宜家家居美食站

營業中

休息中

ikea 經常推出限定美食，今次主題係配合返新年，所以推出d中式野，但d 食物都好有質素，😌行完維園年宵 餓餓地最好行過去幫襯埋，還掂都係幾步之遙，又平靚正😋期間限定去到2月21號--------食物：1️⃣蔥肉餡餅 $8層皮唔係中式包咁軟，係真係硬硬地，真係餅咁，但未至於咬唔開蔥味唔係幾食到，無搶到d 肉味，算係幾多肉，好多肉汁，夠油香，但其實食落幾似菜肉包2️⃣椰汁紫米露 $13一畀你既時侯溫度岩岩好暖暖地，可以唔使等依家即刻食糖水好少地方仲賣依d 價錢，雖然平，但都算有份量，個size係咖啡咁大杯濃杰度岩岩好，唔會淡到好似水咁有好香既椰汁味，紫米都煮到岩岩好，唔會過硬食埋依個都飽飽地，因為紫米都幾飽肚總結：其實都幾驚喜，因為原本無諗住係好食，以為會中伏，但個餡餅竟然幾好食，個紫米露都唔錯，大家可以一戰--------環境：銅鑼灣ikea需要立食，企位唔係好夠，加上維園年宵關係都幾逼，如果想食就要逼下，或者揀其他ikea食

行行吓街突然間好肚餓就入咗去IKEA叫咗個蔬菜薯餅其實唔好睇人龍好長 啲staff做嘢好快手所以前前後後可能都係用咗10分鐘時間去攞個薯餅薯餅都係一貫嘅好食。最鍾意加埋其他啲番茄醬街辣醬 一口一啖 $8 來講真係無可挑剔本來嗰日仲想試吓糯米雞 不過好快賣晒luuu 仲多咗啲新menu 下次要試吓先

宜家家居嘅熱狗餐有幾出名，我就唔洗講啦，咁點解我仲要出post？———————————————-———————————————-———————————————-——————— ———————————————- ⭐️⭐️⭐️重點係走塑超級友善！⭐️⭐️⭐️———————————————-———————————————-———————————————-———————————————-———————熱狗餐($10)🌭🥤平時就咁買，除左有隻熱狗，仲會俾隻紙杯你，我見到咁，以前會淨叫熱狗就算，但其實IKEA係走在香港環保企業嘅尖端！有汽果汁係可以自攜杯嫁！而且即棄用品都係會收埋入櫃筒，所以好少會見到有人用飲管，就算真係用，都只會提供紙飲管☺️☺️如果多d餐廳都可以咁容易走塑就好啦❤️Lunch Time排隊都幾長龍，不過店員都好快手，消龍都消得好快~

📍宜家傢俬（銅鑼灣）肉丸 8/10 $10@5呢度嘅肉丸係必食 伴埋甜甜酸酸嘅紅莓醬汁 一次過食兩盒都冇問題🤤-蜜糖腸 8/10 $10@3好鍾意食脆皮嘅腸仔 呢隻腸仔非常之有肉地 咬落去非常有滿足感😍-今日嘅主角🔱香草雞髀 9.5/10 $15當三隻雞翼都係賣緊$12嘅時候 就會覺得呢隻雞髀非常之抵啦 一開始以為可能佢係微溫 點知道原來係熱辣辣㗎 係熱嘅成件事已經加晒分😍😍佢咬落去好多汁 勁滑🤤 一唔小心又encore左多隻👅

紫薯新地筒 🍠🍦.HK $4.5.紫薯新地筒雪糕質感五算軟滑，有冰感🍦雪糕有淡淡嘅紫薯味，味道偏甜，筒脆身。.紫薯新地筒供應至1月24日，想試嘅朋友要快啦！.IKEA 美食站

瑞士出名既肉丸，ikea整得都算有特色，無拆自己招牌。齋食肉丸既話會有d膩，但加上獨特醬汁再配埋酸酸甜甜既紅莓醬，就變得十分開胃，令人食極唔停。同時性價比都高，一個人食曬10粒點都夠飽。

食ikea已經變左嚟銅鑼灣行街嘅指定動作之一， 皆因呢到價廉物美，款式又多，就算唔肚餓我都行過附近都會特登走落嚟嚟買d小食食下， 我今次就揀咗食菠菜薯餅，雖然每次嚟到ikea都人山人海， 但職員處理顧客嘅效率都好快手，話咁快就畀完錢拎埋番薯餅啦， 同出面一般嘅炸薯餅唔同，因為呢到d蔬菜薯餅係煎嘅所以食落去嘅明顯比較少油份， 而且健康有益真係識多幾塊都唔怕熱氣, 薯仔同蔬菜嘅味道好夾，唔知係落左牛油好香牛油味好好食

收工過嚟銅鑼灣做facial，得半個鐘頭時間，要快手食嘢。於是就諗起宜家家居嘅小食亭，六點半入到去，小食亭企位超級多人。不過排隊買嘢食就相當之快，我點左一個素菜薄餅同蜜糖烤雞腿。店員開頭比錯咗另一款餡餅當係素菜薄餅咁俾我咁，我同佢講話我係叫素菜薄餅喎，佢態度好好，即刻望返張單，然後就比我。企位度好彩有一個空位，素菜薄餅味道冇乜特別，不過唔講呢其實就食唔出佢其實係素材囉，會以為佢係肉嘅Pizza，但食落凍凍地應該係焗起一段時間。嗰個蜜糖雞腿反而有驚喜呀！蜜糖雞腿暖暖嘅肉汁好甜，又好嫩滑，所以我會再過嚟食！

貴精不貴多的模範我只要經過銅鑼灣，碰巧肚子餓又未到吃正餐時候，我都會先去IKEA走一趟，不為什麼，就是為了他家的肉丸、蜜糖腸、熱狗、還有雞翼，雖然只有那麼幾樣小吃，而且份量也不多，但是貴精不貴多，價廉物美，性價比高又好吃。肉丸配上他家獨有，酸酸的草莓醬和鮮甜的肉丸汁，真是讓你欲罷不能；蜜糖腸皮脆肉嫩，淡淡的甜味，就算不用醬也依然回味無窮；熱狗和雞翼都是大件抵吃的，味道一般但勝在性價比高。唯一美中不足，可能IKEA的食物，性價比真的是太高，所以導致很多人排隊購買，你要有心理準備，未必有位置可供站立進食，而當你找到位置，可能枱面卻佈滿醬汁和紙盒等，甚是不雅。

Ikea小食站新出伯爵茶雪糕✨ 都幾受歡迎，第一次閒日夜晚七點幾去買已經話冇哂，要第二次閒日下晝去先有😌 其實賣四個半一杯都唔會期待佢又香又滑，個質感又係好似唔夠奶咁沙沙地嘅感覺，而且都幾甜，有茶香已經係萬幸，經過嘅話可以一試，專登去試就唔洗喇😛

Sat night 去開cwb 開yoga，學之前想搵D野填下肚但又唔想食太飽，就黎左ikea，貪佢D小食又平又多野簡!望左一輪餐牌，最後嗌左香草雞脾同蔬菜薯餅~<香草雞脾> $15大大隻香草雞脾15蚊，真系好抵食!  一聞好香的香草味，咬落D肉都好滑好JUICY! 推介!!! IKEA雞脾高質過唔小茶記，真心推!!!<蔬菜薯餅>$8好香牛油同薯仔味，有細細粒洋蔥同西蘭花系薯餅裛面，$8雞但完全無偷工減料，黎開CWB唔系太肚餓的話醫肚首選

宜家家俬而家已經改名叫做而家家居。呢度就好似一個主題樂園一樣，可以足夠一家大細消磨大半日，里面應有盡有，有唔同家俬用具，廚房用品兒童的區域，仲有今日嘅重點........美食站，可以填飽個肚再繼續行街。而且價格相宜。好似呢個大大隻嘅熱狗，配大大杯汽水，只需要10蚊，汽水仲可以飲完再飲。蜜糖腸仔非常美味，12蚊3條。大大隻，啖啖肉嘅大雞髀。只係15蚊。咁多樣野加埋先37蚊，但已經可以食到你飽飽啦講翻正題其實由於家中的掛牆鐘無故壞了，我嚟呢度嘅目的是買個新的掛牆鐘。非常抵玩19.9，廿蚊都唔駛。

星期5同男朋友放工食飯, 佢食唔飽, 所以陪左佢黎IKEA買野食, 今次冇叫最出名既肉丸,叫左香草雞脾, 大大隻15蚊都幾抵! 仲見到差唔多個個都拎住一隻黎食TIM!叫左一隻大家SHARE, 咬落D肉都幾滑幾JUICY!同埋好有香草味, 難怪咁多人叫! 不過因為地方極細,冇位坐之餘 搵個企位都有難度, 所以如果唔係買D就咁可以拎住黎食野既, 都幾唔方便架。

每當諗唔到食咩菜式嘅時候都會選擇去ikea~無論想狂叫野食食飽都唔傷荷包，定想食啲輕量小食都冇問題！買左呢個煙三文魚沙律。 佢大大片嘅肥美煙三文魚鋪喺上面真係好吸引！平時喺出面食個煙三文魚沙律要成百蚊，宜家賣$33 係超值。 煙三文魚都幾有厚度，上面鋪滿香草。 顏色有光澤，睇落油脂都幾豐富。咬落去好有滿足感。 味道唔會過鹹或者聞落好重煙燻味咁 。 除左沙律菜，仲配搭左一舊檸檬。吱檸檬汁落個煙三文魚可以去除魚腥味，亦都會冇咁油膩。 加左啲檸檬香嘅煙三文魚味道層次更加豐富。沙律醬類似芥末醬同tartar醬混合，淋少少落個菜度已經好夠，我比較中意落少啲醬，但個醬喺好食嘅。 沙律菜嘅份量方面有啲少，亦唔算太新鮮，有進步空間。

宜家家居的小食店不嬲又好食又便宜一到假日就逼爆每次經過都會口痕想食熱狗單買一個熱狗7元，連飲品10元。小食店內有提供熱狗醬料俾你任加，分別有番茄汁、芥末醬、紅果醬飲品口味可揀百事、蘋果綠茶、七喜、沙士汽水或佢一啲北歐口味的汽水。任你添加。試過佢啲北歐口味的汽水，覺得好一般。喝蘋果綠茶最穩陣。而紅果醬配佢款丸都好好食，醬料同丸仲可以落去宜家家居間瑞典小食店買番屋企繼續正。另外佢隻雞脾望上去都好肥美，下次要試下至得。