宜家家居餐廳及咖啡室

營業中

休息中

(^▽^)九龍區之友又出發了~今次我地已經一早有曬目標要食ikea貪佢夠方便又唔太貴夜晚8點左右到，人唔算太多岩岩好揾到位開心我地4個人每人夾左100蚊最終拎到全架車滿曬都係三百三十蚊左右咋😋首先有肉丸~相信大家都耳熟能詳~個薯蓉係冇得輸😆之後有薯格我超鐘意!! Ikea嘅薯格好好食!!!!小食拼盤 有雞翼、腸、薯角、粟米😁菠菜薯餅雖然要差不多8蚊一舊，但真係捨得俾🤓有口感得黎，入面好似仲有芝士!正!烤雞E道菜反而有點失望醬汁不多，鷄肉好乾好“鞋”，而且冇咩味凍蝦細細隻可以一啖入口，加左嗰d醬更加好味最後，Ikea係一個唔錯嘅地方，多人黎可以食唔同種類嘅食物仲開心

今日第一站係九龍灣，九龍灣黎講大大小小的餐廳我都試過下，就係未試過去Ikea食，因為一直對佢無咩信心，明明係賣傢俬，點會變左做餐廳🧐🧐 女朋友仲話啲野食好好味，叫我一定要試下個肉丸😋😋今日女朋友約我係地鐵站等，德福商場有去megabox的免費shuttle bus，唔識行嘅可以去搭，等車唔算好耐。一入到去，心諗：嘩！洗唔洗咁多人呀？呢到係自助形式，好在排隊買野食都好快，五至十分鐘左右就有位。坐低就緊係相機食先啦😜😜叫左份小食拼盤（$39）同埋最出名的瑞典🇸🇪肉丸（10粒$20）煎炸小食本身幾油膩，但有個粟米中和返肉丸個汁出奇地香同濃，配薯蓉食就最啱仲叫左份香烤豬仔脾配闊條麵（$39），豬仔脾烤得好淋食到有香草味，同辣茄醬好夾

每次嚟mega box，我都鐘意嚟ikea食嘢。鐘意佢夠方便又抵食。自問係ikea肉丸super fan，每次起碼10粒先滿足到我，但今次唔記得點紅莓醬添！除咗10粒，仲有5或者15粒嘅選擇。至於薯蓉就無乜特別，通常都唔會點吃。呢知小食雜盤就好抵食，一共有雞翼x4、腸仔x4、薯角、粟米。雞翼煎到好香，腸仔外皮好脆又多汁，一碟滿足哂多個願望！3. 豬仔脾蕃茄意粉：呢款係ikea限時菜式，豬仔脾煮到非常之淋，啖啖肉呀，不會啲汁係就咁淋上去，意粉就無乜味啦

係九龍灣工業區返工,就緊係一定要同同事到megabox的IKEA餐廳食返個豐富的午餐啦,一到12點即刻係公司出發,去到IKEA緊係睇下有咩食啦,首先我地叫order左一個小食拼盤當中有4隻雞翼' 4條香腸'薯角加粟米 價錢都只係39蚊炸非常平民的價錢就可以食到唔同的食品,我地仲有叫左咸豬手,豬手的份量非常大隻,外皮香脆香口豬肉嫩滑又多汁,價錢$63,最係無人加$7就可以任飲氣水,IKEA真係係九龍灣工業區返工的人的平民食堂。

今日放假原本打算同侄仔去野餐，點知無端端落雨，所以就臨時轉活動地點附近既megabox一日遊。行行下就決定睇場戲，不過見仲有時間就黎左ikea食下野先。我一向都好鐘意黎ikea行，因為又有得行又有得食又有得玩。今日因為係平日所以都好少人黎食，平時成日都無位。今次就專登買左個兒童餐比侄仔，兒童餐都真係好抵，有肉丸、薯蓉、粟米、飲品同埋蘋果。而我就唔算好餓就叫左個小食薯格。兒童餐既野食最特別就係個肉丸，好入味好特別，係係ikea先食到，不過我侄仔最鐘意食粟米！但我最鐘意就係薯格，個薯格好脆好香口，而且份量都好多，做小食就最好。

帶女兒去MageBox逛街~最愛到Ikea搵食!!😜因為選擇都多, 加上價錢便宜!!室內餐廳人很多, 所以選了吃小食!今次竟然有新款雪糕!🍦豆腐花🍦味道!! 雪糕面有黃糖👍女兒請我試一口, 果真有豆味!我自己都另外叫都一杯給自己!!😋😋只是$4.5👏👏👏另外當然有點熱狗餐😝還有瑞士肉丸!熱辣辣超Yummy!!😝認真平價之選👍👍👍評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐⭐服務: ⭐⭐⭐

我地驚死唔夠食, 叫左2份主菜, 一個兒童餐。牛扒: 好大塊, 但好硬好乾好柴皮, 似煮得好硬GE 牛腩, 食左一啖唔想再食....焗三文魚: 上面有D 好似麵包碎GE野一齊焗, 煮得剛好, 加埋佢PAT 汁, 又幾好味, 可惜凍左, 仲要幾大舊, 唔錯。個南瓜蓉都OK, 甜甜地, 咸番D會好D。雞肉丸配薯蓉: 呢個是兒童餐, 有5-6粒雞肉丸, 無咩特別, 有D 似麥樂雞的質感, 只是唔係炸的, 同佢另一款豬肉丸差好遠, 果隻有香草香好多, 呢款平平無奇。另送一細包接骨木花汁, 又幾好飲。

黎到九龍灣行街，點都唔會錯過Ikea既美食。呢個美食就一定係肉丸。吸引之處：1. 自助式食堂，香港少有呢啲feel既餐廳。耐唔耐黎食下，幾過癮。2. 肉丸味道超好，一開始覺得果醬肉丸好奇怪。依家食到停唔到。果醬甜肉丸鹹，一齊就互補，味道好。3. 出左個雞翼腸仔粟米餐。第一次食，好有屋企自己整野食既感覺。味道好好，係呢個環境食更加覺得有家既味道。呢個真係Ikea獨有既吸引之處。地點遠左啲，megabox要再搭shuttle bus過黎。不過Ikea既食堂真係會上癮，耐唔耐就會黎食返餐。

約朋友出黎reu，又想食平dd，又唔想太頹，又想坐耐d，一定係揀Ikea。首先，瑞士肉丸同香辣雞翼是必order的。個肉丸配個醬一齊食真係好正個雞翼同薩利亞既雞翼其實好似，但Ikea既雞翼大隻d，所以食起黎爽d！我地order埋小食拼盤，其實有d多餘係我地叫多左haha最後食唔哂。因為唔想做大嘥鬼，所以加一蚊攞左個食物盒裝番屋企食。另外，個薯格好食，雖然我唔太食辣，但都接受到。個薯蓉都好好食會再約多次起Ikea食

宜家傢私啲熱狗汽水，羊架，雞翼，脆皮腸都好好味，就唯獨是呢個香烤三文魚，難食到喊，干到擦子膠咁，點汁又難食， 真係點汁又死，唔點汁又死。九龍灣分店既宜家傢私有位坐，就照住平時既買法，首先你攞車仔，經過雪櫃，然後到熱食，你可以同佢講想食乜。今次我就點左香烤三文魚，呢碟有一條三文魚配上黃色荷蘭汁，然後側邊仲有薯蓉雜菜，＄49。就響排隊嘅時候，見到人拎住香烤三文魚，以為好好食，好多肉，會好嫩，好juicy，點知原來係伏，又乾又鞋，我點佢啲茄汁都放唔入口啊，干過煲湯豬肉。

為左睇平價3D英雄片，大量人潮湧入emax，我都唔例外。 睇完戲唔想餐廳等位等咁耐，一於行遠少少去mega box搵食啦。 對IKEA小食部既入味雞翼念念不忘，久違地黎到4樓，估唔到位置偏僻唔近地鐵站，假日都人頭湧湧。 全場滿座又冇職員安排既情況下，惟有鎖定就快用餐完畢既餐台，呆滯地企係旁邊等人食完，大約廿分鐘後先有位，即刻分頭霸位同落單。咸豬手伴酸椰菜 ($63)大大隻豬手外皮焗得透薄香脆，豬肉入味又嫩滑，完全冇筋，輕輕一切就可以分拆為一梳梳肉，質素媲美正式既西餐廳，好有驚喜。$63相信係我咁多年黎見過最低既價錢，出品亦冇將貨就價，即使推高價錢一倍有多都唔會有投訴，難怪每一台都必叫。燒全雞伴雜菜 ($89)等位個時見人地食全雞，一手撕隻雞脾出黎好開心，於是都叫左一隻。 雞肉嫩滑啖啖肉，好欣賞呢個價位依然選用較大尺寸既雞而唔係春雞，性價比幾高。 老實講，味道係似外國超市熟食區賣既烤雞，調味偏咸同埋分佈唔太平均，令雞翼過咸而雞胸冇乜味，不過點下自取既芥末醬即時好食百倍。 味道不過不失，抵食係真既。蔬菜薯餅伴焗雜菌 ($18)維持一貫水準，薯仔同西蘭花碎獨有既蔬菜香味完美交融，點埋crea

每次到九龍灣睇戲，都會食ikea呀!因為真係好平好抵食 ，啱曬我呢啲貧友每次必吃的小食拼盤。兩個人食啱啱好腸仔 4條，雞翼4隻，仲有薯角同粟米 ， 雖然雞翼有啲炸過頭， 但咁多嘢食， 都只係39蚊，仲想點呀另外試咗佢嘅新嘢芝士魚柳 買嘅時候冇留意到原來跟闊條麵， 好抵呀 魚柳炸得啱啱好，裏面包住芝士，但芝士味就唔太濃， 唔講都唔知道係芝士，不過都有加分位，舊魚食落辣辣地 至於闊條面，我本身唔中食闊條麵， 所以對佢都唔可以好客觀咁去評分， 闊條麵真係太厚， 加上無咩味，即使撈咗啲白汁都好淡，呢方面真係稍為遜色另外，見到有綠茶雪糕！ 綠茶控嘅我即時買返過嚟先啦！ 我個人唔係太鍾意，因為 綠茶味唔係好重而且係偏甜，奶味較重，所以我自己就覺得普通試下就好！！

唔係成日去megabox, 通常都係去睇戲，所以睇戲前後有時間呢都可以係再食個light dinner IKEA餐廳嘅weekend應該都難免人頭湧湧（好多一家大細👨‍👨‍👧‍👦👨‍👨‍👧），因為食物有質素 好味特黎，性價比高，價錢又抵，用餐環境都唔差。排隊買嘢嘢食你係要自己拎嘢食，之後再去搵位坐嘅，我覺得佢裝嘢食tray嗰個車仔好得意，又方便食客。嘢飲都係比錢之後拎個杯自己去部機倒嘅，有啲嘢飲仲可以無限refill tim 食完野呢都要自己去執返d手尾，我覺得好北歐風，自己serve自己，如果啲錢慳返可以令到食物價錢keep住咁抵，真係唔錯。

入夜後的九龍灣工業區, 上班族落晒班以後就變得水靜河飛, 甚至有點變得似死城。講真, 平日的megabox, 由實惠直至戲院 果幾層的餐廳定價都不甚親民, 對係食物鍊底下掙扎求存的工廠打工仔黎講性價比更是十分之低。所以如果要係megabox 搵對於我黎講係性價比高的食物, 首推唔係區區都有的ikea。係既, 你可以話ikea 都無咩食物唔係雪藏食物, 但有時有小肚餓只係想解解口痕, 20蚊呢10粒肉球又真係殺得過,平均都只係2蚊1粒, 成本我諗總高過街邊D 麵粉溝魚肉掛~而且又有一球薯蓉, 醬又任落, 性價比係幾高!

宜家家俬熱狗餐又抵又好食就係人都知，成日幫襯既我今次係第一次食佢間cafe。以前中學係銅鑼灣，所以成日經過宜家家俬都會幫襯佢既熱狗餐。$10一杯汽水+熱狗真係好抵，而且又好食。但可惜銅鑼灣無宜家家俬cafe，所以一直都未有機會試佢cafe d食物。今日因爲要去九龍灣溜冰，所以就有機會黎試喇！見到個menu有芝士焗龍蝦配扁意粉，都仲要只係$59，覺得真係好抵， 所以就毫不猶疑就叫左。黎到見到隻龍蝦其實都唔細，雖然個殼其實都佔左一半，但我覺得都對得住呢個價錢。個芝士都唔會期望係好重芝士味，係正正常常d普通餐廳既味道。蘋果批真心不得了，好足料咬落好多蘋果，而且係清清地甜甜地既蘋果味。重點係個蘋果批只係$14，性價比超高。總括而言，其實以呢個價錢黎講，真係幾抵。食物質素又唔差，雖然係自助形式，無咩服務可言，但都係因爲咁，價錢先可以做到咁相宜。最後，都係要再提下個蘋果批真係好正！