定食 Doraya (駱克道)

營業中

休息中

今日收工突然好想食魚生飯～男友就提議不如去定食 Doraya啦～ 諗落好耐無食～都好喎！於是收工就衝咗去食啦～係行去嘅途中不停暗暗希望唔使等位，因為天氣好熱絕對唔想企喺條街度溶咗咁果然向宇宙下訂單係有用，我哋一去到就咁啱有人埋單可以直接坐低！太好了！不過定食doraya係主打日式小型丼飯店，座位真係比較狹窄，不過唔緊要～大家當親近啲啦我每次嚟都係忍唔住要點同一個丼飯～就係藍鰭吞拿魚扒丼定食～我次次睇menu都始終覺得呢個藍鰭吞拿魚扒丼定食係皇道！然後加了$10點了大蜆面豉湯~呢間嘢食丼飯會跟埋漬物，日式蒸蛋同埋一小碟前菜～非常滿足～大蜆面豉湯非常鮮甜～仲有好多隻煮到啱啱熟嘅大蜆～我覺得加$10去要呢個湯係非常值得！大家記得試下～另外前菜係黃色嘅蘿蔔..個人嚟講對呢樣前菜無咩興趣..所以無食另外漬物係蘿蔔同蒟蒻～炆到好淋嘅蘿蔔同煙煙靭靭嘅蒟蒻好大對比但係又出奇地好夾～最後就係日式蒸蛋～裡面有蟹柳，鳴門卷同埋少少扮魚翅一樣的粉絲～非常好食～咁豐富嘅前菜已經令我飽咗1/3藍鰭吞拿魚扒丼上面鋪滿淨係燒咗表面嘅藍鰭吞拿魚扒，每塊藍鰭吞拿魚扒都係厚切非常有口感～食落完全無腥味！每塊藍鰭吞拿魚扒上面

這間餐廳一直都好多人排隊，有時候經過，見到人龍就怕怕。可能是過了那一個年少輕狂的歲月吧，總覺得排隊等食倒不如爭取時間回家休息。今天晚上，見沒有人龍，所以就膽粗粗地走進餐廳內。原來已經客滿了，還是要等。心想：都來了，就試試係咪甘好味。等著等著人也多起來，慶幸我們很快就被安排入座了。早已在等位的時候看過餐牌了，所以很快就點餐，食物也很快就送到面前了。藍鰭吞拿魚扒飯定食 因為在很多社交平台都有照片及評論, 睇過很多很多, 多數都大讚, 不其然地, 有了很高的期待。不過, 期望愈高, 失望就愈大, 可能這是恆久不變的定律。當看到這個定食送到時, 心裡還滿開心的, 因為吞拿魚真的超厚切。而且又用火槍燒過表面, 看上去就已經好吸引。但是食落口, 又不是真的好好味。可能是因為燒過, 表面的肉有點實, 而入面的肉又有點腥, 總之這吞拿魚不是好好味。這就是期望過高的後果嗎? 忘記了這是甚麼定食, 是肥膏點的。反而這一個三文魚飯更出色, 三文魚一樣都是厚切, 口感非常好而且好滿足!另外, 三文魚腩也好肥美, 又是厚切, 滿口甘香! 而且三文魚籽脆卜卜, 好新鮮, 只是略嫌有點過鹹。但都比吞拿魚的好吃。另外

有一晚好夜先收工，喺銅鑼灣好多餐廳都準備閂門，唔想食咁熱氣，就揀日本刺身丼飯啦！大約夜晚10點嚟到，需要等一等位，大約10分鐘就都市型可以。即刻order海膽藍鯨吞拿魚蓉丼、吟釀同拖羅壽司🍣☺️拖羅壽司$40/件睇下幾肥美，拖羅入口即溶，壽司飯也不錯~推介😋極上吉乃川海膽藍鯨吞拿魚蓉丼$279 其實餐牌上每樣都好吸引配搭多，價錢同質素都合理！都推介呢間餐廳😋定食 Doraya星期一至五 12:00 - 15:00, 18:00 - 02:00星期六 12:00 - 16:00, 18:00 - 02:00星期日 12:00 - 16:00, 18:00 - 01:00地址: 銅鑼灣 駱克道451地下電話: 28348851分店: 尖沙咀

熟悉銅鑼灣嘅人對呢間魚生飯應該都唔陌生。今晚成11點半先到餐廳，臨近關門時間店內只有小貓幾隻。自選丼：兩份大拖羅同油甘魚 ＄243中拖羅同海膽沽清所以叫咗兩份大拖羅同油甘魚。Doraya 嘅魚生一如既往咁厚切，可惜今晚嘅拖羅麻麻地，話就話大拖羅但粉嫰程度同油脂分泌好一般，由相可見邊位更係紅色，而且好大陣雪藏味同多根。相反油甘魚就唔錯有魚味同肥美。沙律同蒸蛋跟餐附送要求不太多。蘑菇味增湯味增湯有啲咸。加$15 可轉油甘魚湯。建議唔好臨近關門先黎，雖然唔使等位但拖羅有啲賣剩蔗嘅感覺。

之前都係食尖沙咀嘅Doraya,今日過海就嚟呢間食。每次例牌都叫三併魚生飯，一定要叫甜蝦他他、藍鰭吞拿魚腩，另外兩款今次就叫吞拿魚腩蓉同三文魚。另一半就叫炸豬扒定食。我個飯好快到左，先講我最愛甜蝦他他，佢望落去就似打邊爐叫嘅蝦滑，食落非常鮮甜，一份有30g,真係有衝動想叫兩份😍呢度出名藍鰭吞拿魚扒，梗係要叫啦。呢款個面輕輕煎過，一咬落去好香又唔會好漏，雖然得三件，每件都係厚切。至於吞拿魚腩蓉當然冇藍鰭咁香，唔雖特別好味，三文魚係厚切，但係魚味偏淡。另一半嘅吉列豬扒定食就等左十分鐘，塊豬扒應該唔係一塊過，佢兩邊啲肉有啲唔同，就咁睇都睇得出係併出嚟。而啲炸粉唔算厚，但唔係好鬆化。就於唔係專門食炸豬扒，所以佢整得算係咁啦。

生日飯7點去到唔洗等就有位鋪位唔大，坐低過咗一陣已經full house壽星叫咗海膽吞拿魚腩蓉丼飯既份量適中，撈完之後 每啖飯都有海膽同魚蓉食落好滿足不過我自己就一向唔鍾意海膽既味 幾好既海膽我都覺得有腥味我試咗一啖 海膽對我嚟講都係有腥味（不過壽星表示完全唔腥 好正）但係魚腩蓉的確好好味我叫咗自選丼：帶子 三文魚 吞拿魚中腩 燒吞拿魚扒燒魚扒好惹味魚生冇得輸帶子係我覺得最好味既 有種「this is heaven~」既感覺

昨晚,我同朋友們一行5人去左呢間Doraya定食屋去食飯,Happy Sunday! 為黎緊既Blue Monday叉叉電。入面裝潢好有日本既小餐廳果份溫馨感,適合三兩知己小聚一刻,不過香港人生活節奏快到咁,又唔想出面D人等咁耐, 食完就快快趣走。一入去放眼望去,座位都冇30個..唔怪得之要等啦,好野真係要慢慢黎!!我就叫左個大腩飯,朋友們就叫左其他既魚生飯..一夾個吞拿魚大腩入口,一個字----香!!滿滿帶有魚香既魚油係個口到爆出黎,驚為天人!! 不過唔食得多, 驚會濟..就俾左2-3塊老公食。而佢呢, 就叫左個海膽三文魚飯食,雖然呢間餐廳主打係吞拿魚,不過其他刺身都做得好出色,呢個價我就覺得抵俾既!!

週六來吃個好一點的晚飯。其實知道有這店好耐，但從來冇諗過去。是日來到銅鑼灣，醒起有佢就去試下。約七點來到，前面有三對人等緊。要拎飛。等左廿分鐘就有得入座啦。店入面不算太大，大約可以坐到廿人。睇完menu 我地決定左叫以上的東西。製作時間大約十分鐘。我好喜歡平目魚，特別是燒過的。魚油超豐富！又香入口溶化好好食。在一般壽司店食壽司時，我都會點上較多人造wasabi 同豉油去食，因為有時魚不鮮用刺激味蓋過。但在這裡，魚是。新。鮮。的。所以用天然 wasabi 小小都好好吃了！吞拿魚腩雖不是拖羅，但魚味質感都好好。點菜時可選白飯 or. 壽司飯。我們都選了壽司飯。友人的魚蓉也很好吃，份量配合好。既可以啖啖有魚有飯，葱香和魚就是很配合啦。我都食左幾啖😋我們只叫了普通麵豉湯，味道正路。配菜的蒸蛋也超滑的，不會過咸。對我不是飯筒的女生來説，是超夠飽。所以要分點飯給友人。但整體食物質素我們都好滿意😊總括來說，食物好，這價錢雖不便宜但合理。偶像來吃一次，是可以的😍😏

係Time square 做完facial，行過兩條街就到Doraya。時間尚早，未到晚飯時間所以未見人龍湧現。店內座位大約20個，所以不建議踏正晚飯時間來，試過10點來都要等2-4張飛。尖沙咀都有樓上分店，樓面面積比銅鑼灣地舖大得多。魚生新鮮程度兩間相比之下，感覺銅鑼灣比較優勝。Doraya 落場時間係3-6pm。之前3點3諗住黎食個下午茶，結果摸門釘。配菜有沙律，蒸蛋同湯。北海道海膽$118，大拖羅$98，油甘魚$47。呢個配搭屬自選組合，基本上每次來都一定咁叫。除非有時海膽沽清，就會轉深海池魚。拖羅油脂分佈平均，咬落去滿滿魚油。溫馨提示：叫拖羅嘅時候，不妨叫幼根。睇得出每片魚生都十分厚切。原先跟餐係味增湯，+$10 可轉蜆湯。可見每碗有三大隻蜆。而且唔係得個殼，係隻隻都有肉！湯底鮮甜，飲得出用料新鮮。更值得一讚係無沙，十分乾淨。沙律方面有：粉絲，海草，蘿蔔，火腿，芝麻埋單連加一 $300，性價十分高。

之前係去尖沙咀個間定食DORAYA, 我覺得銅鑼灣呢間好食D 喎!佢個自選魚生飯, 係有左口魚邊WHICH尖沙咀分店係無既~我今次係食自選魚生飯, 真係新鮮喎~個魚生飯本身送麵豉湯, 蒸蛋(一般), 兩碟仔前菜一定夠飽, 會再去食

Doraya is one of my favourite sashimi don restaurant in HK!!! When I was young , I came there very frequently. The Tuna sashimi don was very good before.But this time I come, I am very disappointed!!!I ordered this middle toro sashimi with the minced Tuna. The middle toro is not fat enough ... it was quite similar as the normal tuna sashimi ... and it’s sliced so thin as well. I think i won’t come there again .

👉🏻自選丼🍱💲132(三文魚3片💲36, 香燒藍鰭吞拿魚扒3片💲50, 香蔥藍鰭吞拿魚腩蓉30g💲46)呢間係出名食吞拿魚🐟又真係幾好味🤤呑拿魚扒點個甜甜地嘅醬係估唔到咁夾🤓呑拿魚蓉好滑但又唔個超溶一pat嘢咁 又冇根😋三文魚就一般 不過佢超厚😙飯嘅份量都幾多 好似1:1所以唔會話食淨太多飯🍚佢仲有沙律、味噌湯、蒸蛋 超飽🤣〰〰〰〰〰〰〰〰〰〰個人認為好食過「鉄火堂」嘅自選丼同「superdon」同「爆丼屋」嘅三文魚呑拿魚丼🤓呢間啲刺身好食啲

店內金毛女職員態度異常惡劣,午餐繁忙時間嘈吵,講野又一舊舊,聽唔清楚佢講咩好正常,佢竟然伸手狂篤我手上既餐牌,篤足兩三秒,篤到你叫完為止,而冇諗住行返近D重覆講一次,坐對面既食客見到佢咁既舉動都呆左,收我加一服務費黎受氣?哈哈~野食OK又點(烏冬湯底好鹹),服務態度都好重要,我都廢事同佢講,驚佢加料(或者可能已經加左,哈哈),嗱嗱聲食完就走未試過食餐飯受到咁既對待,Happy Friday都俾你搞到唔happy啦下嘛?總之唔會再幫襯,叫埋身邊既人唔好幫襯~

事隔接近九個月，再次來到Doraya。我明知道餐廳位置有限，又多人光顧，於是提早至六時半到達。結果⋯⋯還是要等待大約30分鐘才入座，這証明Doraya真的有許多fans！想來朝聖的朋友記得早點來等位！坐進幽幽的餐館，我與友人想也不想便點了心頭好！香蔥藍鰭吞拿魚腩蓉·中拖羅壽司飯中拖羅很有光澤，非常新鮮。放進口裡，已有融化的感覺🤤當然，由於中拖羅非大拖羅，所以會有點筋。另外，我非常欣賞Doraya的日式蒸蛋。蛋質非常滑溜，少量的肉令蒸蛋更有鮮味。三兩口便「爬」完了😢最後，大家要留意一下他們最新的營業時間喔！

我估計排隊係呢一間舖嘅特色， 可能因為係佢店舖太細啦， 又或者佢啲吞拿魚好味啦!如果你想試下， 我建議你九點後先嚟攞位 ，會容易啲有位嘅。店舖真係太細,坐得迫,亦唔好諗住食完坐多陣,價錢唔平。其實食吞拿魚梗係食整塊啦! 不過我好多心 又想試下佢個碎腩喎!結果係碎腩鍊贏咗成塊呀! 成碗碎腩食曬都唔覺得膩， 相反，一塊一塊吞拿魚食，食到第四塊嘅時候已經覺得好油膩。 再加埋啲白飯,簡直係飽到嘔呀! 仲未計飲埋嗰啲麵豉湯,食蘿蔔......不過講真啦! 唔使去日本都食到咁嘅貨色， 算唔錯喇!