富寶會所私房菜

營業中

休息中

去開九龍城做野，收工約埋班同事一齊去附近既富寶會所私房菜歎中菜！環境寬敞好寬落，坐得舒適，燈光又夠光猛。幾個人嗌咗三個菜式，質素佳，好快就比我地清碟食哂！游水海斑兩味炒斑球魚肉爽滑唔會散，食落魚味濃郁，大大碟份量十足，啖啖肉超滿足～冰鎮咕嚕肉咕嚕肉入口外脆內軟，醬汁酸甜度適中，冰鎮效果更添外冷內熱口感，食落脆滑唔黏牙，酸酸甜甜，係拌飯一流既菜式～玫瑰豉油雞濃郁雞味，雞件肉質柔嫩多汁，每件都充滿著醬香同玫瑰露酒既酒香，最鍾意佢既豉味中帶點焦糖香，夠哂入味！雞肉滑嫩得黎仲好鮮甜添～黎緊仲推出母親節餐單，價錢都幾抵食，款式又多，臨走順便BOOK埋位食母親節飯，YEAH!上網搵咗圖比大家參考下～

上星期有親戚生日，我地幾家人就約左去九龍城呢間私房菜餐廳食個晚飯～😋佢可以提早訂房同order食物，亦都可以比個budget老細等佢幫你發辦😌啱晒懶人，同埋老闆嘅排menu功架都好高架☺️☺️呢度地方夠大又有房，坐得夠晒舒服😋＊＊＊＊＊🦪🦃原隻蠔皇鮑魚扣鵝掌 🌺🦀潮式凍花蟹🥓🍚生炒糯米飯當日老細幫我地準備左8味餸，不過食得太高興就冇乜點影相📸️剩係影左幾味，其他一上菜就比人搶晒啦😌＊＊＊＊＊

富寶會所私房菜位於九龍城侯王道28號一至2樓，如果有恒生信用卡喺指定美心中菜食府美饌優惠重低至6折! 雖然唔近地鐵站，但係喺九龍城搵開野食可以試下。好似話嚟緊去到5月中左右都仲有母親節期間特惠套餐，入面套餐都有竹笙海皇翅。除咗竹笙海皇翅，仲有魚翅鮑片撈飯、肘子燉翅同蒜蓉開邊蒸龍蝦，蒸龍蝦上面仲有好多香蔥同蒜蓉。私房菜黎計佢嘅款式都算多，如果有朋友都係鍾意食粵菜，都可以試吓！其實除咗粵菜款式，仲有潮州菜等等嘅私房美食，仲要係會所私房菜添！

前排有frds食過呢間位於美食雲集嘅九龍城嘅「富寶會所私房菜」，超級好評，於是我都嚟會吓佢😚花雕拼盤好正，有齊花雕醉鮑魚、花雕醉乳鴿，酒香濃郁，完全索晒落去，但又唔會話蓋過鮑魚同乳鴿嘅原味，反而變相風味十足，個人更鍾意鮑魚，有嚼勁，勁好食🤤招牌炸雞勁有雞味，一上檯已經香氣撲鼻，油香味十足，但雞件食落唔會好油膩，反而好上癮，滑嫩juicy嘅肉質配搭香酥嘅脆雞皮，真心冇得彈🥰今餐果然冇失望，食物水準發揮一流，今晚簡直係味蕾嘅大享受😍

前幾日係爸爸生日🎂，朋友介紹我九龍城有間私房菜好正✨乖女我就帶左爸爸過嚟食🥰餐廳好多款式選擇，全部都好吸引，但爸爸生日當然要由主角話事！我地兩個人分別叫左兩個菜式👍🏻✨象拔蚌刺身✨哇！估唔到刺身質素勁好，超新鮮，象拔蚌顏色通透，而且味道好鮮甜！爸爸教話加吱少少檸檬汁會更加好食👍🏻✨蒜蓉果皮蒸骨腩✨蒸骨腩肉質好嫩，而且骨少，岩哂我呢啲大頭蝦！仲要有好香嘅蒜蓉同果皮香味，好好味🤤最衰媽媽Ot嚟唔到，不過我同爸爸都諗住母親節再帶佢嚟食餐好嘅🩷

自從開通咗屯馬線之後，嚟呢邊食嘢真係方便咗好多！屋企人生日，就揀咗呢間環境好少少嘅中式私房菜慶祝一下，店內佈置優雅，空間感足夠，更設有獨立房間，好適合屋企人或者一大班朋友聚會呢🤗肘子燉翅一款好經典嘅潮州菜，用金華火腿肘子燉成嘅高湯十分濃郁鮮甜，再加入魚翅，咸鮮可口，味道口感都一流，好耐冇食到咁好味嘅翅😋好足料！潮洲凍花蟹賣相十分吸引😍食落肉質緊緻又有彈性，而且好鮮甜，蟹肉都好飽滿整體嚟講，環境舒服，食物選擇多又好味，亦都有唔少平民化大眾化價錢嘅菜式，豐儉由人呢！母親節都推出咗兩個套餐，幾吸引～

一班人gathering飯局，九龍城真係唔熟，朋友介紹話呢間新開私房菜唔錯，環境乾淨企理，寬闊舒服，可以慢慢食慢慢傾。個人特別鍾意食蟹同魚😋北海道長腳蟹（凍食）難得大家都食蟹，就叫左隻北海道長腳蟹，size龐大，蟹肉厚實，食落鮮甜，估唔到凍食有咁既質素😯清蒸游水東星斑東星斑肉質嫩滑，非常新鮮，簡單用豉油、蔥、芫茜清蒸，就可以帶出鮮味。食材新鮮，用簡單方法烹調已經好好食，一上菜好快就俾我地清碟😂食物質素整體唔錯，可以encore

🇭🇰九龍城-富寶會所私房菜平時走入九龍城就梗係食泰國菜啦～但嗰日咁啱見到有間私房菜好似幾企理新淨咁，就去咗食😌當然間餐廳都有大眾化價錢嘅菜式～不過我地想食海鮮…🥳⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗整體方面☑️服務不錯，餐具乾淨，環境整潔，食物質素不錯的～～👅龍蝦刺身(⭐9/10) 龍蝦大大隻，感覺蝦肉彈牙爽口！！是新鮮的食材～又有鮮甜味道，性價比頗高的🤭👅清蒸游水海東昇斑(⭐8/10) 餐廳將東昇斑蒸得剛好，食落每片肉都滑溜溜 很嫩口，而且餐廳應該有把煮滾的蒸魚豉油灒上，所以好入味，叫埋白飯餸條魚就一流😍⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🎏地址：富寶會所私房菜 (九龍城)九龍城衙前圍道39號金‧御門1-2樓

北海道長腳蟹（凍吃）長腳蟹嘅size都相當大，因為係凍食味道清新鮮甜，肉質彈牙，夠新鮮，必食！😍✨花鵰蛋白蒸蟹花雕酒比較重，但係又唔會遮蓋晒啲蟹肉嘅味，夾得啱啱好👍🏻，再加埋啲蛋白都好嫩滑，不過我自己就鍾意原汁原味嘅北海道長腳蟹多啲！😁😁魚翅鮑片撈飯呢個係屋企人鍾意食先嗌，但出奇地幾好鮮甜，魚翅嘅份量都多，口感不錯。個汁煮得啱啱好，整個撈飯份量算多，可以一試！☺️今次我哋嗌嘅菜式都係海鮮為主，不過餐廳嘅餐牌上面都有唔少好有風味嘅菜式，價錢亦都相當大眾化，豐儉由人。😎

去完朋友屋企 喺宋皇臺附近搵到好嘢食 今次係一間粵式酒樓😍 幾個朋友坐埋一枱 食下小菜又飲下酒 慢慢傾下計 不知幾享受🤩我地先叫咗一碟北海道長腳蟹 睇到都流晒口水🥰依個長腳蟹係凍食嘅 大家都知北海道出名海鮮 佢不單止好大隻😝 好足兩 一食落肉質都好彈牙 完全唔會散🥳 一上碟就好快俾人搶晒😋另外叫咗個清蒸游水海東升斑😚 清蒸絕對食到佢嘅鮮味 加埋少少蒸魚豉油 就已經好夠味☺️肉質非常彈牙 而且好結實👍🏻加上魚皮都好有光澤 我哋仲叫咗個生炒糯米飯 份量好多😍而且佢係用瓦煲上碟 特別有風味💯糯米飯唔少得當然係有啲臘腸啦 就咁食都好有鹹香🤪糯米飯亦都好軟糯 加埋豉油 真係好有鑊氣！

今次同班中學識到依家嘅好朋友朋友慶生,特登搵九龍城呢間出名嘅私房菜試下😘去到發現入面原來仲有麻雀可以俾大家玩🥰食完可以娛樂下,慶祝節日真係一流🥳龍蝦刺身🦞呢度嘅龍蝦刺身好新鮮,係即撈即劏☺️刺身肉質細緻鮮甜,而且富有彈性😙 好食到大大隻都唔夠喉要Encore😌花雕醉鮑魚🤤 & 花雕醉乳鴿🦅佢個花雕味十分香濃,完全深入鮑魚同乳鴿之中,食落淡淡酒香味🤩而且鮑魚質地彈牙爽滑,有咬口,值得推薦😎 乳鴿肉味濃郁突出,唔會比花雕味蓋過👍

富寶 - KLC出色私房菜之選成日家庭聚會都唔知去邊好，今次難得屋企人生日，揀咗呢間九龍城嘅會所私房菜—富寶，獎勵吓自己同屋企人🥰平時對啲酸酸甜甜嘅都好嘅興趣，叫咗呢道冰鎮咕嚕肉，冰火交融嘅口感真係好特別，熱辣辣嘅咕嚕肉，比冰冰甜甜嘅糖漿包裹住，而且咕嚕肉好厚實，口感非常之豐富😘 招牌炸雞果然係皇牌，係用咗新鮮雞嚟炮製，雞味果然重啲，而且肉質白滑嫩身，連埋脆口雞皮，口感一絕😚#打卡餐廳 #小店推介 #美食推介 #美食地圖 #吃貨 #相機食先

邊個話九龍城淨係出名食泰國菜?😆其實佢都有好多其他好西㗎🥹今次就試左呢間中式私房菜,佢環境乾淨闊落,佢好適合一大班朋友嚟,又有得玩又有得食🥳花雕醉鮑魚🐟鮑魚冰鎮過且用花雕調味, 鮑魚爽口彈牙有咬勁, 而且醉得入味恰到好處, 酒香味十足💓玫瑰豉油雞🐥醉雞所用的醬汁都是店主自家調配嘅, 勁有心機🥰豉油雞食落雞皮爽口入味,雞肉都好嫩滑😆冰鎮咕嚕肉❄️咕嚕肉外脆內軟，特調脆漿令外層保持鬆脆及掛汁，內裏新鮮豚肉香軟富肉汁，上桌時煙霧瀰漫，相機先食。

平時嚟開九龍城最主要係食泰菜，但呢度都有好多好正嘅私房菜，今日嚟咗呢間「富寶會所私房菜」會一會佢嘅粵菜😍花雕蛋白蒸蟹，呢味餸都令我好有驚喜，對於平時鍾意食蟹對我嚟講，對蟹都有一啲要求，蟹肉鮮甜，而且都幾多肉，另外個蛋白索晒蟹嘅鮮甜同埋花雕嘅精華，簡直一流😋平時花雕醉雞就見得多，今次叫咗個花雕最乳鴿好特別，花雕同乳鴿嘅味道出奇地配搭，花雕嘅醇香配搭埋鮮嫩嘅乳鴿肉，而且啲肉非常之入味，簡直係味蕾嘅享受🤩餐廳好啱一班老友記一齊聚會，有獨立房間，私隱度非常之高，值得再encore🥰

嚟得富寶嘆早餐識叫一定叫c餐香港唯一一間（以我所知）早餐有蕃茄薯仔湯底介紹返：豬骨蕃茄薯仔湯水晶粉真係唔係是但行入一間茶記就有我哋食左十幾廿年由細食到大都仲係咁好食每次9點就會開始無乜貨剩要叫人幫我留 留到十點就清唔係咁容易食到餐仲有多士架！可自選薄多厚多 油占醬 任君選擇我就偏好薄油多因為水晶粉已經好飽 （多數會飲埋佢成個湯 唔好浪費）同埋佢哋多士係做到脆得嚟又軟奶茶都不俗的唔落糖 一樣好飲希望佢哋繼續keep住呢個招牌餐嘅水準❤️