完美煮意 (已結業)

啱落班，吖媽就打電話嚟話屋企無人，叫我今晚自己一個人喺出面自己搞掂自己…冧一冧自己已經返咗成日工啦，攰到隻狗咁，喺附近是但搵間餐廳食完就返屋企啦~~~一個人實在食唔到幾多嘢，落班啱好飯點，餐廳人好多，不過勝在我係一個人好快就有位啦。一定要講下佢哩度嘅擺設，非常別緻！！就連一隻碟都好特別。番茄醬忌廉大蝦意粉135蚊就有一份啦，大蝦喺真係好大一隻，另外仲有兩隻比較細嘅蝦，應該品種喺唔同嘅，畢竟大蝦打咁多！！蝦嘅肉質好爽，我仲會食埋蝦頭嘅，吮一吮啲汁，perfect…意粉食落有淡淡嘅番茄味，酸酸甜甜。都唔知有幾耐無飲過珍珠奶茶啦，今次終於有機會重溫下珍珠嘅味道！~~奶香味好濃郁，亦都非常有茶味。珍珠喺底底有好多，一啖奶茶再混幾粒珍珠，好軟熟好彈牙！