富寶會所私房菜

營業中

休息中

今日朋友帶咗我去九龍城覓食，去咗富寶會所私房菜食晚飯，餐廳環境好光鮮亮麗，最重要係有提供麻雀檯，同朋友耍樂完全冇問題！而且餐廳仲有塊大型屏幕，店員話預早講聲，可以自訂語句展示係上面，好啱慶祝活動用呀，打卡一流！當然食材都好重要，想食海鮮最好提前預訂，等餐廳可以提早準備，今次叫咗幾款菜式，食物都非常高質，好滿意啊！蒜香安格斯牛柳粒牛柳粒入口嫩滑軟腍，富有濃郁牛香，加入爆到好香脆嘅蒜粒，蒜香突出又惹味，風味十足竹笙海皇翅好足料嘅竹苼海皇翅，湯底清甜爽口，鮮味滲入湯底當中，啖啖都食到料，口感豐富，味道鮮味十足菜膽上湯雞雞件份量勁多，斬到大小適中，肉質又夠嫩滑，高湯燉出雞嘅精華，菜都索盡湯汁，味道鮮美

九龍城除咗泰國嘢，原來仲有其他好嘢食㗎!! 富寶就係其中一間，中式私房菜來講，佢都算高質素，環境闊落舒適！潮洲涷花蟹賣相整得好靚，好吸引！之前都好少食凍蟹感覺好得意，咬落肉質緊緻，唔會得個殼。蟹肉好飽滿最緊要海鮮甜味出。北海道長腳蟹呢隻蟹做得更加出色😀本身已經大大隻用嚟影相一流，入面超厚肉，每一條蟹腳都充斥着啖啖蟹肉，有豐富蛋白質，味道鮮甜。冰鎮咕嚕肉外脆內軟，香脆外層包裹住嫩滑豬肉，軟硬適中，用嚟送飯真係好正😇上面仲有啲冰鋪住，用嚟打卡冇得輸！嚟緊仲有母親節套餐😀可以一圍12人一齊食飯，價錢實惠，一家人坐低食飯咁就好正！

有咗宋王臺站後，經常同朋友去九龍城搵好嘢食，又去附近舊區行下打下卡，今次就聽朋友介紹，試下位於九龍城嘅隱世私房菜😋🌟蠔皇花菇扣鵝掌一上枱，心諗咁大碟嘅？花菇都有8-9粒，冬菇炆得好淋，加上私房菜秘制芡汁，真係好入味好好食！之後到鵝掌，最緊要炆得夠淋夠入味，餐廳同樣做到，又係食落入口即溶🥹！正！🌟日式清酒花甲王食花甲，湯底好重要！呢款日式清酒湯好清甜，酒味唔會太濃！花甲又夠曬大隻多肉，重點好新鮮！食落真係好好味好滿足！不過食海鮮的話，最好提前致電餐廳預訂！另外，餐廳亦有麻雀枱可供娛樂用途，食完飯都可以同朋友打吓麻雀過吓癮🤣！而餐廳最特別之處就係可以喺餐廳嘅大型屏幕自訂語句，並且展示🤣真係好正！嚟緊父親節，建議大家可以嚟呢到慶祝，可以同爸爸打吓麻雀之餘，亦可以喺大螢幕講句父親節快樂，真係父親節之選！餐廳新地址：九龍城侯王道28號1至2樓

富寶會所私房菜📍九龍城侯王道28號1至2樓━━━━━━━━━━━━━━━━━━━━━━━━━━━━前陣子大家庭有個聚會 家人提前預約了這間私房菜! 當日大家吃了很多 不過因為場合關係沒有全都照下來🙈 所有菜品都有水準~ 很推薦大家去試試因為看旁邊桌沒有點到龍蝦伊麵有點可惜 建議大家提前預定海鮮類菜品呢!這種場合大人們聊天 我們年輕一輩看到餐廳有麻雀檯 便玩了起來🤣🤣 氣氛很是歡樂有兩款菜品印象最深刻 以下會詳細介紹━━━━━━━━━━━━━━━━━━━━━━━━━━━━🦞上湯焗龍蝦伊麵底▶︎ 分量真的超級大 我們一桌人都夠分呢 龍蝦肉已經切成小塊 吃起來很方便~▶︎ 龍蝦非常鮮甜 亦很彈牙 伊麵吸滿了龍蝦的精華 亦很入味👍🏻好味指數: ●●●●●━━━━━━━━━━━━━━━━━━━━━━━━━━━━🐮蒜香安格斯牛柳粒▶︎ 安格斯牛柳粒配上炸蒜 很是香口▶︎ 牛柳粒熟度適中 咬下爆汁 肉味也很濃▶︎ 很喜歡這個蒜香 雖然用了炸蒜卻不會油膩 一口接一口很快便清盤了🤤好味指數: ●●●●●━━━━━━━━━━━━━━━━━━━━━━━━━━━━

想同媽媽提早慶祝母親節，上網搵咗好耐，見到呢間位於九龍城既富寶會所私房菜好吸引！中菜岩哂媽媽同屋企人，一於BOOK今晚去食～入到餐廳環境好光猛，寬敞舒適，位與位之間唔會好迫，坐得好舒服，可以一家人開開心心食餐晚飯～清蒸游水海東星斑東星斑鮮味十足，魚味香濃，肉質細嫩彈牙， 面頭鋪滿薑蔥絲，搭配埋蒸魚豉油，更能提鮮！龍蝦刺身啖啖肉好鮮甜肥美，肉質通透，鮮味濃郁又嫩滑，入口爽滑Q彈～石鍋鮑魚雞粒炒飯炒飯粒粒分明，油亮透明～材料相當豐富，有齊鮑魚、肉粒、菜粒、蛋絲等等，再加入蔥花，特別惹味！

屋企人超鍾意食中式小菜，我爸爸帶咗我去呢間九龍城嘅私房菜食晚飯✨餐廳空間幾大，坐得幾舒服，亦都好適合一大班人聚餐☺️我覺得嚟到呢度，必定要食呢度嘅海鮮，款式選擇都幾多之餘，亦十分新鮮💕我揀咗個麻辣鴨舌作為開胃菜，我本身就超鍾意食鴨舌☺️鴨舌醃得好入味，夠麻夠辣，好開胃！另外呢個蒜蓉開邊蒸龍蝦🦞超級好味🤭龍蝦本身已經好大隻，食落啖啖肉，好新鮮，同廚師掌握到個火候啱啱好，蒸完之後嘅肉質保持好爽，所以簡簡單單嘅蒜蓉蒸已經好好食！

屯馬線開通後，出黎九龍城食嘢真係方便好多，平時聽朋友講黎九龍城都係食泰國菜，但原來仲有好多唔錯既中式菜館，今次就同屋企人黎試呢間粵式私房菜，果然冇令我失望！！紅燒乳鴿係經典粵菜之一，要做到皮脆肉滑，骨嫩多汁一啲都唔簡單，用秘制滷汁滷完再經油炸的乳鴿真係香到骨子裡。呢道炒蟶子真係不得了，一上菜就已經聞到好香既豉椒味，而蟶子每隻都十分肥美，食落十分爽脆同鮮甜，又夠鑊氣，簡直色香味俱全！！總括嚟講，呢度環境乾淨，服務態度好，每道菜式都睇到師傅好俾心機去煮，十分高質。係一間會再想黎食既中菜館！！

上次朋友推介過這間私房菜，因為母親節慶祝，就帶媽媽食好西😗😗💠麻辣鴨舌鴨舌肉質細嫩，帶有淡淡的甜味，味道鮮美😋加上麻辣調味料的調配，口感麻辣辣，刺激味蕾，帶來舌尖的刺激感😆讓人垂涎欲滴.另外鴨舌肉質細膩爽口，口感豐富多樣👍🏻👍🏻💠避風塘炒蟹蟹是全隻大大隻上，經過炒製後，外皮煎至酥脆，蟹肉更加鮮嫩，醬料中的蒜茸、辣椒等香料，香味濃郁，口感更加豐富🤩🤩味道香辣帶蒜香，口感酥脆.炒蟹吸收避風塘醬料的香辣味道，調味料充分融合，醬汁濃郁，讓蟹肉更加美味。

為左慶祝偉大既mothers' day👩🏻‍💼, 今日選左去九龍城食私房菜三個人點左前菜: 麻辣鴨舌, 呢碟前菜係配以🌶️香料、麻辣醬煮成, 幾惹味,口感較軟糯。食一條, 飲啖酒🍺,主茶叫左🥭香芒蝦球, 估唔到呢個球咁大粒, 而且咁多汁！由其最近係芒果既産季，芒果好甜; 口味比一般既比鳳梨蝦球更好味更爽口, 少左鳯梨的酸味, 多左芒果既香甜另一個主菜叫左生炒糯米飯🍚, 好大份, 雖然宜家都算夏天, 但都食下性溫糯米健脾暖胃。一碗熱騰騰既糯米飯，有臘肉、臘味、花生，再加埋蔥花、蛋絲，有唔同層次既味道🍽️ #九龍城 #私房菜 #會所 #粵菜 #富寶會所私房菜 #美食尋寶#九龍城美食 #美食推薦 #香港美食#私房菜推薦 #潮州菜 #粵菜 #侯王道28號

九龍城除咗泰菜出名，仲有好多高質素嘅餐廳都必定要試💕同事食過之後介紹我去試呢間私房菜，仲叫我一定要是避風塘炒蟹☺️呢間私房菜嘅食物款式都幾多，我覺得好適合帶埋屋企人過嚟食飯，咁就可以試到多啲款式嘅餸菜✨呢度嘅小菜超有鑊氣，即叫即炒，值得一試‼️當晚我同朋友兩個人去食，我哋當然有叫到避風塘炒蟹，入面有大量嘅蒜、辣椒同蔥段等等炒埋一齊，超級香！香味浸透蟹肉，味道濃郁✨食完返到屋企都念念不忘，必食‼️另外叫咗碟我最愛嘅肉鬆四季豆，四季豆好入味，仲辣辣哋，超好餸飯☺️呢度嘅四季豆唔會炒到好油，好食😍

宋王臺站都係第一次去！因為早前朋友提議去食私房菜～菜色十分多元化～環境不錯，而且還有房間！肉鬆四季豆呢個係好入味！個人覺得少少辣啦 而且肉碎份量也不錯！配一碗飯食！正！肘子燉翅我都係第一次食呢款潮州菜！入面有金華火腿同埋翅～食落十分清甜同有鮮味！值得去試試富寶會所私房菜 (九龍城)溫馨提示！呢間私房菜轉左新地址啊 大家唔好去錯～九龍城侯王道28號一至2樓

之前朋友帶左我黎呢度打麻雀同食晚飯鵲局既小菜都幾好食 環境又企理舒服見到佢地既私房菜menu好吸引趁屋企人生日就訂左間房黎試下呢兩款菜式令我印象最深刻😚真係令人好回味 想再去食多次蠔皇花菇扣鵝掌冬茹超級大粒 味道仲好濃郁口感好滑 咬落去有爆汁既感覺鵝掌都燜到好入味 肉厚身腍 入口即溶潮式凍花蟹呢個潮式蟹真係唔係度度都食到紅蟹肉質嫩滑 食得出好新鮮 蟹膏亦香濃點上特調既醋汁份外鮮甜呀 整體全部菜式都好好食 長輩都好滿意價錢亦合理 原來私房菜都唔一定好貴 豐儉由人

今日我想同大家分享我最近試過的四款美食。首先，就係北海道長腳蟹（凍吃）。我食過好多蟹，但係呢隻係真係令我驚艷！個蟹腳好長好肥美，而且好新鮮，啲肉好甜好鮮美。真係一試難忘！第二款就係冰鎮咕嚕肉啦。個肉好嫩好滑，配上啲醬汁真係啱晒味蕾！酸酸甜甜醬汁加上香脆嘅口感10分開胃，咕嚕肉係好多人嘅心水選擇，但係呢間餐廳嘅咕嚕肉真係出色！第三款就係肘子燉翅啦。個湯汁好濃郁，啲肉又滑又嫩。而啲翅都煮得好爛好入味，真係唔會令人失望。我食完個碗肚都好滿足！最後一款就係象拔蚌刺身啦。啲象拔蚌好新鮮，好爽口，而且配上啲青芥末同啲醬汁更加提升咗佢嘅風味。如果你係一個生魚片愛好者，一定要嚟一試呢款刺身！總括嚟講，呢四款菜式真係好出色，每一款都有佢嘅獨特風味同美味程度。如果你想食好嘢，一定要嚟試試呢啲菜式啦！

平時都會嚟吓九龍城覓食，今日朋友嚟咗呢間富寶會所私房菜，想食餐高質嘅料理🤩潮式凍花蟹非常之出色，肉質鮮甜，而且凍食令到佢嘅肉質更有咬口，更加食到海鮮嘅鮮味，果然係潮州名菜，啱晒我呢啲愛蟹之人😋魚翅撈飯就聽得多啦，但今次呢有得食不特止仲有鮑片，簡直係帝皇級享受，每啖都食到爽口嘅魚翅同彈牙嘅鮑片，而且個嗰汁好香又濃稠，簡直係味蕾嘅享受🤩餐廳最近仲出埋母親節嘅套餐推廣，仲要都幾吸引，等我都book定枱帶媽媽嚟慶祝🤩

每說起九龍城，大家總會想起泰國菜，但其實當中的廣東私房菜都頗爲出名，當日小編與友人到“富寳會所私房菜”品嘗美味的廣東菜。私房菜食物種類多，有平民大衆化的小菜，也有貴價高端的菜式，價格當然豐儉由人，今次小編分別叫了三道菜。象拔蚌刺身前菜方面，小編叫了象拔蚌刺身作爲前菜，原隻象拔蚌很大，分切了很多薄片，旁則放上檸檬片以增加檸檬香味。厨師處理得挺好，把象拔蚌放入滾水中灼了一陣，然後放入冰塊上面，所以象拔蚌肉質鮮嫩，爽脆鮮甜。蟹黃翅一送上臺，小編與友人都非常驚訝，因爲從視覺角度看，蟹黃及魚翅分量都滿滿的，毫不吝嗇。整個湯翅鹹鮮味十足，每一口都吃到肥美飽滿的蟹黃，口感像是鹹蛋蛋黃，帶有淡淡的香味。花雕蛋白蒸蟹這道菜的特別之處是蛋白加入了蟹汁精華，當中花雕酒去腥之餘，亦增加香味。花蟹雖然有點小隻，但勝在蟹肉多且帶鮮甜，能食得出是新鮮食材。是次點菜數量不多，但海鮮味道的確不錯，性價比高，適合一班朋友享受美食。 題外話：母親節將近，小編見到此會所推出兩系列的母親節特惠套餐。餐牌比外面普通酒樓特別，價格都適中，海鮮亦算多，不妨考慮這一間，與母親渡過一個美好的母親節😆