宜家家居餐廳及咖啡室

營業中

休息中

星期日的下午，同表姐去個九龍灣 Megabox幾層的大型宜家家居買傢俱，行到攰就見到宜家家居餐廳，這裡地方都幾大，而且還有枱櫈比客人行得攰時，選購食物，食下野、休息下。在我的記憶中，在我的中學時期只去過其他分店的宜家家居美食站，即是提供少量企的位置，選擇的食物種類也不多，最愛是食$5蚊雞熱狗。而這間的宜家家居餐廳，食物選擇比美食站還要多，例如沙律、栗米湯、牛扒、羊架、芝士蛋糕等等食物，所以我地行得到攰時，都想食返個下午茶。瑞典肉丸 ($20)，我地叫了十粒，肉丸是配合了牛肉和豬肉，配上了忌廉汁，使肉丸味道更香濃美味，另一邊配上紅果子醬，酸酸甜甜，份外開胃。而且有一球薯蓉，入口質感細滑，價錢相當抵食。三文魚焗芝士肉醬長通粉($39)，肉醬下有片熟了的三文魚，都幾豐富，蕃茄味好重同好多茄蓉，味道質素絕不會比出面餐廳遜色。

天氣吾好，最啱去室內，今日去咗九龍灣MegaBox 四樓的宜家家居，除了去睇下家庭用品和傢俬外，仲有免費的室內兒童遊戲室Småland，內裡放滿IKEA自家推出的玩具，包括煮飯仔、繪畫用品、火車、毛公仔;等等，不過今天主要係帶小朋友去個巨型波波池，可惜太遲去到冇得玩。最後去左餐廳食野，今次叫左芝士忌廉湯、瑞典肉丸（吾係好夠熱）、牛油餐包、藍莓紅莓芝士餅（有D酸），下午茶時間特別多人，等左5分鐘先有位坐低慢慢食。

Today is a #IKEA chill day for me! The megabox IKEA is one of hk's biggest. The furniture selection is wide and so is the food choices! You can get their famous $48 lamb rack here, and also other food that's so cheap it's mind blowing. The kid's menu is $26 and it comes with juice, five meat balls, mashed potato and an apple. (Yes I'm the kid here👧) The veggie balls comes with a generous dose of cream cheese, couscous and mixed vegetable tomato paste.I had a taste test regarding the juices as we

話說今日要陪阿肥嚟宜家傢俬買層板,咁就啱哂啦連食咩都唔洗諗喇!!!直接嚟宜家餐廳就可以品嚐北歐風味嘅平民自助餐喇 嚟親呢度食嘢嘅人都會好有秩序,首先拎架餐車去排隊拎食物盤,然後就會一邊跟住條隊前進一邊會見到食物,當你沿途見到自己想食嘅嘢就可以出手架喇。中途亦都會經過廚房,有其他熟食即時柯打,職員就會立即送上,揀選好哂最後就直接俾錢~搵個靚位就食得喇 今日我哋食嘅嘢唔算好多,不過都仍然夠飽,埋單都只係$100蚊,十分抵食!!!!! 1. 牛油餐包 $2蚊個 2. 一舊牛油 $1蚊 3. 甘荀忌廉湯 $13蚊一碗, 平時都鍾意飲龍蝦湯架,不過今日俾人"不"哂lu...之後試下呢個,都幾好味喎 4. 小食拼盤 $39蚊, 裡面有粟米,雞翼4隻,薯角,波波腸~好抵食^^ 5. 瑞典肉丸十粒 $20蚊,阿肥次次嚟都會食,佢太鍾意,呢度嘅肉丸有啲燒汁同埋薯蓉咁,又真係幾好味嘅 6. 蔬菜薯餅兩件 $15蚊,好正架呢個薯餅,又健康又香口,佢仲有千島醬提供,夠哂開胃 7. 朱古力榛子鬆餅 $10蚊個,呢個真係忍唔到手,見到就要拎,鬆餅好正,裡面啲榛子多到漏,甜點必愛我覺得宜家傢俬嘅餐廳部真係窮人恩物,

去開mega box 友人提議去ikea食🤤4個人叫左好多野食好豐富！先講橘子蝦沙律：橘子好甜啊～沙律都大份既，料都多，但好普通，汁又冇乜..咸豬手：好大舊，皮都炸得幾脆，啖啖肉！薯仔都ok 最喜歡食佢個酸菜！yumyum Mac and cheese：好多芝士🤤芝士控必食啊～仲有好多蕃茄仔，開胃～雞翼！尼個好驚喜，燒得好香，又唔會太乾身，食左4隻😋😋最後係必食既IKEA肉丸！真係又平又抵食，配埋個龍蝦汁好夾，如果可以再熱啲就好啦！薯餅：冇乜特別咁 食左一啖就冇食😂係個樣特別幾靚咁lolIkea放題，下次會再encore😉而且尼個地方好岩gathering 冇乜人理😂😂😂

近近地去左mega box的Ikea睇下家俬& 食野，個度D食物質素高，價錢又唔貴。今次同朋友點左酥炸咸豬手、小食拼盤、蔬菜薯餅同雞肉丸。酥炸咸豬手令人好驚喜，外脆內軟，成功鎖住肉汁，而且份量十足，再配搭伴碟嘅酸椰菜，完全可以擊敗出面的德國餐廳咸豬手, 重點呢碟咸豬手只係63蚊63蚊係63蚊, 每次出去食親都要180蚊-230蚊一隻咸豬手, 食到牙痛又心痛~~而小食拼盤就包括煙燻蜜糖腸、脆炸黃金雞翼、香辣薯角及甜粟米。呢個小食拼盤我幾乎每次都會叫，因為好味同咩都有得食~~接著嘅蔬菜薯餅都係我好鐘意食嘅，原因係蔬菜薯餅非常香口，蔬菜同薯仔好夾，仲帶有濃濃嘅牛油及芝士香，而伴碟嘅焗雜菌同牛肝菌汁令整道菜更吸引同好食。同時都適合素食者~~超級平的雞肉丸, 20蚊5顆配薯蓉, 好味, 有理由唔點的菜~~

去到megabox可能大家都會發覺野食既選擇真係唔係咁多，所以就造就左九龍灣ikea餐廳基本上係長期都咁多人。ikea餐廳好強調佢地來自瑞典，但係好老實講，我又唔係太分得出ikea瑞典菜同普通西餐有咩好大既分別喇。不過本人就真係無去過瑞典，呢方面就再去過瑞典既朋友去評價啦。先講環境其實都算係幾舒服，樓底好高，坐位之間既距離都合理。ikea身為一家賣居家用品既公司，其實都投放左唔少心思入去。例如，有個位置可以比小朋友放電既地方，家長可以食住野咁睇小朋友玩。又例如呢度既燈係款式係特別多，裝飾都係用ikea貨品為主。可以講，就算你食緊野都係佢地showroom裡面咁。係呢度係採用全自助既形式，睇左menu就排隊可以叫野食。而因為呢度係長期多人既關係，有時係覺得都幾混亂。而當日有啲廳盤就有啲食物碎係上面，明顯係清潔唔乾淨。香烤三文魚柳 - 疑似無烤過既三文魚，配以類似忌廉汁，蔬菜和薯容。首先個三文魚就都幾明顯係好鞋口，但係唔乾身。所以我覺得似係用水煮過頭，而且三文魚塊裡面除左三文魚味之外就無其他味道。忌廉汁就有啲甜配個無味既三文魚都可以。而蔬菜都應該無咩特別味道。薯容就不過不失，同平時食到既差

每次去mega box行街都一定要去Ikea食野，皆因食物質素高，價錢又唔貴。今次同朋友點左酥炸咸豬手、小食拼盤、蔬菜薯餅同兒童套餐。酥炸咸豬手令人喜出望外，外脆內軟，成功鎖住肉汁，而且份量十足，再配搭伴碟嘅酸椰菜，我同朋友都十分欣賞。至於小食拼盤就包括煙燻蜜糖腸、脆炸黃金雞翼、香辣薯角及甜粟米。呢個小食拼盤我幾乎每次都叫，因為食物款式多，而且整得好食，絕對老少咸宜。接著嘅蔬菜薯餅亦係我非常鐘意食嘅，原因係蔬菜薯餅非常香口，蔬菜同薯仔好夾，仲帶有濃濃嘅牛油及芝士香，而伴碟嘅焗雜菌同牛肝菌汁令整道菜更吸引同好食。最後就係包括5粒雞肉丸、粟米、薯蓉、蘋果同有機紅果子汁嘅兒童套餐。呢個兒童套餐有以上咁多種食物，都只係$16，所以非常抵食。雞肉丸加甜嘅紅桑子醬真係絕配，有機紅果子汁酸酸地好特別，出面好少機會飲到，值得一試。

IKEA 出名賣傢俬，價錢大眾化。但佢附設餐廳就更出名。野食荀之餘，仲全自助式，咖啡，汽水可以無限添飲，讚呀。今日約朋友嚟到吹吓水，點知人山人海，簡直係大眾飯堂，8點幾都坐無虛席。睇下我今日精讚: 羊架，肉丸，小龍蝦沙律，磨姑卷，超飽。我要推介係沙律，無得講，正呀，有橘子，火箭菜，紫椰菜，粟米，小龍蝦等等，重要係新鮮，粟米唔係罐頭，係新鮮粟米嚟，橘子清甜，七彩繽紛，顏色吸引，讓我喜出望外。至於，肉丸就唔駛講，稱得上首席菜式，加埋草莓醬，一絕。磨姑卷不過不失啦！最差竟然係羊架，好大層羊味，認真麻麻地。記得下次到IKEA 買野，不妨探訪下餐廳，或者有意外收獲。

其實我無事無幹都會去下ikea😂原因成日幻想自己屋企都會咁😂😂😂😂加上佢了大有埋餐廳可以食，megabox又多嘢行所以我都真係成日去嫁！不過平時最吸引我係佢個蔬菜餅，我自己都有買佢一盒盒冷藏返屋企整！今次試食佢個腸就覺得一般，鍾意食雞翼既我都覺得佢雞翼麻麻😂不過以價錢同質素我都會繼續幫襯嘅🙈但真係大推蔬菜餅！但其實夜晚去都難拎位，如果多人就可能要等等/企係到食，佢有啲企位！所以如果有小朋友嘅就可能要將就下🙈

星期日嘅Ikea可以話係人山人海，無論係餐廳定係商店都同樣多人。我地5：30左右到，諗住避咗下午茶同晚市嘅人潮，點知一樣係咁多人，搵個位都難。不過冇辦法，ikea係有魅力令你留低等到有位為止。小食拼盤($39)嚟到必食嘅野，雞翼同薯角保持一貫水準，依然咁好食。蜜糖腸個皮有d硬，可能係放耐咗嘅關係，不過味道係好食嘅。瑞士肉丸($20/10粒)肉丸同平時一樣好好食，薯蓉好滑，加埋個忌廉汁同紅莓醬可以話係絕配。蘑菇班戟($26)班戟皮包住滿滿嘅蘑菇餡，則邊淋咗龍蝦汁，龍蝦汁略嫌咸咗d，不過上面嘅乳酪同沙律菜可以中和番，所以都算好食。肉醬意粉味道一般，蕃茄味唔重同偏甜，唔係我鐘意食果種。蔬菜薯餅味道唔錯，食得出落咗唔少洋蔥，唔鐘意洋蔥嘅朋友仔要留意番。紅莓芝士蛋糕($16)莓味唔算重，唔會太酸，上面放咗好似 apple crumble嘅野，餅底有d散，不過都滿足到食甜品嘅慾望。有樣樣我想講好耐，其實ikea係用自助模式嘅，雖然繁忙時間會有職員幫手收盤，但係希望大家食完野都係自己放番去回收嘅車上面la。

有事要去九龍灣於是去ikea食下肉丸先，兩個人叫左好多野，薯餅、cheese cake（好好食）,核桃cake(唔好食），意粉、雞翼、肉丸同腸仔，本來以為食得哂點知食唔哂。

永遠一去MegaBox一定係食宜家傢俬 貪佢平！靚！正！肉丸係必嗌既 家下仲要果醬自己拎 最鍾意就係肉丸加果醬仲有薯蓉加果醬 真係又平又好食！不過汽水就不必啦 因為係冇氣既 真係冇氣架 任飲都冇用😂😂

■ 芒果新地筒 $4.5經過ikea見到新地筒唔係雲尼拿味就即刻買嚟試下～超出預期地好味道！質地係雪芭，超級透心涼 消暑恩物^_^ 味道酸酸 唔係平時食開麥記、雀巢個隻芒果味！$4.5有哩個質素又唔錯啵～

嚟過宜家傢俬嘅人都知道，佢嘅餐廳嘢食出名抵食夾大件 ，今次同朋友嚟行宜家傢俬，都唔例外，順便入嚟探訪一下呢間餐廳，呢間餐廳主要都係以自助形式，自己攞嘢食，跟住埋收銀俾錢。款式不定期變吓，今次就試吓佢個豬仔骨，肉丸一定係必點，雞翼只係幫手填飽個肚。第一次試豬仔骨，亦是最後一次，以後都唔會再試，因為佢嘅醬汁問題，太多都算，濃得嚟係唔好食，煙燻味太重，又酸，搞到完全食唔到豬仔骨嘅味道。肉丸保持一定水準，加埋紅苺醬，冇得輸。