宜家家居餐廳及咖啡室

營業中

休息中

豬脊骨意粉：豬脊骨有慢煮既感覺，醬汁夠特別，有少少香料味三文魚柳配蔬菜薯仔餅：三文魚柳無乜味，只係靠個汁先有味，蔬菜餅好味，芝士味十足！小食併盤：炸雞翼比較乾身，脆皮腸幾好，內裡有肉汁，薯格同粟米正常，無乜特別～價錢方面，只可以話係適中吧。

好耐無行宜家傢私,荃灣新開無幾耐，即管去行,竟然被佢地美吸引左,好平,又有賣相,打算坐底食個野再行,肉丸2O元有無咁底呀,食落味道又真係唔錯,雜菇7蚊係真架,重熱添,味道都唔錯雞亦加肉腸和炸薯塊,唔記得正確價錢,都好3O幾,雞亦炸得好乾身,但個肉腸因為大多食唔晒…白湯,熱辣辣又係7蚊,真係有咁底呢個我最鍾意既沙律,有煙三文魚,蝦,沙律菜再配酸酸甜甜既沙律汁,好開胃醒神,重有7蚊汽水無恨添飲,呢個晚餐13O左右兩個人食到飽晒,平民化西餐不一唔好,總括都OK

星期五晚全場爆滿，碰巧有兩個位便坐下吃晚飯。蔬菜薯餅，是最好味的，一個人吃了兩個。燒羊架，不過不失，有羊肉香。寶雲酥三文魚，有點腥。蘑菇班㦸，超級難食，蘑菇蓉與班戟皮完全不搭。瑞典肉丸，還是配紅莓醬好食。豬肋骨，燒汁惹味，有人負責切更好味。

荃灣IKEA第一次去IKEA食早餐，見到款款價格都幾抵，決定叫多幾款試下。我地叫左炸魚柳（$8）雞排（$7）炒雜菌（$5）炒蛋（$5）薯餅（$3）藍莓鬆餅（$10），共6款。除了薯餅和炸魚柳正常之外全部都幾難食，特別係雞排仲有雪藏味，炒蛋太老又硬又無味，藍莓鬆餅口感好差而且中間藍莓醬味道好怪。整體來說，今餐真係超級失望，下次黎都係食返肉丸好......______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether

自上年10月的荃灣分店開幕，一直想來這邊逛一逛，看看和沙田的店有何分別。首先停車場個人覺得荃灣這邊較為遜色，車位少且窄小，如果是自問技術不太好又駕駛較大型的私家車輛的，還是去沙田那邊到比較好吧餐廳較以前多了不少選擇，例西冷、豬肋骨等⋯但我還是保守選回平時點的「例牌」—涷蝦。ikea家的涷蝦真的好划算，一大盒的才$29元！蝦雖然偏小的，但是有蝦籽的，肉鮮甜，輕鬆就自己吃掉一盤。小食併盤雞翼腸仔薯格粟米$39，足料非常，三文魚沙律$33，那三文魚可不是小氣巴拉的小小一片，而是三分一只盤般大！但那碟長通粉是普通貨式，典型的白汁，不特別喜愛澱粉質的人，不點也罷。點了這些東西，才共$163大元，有魚有蝦有肉抵吖，來ikea買野真的要來餐廳吃，太划算了。

豬肶闊條麵：$39豬肶比較細，肉香嫩。好在麵多，夠飽。蕃茄汁不太酸幾好食。抵食！芝士炸魚薯條：本身不太喜歡芝士，但這炸魚的芝士不太多，好適中。炸得香脆。有埋他他醬，正！

我有食過瑞典菜架，咪就係IKEA囉😆😆😆！今次係第二次食咋，鬼叫港島區無開呢間餐廳咩⋯⋯個人認為IKEA好味、抵食又多選擇，就算一個人嚟食都可以好豐富，不過排隊買嘢食就要耐少少，成15分鐘呀！豬肋骨伴酸椰菜 $63 👍🏻👍🏻👍🏻===============好入味，大約有8條骨，不過個BBQ 醬比較咸，要嚟點脆薯塊係啱啱好，但椰菜就oh no喇！燒特級西冷 $63 👍🏻👍🏻👍🏻👍🏻👍🏻============呢個我超級推介，好味過好多四、五星酒店呀🤤！係啱啱見店員切緊，件肉呈粉紅色，入口更覺好味到難以形容，肉嫩多汁，邊位仲有少少香口嘅肥膏，加埋個蘑菇汁簡直perfect！蔬菜薯餅伴雜菌 $18 👍🏻👍🏻👍🏻👍🏻👍🏻===============西蘭花好好味，雖然打到碎混入香滑嘅薯蓉裡面，但西蘭花味非常突出，再加埋蘑菇汁，好味嘅配搭😋，值得推介！凍蝦 $29 👍🏻👍🏻👍🏻👍🏻=======蝦有蝦味，感覺新鮮一d都唔腥，仲要有好多膏，一盒起碼超過廿隻，唔食走寶😁藍莓紅莓芝士餠 $16 👍🏻👍🏻👍🏻===============出面少有用雙莓，酸酸地都幾好味，但紅莓可以少返dd，同埋餅身唔夠

尋日(5-5-2018 Sat)晏晝,同老公臨去深水埗前,佢話肚餓要食o野,經過o衣o家有好食肆中國染廠大廈睇,佢話不如去宜家傢俬食熱狗,我o地上到去最頂o個層,搵唔到食熱狗個位,求祁是但食住呢o度先啦.老公去揀o野食,佢揀o左:1. $4.00o既多穀麥包+$1.00o既藍莓果醬粒多穀麥包口感同味道都正常,冇問題.味道: 3分2. $10.00o既藍莓鬆餅呢個外面脆,但甜o左啲,內裡o既藍莓唔少,如果減啲甜會好完美.味道: 4分4. $15.00o既香草烤腿好細隻,外皮已經唔脆,內裡肉嫩多汁但唔多夠味.味道: 0.8分3. $10.00希臘乳酪(桃)+$2.00o既蜜糖老公話揀o野食時有介紹話加蜜糖會好食啲,所以佢就買埋蜜糖,加o左去食真係好食啲,不過乳酪本身都好似冇唔夠味,味道: 1分5. $7.00任斟任飲老公話有好多種選擇,佢第一杯係斟柑橘味冰綠茶,呢個係有汽o既, 有汽都唔緊要,但味道怪怪,唔單止飲唔到綠茶味,當佢係柑橘味汽水又唔好飲,失敗.味道: 0.5分然後我斟Pepsi light,冇問題啦,冇咁甜o既百事.有汽紅果子味飲品少少類似酸梅味飲品,一般.味道: 2分北歐風味

話說有一日我單拖呀女去宜家，平日無乜人，好彩有bb櫈， 食左小食拼盤$39 ，嘢食一般，勝在在得抖下。坐得耐好似多人呀女扭奶奶，最好係格離就係餵奶室，值得一讚，好方便

宜家傢私點解咁吸引，我相信賣點除左歐美式既傢私show room外，餐廳都功不可沒。瑞典凍蝦羽衣甘沙律，凍蝦爽口，醬汁酸酸甜甜好開胃。香烤豬仔脾伴闊條麵，豬仔脾肉質鬆軟，又夠晒入味，可惜闊條麵較硬身而且唔索汁，味道偏淡。脆朱古力杏仁餅，面層係朱古力，底層係杏仁餅，香脆可口，味道剛好唔會太甜。小龍蝦田園沙律，小龍蝦雖然明顯係雪藏貨，但肉質鮮甜，而且份量十足，配上微咸既黑魚子醬，平民價錢，貴族享受。香脆薯格，又係大大份，新鮮炸起夠香脆，抵食。

永遠都係咁多人捧場，但係又確實永遠都保持到質素的一間非一般快餐廳 ，不但食物款式多，而且環境及質素，都物超所值。一般的正餐已試過很多次 ，這天就專登大清早去試他的早餐 ，又是給我一個驚喜，不單止價錢大眾化，而且食物質素是水準之上， 環境又清靜寬敞，完全不像是在一間快餐店內用餐 ，最重要是可以因應自己的要求和口味， 自選配搭，豐儉由人 ，實在難得 ，唯一要批評的就只是那架餐車，可能地面同輪子不配合，在這清靜的環境推著餐車時聲響較大，需要注意和改善的地方就是這一點吧！

第一次試荃灣宜家家居既晚餐，臨食dinner前去食小食先，叫左宜家必食既肉丸如果再多點汁會比較好，同平時宜家既肉丸差不多！試左依個美味既甜品，第一次上棉花糖窩夫加朱古力醬，其實又真係好甜下入正題食晚飯了，叫左個小食拼盤食味野食都好味同好油，玉米冇味道但可中和返味重既薯格，雞翼，腸仔三文魚扒加薯蓉係好味加抵食耐唔耐先見到小見既半邊芝士龍蝦龍粉，味道幾香濃！雞肉肉丸呢......就麻麻，因一放落口咬時陣蘇嗅味........好難頂。

我番完個通宵收工後，個人真係會特別眼訓同肚餓！。。所於我決定食埋個早餐先番去瞓！至從荃灣開咗宜家傢私後，都冇正式上佢餐廳坐低食個飯或餐，我亦曾經睇過報導介紹過佢嘅豐富早餐所以決定揀去宜家食早餐！位置好近我公司，就係愉景新城隔離中染嘅8咪半樓上7樓餐廳，0800開始，咁早嘅時間人係唔多，而食物都幾多款式任你揀同配撘架！最平號Set 都只係$19加多$3就可以有任添飲嘅咖啡或奶茶！時間啱嘅都真係值得去享受下寧靜嘅早上。！

今天到愉景新城的嘉年華，順便在附近晚餐。知道這邊新開了ＩＫＥＡ，一家三口就在這家餐廳用膳吧！沿著扶手電梯來到七樓餐廳，好熱鬧好多人，就因為多人，感覺好迫，加上要等位，環境只是一般。如果在平日客人不多的時候，應該感覺會好好多。几經辛苦，終於等到座位了！然後等小米之父推著食物回來。　燒特級西冷配牛肝菌忌廉汁六十個大洋有大大塊牛扒，真超值。這是一大件牛肉烤焗後才切件，牛扒外圍較深色亦較老較硬，但中央依然可保持粉紅色。就因為外圍部份較硬，要跟牛脂一同品嚐，才可中和變老的牛肉纖維，帶出牛肉的肉味和牛脂的甘香。　來到中央粉紅色部份，也是剛剛變熟的，血水不多（肌紅蛋白不多）。這部份的肉質不太鬆軟，要增加咀嚼次數，也無太多牛肉味。　　幸好啡色牛肝菌忌廉汁味道不錯，伴著炸薯仔和蔬菜，真一流。享用完牛扒後，已經有几對眼睛在瞪著，即係怒啤。自己也不好意思再久坐了！還是快快離去吧！　誰叫這裡十份抵食！　全家晚餐只不過係百几蚊炸！　

十五蚊可以食啲乜?如果去茶餐室嘅話，唔好話凍飲，可能連一杯熱奶茶都飲唔到，喺街邊檔可以買串燒賣食，但都只限於小小食，但喺啱啱發現原來十五蚊喺呢度可以食到一碟燒鷄扒天使麵，仲要加埋有蕃茄醬，呢個價錢食呢碟鷄扒天使麵，真喺好似時光倒流十十十年，想講話雖然價錢超值，但係食物質素一啲都唔差，鷄扒有蜜糖味同埋夠熱，唔會凍冰冰咁，天使麵份量冇將貨就價，份量十足，除左蕃茄醬之外，仲有好多粟米粒，一邊食一邊覺得可以越食越健康。