富寶會所私房菜

營業中

休息中

今日想食豪啲嘅中菜，就去咗九龍城侯王道28號一至2樓嘅餐廳，試咗幾款招牌菜😋 佢哋嘅海鮮真係新鮮到不得了，記得提前預訂😉首先要講嘅係佢哋嘅XO醬櫻花蝦炒飯🍚 一上枱就聞到好香嘅XO醬味，啲飯炒得粒粒分明，櫻花蝦又夠曬香脆，食落真係好惹味！🤤跟住就試咗鮑魚響螺燉竹絲雞湯，滋補養顏！🥣 湯底清甜，鮑魚同響螺嘅鮮味完全滲入湯裡面，竹絲雞又夠曬嫩滑，飲落去暖笠笠，好舒服！👍 清蒸海石班都一定要試！🐟清蒸嘅做法最能夠帶出魚嘅鮮味，肉質嫩滑，配埋啲豉油同蔥花，真係好好味！😋 記得要提前預訂，確保食到新鮮嘅海鮮！除咗啲嘢食好味之外，呢間餐廳仲有麻雀檯提供，食飽飯可以同朋友打返幾圈，輕鬆下！🀄️ 如果你想搞生日party或者其他慶祝活動，仲提供包場包房服務，夠曬方便！🎉

前排去咗九龍城呢間私房菜食飯試咗幾道招牌菜每樣都好滿意😋✨冬瓜炆燒腩仔 $148冬瓜煮到軟腍入味 入口即化燒腩仔肥瘦恰到好處 肉質軟嫩多汁 一啲都唔乾柴✨碧綠炒海斑球 $228用料新鮮 色澤鮮艷西蘭花炒得翠綠爽脆 海斑球口感彈牙鮮甜 兩者互相襯托 如想果想食海鮮 最好提前預訂✨蘿蔔清湯腩 $148份量好足 湯底味道清甜暖胃牛腩同蘿蔔燉到軟腍入味 蘿蔔吸收曬腩汁嘅精華 配飯食真係一流😋😋提外話😛 餐廳設有麻雀檯🀄️仲提供包場包房服務 適合一大班人聚會富寶會所私房菜📍九龍城侯王道28號1-2樓

老豆生日話想食中菜 一定要聽壽星話啦即刻就諗到黎富寶會所食私房菜提早打電話訂位就最Firm啦🐳 冰鎮鮑魚花螺出街最驚食到啲洗得唔乾淨嘅海鮮呢度啲海鮮洗得好乾淨冰鎮鮑魚肉質彈牙 花螺都唔錯🦞 上湯龍蝦伊麵生日必食既上湯龍蝦伊麵食碟長壽麵 祝我老豆同老媽子長壽健康 龍蝦啖啖肉 肉質鮮嫩師傅拆咗大部分既殼 好方便就食到啲龍蝦肉伊麵份量好足 食完好飽🍲 枝竹火腩炆骨腩色香味俱全 超好送飯啲火腩鹹鹹香香骨腩又好軟腍入味 幾好食

有一段日子無嚟九龍城，發現好多細舖已經執咗，好在呢間私房菜仲喺度。我哋一行五人叫咗唔少肉食🤭招牌脆皮炸子雞原隻雞皮炸得香脆，肉汁保留到，肉質新鮮彈牙，蝦片脆卜卜，口感味道都滿足到蜜汁叉燒肥瘦適中，塊塊都切得好均勻，蜜汁嘅光澤令到碟叉燒好吸引，甜甜哋幾好味😋白灼赤米蝦好多隻蝦，全部都新鮮無臭味，彈牙爽口又解甜，白灼啱晒😋干燒伊麵火喉控制得好好、炒得好香口呢間私房菜早午晚餐都有，水準keep得幾好😉

餐廳環境裝潢以中國傳統風格為主，營造出舒適而典雅的用餐氛圍。柔和的燈光和細緻的布置，讓人進入餐廳時就感受到一種放鬆的心情。椒鹽骨腩椒鹽骨腩是這次用餐的亮點。外皮酥脆，內裡肉質鮮嫩，椒鹽的調味恰到好處，帶有一絲微辣和香味，令人一口接一口翠綠炒球翠綠炒球是一道色香味俱全的素菜，主要由新鮮的季節性蔬菜製作而成。菜品色澤鮮豔，清脆可口，保持了蔬菜的原汁原味。搭配輕微的蒜香和橄欖油，讓這道菜在清爽的口感中增添了香氣，非常適合喜愛健康飲食的人。總括而言 都有驚喜同埋份量超足！適合同朋友一齊早餐或者輕鬆一下 可以坐好耐

🥢富寶會所私房菜 (九龍城)🍚近排九龍城附近餐廳都執左好多😭富寶會所私房菜仲做得住 水準有返咁上下上次試過佢啲海鮮同埋中菜叫餸食飯都好包場包房、搞私人飯局 無得鬥氣 一定係黎呢度👈 ▫️清蒸海石斑🐟新鮮海斑 魚肉嫩滑 部長突登留返條靚魚比我嘆🤤 個葱油用黎撈飯真係無得輸▫️蜜汁叉燒熱辣辣靚叉燒 肥瘦相隔 個汁油而不膩撈埋個白飯真係無得頂呀▫️翠綠炒龍躉球龍躉炒球好厚肉 好夠鑊氣呀👍如果想食靚海鮮記得要提前預訂📞

我阿媽自從嚟過食後，簡直愛上左，陣間中就帶埋我啲仔女嚟食好嘢。今日下晝佢響道雀局完，話一早訂左龍蝦，就叫我湊要粒孫落去搵佢食晚飯。芝士花龍蝦配伊麵底:呢道菜一上枱已經香到爆炸，芝士焗得啱啱好，唔會膩，又唔會遮蓋晒龍蝦嘅鮮味。花龍蝦啖啖肉，爽口彈牙，好有咬口。底下鋪咗伊麵，吸晒啲芝士醬汁同埋龍蝦嘅精華，成個combo真係正到冇朋友。食到最後碟底都唔想放過，攞匙羹刮多兩啖先甘心。😋青紅蘿蔔排骨湯:一入口，真係有返阿嫲煲湯嗰種味道。湯色金黃清澈，飲落去夠晒清甜，青紅蘿蔔煲到腍晒但又保留到口感，唔會腍到散晒。排骨好入味，有啲黏嘴感，明顯係火喉掌握得好。飲完一碗，整個人都暖晒，好有屋企Feel。豉油王乾煎大蝦:簡簡單單，反而最考功夫。啲大蝦好新鮮，乾煎得脆脆地但唔會過火，蝦殼略帶焦香，食落鹹香中帶少少甜，個豉油王調味好Balance，唔會死鹹。成隻蝦都吸晒醬汁，連蝦頭都好惹味，啖啖都係精華。

前排父親節帶左屋企人黎食呢間都有唔少評價既富寶會所私房菜到食下啲小菜，因為感覺私房菜既食物係更有質素保證，而且私隱度感覺都會高啲👍🏼。🐷枝竹火腩炆骨腩🐟清蒸蘇鼠班🐔蔥油雞(一隻)。我地一行5個人都食得唔多野，所以就嗌左啲餸一齊share，另外仲有嗌左啲酒水，成件事都幾有儀式感😛佢地價錢上完全對得住個份量，因為係勁大碟，好彩無嗌多幾個，如果唔係都食唔哂，火腩肥瘦平均，而且啲枝竹索哂啲汁，用黎醒飯真係好正，條斑既時間都蒸得岩岩好，同食得出係新鮮，而雞方面本身以為係綠色嘅蔥，點知原來係油蔥，所以食落會更加香口，同埋隻雞都幾滑環境方面其實都好似普通酒樓咁，但我覺得無咁亂同埋職員都幾nice同helpful，即使係比較忙碌但佢地反應都好快👍🏼當日因為係節日，所以都大部分坐滿，如果係想大時大節過嚟最好都係book定位，咁就萬無一失😂有時最怕真係諗住唔使book，結果去到要等位就真係大失預算啦

昨晚我去咗富寶會所食私房菜，真係享受到一場美食盛宴！叫咗啲平時少點嘅菜式，驚喜一籮籮！餐廳環境好寬敞，啱晒朋友聚會🥰一開始上嚟嘅係*冰鎮鮑魚，呢道菜呈現得好靚，鮑魚表面閃閃發光，色澤真係好誘人😝每片鮑魚切得好適中，肉質鮮嫩，冰冰冷冷咬落去，真係好似感受到海洋的清新。搭埋特製嘅醬油，仲有一絲微甜，鮮味更加突出，回味無窮，真係一個字：正💯接住而來嘅豉油王乾煎大蝦，蝦蝦肉彈牙，外脆內嫩，豉油嘅香味真係好吸引，令人食到停唔落口 😚而龍躉兩味之椒鹽骨腩，椒鹽嘅味道啱啱好，骨腩肉質軟滑，搭配龍躉嘅鮮美，真係好滋味😜翠綠炒斑球色澤鮮艷，斑球滑嫩，搭配新鮮蔬菜，口感清脆，真係令人大滿足😋整體嚟講，呢間私房菜餐廳嘅用餐體驗唔錯，期待下次會帶埋啲friend再來🤓

最近喺九龍城發掘到一間抵食又有驚喜嘅餐廳，食物質素高之餘，仲有麻雀檯可以同朋友邊食邊玩，非常適合聚會！餐廳仲提供包場包房服務，甚至能自訂語句展示於大型屏幕，搞生日宴或公司活動都夠晒體面～ 必試招牌菜肉片炒烏冬烏冬炒得夠鑊氣，口感彈牙唔會太淋，肉片嫩滑入味，加埋蔬菜絲同醬汁翻炒，鹹香得嚟又唔會過油，份量十足，絕對係飽肚之選！ 枝竹火腩炆骨腩呢道傳統粵式風味菜做得非常出色！火腩皮脆肉香，骨腩魚肉鮮嫩無腥味，枝竹吸盡湯汁精華，濃郁得嚟帶微微甜味，送飯一流～ 鮑魚雞粒炒飯豪華感滿分嘅炒飯！鮑魚粒爽口鮮甜，雞粒嫩滑，飯粒炒到粒粒分明，仲有蛋香同蔥花提味，食落完全唔油膩，誠意推薦！ 小貼士，想食海鮮記得提前預訂，保證新鮮到貨！ 飯後可以同朋友打番幾圈麻雀，輕鬆 chill 一晚～ 如果包場或節日慶祝？聯絡餐廳自訂屏幕訊息，即時提升氣氛！ 無論係家庭聚餐、朋友 gathering 定公司活動，呢度都係個唔錯嘅選擇，下次經過九龍城不妨試吓！

🍽️【九龍城隱世私房菜】富寶會所｜海鮮控必試！麻雀耍樂+包場派對首選🎲.📍 私房菜x娛樂一站式體驗九龍城呢間「富寶會所私房菜」絕對係聚會首選！除咗有高質海鮮，仲有麻雀檯俾大家食完飯耍樂～最正係可以包場開Party，仲能自訂語句放上餐廳大屏幕，生日、公司聚餐都啱晒！.📌 溫馨提示：✅ 海鮮最好提前預訂✅ 包房服務適合10人以上聚會✅ 麻雀耍樂需提前book檯.🌟 必食招牌菜.1️⃣ 冰鎮鮑魚 🧊👉 口感：鮑魚爽脆彈牙，冰鎮做法鎖住鮮味！蘸少少wasabi豉油，海洋鮮味瞬間爆發，清新又開胃～2️⃣ 清蒸三刀 🐟👉 口感：三刀魚肉嫩滑到不得了！簡單清蒸最能體現魚鮮，魚油香而不膩，連魚皮都滑溜，老饕至愛！3️⃣ 蜜汁叉燒 🍖👉 口感：叉燒半肥瘦剛剛好，外層蜜糖焦香，肉質鬆化多汁！甜度適中，送飯一流，一個人可以KO半碟～📌 餐廳資訊📍地址：九龍城侯王道28號1-2樓.#九龍城美食 #私房菜 #海鮮盛宴 #香港美食 #麻雀耍樂 #包場派對 #朋友聚會 #隱世餐廳 #叉燒控 #香港探店.👉 貼士：想食招牌三刀記得早一日預訂，保證新鮮到貨！🎣

四人打牌ABCD餐，食物質素很好，有火喉，大家很滿意，仲要鋪舖大牌抽水抽到暈. 樓茶水任添，環境優美，冷氣充足，間舖頭又易搵，廚師也出來招呼，打到12點幾都唔捨得走！

第二次嚟呢度食飯啦今次又係同屋企人嚟上次佢哋食過都覺得幾好🩷沙薑大雞腳啲雞腳真係好大隻，仲要煮得好腍沙薑味道都濃郁🩷椒鹽骨腩好多椒鹽，雖然有骨腩都啖啖肉食落口唔會好韌🩷西蘭花炒球西蘭花好新鮮，有啲斑腩好夾好好味🩷鮑汁雞粒炒飯好大碟炒飯，鮑汁一啲都唔少每啖都有包汁味，而且雞粒都好多🩷蜜汁叉燒叉燒肥瘦適中，嚟到熱辣辣食落又好香嘅蜜汁味🩷金針云耳蒸雞蒸雞都好大碟，金針同雲耳蒸到好入味🩷涼瓜炆倉魚倉魚大大條，原來加埋涼瓜有幾夾

因為有friend住係附近，食過覺得性價比高之餘又好味，我地間唔中都會黎呢間餐廳dinner，依加變左熟客仔tim😂。今次叫左幾個送，覺得呢兩個都好yummy ar!!冬瓜炆燒腩仔呢個天氣食冬瓜真係好消暑呀！冬瓜又腍又多汁，好入味！燒腩仔又唔係太肥太乾柴，口感岩岩好。清蒸三刀我真係好中意食魚，清蒸三刀肥美又新鮮，唔會有腥味，落左超級多蔥絲！落埋鼓油再撈埋d魚汁，我真係可以食到兩碗飯😂！好飽又滿足既一餐

琴晚嚟咗富寶會所私房菜享受美食，叫咗啲平時少叫嘅菜式，有意想不到嘅驚喜🤩 餐廳嘅環境寬敞，啱晒朋友聚會🤩一開始上桌嘅係冰鎮鮑魚，呢道菜呈現得好精緻，鮑魚嘅表面有自然嘅光澤，色澤望落誘人🥳每一片鮑魚都切得厚薄適中，肉質鮮嫩，同埋佢係冰冰咚咚嘅，咬落去嗰下好似感受到海洋的清新，搭配埋特製醬油更有一絲微甜的口感，令鮑魚嘅鮮味更加突出，回味無窮，一個字正😋另外值得一讚嘅就係竹笙海皇羹，呢道羹湯嘅香氣撲鼻而來，令人不禁垂涎欲滴😝湯底搭配著竹笙、瑤柱、蝦仁等海鮮，營養好豐富😗竹笙嘅脆口同海鮮嘅鮮美相互融合，湯汁滑順，每一啖都係對味蕾嘅極致享受。其他菜式例如黃金涼瓜、蝦球蒸豆腐(掛住食都冇影到haha)都正常發揮，整體嚟講呢間私房菜餐廳用餐體驗唔錯，期待下次🤓