宜家家居餐廳及咖啡室

營業中

休息中

可能近期在九龍灣的宜家傢俬餐廳食過一次, 所以好容易就可以作出一個對比: 荃灣不及九龍灣好味。<香烤豬仔髀伴闊意大利麵> 香烤豬仔髀好味, 係真係香、滑、嫩。值得讚! 汁都ok, 個面就好似唔及九龍灣咁好味, 好似未熟透。<香烤三文魚柳配薯蓉>呢個三文魚柳就唔及得九龍灣嘅好食物嘢。唔識點形容, 比較腥咗少少。另外九龍灣嗰邊有一個酸菜伴碟 , 嗰個酸菜好好味, 荃灣依邊係冇嘅。所以有距離、有分別。荃灣嘅冷氣溫度比較適中, 舒適。

宜家傢俬真係食極都唔厭, 每次行完宜家傢俬都會去佢嘅餐廳度食嘢。今次同男朋友去食~ 兩個人食，一人一個主菜加埋都唔使一百蚊。 佢啲質素都唔差嘅, 呢個價錢非常合理，仲可以話喺抵食~我地叫咗個三文魚柳配蔬菜薯餅同埋蝦串蘑菇闊條麵。 三文魚柳份量雖然少咗啲, 但勝在夠厚身，亦冇話煮得過熟。 因為三文魚柳好容易因為過熟而令到肉質變得好硬身好難食。蝦串闊條麵就麻麻哋。。 雖然都知道係雪藏嘅蝦，但個蝦串嘅雪味好重，味道帶酸，唔好食。 闊條面亦冇乜味道，冇汁。

Ikea期間限定伯爵茶雪糕🍦，作為茶控 係正公司附近又點可以唔試試佢呢食完午飯就捉埋飯腳們去，$4.5一杯抱住一試無妨心態，點知...好有驚喜！價錢抵不在話下啦，佢嘅質地唔會話太creamy, 爽爽的好有冰感。而且佢無我最唔鍾意嘅重奶味，淡淡嘅伯爵茶香唔會覺得好漏，絕對對得住個價錢有餘呀！如果可以用杯上就更加好，因為我個人麻麻地食甜筒姐，哈哈😂要襯住佢仲未完promo捉埋男友子去試試先，不過唔肯定係咪全部分店都有呢

由於我住荃灣，所以周不時都會去ikea行下同玩下，佢個food court都食過好多次，最期待就係佢嘅豬手，但係唔係成日都有，唔知佢邊日先有豬手食，所以耐唔耐經過要你望吓，有啊即刻晚餐就決定喺呢度食，佢個豬手好似係$68定係$78,仲要係脆皮，所以真係好抵食同埋好好食，但係真係有緣人先至食到，另外仲叫咗個招牌嘅肉丸，基本上次次都叫，仲有加多咗個Pizza全部食物都好食嘢，飲野就買一杯就無限任添唔買唔得啦。下次又唔知幾時先預到膽皮豬手啦！

今日行完IKEA都夜, 順便喺度醫埋肚閒日仍然全場爆滿 , 不過地方闊落都容易插到兩個位嘅! 門口買餐係自助形式, 將想食嘅餐放係tray推住車仔好方便.. 樣樣試下, 叫左 ⬇️新香炸黃金雞翼 $16香烤燒羊架配烤 $59薯蓉 $5三文魚柳伴蔬菜 $49龍蝦仔濃湯 $13奇異果汁 $13支總結: 所有野都水準以下, 大失所望首先三文魚超級難食 (雖然都知係雪藏), d肉好鞋, 個汁淡而無味, 加埋d豆同件蔬菜餅真係無哂食慾.. 雞翼中規中矩, 羊架一般過唔一般, 個薯蓉都好dry無薯味，明顯所有都係keep住常溫無驚喜 .. 價錢無疑係算經濟實惠, 但會唔會諗下改善食物水準來挽回食客信心 ?

今日又係荃灣啦, 荃灣開左ikea之後都未去行過, 今日想去買個矮櫃去門市摸下, 順道就係ikea食埋夜晚啦, 沙田果間就成日去食, 荃灣依間位都好多, 仲有好多立食位添, 食快餐企一陣都ok既叫左龍蝦仔湯同三文魚柳, 個湯都濃味, 唔會好似出面溝水咁, 三文魚不過不失叫左個羊架, 唔so都唔錯既, 薯蓉就要加$5, 少少貴啵仲叫左雞翼, 每次去ikea必叫牛肉球同雞翼居然今次唔記得左叫牛肉球 好似成餐少咁d野咁最後拎左枝kiwi juice 埋單$155, 依個價錢算係唔錯啦

-🦄Ikea-雜菜碗 Hkd5Rating🌕🌑🌑🌑🌑蘿蔔麥包 Hkd6Rating🌕🌕🌗🌑🌑朱古力軟雪糕 Hkd3Rating🌕🌕🌕🌗🌑-果然Ikea最多人係餐廳同小食站😂今次經過都冇特別話想食啲咩隨便買左幾樣野食🙈🍃🙈🍃雜菜碗雖然5蚊幾平下🧐但食得出佢係雪藏個啲蔬菜😠雪味真係好濃 蓋過左蔬菜味😺同埋都係啲青豆 蘿蔔 西蘭花咁因為係雪櫃拎出來既蔬菜再整返熱🔥🔥所以當然冇左蔬菜既鮮味之餘仲有股臭青草味🌱🌱🌱雖然我好愛食菜但我都頂唔順呢股臭青草味😂😂😂-然後佢個蘿蔔麥包係新鮮出爐架💥都幾大個既一個麥包🍞因為岩岩出爐既原因食落都鬆軟😳🤭不過係完全冇蘿蔔味架😀😀打撕開又會見到好細好細既橙色粒粒🥕🥕如果佢可以重返啲蘿蔔既甜味咁就更好喇-到最後最後落返去小食站個度就更加多人😂😂😂大部分人都係食雪糕同熱狗🌭️呢隻軟雪糕🍦其實都係第一次食其實都幾細支下😗😗😗😗有朱古力味但當然可以更濃啦但雪糕都幾軟滑 都不錯既😉-

雞肉丸: 我記得以前有香草在內, 而家無, 咸左D, 好普通, 配埋個薯茸, 其實已經是一餐, 都幾大碟蔬菜薯餅: 入面好多薯仔絲, 本身好淡, 要夾埋個磨菇汁食先好味道。芝士火腿PIZZA:  算薄, 又大塊, 但餅底林左, 如`果夠脆就正了, 好多CHEESE, 好多火腿, 但蕃茄汁唔夠。APPLE PIE: 好大舊, 多APPLE肉, 但好死實, 又無肉桂味, 麻麻。加左7蚊任飲, 蘋果綠茶正, 唔太甜又香, 金吉綠茶難飲, 梨子茶又係難飲, 紅莓汁就怪味

位於港鐵「荃灣站」以西的位置，除了有幾個委人屋苑之外，還有兩個大型的高級購物商場，其中一個是有名的「愉景新城」。至於另一個購物商場，則是在往「愉景新城」途中天橋旁邊新落成的商場「八咪半」。「八咪半」什麼咪多少咪，「咪」這一種距離單位叫法，是香港比較早期新界路牌經常都會用來標示距離，與「英里」同樣是以前的人做測量的時候，都會使用作計算距離的的一種量化名詞。「咪」這種叫法，我們現在有時坐車去到新界西，尤其是去到經過「青山公路」、「屯門公路」的時候，都還有機會見到有人用「多少咪」，「多少咪半」的距離定位叫法。「八咪半」相對於「愉景新城」，或許「八咪半」現在還是一個新落成，商舖設備還未做到十足完善的商場，不過有一類店舖「愉景新城」現在還未擁有，但是「八咪半」現在具備了的店舖，就是北歐大型傢俬品牌店舖「宜家傢俬」。「宜家傢俬」現在在香港，已經建立了不少分店，當中有些分店在店舖功能上，都附設了一種新功能，就是在店舖樓層內，另外設立了現代化的大型餐飲設備。至於位於荃灣新商場「八咪半」，新開張的北歐傢俬店「宜家傢俬」都不約而同地，在中間的七樓樓層內，新增了具餐飲服務的餐廳，名稱叫做「宜家家居餐廳及咖啡

好似好耐冇去Ikea 開餐了，正想由荃灣往港島，行過愉景新城路經八咪半，這裏的IKEA附設餐廳，正合時，有啲肚餓就去看看有什麼好吃。去到IKEA我必選的是瑞典肉丸，肉丸有幾好味我唔太清楚，但配了薯蓉 肉汁 和紅莓醬就非常之美味，以前醬汁是跟碟上，現在是去自助醬料區自己取自己所需的份量。當我正選擇瑞典海鮮沙律時，看左看右也看不到沙律醬，原來又是自己去取醬的。這個沙律 有好多非常新鮮的沙律菜，新鮮得清甜爽口，還有size細細鮮甜的蝦仔、成熟好味車厘茄、甜粟米、黑橄欖、熟雞蛋和煙三文魚等，有益健康又便宜。鱈魚柳伴闊條麵配番茄忌廉汁，魚身烘得太乾，麵的味道還可以。我還要了芒果汁，$13.00便有一瓶，其實其他的果汁也好飲，按個人喜好啦。

同爸爸去咗荃灣IKEA睇傢具，上去七樓食晏，巳經好耐無嚟IKEA食野啦~印象深刻喺呢度嘅肉丸，抵食之餘仲要幾有肉味！爸爸發板點野食，我負責搵位，好幸運見到有張吉枱，九秒九上前問旁邊嘅太太係咪無人坐，結果不費九牛二虎之力就霸到位✌今次爸爸竟然無叫到肉丸，真係令我大失所望爸爸話次次嚟都喺食肉丸，話不如試啲新野喎😒🍽香草三文魚沙律$33呢個前菜幾好，沙律菜配上酸酸甜甜嘅汁，刺激胃口🥣磨菇忌廉湯$13味道同金X罐頭湯好似，個湯唔熱，只喺暖暖地🍽小食拼盤$39呢份抵食之選有雞翼、薯角、蜜糖腸同甜粟米🌽雞翼整得好油，油到令立立爸爸就like腸仔🍝鱈魚柳伴闊條麵$39嘩~鱈魚柳好乾無味，差🥩香烤燒羊架 $58元羊架好韌，連續咬幾口都咬唔開雖然我知道以呢個價錢唔可能有咩要求，大部分嘅食物確實比以往我食開嘅差咗，再加上今次無叫肉丸，好似爭咗啲嘢咁，認真失望

今日朝早出開荃灣，得自己一個又要諗食咩晏好，不如就過Ikea搵食啦。可能因為今日係平日，又係晏晝時間，所以人流唔算太多，好輕易搵到位坐。今次一個人嗌左份小食拼盤，5粉肉丸再加一杯野飲。小食拼盤有脆薯塊、腸仔同埋雞翼，勝在咩都有d，份量都唔算少，其實食晒呢份都已經飽飽地。但係每次黎到Ikea 都忍唔住嗌份肉丸黎食，加埋份薯蓉，好似真係太over😛不過今日有d攰，食多少少滿足下自己個胃都係應該嘅🙊$58食到咁多野絕對係獨食ge抵食之選👍🏼

平日6時多，人還不太多，還有不少空位。沙律菜雪得太凍而且有點乾，雞肉沒有味道，要靠大量沙律醬調味。豬鞍挺軟熟，肉感不錯。芝士三文魚長通粉，茄汁同芝士味夠濃，可惜三文魚略為有點乾，而且跟芝士黏在一起口感偏硬。

今日放假 咁啱我妹妹都放假 見閒日d商場 應該唔會好多人決定去就近親子商場玩 但玩之前就要食飽先我地決定去ikea 7/F食今次叫左 兒童餐 ,鹹豬手 小食拼盤 &香草煙三文魚兒童餐$16啱晒小朋友食有肉丸子 有粟米 薯蓉仲可以有果汁 仲有蘋果仔款式眾多 又有營養不二之選鹹豬手$63d肉很林 個汁都好好味size可以 1-2個人食都夠d新薯都 有 2 個可惜個豬皮 太厚 好難切開香草煙三文魚$28個汁 酸溜溜 好開胃三文魚 一如以往咁正小食拼盤有薯格 蜜糖香腸 雞翼 粟米 都係食完好飽 尤其係 d香腸

今天總共幫襯咗宜家餐廳兩次。朝早仲見到有早餐 set 好抵食，但排隊排到我時啱啱過咗11點，冇得食。氣憤之下就叫咗一隻豬手做早餐。呢隻豬手嘅性價比真係冇得頂，63蚊有咁大隻豬手，仲要新鮮炸出嚟 ，皮脆內嫩。 配菜嘅酸菜嘅酸度啱啱好，而4粒薯仔大大粒，食到飽。下午嗰轉就只係叫咗個小食拼盤同埋蝦。 本來我唔係好食蝦，但係今朝同枱食嘅 family 4資料個人就叫足三碟。於是我心思思又試下。 其實啲蝦剝殼後都變到細細粒，肉都算鮮甜 ，但係最神奇之處就係每隻蝦都有大量嘅蝦籽。另外小食拼盤39蚊就有四隻雞翼，四條脆皮腸同一堆薯格，好抵食。住喺附近嘅朋友，真係可以用一個超平的價錢食到咁多美食，羨慕屎我了。