定食 Doraya (駱克道)

營業中

休息中

有時好掛住日本，或者做野好攰，想獎勵下自己daraya定食就會喺個腦浮現呢度本身都出晒名，食飯時間都一定會有龍以我個人經歷一般都要等30-45分鐘食物質素幾好，所有刺身都係厚切食落去質地係結實🤤，唔係水汪汪或者薄ee嘅頹魚睇圖就明三文魚好正唔太肥唔太瘦呑拿魚拖羅蓉通常我食一兩啖就會用黎撈晒落個飯度三文魚籽好大粒，又鮮味粒粒都好脆口勁正 睇圖都好想食帆立貝橫切左都有咁厚就知堅野黎三文魚呢次更靠近腩位，所以食野一定要要睇運氣😂最重要嘅愛將: 燒藍鰭吞拿魚😍😍😍炙燒過嘅表面加深左魚味嘅層次外面香、入面鮮，再點埋個芝麻豉油，真係不得了😱成個定食黎講預算約200或以上有湯、漬物、煮物小砵同玉子燒或茶碗蒸食得飽食物質素幾好但扣分位係坐位比較逼夾，出入要好小心碰撞另外，有時食完會口渴，唔知係因為豉油定係有味精店員服務態度唔係超親切，但都唔係差keep住會幫客人斟茶有錢又口痕就會再黎食

Doraya出名食自選刺身丼，有唔少選擇，價錢唔算太離譜，最緊要係有得自己配搭，一定啱口味 自選丼最少要揀三樣，可以重複嗌。呢度食物質素唔錯，幾新鮮，而且份量唔少。自選丼仲跟個味噌湯、玉子卷同一兩碟蔬菜，個玉子卷幾好味。要特別推介香燒藍鮨吞拿魚片，黎到一定要叫起碼一份！燒得好香之餘又唔會蓋過左入面生嗰部份啲味。另外想介紹下季節限定嘅秋刀魚刺身丼，係由原條秋刀魚切成厚片，撈蔥撈飯簡直一流 不過就要等秋季先有得食喇。不過呢度舖位好細，枱同枱好近，D位好窄，坐得一D都唔舒服，基本上坐低食完就唔想再繼續坐。冬天又厚褸又拎住袋咁真係會好迫。但為左食呢度嘅丼都要犠牲少少

今次第五次幫襯, 魚生一直都keep住厚切，新鮮既標準 但要預返時間去等位，分分鍾一等等半個鍾，12點開門，基本上12點15分已經爆滿，要等下一輪差不多12點半後才有人離座但絕對值得的! (價錢)午餐時段食主菜單的是有點不捨，但如果你食過佢既丼，你會覺得都值了，另有lunch set可選，最平六十幾蚊一個定食都有，但lunch set 內容可能會感覺不夠滿足感!比目魚火炙後入口即融，大腩就不用說了，食完有啲想喊出黎但今次我食到tuna有根，店員好似聽到我講，佢提左我 : 如果唔鍾意有根，下次我可以要求冇根，但冇根既位置可能冇咁肥美,好難決擇! 咁岩我同事食個碗是冇根，對比上圖的確冇咁肥美!赤身tuna 平少少，但我寧願比多30蚊食大腩總結，試過都返唔到轉頭，如果以咁既質素，配這價錢算是值了!

之前都有係尖沙咀食過晚餐。今日就黎銅鑼灣試下個lunch set, 有驚喜啊咁黎得doraya 就梗係食吞拿魚啦叫左個 藍鰭吞拿魚大腩小丼吞拿魚好新鮮 $130 黎講性價比真係好高仲有個烏冬同茶蒸碗雖然另外兩樣都一般 個蛋唔夠滑 個烏冬有啲太林 同埋啲配菜唔太好食但總既黎講都係又抵食又飽肚🥰

去完日本又好掛住魚生，所以突登揀間魚生丼食。不過間舖頭好細間，好彩早啲黎食，岩岩唔洗等位。menu有好多選擇，或者可以自由配搭魚生，我就揀左三文魚，中拖羅，同埋海膽。啲魚生好厚切，啖啖肉，三文魚同中拖羅味道都好新鮮。海膽就一般般冇乜特別。啲飯又唔會太林太硬，又夠醋味，好食。唔算太貴我覺得幾值得食。

已經係第三次黎，收工後7點前到，同朋友共3位都要等大概20分鐘，還好天氣不算太凍。入座後，見到牆上有貼期間限定即刻睇睇，見到有鯖魚嘅魚生飯，之前只在日本食過一次，通常都食熟嘅鯖魚，實在少食魚生，決定一試！同其他餐一樣，都會跟燉蛋，小菜同麵豉湯鯖魚厚切，不吝嗇，大約8塊，對我黎講非常足夠口味軟嫩，唔會有雪藏味，非必要點豉油，已經有本身的酸甜味，唔會腥，加分另外同行友人點了比較大路的刺身，一如既往的鮮甜

🍣自選魚生飯 - 4年忠實粉絲推介💯Set入面包括有 - 丼飯 / 前菜 / 玉子燒或茶碗蒸 / 醃蘿蔔 / 味噌湯或+$10升級蜆湯-魚生飯我一直死忠最愛doraya佢地店最岀名係各種呑拿魚部位大腩 中腩 赤身 呑拿魚扒 呑拿魚蓉🤤比好多其他香港地方呑拿魚更新鮮 大腩油花夠 入口即溶🤤個人最愛呑拿魚扒 4邊燒過再配甜甜地眼魚扒汁 佢地店獨有 我超中意😭.自選另一私心推介 - 甜蝦他他🦐甜蝦整成蝦蓉 其他地方比較少見😍甜蝦嘅鮮甜味撈飯 真係每啖都好幸福.另外我經常都會叫三文魚 貪佢大大塊夠厚切油甘魚 帶子 海膽 都係我致愛🤤❤️.如果唔想自選咁選擇困難 可以直接叫佢嘅set男朋友每次都叫溫泉蛋呑拿魚蓉飯另外仲有各種海膽嘅魚生飯set 都好熱門🥰.呢間店嘅價錢唔係最平 但一定係性價比最高💯👌🏻因為係廚師朋友推介 2014年開始食到依加不設訂座 就算我熟客都要排隊我放咁多張相出嚟只係冰山一角 咁多年來真係食過好多次數不清亦都介紹咗好多朋友食❤️

成日行過都見到要排隊今日見到冇人排終於俾我等到機會喇 🤤🤤🤤 開心 💕真系好想試 😆身邊的他特別喜歡點較少人會點的喜出望外 😳 好好好好食 少少熟 加埋佢秘製醬油令到吞拿魚嘅味道 更濃厚 🤤 食到同吞拿魚刺身顯然兩種不同的味道🤤濃厚的吞拿魚味令到我食完一舊接一舊差不多食左他半個餐 😝這是永遠格離飯香的我 還是他太懂選菜 🤤日本蒸水蛋 & 麵豉湯,, 不過不失啦 😁我點的這個也不錯 😊本來今日想食中拖羅嘅可惜佢冇🙈赤身一樣新鮮 ~輕輕燒過嘅平目魚 鎖住魚香同魚油 🤤非常肥美 🤤期待下一次 冇人排隊的機會 🤣

數數手指，呢間魚生飯已經光顧了很多次了，每一次都保持到水準，真心激讚，每次食完都想大喊：真係好好食！美中不足是真係座位數量不多，每次都要門外取籌排隊，但我願意，哈！🌟韓風泡菜藍鰭吞拿魚飯定食🌟$128自從食完第一次之後，自此每次來到都必定再點的其中一個定食，他們調配的味道，泡菜與吞拿魚很夾，不知道怎樣做到的，相信自己都無可能做得到，還有淡淡的芝麻油香味，真係好好食！🌟香蔥伴藍鰭吞拿魚魚腩蓉飯定食🌟$135吞拿魚腩蓉飯，配wasabi 加豉油，感覺就好像食緊一個吞拿魚魚蓉壽司的加大版，相當滿足，wasabi還可以叫店員再refill 他們亦相當友善呢呢碟雞球亦係必食的，炸粉不是很厚的麵粉，是薄薄的一層，一點也不油膩還配有熱茶，熱茶的溫度不是暖的，是keep住熱，店員忙之際，還不忘為客人加添熱茶呢，淨靠這一點，已經大大加分了！教我如何不愛這間魚生飯小店呢，真心讚

光顧這家主打吞拿魚魚生的餐廳已有多年，因為鋪面細，只有大約20個座位，一般晚餐都需要等一段時間才可入坐。 所以我多半午餐來，視乎運氣，一般一至兩個人都不太需要等待。是日午飯來到這裡，剛好有一張吉枱，因此不用等位。Lunch set 選擇有(好似)大概9款迷李魚生飯，2款熱食，價錢大概$78-$130。每款午市定食包一碗凍/熱烏冬，茶碗蒸，小食。 我點了藍鯨吞拿魚蓉飯定食（$88），下單後不消數分鐘已送到面前。 魚蓉新鮮好味，其他配食都不過不失。以價錢來說，性價比算是不錯。最後，不知是否因為此店”唔憂做”，服務質素每況愈下，黑面，表現不耐煩的情況常有，在這家售賣日式料理的餐廳，千萬不要expect service.

十多年前第一次去Doraya, 記得當時選擇好少，主打都係吞拿魚⋯當日友人想食日本刺身丼，去銅鑼灣行咗幾間，友人揀咗入Doraya, 小店同當年一樣，坐位並唔多，不過menu選擇比當年多咗。我一心想食海膽，誰不知一order, 店員先講當日無海膽，有點失落，又要我再諗食咩🤦🏻‍♀️友人叫咗火燒平目魚藍鰭吞拿魚大腩丼，而我叫咗油甘魚吞拿魚丼。和友人交換咗d刺身魚試一下，火燒平目魚充滿魚油魚香，但我覺得徧腍。我的油甘魚0k，新鮮。但吞拿魚，我的吞拿魚比較韌，有d筋。但友人的吞拿魚就無筋易咬口。

好少係香港食魚生飯 因為通常都唔太新鮮而且d飯好難食 如果好食果d又好貴 不過依間既魚生飯算幾好食 飯都唔會太軟 海膽一般 但油甘魚同吞拿魚蓉都好味既 個湯好飲 二百幾蚊唔算太貴

Long wait, but worth it if you can find a place to get a drink nearby. The tuna was super fresh, and although it may seem a tad pricy at first its actually a great deal considering you get soup and some other little side dishes and the portion size is fair. The restaurant is super small so be prepared for a wait or get there early. We also ordered the cheesecake for dessert, which was good, but minuscule in portion size! The one slice was the size of a finger!

話說平時朋友都好少過海，今日難得要過海聽talk 充實自己，順手黎個業內交流，先做就左一次機會，可以見個面，開開心心咁食個飯。一向朋友都好怕腥，少少腥都已經想嘔，不過佢話呢間doraya d魚生飯佢係食到落口，用料算新鮮。朋友講到咁，唔試對唔住自己，不過去到都排左20分鐘先入得，幾旺場！我就叫左個 香蔥伴藍鰭吞拿魚腩蓉、呑拿魚中腩壽司飯定食（$178），黎到個賣相唔錯，吞拿魚腩蓉幾新鮮，無腥味，食落魚油味重，帶甘香，送飯一流。呑拿魚中腩屬厚切，但油感略嫌重左d，未入口已聞到陣油味，我個人會覺得重口味左d，但愛食油脂感重嘅朋友相信會好鐘意。Overall 以呢個價錢黎講，定食doraya係做出同等食物水準嘅定食店。美食配美人，成就一次美麗約會。提提大家: 呢度有限時90分鐘，如果打算叫三兩碟刺身，加兩支sake慢慢嘆的話，就未必適合啦！

諗住化少少吾開心為食慾，所以，決意大吃一頓數個月都冇嚟，依然，人頭湧湧，門外有人龍，不過，好快就有位...必食半生熟呑拿魚扒飯套餐，吞拿魚新鮮彈牙，配上特製的魚汁，更加昇華魚的鮮味加$10有蜆湯，相得益彰，好味到停不下來..鹽燒三文魚腩, 夠肥美，夠香口，真正做到皮脆肉滑日本生蠔，個子不大，有蠔味，夠鮮，有汁液完全保持往常一貫的水準，值得贊揚