蟹糕好似將隻蟹嘅香味同精華提練出嚟咁，撈埋好好食。🍲🍲冠軍黑醬油拉麵 原味 標準 $85湯底好重醬油浸香味，但係又唔會咸喎，叉燒食落肥瘦均勻，油香味極濃。🥟🥟肉汁滿滿餃子 $42個皮好薄，煎到好靚仔，唔駛點汁都好juicy。🍗🍗富山雞翼 $48佢煎到個面脆卜卜，再淋埋個汁都好香脆。🥤🥤波子汽水/橙味梳打 $25/$18啲氣泡好綿密，唔會太甜。味道: 4/5服務: 4.5/5環境: 4/5番兜: 4/5

今日跟朋友去咗銅鑼灣希雲街7號超人氣的「富山麵家」來一個late Lunch 🤗特製雙拼蟹🦀️糕沾麵.. 可以選擇熟牛乳湯或味噌湯或辣味噌湯…熟牛乳湯.. 湯底濃郁，啖啖奶香味.. 配料很豐富.. 有半隻溏心蛋，厚切日式叉燒，入口即融的沖繩豬軟骨，鮮味十足的蟹糕.. 再加埋蟹柳絲和青瓜絲.. 跟煙韌有彈性的沾麵..$98👍🏻👍🏻👍🏻 大胃王拉麵🍜選擇咗激辛味噌…湯底夠熱，辣味剛剛好，好惹味！日式又燒，有五大片，厚切和入口即融.. 配料有一大塊紫菜，半隻溏心蛋和粟米粒！拉麵軟硬適中，口感煙韌！ 加咗2份小食.. 肉汁滿滿餃子🥟和，煎得皮脆肉嫩的富山雞亦🤗

放工約咗朋友食拉麵🍜去到好彩等10分鐘左右就有位。呢度拉麵、沾麵同樣出名，我哋每樣叫咗一個，另外加咗啲小食。▶️富山灣白鹽蝦拉麵🍜$85呢個個湯清清地帶鹹蝦鮮味，拉麵面上有好多櫻花蝦點綴。配菜有香脆紫菜、叉燒、橙黃色嘅糖心蛋、筍等等配料。麵質粗身煙煙韌韌。叉燒腍身有火炙香味。▶️特製雙拼蟹膏沾麵$98選用沖繩豬軟骨及日式叉燒，仲有蟹柳、青瓜、糖心蛋等。揀咗味噌味，幾濃味！麵質同拉麵一樣都係粗身煙煙韌韌。▶️串燒雞軟骨$42一份有4串，有鹽香有咬口！▶️富山雞翼$58一份有5隻。雞翼面有上芝麻，外皮脆脆地幾入味。飲品揀了橙味梳打🍊、波子汽水梳打🥤

富山麵家我一直想試吃看看，之後因為有期間限定的主題太多人了，每次去都排長龍只好放棄🥲今次等到限定主題完結立即約朋友食飯🤘🏻 第一樣點的是餐牌封面的特製雙拼蟹膏沾麵$98，有三款湯底選擇(牛乳湯、味噌湯、辣味噌湯)自由度挺大，個人喜歡原版的就點了普通味噌湯，湯底比我想像中的稀身，個人喜歡杰一點可以掛麵的那種，配料偏清爽派有青瓜、蟹柳、粟米、糖心蛋和沖繩豬軟骨和日式叉燒。朋友點的是冠軍黑醬油拉麵🍜麵質彈牙爽口，不過跟沾麵對比就沒那麼豐富了，下次可以再試試其他湯底，有個白鹽蝦湯底都挺吸引～ 另外，叫了兩個小食，串燒雞軟骨不過不失，但富山雞翼有驚喜，醬汁有點類似照燒汁，偏甜口的醬汁深得我心🤣叫了兩罐波子汽水飲品，我發現好久沒見過真的有顆波子在中間，飲完可以拿出來玩的那種玻璃珠了。