影片
更多
2025-06-02
349 瀏覽
宴 特選和牛套餐（推薦價$880/位）自家製醬汁煮南非鮑魚，餐廳用咗三個鐘慢慢泡煮。鮑魚煮完之後色澤勻稱，好入味，咬落去彈牙得嚟又唔韌，啖啖都食到醬汁滲晒入去嘅精華。特別之處係食法有三種味道可以揀：第一口建議食原味醬油，最能食到鮑魚本身嘅鮮味；第二可以灑少少海藻粉，增加紫菜嘅海洋味道；最後就加啲微辣粉，帶點辣勁，味道即刻醒晒。三種味道由清淡到濃郁，層次分明，真係要跟住次序試，先至感受到佢設計背後嘅巧思。季節刺身有三款：真鯛、左口魚、鰤魚。左口魚好特別，左口魚刺身入面加咗灼燒過嘅裙邊，燒過之後啲油脂香味爆出嚟。真鯛刺身就更加出色，師傅落咗少少白松露油同鹽，口感即刻升級，本身係淡淡地、好清幽嘅魚味，經過咁樣調味之後變得更有層次。鰤魚本身就滑溜溜，魚脂適中，係三件壽司入面最圓潤、最易入口嗰款，食完好舒服。拖羅手卷就非常有創意，冇用傳統紫菜，反而用咗鱈魚乾襯底。拖羅本身就已經好甘香，魚脂豐富，配埋鱈魚乾嘅鹹香同脆卜卜口感，撞出嚟好有驚喜。兩種唔同質感一齊咬落去，口感好立體，好食到停唔到口。野生生猛龍蝦真係新鮮到不得了，見住師傅即場由魚缸拎出嚟整。最欣賞係佢哋冇用重手醬汁，而係用返龍蝦自己嘅膏，
宴 特選和牛套餐（推薦價$880/位）
自家製醬汁煮南非鮑魚，餐廳用咗三個鐘慢慢泡煮。鮑魚煮完之後色澤勻稱，好入味，咬落去彈牙得嚟又唔韌，啖啖都食到醬汁滲晒入去嘅精華。特別之處係食法有三種味道可以揀：第一口建議食原味醬油，最能食到鮑魚本身嘅鮮味；第二可以灑少少海藻粉，增加紫菜嘅海洋味道；最後就加啲微辣粉，帶點辣勁，味道即刻醒晒。三種味道由清淡到濃郁，層次分明，真係要跟住次序試，先至感受到佢設計背後嘅巧思。
季節刺身有三款：真鯛、左口魚、鰤魚。左口魚好特別，左口魚刺身入面加咗灼燒過嘅裙邊，燒過之後啲油脂香味爆出嚟。真鯛刺身就更加出色，師傅落咗少少白松露油同鹽，口感即刻升級，本身係淡淡地、好清幽嘅魚味，經過咁樣調味之後變得更有層次。鰤魚本身就滑溜溜，魚脂適中，係三件壽司入面最圓潤、最易入口嗰款，食完好舒服。
拖羅手卷就非常有創意，冇用傳統紫菜，反而用咗鱈魚乾襯底。拖羅本身就已經好甘香，魚脂豐富，配埋鱈魚乾嘅鹹香同脆卜卜口感，撞出嚟好有驚喜。兩種唔同質感一齊咬落去，口感好立體，好食到停唔到口。
野生生猛龍蝦真係新鮮到不得了，見住師傅即場由魚缸拎出嚟整。最欣賞係佢哋冇用重手醬汁，而係用返龍蝦自己嘅膏，加埋牛油去整一個濃郁又唔搶味嘅醬，完美帶出龍蝦嘅鮮甜。再加埋味醂浸過嘅三文魚籽一齊食，魚油嘅甜味同龍蝦嘅鹹香混埋一齊，味道層層遞進，好滿足。
香煎鵝肝一上枱就已經聞到陣陣油香，煎到外面金金黃黃，脆卜卜，入面保持到軟嫩，入口即溶。鵝肝本身已經夠香，餐廳再加咗紅酒汁同少少葡萄醋，令到成件事冇咁「滯」，仲多咗一份酸香，好有層次感。呢個配搭真係幾巧妙，唔會蓋過鵝肝本身嘅味，反而令味道更加突出。
最後講埋日本宮崎和牛，油花分佈得好靚，一煎香就已經香氣撲鼻，肉質軟嫩又唔會鬆，咬落去有彈性又唔油膩。配埋炸蒜片一齊食，真係畫龍點睛。蒜片炸得香脆，有啲焦香味，同和牛嘅滑嫩形成強烈對比，口感好豐富，令成塊牛肉嘅味道更立體，食完之後齒頰留香。張貼
