容記小菜王

營業中

休息中

呢間餐廳之前係深水步已經好出名, 而家係太子又開左間, 一於去試下啦, 因為見呢間好似有D唔同, 可能係裝修似間酒家多左. 係分開兩層的, 上層先係坐位, 都幾大間下.首先黎個原盅冬瓜盅$148, 都好足料架, 而且鮮甜, 唔會油膩, 還加了珊瑚蚌, 出面好少會有, 我地4個人每人都飲左幾碗, 所以份量一D都唔少架.跟住黎個前菜先, 泰式鳳爪, 酸酸甜甜, 好開胃, 而且非常彈牙.之後緊係食下呢到既招牌菜 – 洗衣機蒜香骨$98, 之前聽人講真係用洗衣機黎整, 哈哈, 係咪真架?! ANYWAY個味道OK, 唔會太咸, 淡淡既香蒜香, 肉質彈牙, 炸得香口, 送啤酒一流, 哈哈.食完肉緊係要有食返D菜啦, 健康D MA, SO 叫左個腐乳通菜.最後我地仲叫左一份聖子(4隻), 大大隻淡淡肉, 無沙, 夠火喉, 炒得香.

呢排食太多西餐，突然想食返中菜，所以就同朋友食呢間。餐廳唔難搵，太子站行5分鐘左右就到，有google map就冇問題啦。濃湯雞煲翅，口味唔重，難得用雞煲出嚟，都唔會太咸，翅份量我覺得都算多。蒜香骨，總數有6件，炒得好入味，好適合鐘意(選)骨個我。燒汁野菌和牛粒，鑊氣超足，好濃味，配埋野菌同素類感覺即刻唔肥膩，感覺冇咁大罪惡感薑湯杞子花膠浸時菜，花膠份量適中，菜類都新鮮。黑松露野菌牛柳粒窩飯，飯炒出嚟炒到一粒粒，黑松露好香好濃味，不過有少少咸

容記小炒重開都冇食過，今次就去試試深水埗小炒皇秘製小菜嘅美味。-椎山杞子燉翅群（$148）真材實料嘅燉湯，材料有瘦肉、雞腳、椎山、杞子、翅群等，材料嘅精華完全融入哂湯底，望落湯底清，但飲落卻非常鮮甜，仲可以將湯料夾出黎食添，翅群食落口感香滑，味道仲帶淡淡嘅鮮味。-招牌雞蛋焗魚腸（$76）-之前冇食過魚腸，食落雞蛋口感好滑，火候控制得好好，魚腸食落味道冇乜腥味，味道帶少少內臟嘅味道，食落味道都將特別。容記鐵板原條茄子（$86）-醬汁鋪滿成條茄子，鐵板嘅熱力將醬汁嘅味道逼入茄子當中，以為會好濃味，但食落味道卻淡淡，口感係好juicy，但唯一就希望味道會濃d。-洗衣機蒜香骨（$98）-容記招牌菜，食落肉都幾嫩，蒜嘅香味醃得好入味，味道唔會太鹹，但相當有層次感，食左勁耐都唔想吐舊骨出黎😂。

平時西餐食得多，唔知食咩好，又好似好少食小菜，咁啱又行開太子記得有間容記小菜王好似幾出名。位置都幾方便系太子，系遙遠都見到大大個招牌。濃湯雞煲翅用料十足，成煲好多翅仲要大大塊，仲有雞肉湯底好濃好鮮甜，又唔會太咸。燒汁野菌和牛粒，和牛粒切得均匀，又炒得夠味，好香牛味。薑湯杞子花膠浸時蔬，小棠菜浸左d湯好入味好香又唔會咸，花膠都幾滑又不會太韌。洗衣機蒜香骨都炸得好香口黑松露野菌牛柳粒窩飯，淡淡飯都有好濃烈黑松露香味👍如果飯冇咁咸就更加好。

容記重新開業啦 無論環境 食物 服務質素 都非常好 更勝從前一家大細 晚飯時間食小菜最好不過 一家人坐在圓枱旁 熱熱鬧鬧地品嚐中式晚餐的時光晚餐牌裏面的選擇也算多 餐廳有主打米芝蓮推介小菜 款款都好吸引冬瓜盅看上去好像很大陣象 冬瓜蒸得好淋 材料豐富 有帶子 蝦肉等等 湯中有冬瓜嘅清香 以及海鮮嘅鮮甜味 飲落去好舒服 有助消暑 清熱 降火一個冬瓜盅 湯水份量蠻多的 大概有十碗左右 啱曬一家人享用天下第一雞(半隻) 隻雞好新鮮而且好嫩滑 值得稱讚係隻雞一啲肥膏都冇 連雞皮一齊食 完全冇肥膩感 配上沙薑汁 一絕容哥第一嘴 外面是酥脆嘅外皮 裏面係彈牙既墨魚咀 一口一口停不下來容哥復出 真係市民同埋街坊 一大口福現在容記小菜王只係做晚市 但係十號開始 會做埋午市到時等我嚟試下先

以前一直係深水埗容記小菜王嘅fans 但由於老闆要退休 因此要結業 從朋友口中收到個大喜訊容記小菜王開返了 新地址位於太子 今晚就約埋朋友尋回懷念的味道地方非常乾淨 座位闊落坐得好舒適 適合老少 一家用餐店舖加設了海鮮區 海鮮非常生猛 而且乾淨衛生香港地道粵菜 價錢合理 菜色選擇非常多猛士9點後入座全單8折 好抵食燒汁野菌牛仔粒$128鑊氣十足 一碟炒得好的廣東小炒，必定乾身而帶鑊氣 主食,配菜以及醬汁嘅味道配合得天衣無縫一道色 香 味俱全的生炒排骨，不但顔色好看 而且美味可口 豬排骨表面炸到酥脆 每粒排骨都掛滿酸甜汁 好開胃好惹味瑤柱蛋白炒飯 炒飯粒粒乾身鬆散 好有鑊氣香港人喜歡的炒飯之一 材料簡單但名貴 瑤柱的鮮甜味 令炒飯嘅味道昇華容記小菜王味道依舊 環境及店員服務提升不少 下次必定再光臨試埋佢啲生猛海鮮

容記小菜王在深水埗福華街年代的小型飯店,已有名氣,很多街坊和慕名者幫趁!據闻容哥曾是菲律賓總統的御厨, 也曾在電台開咪介紹烹調美食！最近知道它們在太子道西重開,那天晚上我地9点零鍾去懷舊下！首先來一盅北菇燉螺頭湯 - 湯底很香的菇味,加上有螺頭,雞脚和唐排,可以飲多两碗！天下第一雞 即是上湯浸的切雞！半隻已經很夠份量!瓦煲焗魚腸, 經典懷舊菜, 用魚腸和雞蛋混合焗至金黄,加上胡椒粉很夾和有辟腥作用！加多一款清淡些花膠杞子浸時蔬！飯後甜品桂花糕 - 有D似大菜糕質感,不太甜！

老公話知道容記喺太子開業。佢話以前容記喺深水埗福華街，都頗出名嘅小炒王，老闆容哥聽説喺由菲律賓回流香港開鋪。佢話帶我去試下。一於收工後就去試新嘢。餐廳位於太子地鐵站不遠處，交通非常方便。餐廳位於一樓，地方光猛，整潔。到達時已經喺晚上九點多，餐廳仍然有很多食客。老公已點好菜，等我嚟到就上菜。先上燉湯, 味道清甜。半隻招牌雞。再上「洗衣機蒜香骨」，個名咁奇怪。經理話以前真的用洗衣機攪拌肉骨，因此得名老公點左佢鐘意食嘅懷舊菜-焗魚腸。都吾錯，蛋香味混和胡椒粉，可去除魚腥味。花膠浸菜，清渶點嚟配肉 還有飯後甜品，桂花糕，味道不錯。

經常揸車經過容記小菜王，大大個招牌，印象深刻，約咗人係鄰近，佢話哩間菜色唔錯，於是乎上去睇下咩料。叫咗一個螺頭雞腳豬肉燉湯，一個招牌雞蛋焗魚腸，燒腩仔同薯仔和牛粒。一向唔多好焗魚腸，全因細細個屋企人煮哩道菜煮得非常腥，但今次哩道焗魚腸居然一d都唔腥，而且焗得啱啱好，雞蛋熟哂而且好滑，大廚掌握時間啱啱好，一讚。燒腩仔皮脆有肉汁，但最特別係皮薄，所以口感特別脆。原本都無諗住叫飯落肚，但見到薯仔和牛粒噤好送飯，不得不叫一碗，和牛肉汁充足，送飯一流，味道適中，唔會太甜同太咸。望上去以為螺頭湯平平無奇，但入口清甜唔肥膩，雞腳嘅骨燉到脆哂口，最後成鍋飲哂，因為實在太好味。每次想盛碗湯黎飲，服務員即刻過黎幫我地裝，服務態度不知好過幾多餐廳，哩點不得不俾個 like。望一望，𠵱！原來有間VIP房喎，下次聚會又多處好餐廳選擇。

今天父親節，兒子知道容記日前重新開業我曾光顧並👍不絕口說菜式不錯！所以很有心預先訂好今天晚上帶同女友與我一起再次光顧慶祝父親節！我們剛坐下侍應就不停地推介海鮮，可是容記出名的是小炒，食海鮮就不會來這𥚃啦！所以我們點了容記的招牌菜鐵板茄子，燒腩仔，蒜香骨和冬瓜盅，可惜没有一樣算得上好食，比上一次的水凖相差天共地！食到一肚氣，正是乘興而來，敗興而返！我們决定以後也不會再來了！倒不如去深水埗新容記更有保障！😏

名大於實，野食似整定，吾太熱，非常失望冇招牌燒肉，係甘sell海鮮，大佬，食海鮮洗食你？又貴又吾抵食，容哥名已臭，初初勁排隊，以加見到8點都吾滿座，冇心咪鬼開，丟架

見到門口冇人排都心知不妙，果然不出所料，質素同以前差得好遠。出名燒肉差到冇得形容，叫左碟大既連埋加一兩舊水，比d街邊幾十蚊盒燒味飯既質素。墨魚咀炸粉同個咀分開上，和牛薯仔粒，味道一般，最好食應該係個菜，夠淡口夠健康見議老闆不如真係榮休唔好再踩自己招牌喇

這間餐廳是我近年來感覺服務最差食物最差既中菜餐廳，我地book左枱都要等枱等左好耐，打開menu真的選唔到食乜好。已諗好啦，諗住叫服務員落單，兩個服務員應完都冇再返來。兩個態度都好不善。第一次來試，又會是最後一次，諗住同d friend提意試這間食生日飯，好失望，令我都覺得對d friend唔好意思。。食了一陣我地冇哂心情，最終去左附近食令一間餐廳。再去食甜品。之後我地先開心d,心情由唔開心變唯開心咋！下次一定不來幫襯。

舊年3 月有一件轟動飲食界的事， 就係貴為菲律賓御廚加上米芝蓮加持嘅容哥退休。雖說兩日後除了明哥外原班人馬復活。但無衝動去食。闊別一年。經過深水埗這個平民美食天堂，此終心思思去試一次。今次兩個女仔所點唔多。只係兩個餸。“天下第一雞”係我必點嘅餸，說白了其實就係沙蔥雞。但係能夠自誇“天下第一雞”必定有其過人之處。雞胸可以滑過出面D雞俾肉。雞俾肉可以滑到連皮跌落個胃。沙蔥癖左雞的腥味，亦令肉味提升。另外一碟就係“鐵板原條茄子” 茄子要好食最重要個汁。免治豬肉配上洋蔥令茄子味道提升。加上香脆嘅外皮。令本來唔食好多飯嘅我都食曬成碗白飯。PS： 味道的確能夠Keep 到當年水準， 其實容記有好多正野，奈何今次得兩個女仔， 如果下次再去一定要帶多10 個8 個朋友去試多幾個餸。

訂咗20:15枱，喺19:45到，結果要20:50先有枱，坐低叫餸乜都無，服務差，地方細，食品一般，仲有用骨碟上味沙拉骨，大佬你收人$86，做返好少少啦，無下次