完美煮意 (已結業)

好耐之前吖思就已經話要請我食飯啦，不過兩個人嘅timing成日都夾唔啱，搞到哩個約定過咗好耐都實現唔到，搞到我都差啲唔記得咗啦，喺哩兩日咁啱傾起食飯先醒起，佢仲差我餐飯！就係今日！餐廳環境好別緻，啲檯同凳都系偏深色系列，燈光嘅顏色好warm。An then墻上嘅掛飾好復古。坐低之後以為哩度會系偏西式嘅餐廳，睇完個menu先知道，除咗西式之外，仲有台式嘅野食！品種仲有好多添，一個個套餐都唔貴。先上嚟幾樣小食··有炸洋蔥圈、薯角&蒜蓉包。三樣嘢都系裝系個鐵桶仔入面，醬料有兩種，一種應該系辣醬，另外一種味道似蛋黃醬。可能三樣都係炸物，所以都好香好脆。食完之後覺得炸物未食夠，之後又點多個甜辣燒春雞。雞嘅味道好香，絕對系啱啱新鮮出爐嘅，熱氣仲喺上面飄~~！雞肉好嫩好香。

同事有時過黎食，因為大圍$300下次有9折，但係我食過3次期間，已有2次食物貨不對版。第一次有作出更換，今次牛肝菌雜菌意大利飯，只有切薄片很小的鮮冬菇，什麼都沒有，而且賣相味道似炒飯，更換後，賣相完全不一樣，鮮冬菇少了、多了兩片白色的菇，也是很幼細，牛肝菌味道有很輕微，牛肝菌要用放大鏡睇。店長給我的時候，表情態度好差，還說，佢地呢味係咁整既，意思係，唔好再投訴，冇得再換。餐湯好鹹。台式套餐好鹹，而且一D都唔似。服務生態度不良好。

今日公司派花紅，咁開心既日子，為左慶祝下於是同左同事齊齊去食吓野~去到已經渴到無得，所以啦啦聲點左一杯凍蜜糖柚子茶同香芋珍珠奶茶，解解渴嘅同時可以提提神，成個人都精神曬。第二道沙律同蒜蓉包，黃瓜好青脆，番茄相對一般，沙律岩食左小小，蒜蓉包好香脆，味道散發住咸香味。帶子大蝦意粉，酸甜開胃，實在不可多得喇，分量又足夠，很是滿足~同事A就揀左燒茄子肉燥飯，味道濃香誘人，茄子又勁入味，每啖都包含著肉汁既精華，美味得令人想一食再食蒜蓉木耳都出乎意料好正，特別系果陣蒜蓉味，雖然話好濃，不過奈何人地真系好香咧。總括呢度既環境好安靜舒適，食飯嘅同時可以感受到侍應好熱情，可以再來食過！

今過到觀塘辦完事，經過呢間完美煮意就同同事仔入去一探究竟，睇下系有幾咁完美啦。入去一睇呢個環境，嗯，簡約得嚟又好舒適，環境完美！可能系工作日，呢個時候唔系好多客人，大把位！！食夠30以上就有小食送，重點系同事仔話佢請客，呢個下午茶夠抵食啦，哈哈。做嘢做到口幹，當然要整返杯凍檸檬水飲下先啦，檸檬夠曬新鮮又唔會覺得太酸，同冰水搭得好爽。羅宋湯，份量足夠下午茶享用。味道好正宗，完美！！沙律，簡簡單單的健康食品，我的至愛啊！呢碟沙律，全部食材都系新鮮的，無參到過氣食材，玉米都系嫩嫩的，一點都不覺得老！蒜蓉包，表面脆卟卟，濃濃蒜香味，再配上羅宋湯，正！香煎帶子忌廉雜菌意粉，主角最後出場！睇果兩粒帶子，大大粒，實在太誘惑人啦，雜菌配埋D醬料同意粉一同入口，口感非常好。自己睇返張相都又想去食多次！！

啱落班，吖媽就打電話嚟話屋企無人，叫我今晚自己一個人喺出面自己搞掂自己…冧一冧自己已經返咗成日工啦，攰到隻狗咁，喺附近是但搵間餐廳食完就返屋企啦~~~一個人實在食唔到幾多嘢，落班啱好飯點，餐廳人好多，不過勝在我係一個人好快就有位啦。一定要講下佢哩度嘅擺設，非常別緻！！就連一隻碟都好特別。番茄醬忌廉大蝦意粉135蚊就有一份啦，大蝦喺真係好大一隻，另外仲有兩隻比較細嘅蝦，應該品種喺唔同嘅，畢竟大蝦打咁多！！蝦嘅肉質好爽，我仲會食埋蝦頭嘅，吮一吮啲汁，perfect…意粉食落有淡淡嘅番茄味，酸酸甜甜。都唔知有幾耐無飲過珍珠奶茶啦，今次終於有機會重溫下珍珠嘅味道！~~奶香味好濃郁，亦都非常有茶味。珍珠喺底底有好多，一啖奶茶再混幾粒珍珠，好軟熟好彈牙！

完美煮意，聽朋友仔la la提過佢好多次啦。終於穩到機會嚟試下傳說中嘅佢！環境唔系想像中嘅豪華裝修，而系比人一種簡單寫意嘅感覺！！蕃茄醬忌廉大蝦意粉，大大只嘅蝦擺系上面，意粉煮得啱曬我口感，唔梗又唔會太軟熟！令人非常回味！青蘋果綠茶，青蘋果+綠茶味，搭得好特別，我自己平時唔中意茶味，lala話好飲，我都試左下，我都可以接受叫只味，感覺唔到討厭嘅茶味，又帶住D青蘋果味，好特別的感覺！！珍珠奶茶，好香滑，沉底珍珠大大粒，越食越想食。沙律前菜，看似好普通，但食材都非常新鮮，新鮮又健康，值得一點！！台式鹽酥雞扒肉燥飯，好大塊雞扒+1只蛋，先 $ 68！ 好抵食！！雞扒肉熟度剛剛好，無癡牙，汁夠多，飯扒光！！

一下無意之間見到哩一間餐廳，裡面嘅燈光好似好暗甘，我系出邊除左覺得好似有D高級之外就無其他想法、的確裡面嘅裝修都系精緻嘅，而且我去嘅時候真系好少人，所以我就帶著好奇既心態下入左去試吓~之後就點左法國焦糖燉蛋，焦糖味道比較重，不過好在係我鍾意既重焦糖味，好好聞之餘仲好好味呀燉蛋火候岩好，燉蛋非常之嫩，甜中帶有鮮，好食。臺式食物講真，真系無覺得會好好味咯。不過勝在價格夠公道，絕非系高消費，而且套餐都會搭配熱咖啡或者熱檸茶、熱檸水等幾樣，所以覺得都無揀錯~仲有德國鹹豬手，豬手都幾大嚇，我自己見到嘅時候到嚇左一跳。味道真系比較鹹口嘅，豬手嘅肉質都系俾一般嘅要軟化地，而且好爽口，最出邊嘅一層金香又脆口，下次我都要再食豬手，十分推薦。

每日落班之後好多時候都系自己買餸煮飯嘅，不過哩個星期就真系好攰，不僅系因為生活上嘅事情，更多系工作上嘅壓力，落班之後再也沒有心情同閒情去行超市買餸煮飯喇，唯有系出邊解決自己嘅一日三餐喇。最近get到一間覺得好好食嘅餐廳，其中有一個臺式鹽酥雞扒飯，肉燥飯。雞扒飯好多件雞扒，鐘意食雞扒嘅就好有福氣喇，每一塊雞扒上面都系慢慢嘅醬，所以令人覺得好入味另外搭配一小份嘅青菜-生菜，真系正正岩曬我嘅心意啦，畢竟我系一個三餐都無可以離開青菜嘅人。食完一個肉燥飯之後再嚟一個蔬果沙律，更加有助於消化，沙律勁新鮮。蜜糖柚子茶好清甜，柚子味道好清新，聞落覺得好精神好舒服，飲起身嘅時候柚子味道又好似無咁濃，潤喉，甘甘啲。侍應都好落力，成個就餐過程都十分之關注我地嘅需求和要求，乾乾淨淨，覺得可以好放心

有啲時候喺需要有一個好comfortable嘅地方，可以俾自己一個人安靜咁坐一坐，食個飯。並唔喺話約埋三五知己一齊食飯唔好，而喺有時候需要自己一個人。所以我搵到一個好地方！話佢環境有feel真係無錯，店內嘅燈光雖然唔喺好光，但係就好warm。嚟一杯伯爵茶，苦澀得嚟仲有少少甘甜，味道香濃。暖暖地，好舒服。既然一個人食飯，點都要食好啲嘅，雖然哩到啲野都唔貴！黑松露野菌意大利飯，真喺有黑松露嘎！！！黑松露嘅香味就真係唔話得啦，好濃好濃！！！飯摞忌廉汁拌嘅，味道好特別。飯食飽之後覺得仲未夠後，於是又加點咗幾樣。一個系辣薯角配春雞，唔好以為我一個人食唔曬！其實我係大胃王，哈哈哈哈哈。薯角真係炸得好香好脆，春雞食到燒雞嘅味道。最鐘意嘅喺哩個焦糖燉蛋，秘密就係中間嘅焦糖啦，我覺得無咗佢嘅燉蛋喺唔完整嘅！！簡直甜到漏吖….

近排大家工作都系好忙碌，都根本唔咩時間好好出去romantic一下，難得有小小清閒嘅使勁，咁梗系啦啦聲兩個人去撐下臺腳喇，雖然話已經無會有一下開咁嘅熱血激情，當做系獎勵自己喇，好好放一下。最近見到有推薦話完美煮義，比較岩我地哩啲無系好識煮，不過又對生活有高品質高要求嘅，店鋪環境可以話系有情調嘅每一個小小嘅裝飾品都好新奇。星洲咖喱吉系列豬扒飯，豬扒好大一塊，可以見到表面系已經煎到好脆嘅喇，而且咖喱味道好香濃，咖喱汁好濃稠，同豬扒岩岩好滑好搭喇，反正我系咁樣可以好好送飯喇。茄汁焗 豬扒，雖然都系同樣嘅做啊翻，不過味道方面卻相差比較大。茄汁味道鮮甜可口，豬扒 外脆裡嫩，搭配上茄汁嘅鮮甜真系好一分一毫多無會嫌多咁滯。食完之後食翻啲沙律同飲啲凍檸茶，真系好愜意吖，早知道就沙律咁好食我就應該上臺就食多啲沙律喇。無後悔，下次有機會繼續去！

觀塘工廈入面嘅餐廳選擇好多，有一日機緣巧合之下，黎左呢一間完美主義，個餐廳名改得幾好。去到嘅時候係啱啱開舖，所以冇乜人，而餐廳都好似未準備好晒咁。午餐時段食物選擇有西式同埋台式，我哋就揀咗食台式，滷水拼盤肉燥飯同滷水雞翼肉燥蛋湯米粉。味道其實真係好普通，唔算叫好食，滷水味好淡，賣相亦幾hea~結論係唔會有下次。環境氣氛： ★★★☆☆食物質素： ★★☆☆☆服務態度： ★★☆☆☆

在街上收了這間餐廳的傳單，惠顧有小食送，便和同事上去試一試。我們都點了台式鹵蛋豆腐豬軟骨飯，我覺得豬肉連飯吃剛剛好，但分開吃就太鹹了，同事就覺得太淋。鹵肉飯的味道可以。有菜又有熱飲60元以下，味道也算不錯，下次可以再試其他。

第二次去喇第一次去食台式野，今次試西式。朋友仔早到，唔使坐高枱呢個62蚊餐有餐湯之餘，仲包一杯飲品。餐湯係紅湯，有好多蔬菜（湯渣）不過個味就唔太濃，同埋酸左DD意粉好清新，唔油膩。有好多蜆肉丫，而且都比較大粒。加左洋蔥粒去炒，有口感意粉軟硬度適中(個人唔like煮過龍，又或者似未煮熟的)份量啱啱好，又可以再encore.呢度坐得舒服，又有人送餐。不過要自己出去買野食

陪完朋友攞貨睇戲後，又係時候搵食，見派傳單開左新餐廳，dinner set 88蚊起，貌似唔錯又上去試下先。跟餐的沙律，菜只有西生菜，但好在新鮮，爽口，而且麻醬下得很多。餐飲轉凍飲加3蚊，轉特飲加15蚊，要了凍檸茶同茉香奶茶，夠哂凍啱哂呢排咁熱飲。加30蚊可以有兩款小食，要左三款小食同一個甜品，左起洋蔥圈，薯條同蒜容包，炸得太乾身了點，蒜容包硬過餅乾。西班牙海鮮炒飯 $155主菜要左呢樣，份量有點少啊……海鮮係冰鮮貨，味道一般，飯用的是珍珠米，炒得不夠香口，頗軟腍亦沒什麼味道，有點失望了。燒烤醬燒香蒜惹味豬肋排 $88另一款要左呢樣，豬仔骨幾入味，呢盤啲薯條無咁乾身喎，幾好味，不過又係好細份。香煎帶子雜菌忌廉意粉 $128仲點左呢樣，意粉彈牙，雜菌下得幾多，不錯。加錢可以有甜品，是日係焦糖燉蛋，蛋好滑，甜度適中，全晚中最有驚喜。食物味道一般，價錢進取，勝在環境濶落夠冷氣幾好坐，而且無時限，食完野都可以繼續坐下吹水。

今晚舊生同學會完結了，小敏跑到我公司樓下的完美煮意西餐廳吃晚飯，我們七時半，找到一個很舒服的位置坐下來!小敏和我都是大隻妹，於是我們决定叫兩個晚餐一起分享!首先餐湯是雜菜湯，熱辣辣而且酸酸甜甜真的很開胃!沙律也十分新鮮，加上醋汁，真的很清新!我的燒烤醬燒豬肋骨，用上燒烤汁烤真的很夠味，而且烤的時間剛好，醃得也很入味，入口啖啖肉香，伴上沙律和香脆薯條真的很美式feel!另外忌廉焗帶子磨菇意粉，帶子很新鮮而磨菇也很清甜，口感一流!迷你甜品是焦糖燉蛋，又香又甜!再加15元有台式的冰蜜糖綠茶真的很香很解喝，上樓的cafe 真的很不錯!