孖沙茶餐廳 (已結業)

眾所周知，豆腐火腩飯，男人的浪漫，不過，今日來到舊區西環，發現一個充滿潛質的新秀，就是孖沙茶餐廳的三蛋飯。中午時候來到，三蛋的正印伴侶－叉燒已經沽清，唯有退而求其次，選擇肉感較強的午餐肉，嗌多句：「太陽蛋，多豉油，唔該！」。如果火腩是代表經過歷練，那麼孖沙茶餐廳的三蛋就是代表深藏不露。可能你會話「餐蛋飯就餐蛋飯啦！加多隻蛋俾盡你咪廿二蚊碗！露咩呀露？咪懶有型啦！」不過，三蛋比起雙蛋優勝之處不止多了一蛋，而是讓你多了一種食法。蛋漿撈飯、餐肉點蛋、原蛋入口……總之給你多一個機會，任你發掘更多可能。更高超的是，三蛋都煎得如此誘人，你不弄穿蛋黃，就從來不會知道當中是何等澎湃！開放式格局，擠迫的坐位、似有還無的冷氣，帶女神來就一定全程西面。但對於沒女神可帶的我，一個舊區，一碟$35的碟頭飯，附送店外平民風景，還可呼吸那屬於舊香港氛圍的空氣，此刻，我都覺得我是一個浪子。

又到中午吃飯時間，今次來到有不少OL光顧的孖沙茶餐廳，當然要第一時間品嘗馳名三眼仔叉蛋飯。三隻太陽蛋果然有睇頭，輕煎的太陽蛋放在飯的表面，配上豉油，稱得上惹味之選， 新鮮的蛋汁很快就沾滿整碟飯。可惜叉燒太瘦，質感略硬。三隻蛋始終有點邪惡，三高人士要小心!奶茶放了太多奶，以致茶味不足。整體一般 。

小弟喺呢區做野已經幾年，早期聽同事講佢地d太陽蛋飯好出名，之後食過幾次，係唔錯，之後間中仲會叫下炒野食，都ok好味。不過之後佢地速度愈黎愈慢，除時等半個鐘都唔係奇事 (外賣特別嚴重)。今日咁岩經過，見唔係好多人，就搏一搏叫左個炒野外賣，等左一陣，有位同樣都係等外賣ge先生問個阿姐佢碟炒野得未，因為等左好耐，個阿姐即刻問廚房，之後個阿姐好悔氣咁講：「未得呀，再等下啦。」如是者，再過多兩、三個字，果位先生碟野仲未有，結果佢話唔要，個阿姐即刻退返錢畀佢。中間呢段時間，好多電話、walk in客想叫外賣，個阿姐都係勁悔氣話：「起碼要等半個鐘ga，冇計。」我心諗：「你接唔切單就唔好接啦，成日好似唔休做咁。」結果我碟野都要成三、四個字先有，份量仲要細左，又難食左，我諗唔到咩理由再幫襯。我去幫襯大排檔，人地得兩個伙頭，多單極，我都係試過等10mins左右，仲要好夠鑊氣。

上環不嬲都係一個隱藏好多美食嘅地方某日lunch去到孖沙就係為左呢碟三眼仔蛋飯三粒蛋嘅蛋黃都煎得好靚唔捨得食嘅同時又好想篤爆佢呢個價錢係上環區黎講都算係咁架啦畢竟係上環食lunch下下都要四十幾蚊-另外一提嘅係餐蛋飯 / 叉蛋飯 係晏晝先開始有而且lunchtime太多人嘅話會唔做所以大家就避免lunchtime時間過去啦因為都好大機會要排隊先可以入座餐肉煎蛋飯 $35 

遲起的鳥兒冇蟲吃， 我地太懶去到孖沙已經3點啦，叉燒已經賣晒，得餐肉！於是我地order左餐蛋飯！孖沙餐肉煎蛋飯 + 凍奶茶 $35.真係好似3眼仔！餐肉應該係平價的餐肉吧！三片餐肉加上三隻郁郁貢嘅太陽蛋，淋上甜鼓油！𠝹開隻太陽蛋，啲蛋漿如泉湧般流入啲飯度，每啖飯都有蛋漿😍 ！正呀！值得一提嘅係杯凍奶茶都唔錯，夠茶味！

好中意食呢間孖沙，簡簡單單既材料都可以食出好味道！而且好有人情味叉燒煎蛋飯($35連野飲)，呢個飯又叫「三眼仔飯」，哈哈三大隻太陽蛋，太陽蛋既蛋汁加豉油撈埋飯真係好好食，好似細個食既荷包蛋飯咁最梗要就梗係配埋叉燒啦，叉燒份量相當多，瘦叉燒唔會話好肥，就算平時唔係食好多飯都唔覺唔覺食哂成碟飯凍奶茶都係必飲啦，濃茶味，香港茶餐廳既味道不過呢間既飯真係好快賣哂，lunch hour仲要排隊去食，坐底已經話得番最後一碟叉燒飯，食食下就已經聽到蛋飯要停一停，果然係好生意！

Persistence and a bit of stubbornness pays off! I came here early and finally got to try the coveted 3 sunny side up eggs with char siu. Mixed the yolk in with the barbecued pork, rice and sweet soy sauce, and you got the ultimate HK style comfort food! All for only HK$29.

上環好多出名既食肆... 而呢間孖沙係一向多人排隊... 最出名既係叉燒煎蛋飯平時OFFICE 放LUNCH路過呢條街基本上唔洗諗, 一定冇位... 一定要等... 呢日咁好彩冇人排之餘仲好好招呼呀第一次黎, 不過叫返出名既名物先~ 叉燒煎蛋飯, 大量既豉油呀!!! 真係唔講得笑, 爆多蛋, 多到起碼3-4隻呀!!叉燒都有架... 不過蛋係明顯地多好多呀!!! 煎蛋煎得剛剛好熟, 唔會過火... 叉燒唔算多汁, 但同煎蛋一齊食, 正呀不過入到黎一陣, 外面又爆多人排隊啦.... 超趕咁食完比下一位食家啦如果下次又係冇人排實入黎食呀, 大碟, 又抵食!!! 淨食蛋都半飽啦

懶洋洋起床，來不及自己煮早餐，回到公司附近，就找上這店試試，入到店內見擺設簡陋，再看餐牌選擇不多，原本想離開，但細看價錢，竟然與同區早前我食過的店相差五元，簡直是超平，就姑且一試，這天點了餐肉太陽蛋公仔麵跟鴛鴦走糖(因老闆說出前一丁售罄)，先講這杯鴛鴦走，茶啡比例算平均，味道不算太香濃，也可入口，可惜練奶略多，下次要小甜應該會好些，而公仔麵就淥得出乎我意料的好，麵質夠爽，沒有過淋有咬口；太陽蛋也煎得十分有靈魂，比起樂香園的太陽蛋真是出色十倍，蛋香而嫩滑十分美味；只是餐肉煎得不太夠火喉，未夠香口，口感過於淋軟，份量也有兩片，比起樂香園只有一片肉但價錢却比這店貴，真是難以比拼，以此價格食到這個份量和水準的食物，還有什麼好說呢。

專誠去上環孖沙茶餐廳食餐蛋飯,價錢約$35,其實就係頹飯,不過好用心地煎靚呢三隻太陽蛋,加上甜豉油,飯粒夠煙韌,食既時候整爆蛋黃哥,再咬一小口低質餐肉,其實味道都唔錯呀.(相片質素受燈光影響了,也可能係我既技術問題)

上環區的上班族，如果食開外賣飯盒的，應該會聽過「孖沙茶餐廳」，我喜歡叫佢做「媽叉」。孖沙茶餐廳卻並非位於孖沙街，而是隔離的禧利街，屬家庭式經營，日間是出名的「蛇竇」，好多Sales屎會路過飲杯奶茶，而我多數在午飯時段來，為免等位，我通常都買外賣回公司吃。孖沙賣的餐最大特色是多油、肥膩、多飯、有鑊氣，所以一定吃得飽，可以稱之為勞工飯。俗稱「三眼仔」的三蛋叉燒（或午餐肉）飯，是這店名物，三隻半生熟太陽蛋，加兩大片餐肉，落大量豉油，夠邪惡吧，又只是29元，去邊度搵呀!有時工作辛苦，是要邪惡一下，補充體力，所以點肥都要間中食一次，食完頓覺很飽滿，好滿足！

去孖沙荼餐廳食的人, 並唔係永遠都係食叉燒煎蛋飯. 咁仲有咩可以介紹呢?燒肉飯!無錯, 完全和叉燒煎蛋飯扯不上任何關係, 但係佢既燒肉都唔能夠睇少! 燒肉的確脆皮, 肉質和叉燒一樣鬆. 最後, 就是記得咁樣叫: "燒肉飯, 加蛋!"除了食物質素, 另一方面要提的, 就係耐性! 中午時間, 係孖沙入面食飯, 要抱住"人人為我, 我為人人"的精神, 大家就一就坐迫D, 門口位置要聽話排隊, 黎之前最好停一停, 諗一諗先, 諗咩? 就係: "生蛋? 反蛋? 熟蛋? 太陽蛋?"

孖沙茶餐廳 - 一碟叉燒煎蛋飯走天涯來到這裡的客人，雖然店內有不少菜單上的選擇，但大多只會點這碟頭飯 - 叉燒煎蛋飯作午餐，我亦當仁不讓，選了它果腹吧。在香港，食品菜式要琳琅滿目，客人有得選擇，才是基本要求。偏偏有些時候，我卻鐘情食肆可專注單一項目發展，就是因為這份專注，這種與別不同的歷練下，最終方可自成一家。店長問我蛋想怎樣煎，生蛋，熟蛋，反蛋，太陽蛋。坦白說，花二十七元加飲品總共三十二元可以予我挑煮法，確實意想不到呢。碟頭飯來了，嘩三個蛋黃白煎在一起整大塊，十分足夠。蛋煎得好好，剛剛熟，而不油膩，沿邊透徹不太焦，上了甜豉油，吃下去好好吃。吃得好飽呢。之後叉燒薄切，十多塊，接近十五塊，刀功不錯，吃下去順滑，厚薄大小均一，沒有太多色素，肉本身不膩不乾，不錯，很快一口又一口吃完，好滿足。餐飲熱茶走作一個完美點綴，茶底好將那甜豉油味稍稍中和，紅茶葉香，濃郁，飲下去好順滑，入口不澀，不錯。是時候，可以大刀闊斧，不用賣其他碟頭飯，索性一碟叉燒煎蛋飯走天涯吧。 

來到這裡的客人，雖然店內有不少菜單上的選擇，但大多只會點這碟頭飯 - 叉燒煎蛋飯作午餐，我亦當仁不讓，選了它果腹吧。在香港，食品菜式要琳琅滿目，客人有得選擇，才是基本要求。偏偏有些時候，我卻鐘情食肆可專注單一項目發展，就是因為這份專注，這種與別不同的歷練下，最終方可自成一家。店長問我蛋想怎樣煎，生蛋，熟蛋，反蛋，太陽蛋。坦白說，花二十七元加飲品總共三十二元可以予我挑煮法，確實意想不到呢。碟頭飯來了，嘩三個蛋黃白煎在一起整大塊，十分足夠。蛋煎得好好，剛剛熟，而不油膩，沿邊透徹不太焦，上了甜豉油，吃下去好好吃。吃得好飽呢。之後叉燒薄切，十多塊，接近十五塊，刀功不錯，吃下去順滑，厚薄大小均一，沒有太多色素，肉本身不膩不乾，不錯，很快一口又一口吃完，好滿足。餐飲熱奶茶走作一個完美點綴，茶底好將那甜豉油味稍稍中和，紅茶葉香，濃郁，飲下去好順滑，入口不澀，不錯。是時候，可以大刀闊斧，一碟叉燒煎蛋飯走天涯吧。

孖沙茶餐廳雖然出名"餐/叉蛋飯", 可惜今日黎到已經4時, 過左3:30 供應飯時間.地方係舊式茶餐廳. 叫左: *************下午茶餐***************(1) 豬扒包+熱奶茶 $20------豬扒醃得入味, 肉鬆軟有肉汁. 麵包新鮮軟淋. 整體可以熱奶茶----茶味唔錯, 唔澀, 唔鞋(2) 炸雞脾 (散叫) $17--------雞脾炸得外皮脆, 雞肉唔乾, 雞肉醃得入味,味道剛好唔會咸,  整體不錯總結:下次試下"餐/叉蛋飯"先