宜家家居美食站

營業中

休息中

一直都諗唔明點解ikea會諗到開間cafe, 而且仲有冇得坐嘅企位快食區 每次去親ikea買野，就好想食佢嘅魚蛋，熱狗同汽水今次因為係填肚，同埋買嘢為主！所以就簡簡單單買咗個熱狗餐，有熱狗同埋可樂任飲 超級抵！冇記錯係$10咋真係平到傻咗🤣熱狗都好特別，腸仔就唔係用粗嘅腸仔，漿料就自由配搭，我係mustard同ketchup都係大量放喺熱狗上面😋 如果唔係就會好dry 超級好味，但係有啲狼狽，因為佢冇碟呀等等工具，有時個口唔夠大一啖食落去，就會可能整污糟件衫 腸仔超級彈牙，外面皮好脆！麵包唔會好硬，真係熱狗包嘅質地，好正，雖然未去到正宗熱狗咁好味，但係呢個價錢來講，性價比超高！飲品任refill已經好抵，所以我就冇再refill, 但係呢個優惠真係好吸引人

因為頭先餐lunch 貴貴地，都唔係叫o左好多o野食，食得麻麻地飽only，所以我地立即搵下場。全香港十大最抵食餐廳，ikea 小賣部一定榜中有名，適逢我地o係開銅鑼灣區，即係衝去食！呢度無得坐，只有企位。好多人幫襯，而且o個個位好狹窄，排隊俾錢條line 只有一個人身位，跟住就係通道俾人買完o野出o黎，但同時d 自助汽水機同埋一d 長檯企位都o係埋o個度，場面好墟磡，但大家基本上都好守秩序。見到個咁o既價錢牌，仲唔兩眼發亮！﹖一隻熱狗配汽水，或者一舊玉桂卷配埋咖啡先至$10，講緊o野飲仲可以無限添飲！本來我想試下佢個玉桂卷咖啡，尤其佢標榜隻咖啡有個乜乜乜認證，好似好勁咁，但只提供熱飲，咁天氣咁熱唔會啦~ 所以最後叫o左熱狗。隻熱狗ok o既，唔會話好好食，因為佢首先唔夠熱，同埋隻包唔夠軟熟，不過呢個價錢o黎講都已經係好好。長檯o個度有得自己落醬，我茄汁同mustard 都要落！飲品就隨你斟隨你溝，除o左可樂檸茶o個d 之外，佢promo 緊一系列「北歐風味果味飲品」。諗住ikea 瑞典品牌實無死，我貪心試o左一隻呢d 北歐果汁。嘩呢個唔多掂，佢話係個減糖配方，但同水無分別，完全飲唔到

幾乎每次經過ikea都會去買野食個人最鐘意食肉丸 啲汁加埋果醬 個味好特別好開胃 必食！熱狗個包又夠鬆軟 中間夾住腸仔 可以自己去加醬 我會加芥茉醬👍🏻👍🏻不會太咸而且好抵食又好味🤤

銅鑼灣有很多不同的美食選擇，有時候想吃一點小食，但又不想吃魚蛋燒賣？！你可以到柏寧酒店的IKEA Bistro。這兒逢星期一至五的12:00-14:00都會大排長龍，原因是附近有著名女校的學生會來這兒吃午飯，始終銅鑼灣物價高昂，當然也有不少「打工仔」捧場。這次試了新食品雞肉洋蔥圈，吃不到洋蔥味，但滿滿的「肉感」。素菜丸配蕃茄田園沙律，沙律有點帶酸，幾新清新，很適合夏天吃。素菜丸有點黏喉，應該是有薯仔泥。最後，都有點經典肉丸，但不知為何沒有了紅色的醬，少了一點味道。

係銅鑼灣附近翻工， 當然可以成日食到附近既好野食啦！今日都唔例外我地收工餓餓地揀左ikea 食下依下肚仔！不過我地實在太遲去啦 有好多野想食既去到都無左了雞翼，雞脾，蔬菜薯餅個d都無哂不過好好彩，我最愛既肉丸個有唷！！即刻啦啦臨買黎食啦good而間係自己加紅莓醬既嘻嘻嘻，緊係加得愈多愈好啦！ 汁都係最點之一有埋薯蓉or 意粉就更加正了而個$10蚊3條，價錢便宜！但味道我覺得比起其他而個有點點鹹！下次真係要早小小黎先得啦

宜家傢俬美食站一直都以平同好食吸引左好多人去排隊，適逢今日去開銅鑼灣，有少少肚餓又唔知食咩好，所以就去左宜家傢俬打算食到飽。熱狗呢，就係普通包加條脆皮腸，脆皮腸係幾好味既，但話超級好味就太over啦。佢勝在夠平，十蚊包埋汽水，重要無限添飲，但淨係一個熱狗，都未夠我塞牙縫，所以我地又叫左雞比，西蘭花薯餅，蓮藕餅，煙燻腸同埋宜家傢俬最出名既肉丸。只可以話係一餐好味既，唔健康既下午茶。但係偶爾一餐，又幾嘆。

每次在銅鑼灣都會想食啲平價小食，所以係睇戲之前就去咗ikea食返過嘢打底，主要都係掛住佢個meat ball，個醬汁真係世界級，唔會太稠密但又做到掛汁嘅功能，肉丸紮實唔再話，仲係粒粒都好平均。每次都食雞脾同埋腸，都係必食三寶，雞脾真係我最愛嘅食物，啲蜜糖味真係好香又好夠甜。跟著近排仲推出咗個豆腐花味雪糕，先4.5咋，真係唔食唔得，加咗啲黃糖真係又幾似食緊豆腐花。素菜丸真係唔好去試，因為試完會好憎ikea，所以食返普通meat ball會好啲。

路過食個tea,,,,讀書時常食的熱狗，抱住懷念心態再黎食因不是間間ikea都有熱狗但味道不同了，不知道係以前我要求底，還是現在將價就貨，記得N年前係$9個熱狗現在$10跟飲品，反而更平了？有改進的是以為茄汁係樽裝，容易Bi到成檯都係，，現在加茄汁好像雪糕機似的，很干淨可惜我不會再幫襯了，不是因為食物，不是因為要自助而是有段小插曲，我Order 了熱狗餐+小食比飛後職員只給了熱狗，然後走開了拿小食，於是我自行拿杯，行去拎小食正想開口問時，職員搶先開口“喂，你單點，我無比杯你做咩自己拎呀,攞反黎啦“講到我好似偷野甘好心佢啦，我都拎個杯佢睇，仲要非繁忙時間，更何況幾蚊雞呃黎做咩先，張飛又俾左佢要佢拎反黎我先check到，當時廢事為幾錢check黎check去，我無講咩就離開，後來我check8達通record,再計反條數，的確只收了單點費，雖然我比錢時無睇單都有責任，但職員可用好多方法解決，而佢用了最差的方法，好簡單，佢拎反張單同我講，你叫左單點，補吾補錢加野飲？效果已經好好多囉，都係一句

春夏交替換季執屋大行動，總免不了行下宜家家私簡單布置下，呢排興窩居宅急便嘛，講求減廢，斷捨離🙀。無論系搵到筍野定清左垃圾，心情都糸咁好，胃口又好左，見到宜家門口塞滿買野食的顧客，我們忍不住湊下熱鬧。真系好抵食，10蚊一個熱狗汽水餐，汽水仲可以無限添飲。真系好方便來行家私的朋友。排隊交錢之後就會比個杯，拎住個杯就可以自助添加汽水，好多款汽水可以揀，每款都可以試。熱狗🌭️包新鮮滾熱辣，品質不錯，面包鬆軟，熱狗外脆內軟，好香。鐘意添加醬汁的，仲可以自助添茄醬同芥辣醬。

IKEA - 對好多人嚟講係賣傢俬嘅地方, 但對於我嚟講, 佢就等於有平野食 唔知幾時開始, 經過呢頭無論餓定唔餓, 都總係想入嚟買返個熱狗set十蚊雞, 就有踏實熱狗一隻, 蕃汁 & 芥末醬任你唧, 可樂又任你飲, 成個銅鑼灣重有咩小食貼地得過佢? 我諗唔到囉😎當然抵食嘅野就一定係多人, 唯一令我卻步嘅就係每次嚟到都有長長嘅人龍, 真心建議IKEA實施派籌制度, 與其個個企曬喺度等野食, 不如將等嘅時間用嚟入去行下, 話唔定唔覺意又洗左錢呢

12時許，閒日的中午，在灣仔找東西吃，其實是極難的事😨。無論哪個地方，都充滿辦公室一族，看見春園街，無論金鳳，定還是麻甩的餐廳，都有人在外面排隊等位，就知道麻煩了。一直由米線店，走到去鵝頸橋街市，那間牛雜店就更加誇張，午間的時候，由一邊門口排隊排到另一邊門口🙄。結果越走越遠，沒有辦法之下，就到了宜家傢俬。宜家傢俬小食部，原來熱狗有齋買，還有包飲料餐。包飲料的話，只售＄10 ，還可以汽水自由斟。記得汽水自由斟，在我們這一脫人，以往7-11的汽水真的叫做自由斟，但是往往就是限制斟🚫，不可以添飲。宜家傢俬的汽水就讓我們重回往日的感覺，汽水可以添飲，除了百事七喜，還有其他北歐汽水等等。但是站在宜家傢俬哪兒立食的長枱，感覺不太自在。店內亦見到不少辦公室一族，站着吃熱狗、喝汽水，因為其實而家的熱狗都有點兒乾，不喝點東西，確是難以下咽。但是，看到旁邊的男子，吃一口熱狗又喝一口汽水，囫圇吞棗，感覺就像小林尊再勁食大賽吃熱狗一樣，實在難過。$10熱狗🌭️汽水🥤，麵包較乾，腸外皮脆，味道不錯，但麵包乾需要多加醬汁或喝東西。

Ikea是一家非常之平民化的西餐廳 不但有有名的瑞士肉丸 還有10元便 能夠換取的汽水和熱狗 是一個不錯的下午茶選擇 也是草根階層的福音 雖然他是一間家具的銷售點 可是食物質素也不容忽視 非常推介 尤其是貧窮的香港市民門 雖然他不是什麼名貴食材可是營養分配也十分充足

佢個名叫熱狗，$7單售，$10跟汽水，算唔算平呢？大家一齊研究下😁 麵包~$0.5，腸仔~$1，茄汁 & 芥末 $0.3 。 假設熱狗成本大概 $2，咁到底每日要賣幾多條，先可以 cover 到銅鑼灣嘅租金，水電 & 人工呢🤑？ 當然除咗腸仔包，仲有一串産品 up sell 比你啦~低價是策略，的確吸引了不少人， 逛完宜家，去完維園， 唔肚餓都要隊返個，好似係行街呢個儀式嘅一部份 😆😆 成功打造 慣性消費 🤑🤑其實 $7 到底買到乜？！ 雖然仲有麵包店賣緊$5 一個腸仔包，但真的不多了。 跟家俬一樣， mass production, 就可以做到貫徹始終的價廉物美， 至於好唔好食 errrrr... 😅😅😅 #hungermarch #飢詩 #非飢詩

宜家今日去維園行工展會，明知有排行，入去前，當然要醫飽個肚先啦，否則真係冇力行。一到銅鑼灣，已經見到九十幾萬人行來行去，想搵啲嘢食都好難，一係要同好多人爭買嘢⋯⋯好想叫救命。突然想起，有間小店又平又有秩序咁排隊買嘢㗎喎⋯⋯heee就係宜家嘅小店啦⋯⋯熱狗，又平又好食，條腸又長，好多人都知。推介指數：6/10汽水，解渴就最啱，任飮㗎，怕甜可選綠茶。推介指數：8/10雞肶，香草味重，雞肉冇乜味，調味唔得。推介指數：5/10爆谷，甜味，好味。推介指數：6/10

今日行行吓去咗IKEA買嘢食!好耐冇食過肉丸同雞翼啦！個雞翼加左價$12蚊3隻，$9蚊肉丸，但係多咗好多菜式！仲有啲肉醬意粉！ 19蚊份！ 仲見到好多人食！同埋雞髀啊😍😍肚餓嗰陣落嚟食一食！真係快活過神仙!😂😂