宜家家居餐廳及咖啡室

營業中

休息中

今日（17-5-2025 Sat）未病完，冇心機周圍去，老公search軟棉棉嘅美食時，search到Ikea美食站有開心果雪糕新地，於是走嚟啦。不過我哋先上嚟食個晏，嚟到時都已多人，我哋見到有開心果慕絲蛋糕同開心果巴斯克蛋糕，於是兩樣都要，而今日有漢堡，不過我唔食得，見到有酥皮湯，就指定老公買呢樣，佢就先買呢3樣再加個士多啤梨流心水牛芝士沙律同$9.00嘅任飲汽水食住先。1. $29.00嘅開心果巴斯克蛋糕呢個開心果味道濃郁，屬全熟芝士蛋糕，同時食開心果慕絲蛋糕就食得出佢嘅分別，就係帶有芝士嘅鹹味，口感固然係厚實。5分2. $29.00嘅開心果慕絲蛋糕呢個感覺就係輕盈好多，味道亦冇咁濃，都唔錯。5分3. $49.00嘅士多啤梨流心水牛芝士沙律配黑醋我一食落咗黑醋嘅蔬菜就覺得難食，蔬菜係新鮮但份量係極少同凍咗啲，你以為流心水牛芝士下面重有菜？咁就大錯特錯喇，其實只係圍住佢咁大把。流心水牛芝士係好食嘅，不過要留心，佢唔係流心。4.5分4. $36.00嘅酥皮龍蝦湯呢個熱騰騰就一定，酥皮係脆但唔係好厚，牛油味亦唔濃，龍蝦湯就濃，唔錯，亦有鮮蝦。5分5. 食完後我哋至買主食，我就睇中$73.

今日第一次幫襯荃灣呢間IKEA餐廳，揀咗以下：1. 瑞典肉丸（8粒/客）：係咪每次嚟都必選IKEA肉丸？😁味道冇變，啲醬汁同樣美味2. 雞肉丸串（4粒/串）：啱啱出爐，熱辣辣，所以特別好味，建議可以點埋肉丸嗰2隻醬，一樣咁夾咁好味（我覺得好食過肉丸𠻹）👍3. 蜜糖腸仔（3粒/客）好普通，可嗌可不嗌4. 凍蝦：一貫新鮮好味，有蝦籽𠻹👍5. 凍三文魚味道比以前差咗啲，大家可以考慮下6. 蘑菇湯：冇乜蘑菇喺湯度，而且味道麻麻，罐頭湯比佢仲好飲7. 酥皮龍蝦湯配蝦：味道都係麻麻哋，湯同蝦肉都帶啲苦，加埋酥皮都幫助調味不大8. 鮮橙汁好飲，真係鮮榨

喺荃灣返工一排，間唔中都會去ikea，但平時冇留意，有日喺open rice搵食，先知原來荃灣嗰間都有餐廳，今日就同同事lunch 去試吓😂上到去，都好full，要搵位。見到menu 樣樣都唔算貴，咩都想試🤣揀咗1. 酸菜脆豬手2. 瑞典肉丸3. 炸雞翼4. 酥皮龍蝦湯5. Coffee豬手其實幾正宗歐式，好脆😚Ikea瑞典肉丸就一向都唔太差😂炸雞翼個人覺得細隻左少少，同埋唔算好脆。酥皮湯都一般，個feel 比較standard，龍蝦肉似蝦肉，同埋唔好expect好creamy。咖啡就真係冇option，自己落奶個D🙈Overall，依個價錢叫倒咁多嘢食其實okay，豬手一定會encore🤓如果咖啡機upgrade下會更好🙈

用餐時間：星期三下午，有點肚餓順便買熱狗。食物：IKEA熱狗味道中規中矩，沒有太大變化。調味：可自行添加茄汁與黃色芥辣醬，略增風味。口感：麵包與腸比例剛好，但整體味道偏基本。價格：$9一件，性價比尚可，適合快速充飢。總評：簡單快捷的小食，逛IKEA時可作小吃選擇，但味道沒有驚喜。

噚晚（24-12-2024 Tue）平安夜，同老公喺麥當勞輕食完，就嚟呢喥飲個熱湯，我哋嚟到時都好多人但仍有位，坐低後老公出去買嘢，之後佢打俾我，問我三文魚沙律同黑毛豬火腿無花果沙律，我揀後者。佢買咗返嚟，話冇晒酥皮湯，但就買埋$16.00嘅原味希臘乳酪。我哋先食$43.00嘅黑毛豬火腿沙律，睇張單，係黑毛豬松露火腿沙律，落咗芝麻沙律醬就食得。一食，就係鹹，蒜蓉多士粒已經有啲唔脆，黑毛豬火腿就只一片，完全食唔到松露味，沙律菜正常冇問題。上次食評係2024年10月20日刊登嘅呢篇：https://www.openrice.com/zh/hongkong/review/b-%E8%87%AA%E5%B7%B1%E9%85%8D%E6%96%B9%E5%98%85%E7%89%9B%E8%A7%92%E9%85%A5-e5735562

好耐冇上宜家餐廳食飯，今日叫個肉丸，個薯蓉完全冇味，外觀一坨爛泥咁水汪汪，點解質素差左咁多？慢煮牛腩未試過試下，肉係林但係好多筋咬好耐。真係唔敢再返上嚟食，係咪大廚換左人？

基本上呢只要IKEA一出新嘅口味雪糕，我就一定會去試一試，今期IKEA就出咗抹茶味嘅雪糕。我去咗自助售賣機度揀，原來抹茶雪糕有分2%嘅同埋8%嘅濃度，而我作為抹茶控，咁梗係揀8%濃度㗎啦。拎到雪糕上手，聞一聞都聞到好濃烈嘅抹茶味，一啖食落去，佢仲濃過我平時喺超市買嘅嗰支抹茶，奶味係有嘅，但係相對冇咁濃。如果你鍾意抹茶味重嘅，我相信呢個8%嘅應該都幾啱你口味。配合埋佢嗰個雪糕筒，成個感覺好夾，鍾意抹茶嘅快啲去試吓！

陪朋友去荃灣IKEA 睇傢俬，一去到話肚餓要醫肚咁就上七樓，一行四人狂風掃落葉一餐主菜各人叫一個酥皮忌廉湯，西冷牛扒，豬手酥皮湯最正，味道濃郁，又多料，食完已經飽咗一半，西冷牛扒就稍嫌熟咗少少，但幾有牛味，而豬手皮就有啲位置燒得過硬，但肉就好入味樣樣野獨立叫，想要邊樣就加邊樣，於是🤣🤣又三文魚沙律又肉丸串又意粉又腸仔又榴連批仲有甜品，四個人就坐六人位置，擺到成枱都係🤣🤣🤣未睇傢俬，每人$170，飽住個肚慢慢行了

噚日（19-10-2024 Sat）又要去宜家傢俬攞咖啡渣用，老公話喺喥食晏，咁佢買先 要咗：3. $16.00嘅蘑菇忌廉湯味道好夠，質地算杰身，唔錯。5分2. $15.00兩隻嘅脆炸雞全翼炸得脆嘅，但鹹咗啲，而肉質仍然係滑。4分1. $39.00嘅牛油果羽衣甘藍雖然唔鍾意食羽衣甘藍，但都要食菜，呢個都有啲士多啤梨同西柚，所有嘢都正常冇問題。3分4. $9.00嘅汽水／果味飲品任飲都係唔使評。食完我覺得可以再多啲，於是到我去買，就要咗：5. $53.00植物素威靈頓外形同裡面都做得好似，口感都係，個汁我只食到黑椒味，而薯菜都OK嘅。4分6. $9.00嘅經典牛角酥好期待，由於係冇餡同醬，就自己舀果子醬嚟蘸，切開一半睇，唔係呀？唔係一層層嘅酥，食落，冇乜牛油香，中間嘅其實就係麵包，貨不對版。個果子醬就依然好味。0.2分抵食係2.6分上次食評係2024年10月14日刊登嘅呢篇:https://www.openrice.com/zh/hongkong/review/b-size%E6%AD%A3%E5%B8%B8-e5727462

前日（12-10-2024 Sat）晏晝，又要同老公嚟宜家傢俬攞咖啡渣用，由於老公唔舒服，就地喺呢喥食埋嘢算啦，佢買咗：2. $15.00嘅D24榴槤批竟然有呢樣，我就即食先，睇見顏色好靚，冇炸過龍；食落，暖暖地，外面都脆，榴槤餡份量適中，味道唔太濃，包保冇人知食過榴槤。4分1. $9.00嘅蔬菜薯餅2件睇見size適中，食落，係有薯仔粒，口感正常，不過鹹咗啲。3.5分3. $10.00嘅雞軟骨雞肉丸串一串四粒，size正常，食落，有好多雞軟骨碎，脆得嚟彈牙，口感唔錯，不過又係鹹咗。3.5分4.-5. $16.00嘅希臘乳酪（原味）同$9.00嘅任斟汽水／果味飲品呢啲係來貨，唔評。環境：都係睇你坐到咩位，老公特登揀向牆高枱，因唔想攤開嘅咖啡渣影響到人，但嗰個位冷氣唔夠。抵食係2.8分上次食評係2024年8月27日刊登嘅呢篇：https://www.openrice.com/zh/hongkong/review/blue-%E5%94%94%E5%B9%B3-e5648967

大前日（24-8-2024 Sat）晏晝，同老公去宜家傢俬攞烘乾咗嘅咖啡渣用，都順便幫趁啦，我哋嚟到時都多人，搵咗位後，老公發辦去揀食咩，都幾耐吓，佢就買到嚟，有：3. $26.00嘅瑞典肉丸8粒宜家傢俬最經典莫過於瑞典肉丸，所以必食，見到佢嘅蘑菇醬唔少，成個味道正常溫和，口感鬆軟，唔錯，可惜嘅係老公冇自己落必配嘅茄醬。而其他配菜都正常冇問題。5分7. $36.00嘅酥皮龍蝦湯呢個係要等呼叫器叫，睇見酥皮顏色焗得唔夠深，但佢脆口，飲落係熱騰騰，味道唔太濃，質地都算杰身，蝦就有兩隻，爽口好味。4.5分4. $16.00嘅希臘乳酪（原味）原本抗拒食原味乳酪，原因係好難食，但呢隻竟然唔難食。1. $36.00嘅香草三文魚沙律份量唔多，食落，味道唔係好濃，醬我就覺得有wasabi，幾好味；沙律菜就新鮮冇問題。4分6. $18.00嘅蔬果果昔呢個應該係難飲嘅五青汁，唔知係咪有心理準備，飲落又唔難飲，可能青蘋果汁比例重啲。5. $9.90嘅水果果昔（蘋果及士多啤梨）呢個士多啤梨味重啲，我覺得唔好飲。2. $53.00嘅班尼廸蛋呢餐最貴嘅嘢係佢，睇見有兩件放上唔同食物嘅熱鬆餅同兩隻蛋，先cut開隻蛋

一直都好鐘意食開心果嘅野，挽挽下instagram見到ikea竟然出咗開心果味雪糕勁開心😍😍第二日即刻去咗食， 好多人食完個lunch都去咗排隊食所以都等咗一陣🤣個雪糕好大個幾蚊真係好抵👍👍 佢開心果味唔算濃所以都有啲失望，個味假假哋但唔算難食幾蚊黎講算唔錯啦另外亦叫咗個$16嘅焦糖爆谷，好！大！包！ 大包都閂唔到😂😂 味道非常好好食過戲院果啲仲要熱辣辣好正！攞咗返去比同事食個個都話好好食好有驚喜

最普通的食物 都可以咁好食雪糕有唔同嘅爆珠 仲有乳酸雪糕，真係好好食仲有好香嘅炸雞 又抵又好食今次要同大家分享啲好好食嘅小食啦！其實有時候，最普通嘅食物都可以帶嚟超滿足嘅味覺享受㗎。話說返雪糕啦，有一款真係好特別㗎，唔止口感順滑，仲加咗啲爆珠，每食一粒就有唔同嘅口味爆發，真係好驚喜㗎！另外仲有一款乳酸雪糕，酸酸甜甜嘅味道真係好回味㗎。整體嚟講，呢款雪糕真係好難抗拒㗎。再嚟講吓，我要推介一款超香嘅炸雞。佢唔止外脆內嫩，仲散發住一種勾引人嘅香氣㗎！每咬一口，都可以感受到肉質嘅鮮嫩多汁，而且脆皮嘅口感好難忘。呢款炸雞唔止好味，仲好香好香㗎！真係一道超級享受嘅料理。

半年前風魔一時嘅榴槤雪糕，唔知今年會唔會再有呢？當時每次行過ikea美食站都總會有一陣好強烈嘅榴槤香鍾意嘅就好鍾意，唔鍾意嘅就唔想行過嗰條路                                         雪糕都係普通軟雪糕，基本上冇乜特別，最主要都係份榴槤蓉第一波嘅時候去畀嘅份量真係好多，但係到之後第二輪第三類相比起就好少，就算加滿4球蓉都已經冇再蓋過雪糕但起碼係都真係畀一嚿新鮮嘅榴槤蓉                                                                                                                                                                                                                                                                                 

平時去宜家都係最多買雪糕食，今次見佢哋有豬手同肉丸就試吓， 賣相都好吸引味道都唔差， 如果速食餐未計都算唔錯， 依家嚟親呢度我都唔係諗住買家品都係諗住你食雪糕🍦🤣每次都好期待佢嘅新款雪糕🍦