宜家家居餐廳及咖啡室

營業中

休息中

這餐是2017最後的午餐，因是星期日亦是回荃灣的日子所以選了到自由奔放的宜家家居餐廳及美食站開餐！吃罷這餐便要告別最悲喜交集的2017年！ 起碼十年八年冇幫襯過這兒的瑞典美食，不知有進步否呢？看價位大家也明白為何餐廳會那麼熱鬧，真係抵食到一個點呢！ 自助形式沿著食物線選取心水美食放上手推車，到盡頭付款便完成整個流程！ 真的高朋滿座、座無虛席生意十分不俗，而且此處還有兒童天地大人小朋友也一樂也。 先有周打蜆湯＄13，份量不少的一碗湯味道正常，內裡的海鮮不會帶腥味，如果可以熱燙些更妙！ 薯蓉＄5勝在便宜，質感實在吃一件夠飽肚。 小食拼盤＄39好抵食，內有海量甜粟米、煙燻蜜糖腸3件、烤雞柳4件和蔬菜薯餅2件，幾款也挺合我心意，當中最喜歡脆皮的煙燻蜜糖腸，和充滿菜香蔬菜薯餅。 車爸爸的主菜燒特級西冷牛肉＄59，色澤挺為迷人聽聞肉質夠軟淋牛肉味就一般，我則頗喜歡那香滑牛肝菌忌廉汁，用來點烤薯仔和雜菜很好味道。 我的主菜是芝士龍蝦扁意粉＄59，賣相相當不俗可惜龍蝦味帶腥！而扁意粉咬口不錯敗在芝士汁沒香氣亦沒味道！這款不建議吃！ 另每人＄7任飲汽水和茶，任飲都是這兒的賣點，而且有口味特別的提子味

呢間荃灣宜家傢俬新開張，好想試下佢嘅早餐 ，於是早上十點半左右(趕得切11:00轉午餐前)，叫了一份雞扒早餐！整個裝修、設計，感覺上好有大學feel，全自助包括排隊取餐，收銀，自助水吧，咖啡飲品都很齊全， 咖啡仲要無限量添飲 ！呢份早餐只係23蚊，好耐都未見過有2字頭嘅早餐了一塊唔錯的雞扒，上面仲有少許香草，熱辣辣一塊質素唔差的火腿， 炒蛋嫩滑，薯餅夠脆， 我仲飲了兩杯咖啡 23蚊仲可以去邊度搵呢再講環境，簡單裝飾雅緻， 令人好有放鬆的感覺， 唔似得, 快餐，人頭湧湧， 繁忙擠迫，食個早餐一啲都唔自在！客人食完餐之後，會自動自覺放回餐車上， 很自律，香港人本身就是自律的！

Party一向都會苦惱買什麼外賣，尤其聖誕時段一定是海鮮價。但是宜家傢俬反其道而行，推出這個非常便宜的party set。這個套餐是外賣自取，我們早買還有六二折。取貨當日亦準時出貨！👍🏻15個人食2 set 6人餐，都食唔晒，仲包4支飲品。每人$40真係抵到爛。（120粒雞肉丸真的好壯觀！😍👍🏻）成個套餐最受歡迎是肉丸。就算唔點醬都好食。軟熟沒有筋。𡁻落都好有肉味。薯蓉都好食。好多蕃茄肉醬，啖啖芝士味。而且外賣回來隔了段時間都仲好熱。蔬菜薯餅一般啦。一來到已經凍左，而且啲西蘭花偏大粒同硬。食而無味。個意粉好大盤。但真係超級乾😂我們就算倒埋雞肉丸的醬汁都彌補唔到😂結果食剩一盤半🙈。沒拍入鏡的燒雞都好乾。🙈飲品方面我覺得兩隻果汁都正常，但有朋友認為好伏。見仁見智吧。總括而言，這一餐真的非常十萬個抵！食物味道一般，但絕對是聖誕party的良心之選！👍🏻👍🏻反正派對重點都不是在味道質素，而是志在一班人圍埋一齊分享。所以抵食又飽肚就好滿意。那一晚大家都玩得盡興，我都好滿足！😆

今日試試新開宜家嘅荃灣店。餐廳喺6樓，上幾條電梯先到。餐廳面積望落去好寬倘，一入到去左手面有幾個櫃攞嘢凍食先就，再行前啲就可以order熱食。叫咗個薯蓉拼肉丸10粒($20)，一份三文魚再加多個Cheese cake。個薯蓉都幾香，肉丸幾入味，加埋啲gravy真係配搭得唔錯。另外三文魚份量唔細呀，Lunch絕對足夠。食完哂正餐後甜品可以食喇，個Cheese cake都幾濃味，食落都唔算太甜。其實成間餐廳我欣賞係地方大但又唔係太多枱，變相一啲都唔嘈。

甚麼是八咪半？原來是中染大廈的前身。管他的，這天是為了逛荃灣宜家而來的，說宜家在中染大廈或八咪半都一樣吧！傳說中的宜家傢私樓高數層，確是個消閒好去處。而對於不為買傢私而來的客人，美食就是前來荃灣宜家的最大理由。宜家家居餐廳及美食站分設在最底層與最頂層，食得豐富一點要到頂層的餐廳，至於底層就是輕食、甜品供應。來到美食站，一定要試試朱古力軟雪糕，原價$5的雪糕在推廣期內只賣$3，才$3一杯軟雪糕，比老麥還要便宜。朱古力軟雪糕($3)，軟雪糕夠滑，朱古力夠濃，脆筒夠脆身，也沒有好挑剔的理由了。

任何時候都覺得超級多人的餐廳，不過，2個人還是比較容易找到位置，每次必吃嘅當然係肉丸，比我更瘋狂嘅人係瑜伽老師，她的個人記錄是36粒再加上其他食物，老公話等感冒好了再去吃燒雞，我就就話下次一定要吃燒豬手。話說那個法式小餐包真的不錯，每個2蚊，曾經有一次去買了幾拾個同朋友開party做小吃，其實不同時段供應的麵包也有不同嘅品種。這一餐裡比較失分的是甜蝦冷盤，對比某澳式餐廳，Ikea的蝦太細隻，同埋可能太多人，解凍未完成，有三兩隻有冰雪的感覺。總的來說，消費合理味道滿意，美中不足就係等位。

荃灣中染大廈開咗一間宜家傢俬，越來越多人去呢個商場，對我來講宜家傢俬最重要嘅就係佢嘅餐廳，我真係好鍾意食佢哋嘅食物，好食又安全！去宜家傢俬必食嘅就係肉丸！我鍾意呢度嘅紅莓醬係自己加，唔使限住，我可以無限refill！每次去宜家傢俬我都會叫凍蝦，但係佢嘅數量好似越來越少，根本就同價錢不成對比！我計過40幾蚊食一盒，平均每隻成＄3 ,值唔值得啊！煙三文魚係女士們最愛，飽肚又唔會高卡路里，最重要係呢度嘅三文魚醬，係非常好食嘅檸檬香草醬，我都忍唔住買咗一罐返屋企！呢個芝士小龍蝦意粉，味道就真係淡左啲，啲麵質又比較硬，不過啲小龍蝦都幾多！

身為荃灣人點可以唔去宜家傢私食個靚早餐開業短短個幾月已經係第二次去宜家食早餐今次去可能時間太晏就快轉lunch menu早餐已經冇哂選擇淨返$19蚊餐但依然係好好食有魚柳有腸仔有烚蛋仲有無限添飲既咖啡樣樣都好食但最鐘意就係佢杯咖啡次次去都可以飲返2杯咁既價錢咁既質素而家去邊到搵小Tips:加多$3有牛角包/多士但要加多$1先有牛油記住麵包要自己攞去麵包機烘一烘先夠好食架加多$8有個肉丸通心粉夠哂飽唔飲咖啡既朋友仲可以選擇其他北歐飲品食完記住自己收拾返枱面啊

喺好耐好耐年前荃灣都曾經有過宜家傢俬，但係可能因為冇乜人去嘅關係佢最後都執咗，相隔左10幾年佢終於在喺荃灣開返，自從大家都知道荃灣開返宜家傢俬之後就瘋狂咁擁到過去，咁當然我同我老公都唔執輸梗係要去幫襯下啦，話晒對我哋呢啲新界人來講最近嘅宜家傢俬都要去到沙田先有。咁我哋去得宜家傢俬就當然會喺宜家傢俬嘅餐廳食埋野啦，宜家傢俬嘅餐廳出名食物平又好味特別係肉丸大家都食過返尋味，我哋又點會錯過呢。話說我係1+5口一齊去所以有小朋友，其實荃灣宜家傢俬餐廳入邊嘅範圍都好大不過實在係太多人去啦我哋都要等左一段時間先至有位。我哋有小朋友當然係要叫兒童餐啦，其實我不嬲都認為兒童餐真係十分之抵食， ＄15就有肉丸有薯蓉有粟米有生果有果汁，不過唔知係唔係荃灣呢間宜家傢俬特別啲佢嘅肉丸係用雞肉丸唔係平時嘅牛肉丸，不過我個人就覺得呢度嘅雞肉丸仲好食過平時嘅牛肉，因為雞肉丸比牛肉丸更加彈牙而且更加Juicy。三文魚白汁意大利粉：相貌十分之唔討好但係其實個味道也不錯，而且好平，不過椰菜花就烚到好淋。凍蝦：呢個係我去到宜家傢俬一定要買嘅嘢食，咁當然大家都知道個蝦新鮮，所以都預咗會食到有幾隻係好似食冰咁，但係佢都依然好鮮

小弟最近荃灣返工，聽聞宜家傢俬係荃灣開咗間餐廳剛好姐姐收早所以專程一試好唔好食。餐廳位於七樓，有個兒童樂園比小朋友玩適合家庭樂。餐廳形式先選取食物後再付款，有前菜小食，沙律餐湯主菜等選擇，但主菜選擇唔多，意粉更加只有一種小龍蝦意粉，蝦肉算多但味道一般龍蝦濃湯味道好淡至於燒牛肉真係好美味，雖然配菜無咩味道但配上醬汁剛好肉丸可以自選份量5粒或10粒，中間配薯蓉也很美味飲品也是自助式，咖啡氣水外還有瑞典氣水而且無限任飲只是7$價錢方面算係大眾化，本來仲想試豬手和三文魚，但兩個人用餐食唔到咁多至於餐廳比較適合午餐或者下午茶，因為主食唔多但總結餐廳算唔錯

荃灣終於有 ikea 喇 剛開幕嘅時候不論餐廳定家品部都人頭湧湧，而家人潮終於都散番少少，可以享受下平價但優質嘅美食喇。平時都有去開沙田食，同樣地叫番至愛嘅肉丸，消失左一段日子嘅雞亦（好可惜有雞亦就無左薯格），仲有西冷牛扒，凍蝦同埋一件蛋糕，都不過係 hkd 150。肉丸都依舊美味，凍蝦比起以前真係大縮水，雖然細細隻但是食得出有蝦嘅鮮味另外上一次黎食嘅薯格今次換了做雞亦，不知是否兩者只可揀一呢🤦🏻‍♀️🤦🏻‍♀️不過點都好，ikea 點都係耐唔耐就要黎食下行下hea下嘅好地方

等了咁耐終于等到荃灣開宜家今日專程同個FD過黎食兩個人滿心期待咁叫了個西冷配牛肝菌家庭拼盤三文魚沙律10粒肉丸同芝士龍蝦意粉不過全部既野食都系冷盤因為全部都系凍架…😨連最基本應該好食既肉丸都系凍架😨😨真心超攰

今日收工心血來潮想試下IKEA restaurant 6點半就到個到搵位坐低先去買野食 買野食既時候過程好快 因為好多都準備好 只系拎野食 除左拼盤吾夠熱其他野食都熱既肉丸好好食 諗住甘平應該無乜味 但又ok wor 個汁就不過不失 無乜特色拼盤我就吾多講喇 凍左真系mamaday 如果多人其實都可share食既 西冷吾夠熱但系好有牛味而且個汁好似用左菇/松露煮 同西冷好夾但系配菜既炸薯粒就吾得喇 外面層炸粉可能因為翻熱 所以變左好硬各位食完記得自己回收餐盤阿

以前係荃灣讀書時，放學後間中都會去宜家傢俬逛吓，但其後宜家傢俬結業，以為唔會再開返，但估唔到相隔十一年，宜家重返荃灣喇，之前剛開業時太多人，今日終於有機會黎行吓同食嘢。雞肉丸 :宜家牛肉丸平時就食得多，雞肉丸都係第一次試，同牛肉丸一樣，一份有薯蓉及蔬菜，同牛肉丸相比，雞肉丸比較煙韌，而表面輕微炸過嘅雞肉丸，配埋我最愛嘅紅果醬，都幾好味。烤雞 :剛剛開業時，大家都瘋狂搶購嘅特價烤雞，今日終於有機會試，原價89蚊嘅烤雞，份量相當大隻，表皮烤得香脆，雞肉亦算嫩滑，唔會烤得太乾，雖然烤雞配有燒烤醬，但個人覺得唔需要醬都已經夠味。楊枝甘露布甸 :楊枝甘露就食得多，整成布甸食都係第一次，布甸口感軟熟，餡料有西米，芒果肉及柚子肉，味道唔太甜，食完咁豐富嘅晚餐後來一份甜品，感覺清新。

由細到大都好中意行傢俬鋪，尤其是Ikea, 砌好晒成間房成個屋企，自己屋企整唔到靚，睇下坐下都開心丫！.記得以前細個荃灣廣場有好大間Ikea, 係我地成家人成日去既地方，之後執左我都傷心左一排😢好開心最近荃灣又開返😀，當然要去朝下聖懷愐下！___________________________🔹脆炸咸豬手 推廣價$49為慶祝新店開張，Ikea 推出好多限定優惠食品，繼之前三文魚意粉，宜家接力有炸豬手由原價$63 減到去$49，優惠期去到11月7咋！梗係唔好執輸！.講返隻炸豬手🐷👊🏻先，雖然平但佢隻豬手唔係普通size, 大隻過我隻手🙀細食少少都未必食得晒！.外皮炸到金黃色同好脆身，但裡面都仲keep得住唔乾身💦唔硬，隻豬手就咁食有啲咸，好在旁邊有一大堆酸菜伴碟，夾埋一齊食就岩岩好！伴碟既肉汁都幾惹味，點下薯仔撈下酸菜好正！.味道當然比唔上德國餐廳，average la, 但睇埋價錢，CP值超高！唔食真係對唔住自己！.💡可能係新場個個都去踩踩點，餐廳會實施人潮管制，可能要排下隊先上到去！