定食 Doraya (駱克道)

營業中

休息中

妹妹最近無咁忙, 叫佢帶我去試吓呢間食吞拿魚生飯, 因為未試過!香蔥吞拿魚蓉飯定食 - 好一般, 蔥味蓋過吞拿魚鮮味!蔥吞拿魚扒飯定食 - 妹妹有食剩, 可能食過伊藤, 呢度真係好一般! 三文魚刺身 - 新鮮, 但欠缺三文魚鮮味!不過呢個價錢都算合理! 啲姐姐都幾好, 唔駛叫都好密咁加茶!

星期五晚七點幾同男朋友去左 - 定食 doraya o都幾爆, 好彩剛剛有位o D野食保持水準, 難怪相隔一個星期我又去食多次o男朋友點左牛肉定食, 而我點左蔥粒吞拿魚扒定食, 及涼拌豆腐牛肉定食就真係麻麻, 男朋友話有D似吉野家牛肉飯, 可能唔係間店強項掛 至於蔥粒吞拿魚扒定食有90分, 同幾年前一樣咁好食而涼拌豆腐都ok, 水準一舨啦可能間店太細, 店員見所有檯面食物食完會立即清理, 有少少催迫感o

同事今日帶我黎呢間食....(一直都想試呢間)看見門口寫著 "日本吞拿魚專門店"一直只愛吃三文魚...今日試試吞拿魚...同事首先選了蔥吞拿魚定食...我選了很久才決定藍鰭吞拿魚扒定食 $98 值得一讚侍應...因為唔食得黑椒...問侍應...佢話可以走黑椒...good~ 吞拿魚大大粒...底面都稍為煎過...加了不少蔥粒...首先試了比較熟的吞拿魚粒....真係有入口即溶ge 感覺....yo~~~第一次有呢d 口感...而食一些中間比較生的...反而麻麻....但overall $98...都幾抵呢....會再試其他定食的!!!

今晚又再去食人氣店--- 定食 doraya一個人食, 唔會覺得異相, 因為店內有兩個西裝友同我一樣, 一個人睇完餐牌, 覺得最吸引我的, 係個三文魚子海贍刺身飯, 一客一百五十蚊, 有一碟煎蛋, 同一碟前菜, 今晚既前菜係白烚小唐菜, 不過係完全無味的講返個刺身飯, 海贍好肥美, 一半係海瞻, 一半係大大粒的三文魚子, 每粒都漲卜卜, 又多汁, 真係好好食最近去了好多次, 覺得每次客人的數量好像次比次多, 係or 的威力?

主打藍鰭吞拿魚這店子的名字很久便聽過兼經過很多次﹐但這次幫襯還是第一次。 店鋪位置附近的店鋪不到六時已關門﹐令店外沒有什麼燈光照明﹐店外亦沒有復天蓋地的宣傳﹐也沒有貼上任何名人兼飲食雜誌的贊文﹐但偏偏有一堆站在店們前的人在排隊。進店後﹐發覺店內環境很細﹐只有五張四人枱﹐全場只能供二十人坐﹐如人數不到四位一定要與其他顧客搭枱。食物款式有多種不同藍鰭吞拿魚﹐海膽﹐三文魚子﹐熟食及各種不同種類的刺身及壽司。這次既然尊程來到這裡﹐那當然要試試藍鰭吞拿魚的質素和比較與過往吃過的吞拿魚有什麼過之而無不及另那麼多食客對他一試難忘。 是晚點了藍鰭吞拿魚扒定食及藍鰭吞拿魚拼銀魚仔定食。藍鰭吞拿魚扒定食 $98 - 吞拿魚大概有十片﹐底面稍為煎過﹐在魚塊上面有少許蔥粒另賣相吸引些。 藍鰭吞拿肉質咬落鬆軟﹐如要找與過往所吃過吞拿魚的不同﹐便就是藍鰭吞拿沒有普通吞拿那麼多筋﹐但味道吃不到有什麼不同﹐淡淡而無味。雖然名字是魚扒﹐但吞拿魚亦不見得很厚身。藍鰭吞拿魚拼銀魚仔定食 $88 - 吞拿魚切粒放在銀魚及大量木魚絲上。這碗飯的藍鰭吞拿魚味道與吞拿魚扒不一樣。 吞拿魚扒淡而無味﹐但這粒切吞拿魚味道帶有些少酸味﹐

新鮮的刺身, 呢度永遠冇令我失望.反而係男友必食既黑毛牛賣晒(晚上8點幾咋)!我叫左赤身定食($110),只有5件四四方方既吞拿魚(好珍貴...太少了!),冇根, 少少血, 配新鮮磨wasabi及醬油, 十個好味...煎玉子2件, 好味~青瓜又有醋味又帶dd麻油味唔知想點, 怪, 酸~小黃瓜ok, 紫色果d唔知叫咩, 冇食~麵豉湯, 有海帶及豆腐, 超好味, 撈飯好好味~一碗飯, 係珍珠米.男友結果叫左燒雞扒定食,係雞脾扒呢~ 個飯有汁,定食配菜如上, 結果好似冇乜送, 好快食晒...service ok, 會主動加茶.舖很小, 食完就走...

跟openrice 的介紹去到這間叫 doraya 的日式便當食, 舖仔細細, 只得唔夠廿個位結果係, 要等位 不過我份人無咩所謂, 只要好食, 等吓又何妨, 我信得過openrice, 餐廳推介介紹的幾間餐廳, 我試過都幾好, 包括呢間叫左份三文魚子拚海膽定食, 要百五蚊一客, 不過好食又有咩所謂! 點解好食? 一碗魚生飯比成百幾粒粒粒都塞滿三文魚油的三文魚子同肥都都的海膽肉 cover 住, 個中的滋味, 係好難用筆墨形容得哂, 只可以講, 三文魚子真係好正, 而doraya 的三文魚子因為夠鮮, 所以更加正!定食仲有一碟雞蛋, 一碟前菜同一碗麵屎湯跟, 特別要提雞蛋十分之可口美味, 千其唔好唔食, 因為真係好嘥!食完好滿足咁走, 多謝 openrice 提供如此好的餐廳

最近日本壽司的戰爭已經進入白熱化, 價錢減到你唔信的階段, 無他, 太多壽司店了, 供過於求, 自然市場要調節啦連doraya都有壽司賣了, 從or 找到這間推介食市, 令沒有主意的我, 跟女朋友二人撐枱腳去我吃了山芋蓉吞拿魚飯定食, 跟女友share, 再加帶子, 海膽, 三文魚壽司各兩件山芋的味道, 不很明顯, 像淡淡的味, 但吞拿魚就有濃厚魚脂鮮味, 加上紫菜絲, 吃得我津津有味, 吞拿魚專用的醬油, 味道不會太濃, 用上吞拿魚身, 味道合適壽司的味道一般, 不過材料好新鮮, 像海膽, 很鮮甜推介的餐廳, 沒有失禮, 讓我滿足的吃的好, 大家不妨跟or 的推介試試

見到openrice的網站推介定食 Doraya, 今晚就同女友去食幾個月前嚟食過個藍鰭吞拿魚定食, 覺得味道幾好, 不過食完之後都無醒起呢間舖, 哈哈, 唔係推介都唔會去食呢原來定食doraya都開左分店係九龍, 不過今次都係食番銅鑼灣店, 新推出壽司, 一件件咁叫, 好令我可以食吞拿魚定食之餘, 可以食吓其他種類的魚生! 講番個吞拿魚飯, 今次比上次更好食, 因為有魚脂的香味, 上次覺得無今次魚味咁重, 都係有八至九塊大大塊的吞拿魚, 真係食到夠皮兩塊甜蛋好軟熟, 係食碗飯之外, 味覺上的另一個享受, 係呢度食有去左築地食魚生飯的感覺呢

13號開OT,老細資助我們一班人食晚餐,就到呢間想試好耐專食吞拿魚的日本餐廳自己叫了一個藍鰭吞拿魚定食,外加4件壽司藍鰭吞拿魚飯跟期待中一樣正,連我這個本時不食吞拿魚的人也覺得好吃,魚肉很鮮,沒有腥味,最重要係咬下去並不是像平時係超市買那些刺身一舊舊脂肪的感覺,而係真係食到魚肉2件三文魚壽司口感OK,收貨腐皮壽司同蛋(我唔紀得個正式叫法)壽司都幾好食服務態度很好,肯俾我們呢班麻煩友睇返個點菜紙慢慢計返D錢(因為余數要aa制下次有機會再來試其他吞拿魚定食食完先醒起要影張相留念. . . .

本身小弟係壽司癡一名, 愛吃壽司, 魚生飯已經去到很高的境界定食doraya係一個我愛去的地方, 其藍鰭吞拿魚肉質鮮美, 有魚脂香味, 況且一碗壽司飯有十多片刺身, 感覺上已經很抵, 一定唔會食得唔滿足今次再去, 發現除了魚生飯外, 仲有壽司叫, 那麼就不怕只吃吞拿魚飯不夠喉, 但不能要多一碗的尷尬場面, 不過最好味始終只有吞拿魚飯, 我特別喜歡吃旁邊的酸薑, doraya的酸薑味道幾好, 一塊酸薑疊一塊吞拿魚來吃, 一流享受!三文魚子粒粒都好多汁, 夠腥夠肥, 手卷的做法令我食過真要返尋味

銅鑼灣店的定食 Doraya, 對上一次去食已經係三個月前的事今次去食, 有埋壽司食, 上次就只有魚生飯, 特別鍾意食藍鯨吞拿魚生定食, 魚脂味香濃, 材料新鮮勁好味!今次散叫壽司食, 三文魚子, 海膽手卷各一, 三文魚子好多粒, 粒粒都漲卜卜, 好正, 但包住壽司的紫菜就完全唔掂, 唔脆仲咬唔斷, 拖泥帶水咁, 點食, 但d魚子真係多又好食, 好矛盾!帶子壽司, 赤貝, 吞拿魚係一件件叫, 因為材料出色, 所以都無問題仲加個薯仔煮牛肉, 都幾好味但係下次一定食番魚生飯, 覺得壽司佢做得唔夠好!

尋日同朋友落銅鑼灣, 夜晚就去o左定食doraya食價錢方面如果係魚生類, 都要百幾蚊一份, 雖然知道靚魚生料係差唔多價錢, 但今晚食海膽之類私興趣不大, 只係叫o左個天婦羅炸蝦定食雖然係刺身店, 不過天婦羅做得不錯, 每件炸物都好可口, 最大原因係一o的油都無, 炸物都夠脆 (又唔係得個脆字同好厚o個種) 特別鍾意食舊番薯天婦羅, 好好味配菜個煎蛋做得好高水準呢, 而煮白菜就淡o的, 無咩特別麵豉湯味道幾好, 唔係得個咸字唔食魚生, 都可以食到幾好味的食物, doraya都可以話值得大家幫襯!

跟家人來這吃晚飯，因上次吃過TST店的吞拿魚，覺得好美味，便再叫家人來試！四個人每人叫一個餐1．極上藍鰭吞拿魚腩定食，吞拿魚腩不多，只有七片，但油脂分佈均勻，咬下口很滑，很香，但沒有入口即溶的感覺。2．吞拿魚扒定食，微微煎過，由於很厚身，很有口感。煎蛋沒有甜味，還好有蛋味。3．山芋蓉定食，姐姐說這個有益，吞拿魚下有白白的山芋黏住D飯。其實味道很輕，都被吞拿魚蓋過。4．泡菜定食，太辣了，我吃不下！但有人說很惹味。5．另外叫多一底海膽，很新鮮和有海水味，但這品種跟在唐戶市場吃的一樣，有一股怪味。鄰座有日本人吃飯，不知他覺得如何呢？環境有D逼，坐得不太舒服

聽說藍鰭吞拿魚快要絕種了... 因為人類吃的太多... 有天去了定食 Doraya 吃午餐。雖然午市有些什麼刺身飯等定食, 但第一次來到吞拿魚專門店, 又怎能不吃其招牌 - 藍鰭吞拿魚扒定食 ($98 + 10%)。好在早到, 因為坐坐下都接近滿座。典型日式小店格局, 不過侍應乃清一色老銅/旺角 look 妹妹仔。玉子蛋卷太甜, 比較堅實; 麵豉湯淡味, 前菜是黃芽白菇菇, 也是淡淡的。吞拿魚有很多件, 伴以大量蔥花, 看樣子還不錯。魚肉尚算嫣紅肥美, 而且只下了很少的胡椒已足夠提味, 可是裡面吃到有筋啊 ~~ 飯是珍珠米, 份量也夠多, 女生吃一定飽。 還有甜品炸大判燒半件 (原價 $10 一件), 有黑餡 和白餡 , 我被分配到的是白餡。大判燒給炸過後, 外皮是硬硬的, 還是新鮮燒起的好吃; 餡料卻是比較甜了。為了保護吞拿魚, 有機會來的時候也許不會再吃牠了, 今次的算是 borderline fail, 姑且收起哭臉, 下次試別的東西 (炸雞?) 再行定奪。